Monday, 17 October 2011

أنا قرفان


من الأخر كدة و على بلاطة.....أنا قرفــــــــــــــــان....!!
المجتمع المصري يمر الأن بأسوأ حالة يمكن ان يمر بها مجتمع ما في بلد متحضر...!!
طائفية بغيضة....تبادل اتهامات و اهانات بين المسلمين و الأقباط..حرب اعلامية بين فضائيات دينية مشبوهة التمويل من الجانبين....!!
لا اعلم اين يكمن الخطأ؟!!!
من اوصل عقول شبابنا الى هذه الحالة من التيبس و التصلب....؟!!
من جعل منهم لقمة سائغة لكل متطرف و مهووس؟!!
اهو نظام تعليم فاشل افقد الأجيال الواحدة وراء الأخرى القدرة على التفكير و إعمال العقل....؟!!
ام  ان (مشايخ) السلطة اوصلونا الى هذه الحالة من عدم الإقتناع بكل ما يفتون به او يخرج من افواههم فأضطر الشباب و طالبي العلم و الفتوى للبحث عن مصادر اخرى لإستيقاء علوم دينهم...؟!!
ام ان كمية الخلاعة و الإنحراف داخل المجتمع و على شاشات الفضائيات ادى الى لجوء الكثيرين الى قنوات فضائية (دينية) خارج السيطرة...؟!!
من الذي مكن مشايخ (السلفية) و (الوهابية) من عقول شبابنا يتلاعبوا بها كيف يشاؤن ...يكفرون فلانا و يعلنون الحرب على علان...؟!!
نفس الكلام ينطبق على اقباط مصر
ما هذه الفضائيات الدينية المتطرفة على القمر الأوروبي و التي جعلت من اهانة الإسلام و الرسول عليه الصلاة و السلام  هدفا و غاية ووسيلة لتحقيق شهرة رخيصة و انتشار حقير....؟!!
لماذا تحول عدد كبير من الأقباط عن المنهج المعتدل الى منهج طائفي  بغيض...؟!!
لماذا دائما مسيرات الأقباط يتم فيها رفع (الصلبان) وسط هدير الهتافات الدينية المدافعة عن الصليب و المسيحية...؟!!
من اوصلنا الى هذه الحالة.....؟!!
لماذا لا يدرك البعض ان الدين لله و الوطن للجميع....؟
لماذا لا يدعوا الخلق للخالق...؟!!
لماذا لا يعبد كل انسان منا الله على طريقته و كما يمليه عليه دينه و قلبه و عقله و يترك الأخر يفعل نفس الشيء...؟
لماذا ترك الكثيرون منا امور دينهم و التفقه فيه و تفرغ لدين الأخر و اشبعه نقدا و تقريعا و اهانة و جرح لمشاعر اتباع هذا الدين...؟!!
هل ما يحدث بين بعض الشباب المسلم و القبطي من التراشق بمقاطع الفيديو المتطرفة  تمثل ازمة (تربية) ام ازمة (ثقافة) ام ازمة (علم)...؟!!
ام انها ازمة (ثقة) في المصادر الشرعية للعلوم الدينية كالأزهر الشريف و الكنيسة الأرثوذكسية الذي ارتمى رموزهما في السياسة و في احضان النظام السابق الفاسد متخليين عن مهمتهما الأساسية و الطبيعية و الفهم الصحيح للدين  و متنازلين عنها طوعا لشيوخ متشددين  او لقساوسة طائفيين   يظهرون على فضائيات ممولة خارجية من مصادر متعددة اهدافها غير خفية على اي متابع او مراقب للعلاقات الدولية و لأهداف بعض الدول و اطماعها داخل مصر.
ما يحدث حاليا على فضاء الإنترنت من تراشق لفظي و (قلة ادب) بين بعض الشباب المسلم و القبطي  يذكرني ببعض الأباء و الأمهات  الذين يقرروا التخلي عن تربية ابنائهم والتفرغ للسياسة او البيزنس..
ليتلقف الأبناء مجموعة من رفاق السوء  و يصبحوا (لقمة) سائغة او (عجينة) طرية في ايديهم يشكلونها كيفما شاءوا....!!
هذا هو ما حدث بالضبط.....
ترك الأزهر و الكنيسة دورهما الأساسي في نشر مبادىء الدين السمحة و تفرغا للعب دور (الدمية) في يد النظام السابق  يحركهما كيف يشاء
فكانت النتيجة ان تلقفت الفضائيات اياها  العديد من الشباب المغيب و غذت عقولهم بالطائفية البغيضة و عدم تقبل الأخر ...و هو ما تظهر أثاره حاليا على يوتيوب و فيسبوك و تويتر...و ما خفي كان أعظم...!!
أنا.............قرفااااااااااااااااااااان

23 comments:

  1. طبعا لازم تحس انك قرفان ومش طايق اى شىء حواليك
    اما كل حاجه تكون غلط وكل الناس عارفين ان ده غلط وبيعملوه بردو برغم علمهم انه غلط يبقى لازم تكون قرفان
    فين الازهر والكنيسه زى ما قلت بجد مش فاهم اى تفسير للسكوت ده

    بس بجد السبب فى المواضيع دى كلها من اولها السلفيين لأنهم من بعد ما خلصت الثوره وهما معتبرين ان الثوره بتاعتهم

    ولأن مفيش كبير لا هنا ولا هنا الاقباط كمان شغالين فى الفضائيات شتايم

    معنديش غير شىء واحد اقوله خلاصة كل ده

    لك الله يا مصر

    ReplyDelete
  2. كلنا هذا الرجل
    حاسة ان مصر بقت عاملة زي السويقه
    كل اللي عايز حاجة بيعملها
    بغض النظر عن الحاجة دي صح ولا غلط في مصلحة البلد ولا ضد

    كل واحد كان نفسه في حاجة بيعملها

    ReplyDelete
  3. هى محنة وابتلاء
    وليس لها من دون الله كاشفة

    ReplyDelete
  4. قرفان
    ومين سمعك

    بس عايز الصراحه
    كل اللي انت شايفه ده نتيجه لتلاتين سنه من الكبت

    احنا في مرحله علاج اكبر مرض سرطاني حصل في تاريخ الدوله المصريه
    مبارك ما كانش مجرد حاكم ده كان ورم سرطاني خبيث واحنا بنتعالج منه دلوقتي
    لازم نستحمل العلاج
    وان شاء الله تخرج مصر من الظلمه الحالكه دي
    ربنا يحفظها لينا يارب

    ReplyDelete
  5. كلنا لها يا احمد والقرف مشترك

    بص اسئلتك دى كلنا بنسالها لنفسنا ولبعضنا ونكاد نكون بنسالها لكل جماد في شقتنا ما هما هيوصلونا لحاله جنان

    باختصار انا شايفه ان اللي حصل افاد جميع النواحى

    الجيش لقي حاجه تشغل تفكرنا بدل ما كل شويه مظاهره ونتسائل فين وفين وفين مذا

    البابا شنوده كان عايزة كدة فساكت اوردى وزى ما المظاهره كانت بتقول بيقولوا علينا اقليه احنا ولاد البلد ديه فمصدق هياخد حقه

    الازهر بقي هيطلع يعلق علي ايه بعد ما التلفزيون المصري شوش كل حاجه
    وبعدين محدش علق جات عليه هو

    لك الله يامصرنا:(

    ReplyDelete
  6. اه ناسيت اقول لحضرتك

    انى اخيرآ تمكنت انى اجى اعلق

    احساسي بالمدونه مع جو الاغانى كانى دخلت مكان مصري ميه في الميه عجبتنى اوى

    تحياتى لقلمك ولمدونتك الرائعه :)

    ReplyDelete
  7. والله كلنا

    لازم يكون هو ده حالنا

    هو اللى بيحصلنا شويه

    هى دى مصر بلد الامن والامان

    هو ده الشعب المصرى الواعى المتعاون

    تفرقه وفتنه وصدامات

    ربنا يلطف بينا

    شكرا لحضرتك على سؤالك

    تحياتى

    ReplyDelete
  8. السلام عليكم
    تحياتى
    يا سيدى انها سياسه خلقت الطائفيه فالاقباط يسيسون من قبل الكنيسه والمسلمين يسيسون من قبل الجماعات الدينيه والسلفيه وفى الاخر كلها سياسه
    كلنا نرى انه لا يوجد مشكله حياتيه بين المسلمين والاقباط
    ولكن عندما يدخل الموضوع فى السياسه تجد الطائفيه تطل برأسها القبيح
    تحياتى

    ReplyDelete
  9. اولا سعيد جدا بعودة مدوناتي بلا خسائر في البوستات و اشكرك علي التهنئة بعودتها سالمة
    ....................
    الازمة ازمة تربية و اخلاق و ثقة و غيرها و اي شيء تقدر تقوله
    التربية و التعليم انتجت جيل لا يعرف اي شيء في الدين و حاجة ظريفه خالص ان الدين لا يضاف للمجموع و يقولوا ان الراسب فيه يرسب في الكل و طبيعي لم يكن احد يرسب فيه بل انه كان اخر ماده في الامتحانات اخر السنه و كان لما الدين يبقي اخر مادة كنا نقول خلاص الاختبارات انتهت لانهم كانوا بيحطوه اخر يوم مع الرسم
    واخد بالك من اخر يوم مع الرسم دي!!!!!!

    ReplyDelete
  10. ومين مش قرفان

    ثوره نظيه ابهرت العالم التف حوليها شويه كلاب ولصوص بيسرقوا فيها وبيموتوها

    شويه اعراب الخلق ومشايخ وهابيه وبترو دولاركانوا مستخبين تحت السراير من الخوف وشباب البلد مستبيع وبيقول كرامه حريه عداله اجتماعيه
    ودلوقت عمالين يقلوا ادبهم وعاملين رجاله

    ان بدات اترحم على ايام مبارك كان مدخل كل كلب منهم جحره

    ReplyDelete
  11. islam:
    في رأيي ان السلفيين هم من سرقوا الثورة
    تحياتي

    ReplyDelete
  12. شمس النهار:
    فوضـــــــــــــــى

    ReplyDelete
  13. محمد الجرايحي:
    ونعم بالله

    ReplyDelete
  14. mado:
    بعون الله ستخرج من الأزمة يوما ما
    و لكن السؤال
    متى؟؟
    و بأي خسائر....؟!!

    ReplyDelete
  15. RONA ALI:
    ما يحدث في مصر لن يفيد الا الفلول و اعداء الثورة...
    لم تقم ثورة 25 يناير من اجل هذه الفوضى ابدا
    تحياتي

    ReplyDelete
  16. RONA ALI:
    الف شكر
    هو دة اللي انا كنت عايز اوصله فعلا من مزج الموسيقى مع المدونة
    منورة دائما
    تحياتي

    ReplyDelete
  17. جايدا العزيزي:
    عود احمد
    و ان شاء الله مصر تعود هي ايضا
    بلد الأمن و الأمان
    تحياتي و احتراماتي

    ReplyDelete
  18. فشكوول:
    هي القضية الأزلية
    دخول الدين في السياسة...يفسدهما معا
    تحياتي

    ReplyDelete
  19. ذو النون المصري:
    تهانينا ثانية بعودة مدوناتك سالمة...
    من الواضح ان سياسات 60 سنة من 1952 لحد دلوقتي هتكلف مصر الكثير جدا حتى تبرأ منها
    تحياتي

    ReplyDelete
  20. NODY:
    لقد سرقوا الثورة
    و لكن هل يمكن ان نستردها ثانية...؟؟!!

    ReplyDelete
  21. اخبار سياسية:
    ربنا يصلح الحال ان شاء الله
    تحياتي

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails