Tuesday, 2 November 2010

عباد الشمس.....الكافر

video

هو في كدة؟!!!
معقول في بني آدم لسة بالشكل اللي عليه هذه السيدة.....؟!!
تتحدث عن (نبات) بلا عقل كما لو أنه (إبليس) اللعين!!!!
(عباد الشمس) يا سيدتي الفاضلة ليس أكثر من (نبات) من مخلوقات الله عز وجل...و سمي بهذا الإسم لأن هذه الزهرة تغير إتجاهها دائما ناحية جهة الشمس...مجرد خاصية من خصائص هذا المخلوق خصه الله بها دون عباده من المخلوقات الذي خص كل مخلوق بخصائص يتميز بها عن مخلوفاته الأخرى.
لا هو نبات كافر و لا ملعون و لا يستحق على الإطلاق أن تتحدثي عنه بكل هذا الغضب....!!!!
في دول الخليج العربي يطلقون على زهرة (عباد الشمس)  إسم (دوار الشمس) و أعتقد ان هذه التسمية فعلا هي الأدق و الأصوب و لكنهم لم يحرموه او يلعنوه و إنما قرروا فقط ان يسموه إسما أخر أكثر دقة...!!
المحزن في الأمر أن يتلقف المغرضون و الكارهون لهذا الدين مثل هذه (التفاهات) و (الكوميديا السوداء) لينفثوا سمومهم و أحقادهم على الإسلام و المسلمين (وجدت هذا الفيديو فعلا في مدونة أحدهم!!!!).
إذا كنت و أنا و الحمد لله مسلما و قد إستفزني حديث هذه السيدة و طريقتها في الحديث فماذا سيكون إنطباع غير المسلمين حتى و إن كانوا غير متربصين..؟!!
ابشروا يا معشر المسلمين...فلقد إنتهت جميع القضايا الخلافية و الجدلية العميقة و أيضا التحديات التي تواجه العالم الإسلامي و لم يبق امامنا الا ان نلعن هذا النبات الفاجر الفاسق المنحل (إستغفر الله العظيم...مش قادر انطق إسمه على لساني!!!!!!).
و على كدة بقى يبقى اي واحد أكل في يوم من الأيام أكلة مطبوخة بزيت (عباد الشمس) فهو  كـــــــــــــــافر....!!!!
حــــــــــــــــــــــــــــــــــــرام عليكـــــــــــــــــــــــــــــــــــــــــــــــــــــم

38 comments:

  1. زي مانت قولت الناس سموه دوار الشمس علشان تبقي الادق ولسان الانسان يبتعد عن لفظ شئ يغضب ربنا
    انما الست دي نكته او من المتشددين او من الناس اللي مبتفهمش حاجه

    تحياتي

    ReplyDelete
  2. والله هؤلاء المتشددون سواء في فكرهم او في طريقة فهمهم للدين او طريقة تطبيقهم له يجعلونني دوما اتسائل اذا كنت انا المسلمة استغربهم واستغرب فهمهم فكيف بمن هو ليس على دينهم وكيف بمن لا يعرف الاسلام الحقيقي
    هدانا الله واياهم
    دمت بكل ود

    ReplyDelete
  3. طبعا انا لسه مشفتش الفيديو بسبب النت .. لكن لو الكلام زي ما بتقولوا .. يبقي ربنا يهدي العقول ..
    ربنا أكرم الإنسان بعقله .. والإنسان حطه تحت رجليه ..

    أنا مش قادر أمسك نفسي من الضحك .. وربنا يهدي الجميع .
    بس علي كد بقي النبات اللي بيتغذي علي الحشرات من أكله لحوم الحيوان ودا بيخش تحت بند أكل ما حُرم ولا ايه ...

    ربنا يهدي
    ويشفي

    ReplyDelete
  4. الناس دول طول عمرهم موجدين بس ماكنش في اعلام مفتوح زي دلوقتي ...

    ReplyDelete
  5. هههههههههه
    والله مصيبه
    المراءة دى مصيبه
    بس هو اسمه الحقيقى
    دوار الشمس ... ؟
    غباء المراءة دى
    هيودى المسلمين فى داهيه
    ياعمى سيبك من هؤلاء الاغبياء
    وسيبك من المدونات اللى حضرتك بتزورها دى
    لانى انا متابعهم
    ولا اقلك
    مثلا مدونة قطه الصحراء
    دى متابعها
    وبعلق عليها
    ومش بتنشر لى ولا تعليق لماذا لانى اخلفها الراى
    واتكلم بكل ادب واحترام
    وبرضه بتشيل تعليقاتى ومش بتنشرها
    وبتقول على نفسها حرة وهى بتقبل الراى والراى الاخر
    حاول كده ياسيدى خالفها الراى واكتب تعليق عليها
    مش هينتشر
    سلامى لك واحترامى وتقديرى

    ReplyDelete
  6. ههههه شر البلية ما يضحك ... المفروض الواحد يرتقي لمراحل اعلى عقليا لما يزيد ايمانه !

    ReplyDelete
  7. والله هؤلاء المتشددون هم الذي حرموا ما حلله الرب وحللوا ما حرم الله الشكر للرب ان هذه الجماعة ليس لها مكان في تونس وحتى لو كانوا فهم لا يتأذر بهم الناس
    رؤوف

    ReplyDelete
  8. دى واحدة جاهلة ومتخلفة ... لكن اللى يحرق الدم ..هم المثقفين اللى بيسترزقوا من دول

    ReplyDelete
  9. هو احقاقا للحق بعد الحوار الجميل والنقاش داه .......زي الورده دي اتظلمت هي اساسا اسمها زهرة الشمس وعلشان متجهه للشمس احنات سميناها عباد الشمس بس لو قلنا نرجع للأساس السليم والفطرة مافيش حاجه الا بتعبد الله ...زي كده اللي بيقولوا زرع شيطاني الشيخ قالهم يا جماعة الخير شيطاني ليه؟ هو ابليس اللي زرعه وطلعه والا نقول عليه رباني؟؟؟؟؟؟؟؟؟؟؟؟؟؟؟؟

    الفكرة في التوصيل وكله بالراحه ونرجعه لله عز وجل يبقى سلس

    ReplyDelete
  10. ان لم تستح فاصنع ما شئت ... المثل الشعبى بيقولك ايه ؟؟؟ واحد قال لابوه عاوز ابقى هايف .. ابوه رد عليه : تعالى فى الهايفة واتصدر

    الناس دى كل مهمتها فى الحياة انها تلغى عقول الناس تماما بالرغم من ان الاسلام بيدعو للتدبر والتفكير والتأمل فى كل شئ والأيات كتيرة وواضحة وضوح الشمس مش محتاجة تفسير ولا تأويل

    اذا وكل الأمر لغير أهله فانتظر الساعة

    تحياتى

    ReplyDelete
  11. ولله الآيه الكريمه بتقول
    ألم ترى أن الله يسجد له من فى السموات والأرض والشمس والقمر والنجوم والجبال والشجر والدواب وكثير من الناس وكثير حق عليه العذاب ""
    صدق الله العظيم

    يعني كل ما في الأرض يسجد لله عز وجل
    وعندما تحدث المشايخ عن اسم الزهره قالوا انه لا يجب أن يسمى بإسم "عباد الشمس" لأن كل ما على الأرض يسجد لله ويعبد الله
    لكن الأخت فهمت الأمر بشكل مختلف تماما وافتكرت ان الوره بتعبد الشمس من دون الله وأنها كافره
    دي مش متشدده زي ما الناس بتقول ولاحظت في التعلقات

    هذا أسمه جهل
    التشدد لا علاقه له بالجهل

    ReplyDelete
  12. R-H-S:
    تقريبا هي النوع الأخير
    تحياتي

    ReplyDelete
  13. خواطر شابة:
    للأسف امثال هؤلاء يشوهون صورة الإسلام مثلهم مثل جماعات العنف بالضبط
    تحياتي

    ReplyDelete
  14. و الله العظيم حاجة تفجر المراره
    انا باستغرب اذاي تقول عليه و لا يعبد الخالق
    هل هو مخير
    هل هناك نباتات خيرها الله بين عبادته و عبادة غيره فاختار النبات عبادة الشمس
    محسساني اننا في زمن قبائل الغابات قبل الاف السنين

    ReplyDelete
  15. ههههههههههههههههههههههههههههههههههه لا تعليق والله

    ReplyDelete
  16. والله يا اخ احمد النبات مالوش ذنب

    نلعنه ليه ونقول عليه كافر

    انت عارف فيه كام ديانه فى الهند والصين

    وبيعبدوا ايه

    دهنسميه كفر تخلف جهل

    اما الاشياء التى يعبدوها او يتشددوا لها

    ما هى سوى اشياء خلقها الله لنا

    يبقى ذنب الاشياء دى ايه

    سعيده بزيارتك

    واتمنى دوام التواصل

    تحيانى

    ReplyDelete
  17. mr.president:
    ربنا يشفي فعلا
    كله الا مرض العقول
    تحياتي

    ReplyDelete
  18. tarkieb:
    بس يارب يكونوا بينقرضوا
    ما بيزيدوش

    ReplyDelete
  19. بلال...قلب فارس:
    بالنسبة لعباد الشمس هو اسمه الأصح هو دوار الشمس
    اما بالنسبة لمدونة قطة الصحراء فالحقيقة اني اختلف مع معظم ما تطرحه صاحبة المدونة من افكار الا انها و للحقيقة تنشر جميع تعليقاتي حتى و ان خالفتها في الرأي غالبا
    و دي شهادة لله
    تحياتي

    ReplyDelete
  20. nour barakat:
    دة المفروض...بس للأسف مش هو دة الواقع
    تحياتي

    ReplyDelete
  21. كتر خيرك ان اصلا بتستحمل تشوف البرامج دى

    دى سبوبة كبيرة و كلها مصالح و منافع و اعلانات و اتصالات بتجيب فلوس و كله على قفا الشعب الجاهل اللى نسى ان دينه مافيهوش كهنوت و دين سهل و بسيط و الفطرة كفاية عليه

    مصر زمان كانت اكثر تدينا بالفعل مش بالمظهر او القول و ماكانش فيه برامج دينية غير حديث الروح فى التلفزيون

    ReplyDelete
  22. امال هو ايه اللى مخلينا لسه من العالم التالت غير خيبة العقل اللى احا فيها
    انا مالى النبات عباد الشمس ولا دوار الشمس انا مالى سبحان الله ربنا خلقه كده ياستى وبعدين لو هيا بتفهم وبتقرا كلام ربنا قول الله كل قد علم صلاته وتسبيحه
    معنى كده ان كل كائن ربنا خلقه بيسبح ربنا وبيقوم بالدور اللى ربنا خلقه علشانه الباقى والدور على الانسان اللى مبقاش عارف راسه من رجليه

    ربنا يهدينا جميعا
    بوست جميل احييك عليه

    ReplyDelete
  23. amiralcafe:
    بالتأكيد هؤلاء موجودون في كل مكان
    و بالتأكيد موجود منهم في تونس
    و كل الأديان و حتى الملحدون منهم المتشددون
    تحياتي

    ReplyDelete
  24. anonymous:
    في برامج و قنوات بحالها مبنية على هؤلاء و اتصالاتهم و استفساراتهم

    ReplyDelete
  25. كلمات من نور:
    فعلا كلام رائع
    مشكلة هؤلاء ان افكارهم مغلوطة
    بس المشكلة الأكبر بتكون انهم في احيان كتير بيكونوا غير متقبلين لتغيير المفاهيم
    تحياتي

    ReplyDelete
  26. الناس ايه اللى حصلها دة مش تشدد و لا انها بتفكر و بتتامل فى ملكوات الله
    الفكرة انها شكلها فاضى و الفضى يعمل اكتر من كدة
    لا اله الا الله

    ReplyDelete
  27. foxology:
    اعتقد ان الخطأ الأكبر لا يقع على مثل هذه السيدة و إنما على من حرموا كل شيء لدرجة ان الحرام اصبح هو السائد و الحلال هو الإستثناء
    تحياتي

    ReplyDelete
  28. لورنس العرب:
    معاك حق
    هو جهل و جهل بين كمان

    ReplyDelete
  29. ذو النون المصري:
    اعرف ان امثال هذه السيدة كثيرون سواء عن تشدد او عن جهل
    و لكن ما لفت نظري هو طريقة حديثها و تشددها و تأثرها البالغ
    تحياتي

    ReplyDelete
  30. مجنونة في بلد عاقل:
    شفتي بقى البلد بتاعنا عاقل ازاااااااااي؟!!!

    ReplyDelete
  31. الله يعين كل عاقل على عقله وعقليته
    سبحان الله
    نسيت الاخت الاية الكريمه :

    تسبح له السماوات السبع والأرض ومن فيهن وإن من شيء إلا يسبح بحمده ولكن لا تفقهون تسبيحهم إنه كان حليما غفورا
    سبحانك يارب

    ReplyDelete
  32. الحمد لله على تمام النعمة
    لاحول ولاقوة الا بالله العلي العظيم
    هنا تكمن الثغرات التي يدخل منها اعداء الاسلام...جهل من نسب نفسه الى الاسلام دون علم
    وفقكم الله وشكرا عالمقطع المميز

    ReplyDelete
  33. جايدا العزيزي:
    بالمنطق بتاع هذه السيدة يا جايد يبقى لازم نحرم النار علشان الهندوس بيعبدوها و نحرم الجاموس و البقر علشان السيخ بيعبدوها و هكذا
    طبعا منطق في منتهى الغرابة
    تحياتي

    ReplyDelete
  34. tears:
    انا موافقك طبعا ان في كتير من نوعية البرامج دي مبنية على الاتصالات و افتعال القضايا ذات الجدل
    الا انه و الحق يقال هذا البرنامج ليس من تلك النوعية اطلاقا
    فهو برنامج يناقش قضايا محترمة و يستضيف علماء أجلاء
    تحياتي

    ReplyDelete
  35. قوول يارب:
    كلام و تعليق اكثر من رائع
    تحياتي و احتراماتي

    ReplyDelete
  36. rania:
    الجميل بقى ان الواحد لما يبقى فاضي يستغل وقته في التأمل و الفكر
    اما النوع دة من الفراغ فهو مدمر
    تحيااتي

    ReplyDelete
  37. nazek al asfoor:
    و نعم بالله

    ReplyDelete
  38. dr.ethics:
    فعلا
    الكثير من المغرضين يتربصون بنا و هذا هو المدخل
    تحياتي

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails