Thursday, 17 June 2010

محصلة بعضها


في مثل مصري قديم يقول
"التكرار يعلم الشطار"
الا انه فيما يبدو ان الشعب المصري ليس من الشطار.....فالمولد ينصب سنويا بحذافيره مع اختلاف بعض التفصيلات الصغيرة
شهر يونيو من كل عام هو مولد الثانوية العامة في مصر.....منذ عشرات السنين و المولد يقام لا يخلف موعدا
شباب في مقتبل حياتهم اعصابهم تعبانة....أولياء امور يشكلون قوة ضغط رهيبة على ابناءهم و
بناتهم التلاميذ و التلميذات
.....امتحانات قد تأتي سهلة و بسيطة و قد تكون صعبة و معقدة.....وزير يملأ الدنيا ضجيجا بتصريحات من عينة ان جميع الطلبة ابنائه و ان الإمتحان في مستوى الطالب المتوسط.
و ان كل ناجح له مكان في الكليات و المعاهد.....برامج توك شو تتابع عن كثب اخبار الإمتحانات أولا بأول.....صحف يتصدر
عناويناها اخبار الإمتحانات و الإغماءات و حالات
و في النهاية ينتهي مولد (يونيو) ليبدأ مولد (يوليو) الخاص بالتنسيق و المجاميع
و طب و صيدلة و هندسة و
انتظام و انتساب وجامعات حكومية و جامعات خاصة و ناس بتدخل الجامعة (بلوشي)
و ناس بتدخلها (بألاف الجنيهات).
.لتتكدس الجامعات بألاف جديدة من الطلبة و الطالبات اللي سيلحقوا ا بعد اربع سنوات بإخوانهم و اخوات
هم من ملايين الخريجين الذين سبقوهم لينضموا
الى طابور العاطلين عن العمل و المحبطين و اليائسين و الباكين و الشاكين و الباحثين
عن فرصة للسفر الى الخارج او للهجرة الى اوروبا.....الخ.
كل سنة و الدورة تتكرر بحذافيرها...كل سنة و ناس بتحرق في اعصابها و دمها و صحتها علشان اولادها بنجحوا في الثانوية العامة
بمجموع كبير يؤهلهم للإلتحاق بكلية محترمة - بالمناسبة لم تعد هناك
كلية محترمة في مصر- و مش
شايفين ان في ناس كتيـــــــــــــــر قوي
قبلهم حرقوا في اعصابهم برضة لنفس السبب بس قاعدين بيضحكوا عليهم دلوقتي لأنهم ادركوا انهم اضاعوا في الأوهام عمرهم!!!
و السنة الجاية زي دلوقتي يبدأ مولد جديد و ضحايا جديدة بدموع جديدة و اغماءات جديدة و حرقة دم جديدة....لينضم الى الطابور دفعة جديدة بمأياة جديدة بإحباطات جديدة............الخ
انتم حارقين دمكم على إيه؟
"كله محصل بعضه"

22 comments:

  1. هوا دا ناتج عن تخلف فكري في الإدارة وفي الأسرة .. والطالب يتحمل نتيجة بسيطة جدا ، التخلف راجع لأن الادارة عندها تخبط في القرار ، والأسرة تطلب من أبنائها لبن العصفور الدكر ، والطالب محاط بالدروس والمدرس وأصدقاءه .

    الحل اما نشوف مجتمعات بتعيش نفس ظروفنا وناجحة وناخد مناهجهم ، أو إننا نفضل نعيط ، واو نتأسي بالمثل الشعبي " إيكش يولع " .

    تحياتي للدوارة اللي انت صنعتها فوق لأنها فيها جزء كبير من الحقيقة

    ReplyDelete
  2. طلب وسؤال
    الطلب .. الاستفتاء يجب أن يشمل جميع الاحتمالات واحتمالي اني هكون مضايق لخوفي عليها ( طبعا انا مش ملاك ) بس هدعي لها بالهداية .
    السؤال بقي السطر المتحرك بتعمله ازاي ينوبك ثواب .

    ReplyDelete
  3. أصا محدش عارف ان كله محصل بعضه
    او يمكن عارفين بس الناس بيطلعوا همومهم في مزاكرة العيال أملا في أن يصل الطالب لشيء محترم في النهايه
    وبعدين فيه مشكله
    ممكن الواد يدخل كلية التجاره او اي كليه تانيه غير الطب والهندسه والصيدله ويبقى كويس بردو
    بس فيه كليات المفروض تتقفل أصلا لأنها طفحت زي كلية الهندسه
    الاعداد فيها صارت بعشرات الآلاف
    والحقوق والتجاره وادارة الاعمال-واحنا اصلا فاشلين في الاداره-
    سيبك انت
    انا اعرف جامعات فاحته مخصوص (زي اكاديميه السادات اللي جنب البيت عندي) من اجل محلات الشاورما والفول والطعميه
    يعني العيال بتيجي من بيوتها كل يوم عشان ياكلوا سندوتشات شاورما ويروحوا

    ReplyDelete
  4. وانا معيد بمعهد خاص ومش قادر اوصفلك حال الطلبة والتخلف و............كلام كتير ونفسي علي رأي المثل ندي العيش لخبازه وكفاية لت وعجن عقولنا ومعدتنا بازت من العك اللي واكلينه وشاربينه وعايشينه كل يوم وشهر وسنة وانت أكيد في مصر يا معلم

    ReplyDelete
  5. والله شكلنا مش نافعين بالنظام دا
    انا دلوقتى راحة تانية ثانوى
    وشايلة الهم من دلوقتى
    ربنا ينتقم من الظلما
    ولعلمكوا بعبع الثانوى دا فى مصر بس فقط فى بلد الصم والبكم

    ReplyDelete
  6. لما يجيبوا لهم يا احمد نقطتين من السؤال الرابع من منهج الصف الثالث الاعدادى بالاضافة للسؤال الخامس مش المنهج يبقى ده اسمه ايه ؟؟
    ده لو اللى واضع الامتحان بينه وبين الطلبة تار بايت مش هيعمل معاهم كدا
    انا عندى 2 فى العيلة ثانوية عامة بجد كلنا اعصابنا بايظة مش هما بس

    ReplyDelete
  7. واخرتها ايه؟

    ولا حاجه
    والله كنت بقول نفس الكلام ده لواحد صحبي

    ReplyDelete
  8. هو اخره مولد الثانويه العامه طلبه فشله و جامعات اكتر فشل و خرجين عواطليه فما فائده الثانويه العامه علل مع الشرح

    ReplyDelete
  9. هههههههههههههه
    ليه ببس تفكرنى و تقهرنى
    فضلت اذاكر و اهرى فى نفسى كااااام سنه و فى الاخر الجاهل زى المتعلم
    بل بالعكس الجاهل فى بلدنا احسن كتيييييييييير

    ReplyDelete
  10. مهو احنا اتقال علينا من زمان اوى بس محدش فاكر .. وكل شئ فى مصر ينسى بعد حين :)

    السنة الجاية نفس الكلام ونفس المواضيع مهو محدش بيفتكر

    تحياتى

    ReplyDelete
  11. أغلبية الاهالى بيتوقعوا ان اولادهم غير اللى سبقوهم وبيبقى عندهم امل ان بكرة بتاع ولادهم اكيد احسن

    ReplyDelete
  12. Mr.President:
    للأسف انا اعتبر الدورة دي سبب اساسي للبلاوي اللي بتعيشها مصر على مختلف الأصعدة و في كل المجالات
    تحياتي

    ReplyDelete
  13. Mr.president:
    بالنسبة للسطر المتحرك :
    و اللهي ما فار بيتعمل ازاي
    علشان انا عامله من زمان قوي
    بس اوعدك اني اسأل و اطقس لحد ما اجيلك بالخبر اليقين

    ReplyDelete
  14. لورنس العرب:
    الناس حصرت مقياس و معايير الإجتهاد بالطب و الصيدلة
    لحد ما الكليات دي قالت جااااااي من الأعداد اللي بتدخلها كل سنة
    و بعدين بالعقل و المنطق كدة
    اطلع محاسب ناجح او بانكيرم محترم و لا اطلع طبيب فااااشل؟؟؟ او حتى عادي؟؟
    تفكير عجيب الصراحة

    ReplyDelete
  15. Anonymous:
    الفساد عم على الجميع في قطاع التعليم
    حكومي و خاص ابتدائي و اعدادي و ثانوي و جامعة
    حتى الدراسات العليا لا تخلو من فساد

    ReplyDelete
  16. sun of free dom:
    الثانوية العامة دي ظاهرة تنفرد بها مصر بين جميع بلدان العالم
    بالتوفيق ليكي ان شاء الله

    ReplyDelete
  17. Desert Cat:
    ما هو دة اللي بنتكلم فيه
    الناس اعصابها تتشد ليه
    لو جابوا 100% هياخدوا ايه و لو جابوا 80 و لا 90%..ايه اللي هيحصل؟
    في الزمن دة كله في الهم سوا و كله محصل بعضه
    تحياتي

    ReplyDelete
  18. dr.lecter:
    صدقت و الله

    ReplyDelete
  19. بنت وولد:
    ما انتي لو كنتي سمعتي نصيحة حسين فهمي زمان كان زمانك ماندمتيش دلوقتي
    العلم في الراس مش في الكراس

    ReplyDelete
  20. foxology:
    و يظل سيرك الثانوية العامة ينصب عاما بعد عام
    بنجاخ منقطع النظير

    ReplyDelete
  21. anonymous:
    لوغاريتم من لوغاريتمات الشعب المصري الكثيرة قوي

    ReplyDelete
  22. موناليزا:
    و تفتكري ان فعلا بكرة احسن؟؟

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails