سألتني زوجتي فجأة:
"هو المذيع...........مسلم و لا مسيحي"؟؟
(المذيع المقصود مذيع اذاعي بصوت مميز يقدم احد البرامج العاطفية على محطة من محطات ال FM)
جاويتها....(لا طبعااا...مسلم.....مســــــــــــــــــــــــــــــــلم طبعا.....دايما بيستشهد بالدين في برنامجه....لا و كمااااااااان ايه..دة دايما يهنىء المسيحيين بأعيادهم بقوله "اخواننا المسيحيين")
لا...مسيحي ازاي.....؟؟ لا ممكن ابدااا
عموما نتأكد من الإنترنت....حتما و لابد عنده معلومة في هذا الشأن
و لســـــــــة بكتب إسم الرجل على جوجل لأفاجأ ان (جوجل) بيكمل لي السؤال
"...............مسلم أو مسيحي؟"
لأكتشف ان السؤال دة لا يشغلها هي وحدها انما شغل ناس كتيـــــــــــــر قبلها على الإنترنت!!!
ضبطت نفسي انا كمان شغوف بمعرفة إجابة هذا السؤال.....هو مسلم و لا مسيحي؟!!!
لقيت الموضوع كبر في دماغي
أنا شخصيا متأكد كونه مسلما.....و لكني لا امتلك البراهين لإثبات ذلك...فقررت ان ادخل على نتائج البحث لعلي اجد اجابة لهذا السؤال (المهم)!!!
وجدت ان من بحث في هذه المسألة قبلي وقعوا ايضا في حيص بيص....فلقد اكتشفت ان هذا السؤال تم طرحه من قبل اكثر من مرة...بل لا ابالغ ان قلت انه قد قتل بحثا ايضا.
و لكن الإجابة ايضا لم تكن حاسمة تماما...فهذا يؤكد انه (مسلم) و ذاك يقسم انه (مسيحي)...بل ان احدهم قد ذكر اسمه (الرباعي) و ليس اسمه (الثنائي) كما اشتهر به ليؤكد على (مسيحيته)!!!
اكتشفت ان هذا الموضوع لم يشغل بالها فقط....بل شغل بال الكثيرين قبلها!!!!
حتى تأكدت من الإجابة بفضل فيديو على (يوتيوب) للمذيع بنفســــــــه يحكي فيه عن تجربته الشخصية و سيرته الذاتية و يذكر فيها اسمه الرباعي كاملا ليقطع الشك باليقين و ليؤكد للجميع انه مسيحـــــــــــــــي...مسيـــــــــــــحي....مسيحــــــــــــي!!!!!
اخيــــــــــــــــــــرا......ارتحت....عرفت إجابة سؤال شغل بال الكثيرين....معلومة لا تحتمل اللبس او التشكيك...فهو فيديو لصاحب الشأن و محور القضية...!!
ضبطت نفسي (متلبسا) بحالة من الدهشــــــة...قد لا ابالغ ان قلت انها (صدمة خفيفة)....فلم أكن اتخيله (مسيحيا) على الإطلاق....معقـــــــــــــــــووول؟!!!
سألت نفسي و سألتها ....هل مشاعري تجاهه تغيرت بناء على هذه المعلومة-انا من محبيه-؟!!
وجدت نفسي انا و هي نؤكد انه بالتأكيد لن تتغير فماذا يضيرنا كونه مسيحيا او حتى ملحدا فهو لا يتحدث في الدين على الإطلاق...فبرنامجه الذي يقدمه لا يتحدث في الدين على الإطلاق بل تستطيع ان تقول انه لا علاقة للمادة الإعلامية التي يقدمها بديانته ابدا....!!
ثم اننا نحن الإثنين لسنا متشددين دينيا او متعصبين على الإطلاق....!!
و لكن هذه الإجابة و هذه المشاعر الطيبة تجاهه لم تمنع (صدمتنا) من نتيجة بحثنا...هل تركت هذه المعلومة الجديدة عنه (غصة) في النفس تجاهه...؟؟ و لماذا؟؟
بداية...لا انا و لا هي متعصبين دينيا على الإطلاق....لي و لها اصدقائنا المسيحيين...نحترم الجميع و نقدر الشخص بأفعاله و اخلاقه و ليس ابدا بجنسيته او بديانته.....كل هذه ثوابت و حقائق عنا
اذن...لماذا اهتممنا اساسا ان نفتش عن ديانة هذا الرجل.....لماذا فعلنا كما فعل غيرنا الكثيرون و بحثوا و فتشوا عن نفس المعلومة؟؟
ما قيمة هذه المعلومة اساسا...و لماذا اصابتنا بالدهشة؟؟
أهو الفضول....؟؟ فقط الفضول...ام شيء أخر؟؟!!
ثم لماذا فتشنا و بحثنا عن شيء لا يهمنا معرفته اساسا؟؟!!!
اكتشفت ان هذا السؤال (مسلم ام مسيحي...؟؟) لم يطل هذا المذيع اللامع فقط بل طال الكثيرين من مشاهير المجتمع في كل المجالات
مطربين...ممثلين.....لاعبي كرة قدم.....مذيعين....مصريين....عرب....أجانب
القائمة المطلوب معرفة ديانتها طويلة عريضة...سؤال عن عادل إمام....و أخر يسأل هل سعد الصغير مسلم ام مسيحي؟؟!!
و شخص تساءل عن المطرب الشعبي (حكيم) هل هو مسلم ام مسيحي...؟؟
و هذا يسأل عن ديانة (عمرو اديب)؟؟
حتى (سيد البدوي) رئيس حزب الوفد -(لاحظ دلالة الإسم)-هناك من سأل هل هو مسلم أم مسيحي....!!!!!!!!!!!!!!!
(كريستيانو رونالدو) نفسه مسه نفس السؤال (إسمه كريستيانو...و مع ذلك هناك من يبحث عن ديانته أملا في ان يكون مسلما)...!!
لقد اكتشفت اننا شعب مهوووس بالديانات....بتفرق معاه قوي الشخص دة مسلم و لا مسيحي.....؟
يعني لو عادل إمام كان مسيحيا هيمتنع عن مشاهدة افلامه مثلا....؟؟؟!!!
و تفرق ايه اساسا ان يكون (سعد الصغير) مسلما او مسيحيا.....؟؟!!!!
هتفرق في التمايل طربا و رقصا مع اغانيه.......؟؟!!!
علامات استفهام رهيبة و مثلها من علامات التعجب عن المغزى من هذه الأسئلة...و هل تنال ديانة المشهور من شعبيته و شهرته؟؟؟
و ما سبب هذه الطائفية الرهيبة التي تحملها هذه النوعية من الأسئلة..؟؟؟
و هل وصلت مجتمعاتنا الى درجة رهيبة من التطرف لدرجة ان تحكم على الشخص من خلال ديانته...لا من خلال اخلاقه او أعماله؟؟
و إذا كانت كل هذه الأسئلة تتم بدافع (الفضول) و ليس ال(التطرف) فهل وصل (الفضول) الى هذه الدرجـــــــة؟!!
بحثي عن ديانة (......) على الإنترنت...فجرت الكثير و الكثير من علامات الإستفهام و التعجب بداخلي..ربما ما ظهر منها في هذا الموضوع هو النذر اليسير
فلقد ضبطت نفسي (متلبسا) بتهمة (التفاهة) و (السطحية) و الأمر اني قد اكتشفت اني لست بمفردي على هذه الشاكلة بل ان أمري يهون بجانب الكثيرين قبلي قد قرروا ان يفتشوا في ضمائر الناس و دياناتهم و ان يبنوا قناعاتهم و مدى حبهم لهذا النجم او ذاك بديانته و يقرروا مدى تعلقهم به و حبهم له بذهابه للجامع أم للكنيسة؟؟!!!
احسست ايضا ان المجتمع (محتقن) طائفيا......قد لا تجد مظاهر عنيفة لهذا الإحتقان الدفين (و الحمد لله) الا ان النار تبقى تحت الرماد و طالما بقى تفكير عدد كبير من ابناء هذا المجتمع يفترض فيهم الثقافة (بإعتبارهم من مستخدمي الإنترنت) بهذه الطريقة...يبقى اكيد المجتمع و السلام الإجتماعي يبقى في خطر.
اسئلة كثيرة...و علامات استفهام و تعجب كثيرة......بتقول ان اكيد وراء مثل هذه الأسئلة على الإنترنت الكثير و الكثير من الأسرار في نفسية و تركيبة سائليها تحتاج لأن يكتشفها الباحثون و المهتمون بالشأن الإجتماعي.
و في النهاية.....
"هو المدبلج اللبناني داني بستاني مسلم و لا مسيحي......؟؟؟!!!"
داني بستاني ميـــــــــــــــــــــــــــــــــــــــــــــــــن؟؟؟
ف الحقيقه يا دكتور انا لما سالتك عن ديانته مكانش فارق معايا طبعا مسلم ولا مسيحى انما السؤال مخبى ليه مسيحيته ؟ لانها بتفرق معاه هو؟ مسيحين كتير بنحبهم ومشهورين بديانتهم اللى صدمنا عدم الصراحه اللى بتدل على عدم التصالح مع النفس
ReplyDeleteشوف يا دكتور ... احنا مجتمع طائفى محتقن وطظ فى اى كلام بيتقال غير كدة ... احنا مجتمع متناقض مع نفسه مش مع حاجة تانية يعنى بجد شئ عجيب انك تلاقى الناس مسلمين ومسيحيين عايشين جيران مع بعض زى السمن ع العسل ( انا شخصيا ليا جيران مسيحيين فى المنطقة وعشرة عمر بجد ومفيش بينا غير كل خير الحقيقة ) لكن مع ذلك تلاقى ناس فى النص تطلع وفاهمة ان الآخر طالما مختلف معاك ف ديانتك يبقى مش بنى أدم لحم ودم زيه زيك !!! مش بقولك مجتمع متناقض ؟؟؟
ReplyDeleteاعتقد انه فضول
ReplyDeleteاوقات لما بنهتم بحد بنكون عاوزين نعرف عنه حاجات كتير لمجرد ان نكون ملمين بأمور تخصه
موضوع الدين حساس بالنسبة لينا فجايز عشان كده دايما لامع فى ذهننا السؤال ده
يوجد الكثيرين ممن هم على حرص بعدم اشهار ديانتهم ظنا منهم ان هذا سيعيق التفاهم بينهم وبين الناس وهذا بالتأكيد ينطبق على المسيحيين
ReplyDeleteولكن لو نظروا إلى المذيع المذكور وكم الاتصالات التي تأتي إليه من الجميع - مسلم وغير مسلم- لعرفوا ان الامر عادي في النهايه
بس هو السؤال بيكون حب استطلاع
عشان لو حصل حاجه في المستقبل يبدأ بناء الرأي على الديانه وغيره
بس لو الناس ركزت في ان العالم دي كلها همهم الاول والأخير هو أكل العيش والشهره وان موضوع الدين لا يفرق معهم لأراحوا روحهم من زمان
دا من الخلل ..
ReplyDeleteوالتعصب
انا مبدأي في الحياة
عامل اللي يعاملك زي ما بيعاملك هل تشكو منه
المعاملة تكون مبينه إما احترام أو عدم الكلام من أساسه وليبقي ما في الصدر في الصدر .
ReplyDeleteانا بنام ومش عارف انا بكتب ايه
فسامحني
الانيشتا يتكلم:-
ReplyDeleteيوجد جروب ع الفيسبوك اسمه
انت مسلم ولا مسيحى ... وانت مال اهلك
عدد الاعضاء اللى فيه تجاوز الخمسة الاف عضو
وده فى رايى الشخصى مؤشر متفائل لافكار الجيل القادم وانه فعلا اكبر من الفكر الطائفى السلفى المتخلف
اللى انتشر فى مصر فى الثمانينات والتسعينات
Thank you for at least being honest with yourself. And for the anonymous who asks why did he hide that he was Christian, why did you assume he was hiding? Christians are proud to be Christians but it is nobody's business. I remember those good old days when we knew that a friend is a Muslim or Christian only when it was Ramadan or Christmas and we couldn't care less.
ReplyDeleteI've lived in a western country for nine years and nobody ever asked me about my religion except friends coming from the Middle East, we have a serious problem.
انا فاهم شعورك علي فكرة، انت مش متعصب ولا كاره للآخر بس هو شعور غريب والحمد لله سرعان ما يتلاشي عند العاقل واظن ان ده سببه من الاول الشحن الديني المتعصب المتواصل من السبعينيات حتي الآن
ReplyDeleteوالى اطلق مفاهيم ومسميات غريبة عن المصريين
زي الى فهمنا ان الفلسطينيين هما الى باعو ارضهم لليهود والمسيحيين ريحتهم وحشة
والى يقول لابنه محمد ده الى بياكل منك الحلويات
غير الحوادث الطائفية المقيته، والحروب المتوالية علي البلاد الإسلامية
والمشاحانت الطائفية فى الهند وتايلاند وجنوب الفلبين لغاية ما نوصل لحرق الكنايس والخطاب المقيت من السلفيين الجهاديين
منذر - حين البأس
اشعر بالغثيان عندما يبسال عن الديانه
ReplyDeleteهقولك على حاجه يا دكتور انت عملت زى ناس كتير اوى لسه تفكيرها فيه حتت التزمد فى انهم يعرفه الحقيقه وساعات كتير مننا بيتصدم لما يلقى النجم المحبوبه ليه مش على دينته اه بتصدم انا واحد بدرو من الناس اللى اتصدم فى المذيع دا رغم عشقى ليه
ReplyDeleteانت شخص عاقل عشان كدا مفرقش معاك شوف كام واحد عاقل وعدهم وشوف كام واحد مبقاش يتابع البرنامج اللى من وجهنت نظرى ناجح عشان المقدم غير مسلم وانت هتعرف كل اجابات اسالتك اللى محيراك
مش عايز اكدب عليك واقولك اناا مش بيفرق معانا لا للاسف بيفرق معاناوكتير مننا ناس مننا بترفض التعامل مع اللى بيختلف معاهم فى الدين
بس تخيل بقى اللى اختارلك دينك بردو امرك انك تعيش معاهم فى سلام وانهم يبقوا اخواتك
فى ناس معندهاش وقت تفكر هى صح ولا غلط لو رجعوا بس دقايق لكتب عن الرسول او حاجه هيعرفه ان الرسول اتجوز من نساء مش على دينته يعنى مش عيب ولا حرام اننا نتعامل معاهم مش شرط انى ابقى وحش عشان مش على دينك
يمكن دى اول مره اعلق فى المدونه اللى بجد جامده جدا بس ان شاء الله مش هتبقى اخر مره
بجد انت لمست موضوع ناس كتير مننا عايشنه وناس كتير كمان بياثر فيهم بس بجد ربنا يكملك كدا بعقلك
يا ريت تتقبل مرورى ومن قلبى بتمنلك كل خير وساده وصحه وتوفيق وفرح وابتسامه تدوم يا رب طول العمر
بداية احييك علي هذه المصارحه مع النفس ,فعلاج اي مشكله يكمن في المكاشفه والمصارحه مع النفس , ثانيا:كتير من الشعب يدعي التدين واكيد حضرتك بتلاحظ هذا في احاديث وليس بالطبع المعاملات !!!واكيد بتسمع كتير من الناس يقلك نحن شعب معروف بالتدين ومعجونين بيه !!!معني هذا الكلام الجميل عن تدينا الكامل اننا بنتقي الله في تصرفاتنا لانقبل رشوه لانسرق لا نزني ل نظلم لا ناكل اموال الناس بالباطل لا تناكل اموال اليتامي لا نستورد قيم الغرب الفاسده لا تتشبه نسائنا بنساء الغرب في تلك التقاليد الفاسده
ReplyDeleteطيب حضرتك هل هذا الكلام موجود علي ارض الواقع !!بطبيعة الحال اكيد لا ,,,لانه تدينا اختزل في الشكليات والمظاهر فقط وقمنا بفصل اصل وعماد وروح الاسلام عن مجالات الحياة,,,المساجد بتعج بالمصلين ولكن اغلبهم لم ينعكس هذه الصلاة علي قلوبهم وفور خروجهم من المسجد انقطعت علااقاتهم بربهم ,,,هل هذا معقول؟؟!!!
تلاحظ حضرتك النساء اغلبيتهم محجبات ومع ذلك منهم من يقمن بمحكاة قيم غربيه فاسده تلاحظ حضرتك الواحده منهن عندها الكثر من الاصدقاء الرجال وكله عادي عندها وتبقي بقي رجعي ومتخلف لو اعتبرت هذا غريب وشاذ وضد الفطره ,طيب لو كانت ينفع فيه صداقه بين رحل وامراة لماذا لا تستمر بعد الزواج ,,لكن بعتقد فيهن من يقطع تلك الصداقه بعد الزواج يبقي معني كده انها مش معترفه بكون فيه صداقه بين رجل وامراة ,لكن هن نوع من التسليه فقط ليس الا اما بقي لو استمرت بعد الزواج فدي كارثه ففمكن واحد يتصل ويقل لزوجها ممكن اكلم صديقتي
هههههه!!!!
خلاصى الكلام نحن دايما ندعي اننا متدينون وبتوع ربنا ونسأل هذا مسيحي هذا مسلم !!طيب نفترض عرقت ان هذا الشخص مسيحي اي شخص هل هذا مبرر لظلمه او لعدم قضاء اموره
الرسول صلي الله عليه وسلم قال من اذي ذميا فقد اذاني
وربنا بيقول "اذا حكمتم بين الناس ان تحكموا بالعدل"
قال بين الناس وليس بين المسلمين
اختم كلامي بمقوله رائعه للامام محمد الغزالي
ان كل تدين يجافي العقل ويخاصم القكر هو تدين فقط صلاحيته للبقاء
تحياتي
anonymous:
ReplyDeleteعلى الرغم ان ديانته لا دخل لها على الاطلاق بابداعه
الا انه فعلا كان حريصا ان تظل ديانته محل تساؤلات
طيب لما هي مش فارقة معاه ليه بيحاول يداريها قدر الإمكان
هو دة كان السؤال
تحياتي
foxology:
ReplyDeleteكلمة متناقض دي كلمة قليلة على المجتمع المصري
المجتمع المصري انا باشوف انه بيمتلك كل حاجة و عكسها تماما
تلاقي التدين و الفجور..تلاقي العنف و التسامح...تلاقي الهدوء و السكينة و تلاقي كمان الفوران و الضوضاء
مجتمع عجيب
و موضوع العلاقة بين المسلمين و الأقباط دة احد اهم مظاهر العجب دة
تحياتي
رحيل:
ReplyDeleteبس دة احنا على كدة نبقى شعب فضولي قوي
تحياتي
لورنس العرب:
ReplyDeleteهو يعني متخيل انه لما يعمل تعتيم على ديانته دة هيخلي المراهقات تدوب في دباديبه...!!!
بيعجبني قوي واحد زي مفيد فوزي..و لا هالة صدقي ..و لا هاني رمزي
ناس واضحة و صريحة
الموضوع دة مش فارق معاهم
هم مبدعين...و حتى لو كانوا بوذيين مثلا فهم مبدعون برضة
لا دخل للدين بتمثيلهم او بموهبتهم
تحياتي
mr.president:
ReplyDeleteمبدأ محترم جدا
mr.president:
ReplyDeleteيا باشا دة احلى كلام بيطلع و الواحد عايز ينام
ayman:
ReplyDeleteو الله الجروب فكرته كويسة
هحاول انضم له في اقرب وقت
تحياتي
anonymous:
ReplyDeletethe anonymous who asked this question i think this is becouse some people like mofied fawzy or hany ramzy always talk about their religion but this man never talked about this issue before.
i agree with u that we have this problem, i think that this problem is in our minds...do u think we will change our mind set a day?
منذر:
ReplyDeleteعقولنا محتاجة تتفرمت يا منذر
تحياتي
dr.lecter:
ReplyDeleteدة انت على كدة عندك غثيان دائم
amirelhob:
ReplyDeleteماهي المشكلة بتكمن في اننا على الرغم ان ديانته لا تؤثر فينا في شيء الا اننا لا نرتاح الا لو عرفناها
حاجة عجيبة جدا
اهلا بك دائما في المدونة
و يارب فعلا ماتكونش اخر مرة
تحياتي
rack-yourminds:
ReplyDeleteاسهل حاجة دلوقتي هو الكلام عن الدين
الكلام فقط
انما فعل مفيش
تلاقي الكل بيتكلم عن الدين و الدين قال و قال الله و قال الرسول و تلاقي اغلب اللي بيقولوا كدة مابيعملوش بالكلام دة خالص
تعليقك اكثر من رائع و ينم فعلا عن فكر راقي
تحياتي
عارف احنا فينا حاجة غريبة اوووووي لازم نتطلع في اي حاجة عيب عشان ما بنحبش الكمال..عشان كدة تلاقى اسامي زي ابو شفة ابو شفتورة الخ.انا افتكر ان خالى ما كانش بيحب فريد الاطرش بس عشان زملكاوووي.....واحد جارنا شكله معفن وبيقول على مزة الحتة بتمشي على محور..مع ان ماشيتها والله عادية..اول نقد على اسامة منير كان انه شكله وحش وبعدين فتشو عن ديانته.....صدقنى اكيد الارثوزوكس شاغلين نفشهم اكيد ياترى هوكاثولويكي ولا بروتستانتي ولا ارثوذوكسي......ومجرد البحث عن الاختلاف...عارف لما بترتاح لواحد مش بتدور على الاختلافات ولكن الشبه..
ReplyDelete..
Very nice article, Ahmed.
ReplyDeleteBy the way, if you don't mind, I've quoted you here