Saturday, 30 July 2011

1 إستنطـــــــــــاع

يعني ايه (استنطاع)....؟!!
(استنطاع) صيغة مبالغة على وزن (استفعال)...زيها زي (استهبال) و (استسهال) و (استعباط)...!!
و زي ما (استهبال) من الهبل...و (استسهال) من السهولة..و (استعباط) من العبط...كذلك (استنطاع) من النطاعة..!!
و (النطع) هو الفهلوي....اللي فاكر نفسه صايع ...اللي فاكر نفسه اذكى اخواته ..اللي قرر ان افضل طريقة لكسب الرزق او حتى التعامل مع المجتمع هو (نلقيح) الجتة و سواقة (الهبل على الشيطنة)...!!
في عدة موضوعات -لسة لحد  دلوقتي مش عارف عددها- هتناول عدة مظاهر للإستنطاع في الشارع المصري  اللي ممكن نكون كلنا ملاحظينها بس مش عارفين نعمل معاها اي رد فعل...!!
و غالبا برضة بعد ما نتناول الموضوعات دي هنفضل برضة مش عارفين نكافح (الإستنطاع) دة لإنه غالبا قد تحول فعلا لسرطان في الشارع المصري و لا أمل في الشفاء منه...!!!
-----------------------------------------
اقوى مثال للإستنطاع و الإستعباط في الشارع المصري يتجلى بوضوح عندما (تركن) سيارتك في مكان ما و تذهب لقضاء مصلحة او شراء شيء ما و تعود لتستقل سيارتك لتجد فجأة ظهر شاب طويل عريض يسد عين الشمس اقل كلمة يمكن ان تصفه انه (هلف) و يطلب منك نقود نظير (ركن) سيارتك في الشارع.....!!!!!!!!!!!
يعني انت تبقى راكن عربيتك في شارع الحكومة لتفاجأ بمن يطلب منك (مقابل) هذه الركنة.....بأي منطق...مش عارف....؟!!
انظر حولي لأبحث عن اية (يافطة) تخبرني ان دة (جراج) برسوم محددة......لا اجد....!!
انظر الى السيارة و افحصها لعل هذا الشاب اليافع يكون قد قام بغسلها او حتى مسحها اثناء غيابي فيكون هذه النقود مقابل هذه الخدمة فأجد السيارة و قد ازدادت اتساخا من تراب الشارع.....!!!!!!!
اضرب اخماسا في اسداس...من هؤلاء المواطنين الذين يقومون بتحصيل اموال من مواطنين أخرين بدون اي مقابل يقدمونه او خدمة يقدمونها...؟!!
هم لا يملكون الشارع......و لم يقوموا بأي خدمة للسيارة...او حتى يساعدوك في ايجاد ركنة للسيارة و مع ذلك يطلبون مقابل مادي....؟!!!
مقابل ايه.................؟!!!! و اللهي ما عارف................!!!!
المهزلة تكتمل عندما تقرر ان تدفع بعد ان تقنع نفسك انه نوع جديد من (التسول) و ان الجنيه الذي ستدفعه هو نوع من (الصدقة) و تدعي ان يجعل الله هذه الصدقة في ميزان حسناتك..., لتفاجأ ان هذا (النطع) قد قام بتحديد قيمة (الإتاوة) بنفسه و انك لابد ان تلتزم بدفع 2 او 3 جنيه حسب المكان...........!!!!!!!!!!!!!!!!!!!!!!!!!!!!
الأكثر عجبا ان تجد من هم في نفس الموقف يقومون بدفع (الإتاوة) صاغرين.....بنفس راضية كما لو انه حق مكتسب لهذا النطع..!!
لا أدري هل يقومون بالدفع اما (تكبيرا) للدماغ...و اما لإقتناعهم انهم قد قاموا بركن سياراتهم في مكان يضع هذا النطع و شلته يدهم عليه  و اما خوفا و فزعا من البلطجة....الخ
السؤال الأكثر الحاحا بالنسبة لي هو من هؤلاء....؟!!
و من يقف ورائهم.....؟!!
و من المستفيد من انتشار هؤلاء المتنطعون في كل شوارع مصر.....؟!!
و ما هي الإدارة المنوط بها القبض على هؤلاء داخل جهاز الشرطة....؟!! و لماذا لا تقوم بالقبض عليهم بتهمة النصب و تحصيل اموال من المواطنين بدون وجه حق...؟!!!!
و حتى لا يتهم احدا (الثورة) بإعتبارها سببا مباشرا لأية بلاوي تحدث لنا هذه الأيام...هذا (الموديل) من النظاعة قديم و افراز من افرازات العهد البائد.
و المطلوب ان تختفي هذه (الكائنات) من الشارع بل المجتمع ككل بعد الثورة...و لكن هل تختفي فعلا...و متى؟!!
الله وحده اعلم

14 comments:

  1. دول عينة كل سنة وانت طيب ....تلاقيهم في المطار مستنيينك ....وفي كل حتة....

    ReplyDelete
  2. فيه الف حاجة عايزة تضبط

    كل سنة و انت طيب و رمضان كريم
    :)

    ReplyDelete
  3. عادى جدا وبالعكس دول أفضل حالا ممن يطلقون على أنفسهم مشرفين السرفيس ! تجد بعض البلطجية فى منتصف الطريق يأخذون أجرة المرور من سيارات السرفيس بدون أى مقابل !! لا حماية من تجاوز الشرطة ولا حماية من بلطجية الطريق ولا يحزنون !!

    الحل هو بلد جديدة بشعب جديد استعمال زيرو

    تحياتى

    ReplyDelete
  4. كل سنة وانت طيب وبخير وصحة وسعادة
    ربنا يتقبل منك الصيام والقيام

    الثورة لسه لم تكتمل وحين تكتمل سوف يختفون مع اشياء وناس كتير كانوا ولازالوا غلط

    ReplyDelete
  5. مبارك عليكم هذا الشهر الفضيل وأعاده الله عليكم
    باليمن والبركات
    وتقبل الله فيه صيامكم
    وغفر ذنوبكم
    وفتح لكم ابواب الخير

    ReplyDelete
  6. لسه محتاجين وقت علي ما نفوق
    تحياتي
    كل عام انتم بخير

    ReplyDelete
  7. اسم رائع بصراحة
    شكرا لك

    ReplyDelete
  8. tarkieb:
    للأسف الشديد....ما اكثرهم في هذا البلد

    ReplyDelete
  9. tears:
    يارب تبدأ تتضبط من دلوقتي...!!
    رمضان كريم

    ReplyDelete
  10. foxology:
    من البلاوي السودة اللي الواحد بيشوفها في الشارع اليومين دول
    بدأت اقتنع فعلا ان الشعب دة محتاج تغيير
    تحياتي

    ReplyDelete
  11. شمس النهار:
    و انت بالصحة و السلامة
    و يارب ييجي علينا يوم ما نلاقيش اي حاجة من المظاهر السلبية دي في الشعب المصري
    تحياتي

    ReplyDelete
  12. حلم:
    تقبل الله منا و منكم
    و كل عام و انتم بخير

    ReplyDelete
  13. ذو النون المصري:
    و انت بالصحة و السلامة و السعادة
    رمضان كريم

    ReplyDelete
  14. موقع زواج:
    تحياتي....الف شكر

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails