Saturday, 5 June 2010

تستاهلوا



التقرير ليس مفاجأة على الإطلاق.....الناس دي في منهم كتير جداا.....انا اعرف احياء كاملة بالشكل دة
انما السؤال هنا:
الناس دي......لماذا لا تغضب؟
الناس اللي زي كدة.......عايشين ليه؟
الناس اللي زي دي عايشين تحت خط الأدمية بشوية.......اهانة.....ذل.....مرض......جهل......كل اللي انت عايز تقوله.....قله
منتظرين ايه علشان يثبتوا انهم بني أدمين من حقهم الإعتراض و الإحتجاج؟
الغريب ان الناس اللي زي دي في ميعاد الإنتخابات البرلمانية هم اول من ينتخبوا مرشح الحزب الحاكم.....الحزب اللي بيحكم مصر من اكثر من 30 سنة.....مرشح الحزب اللي وصلوا في عهده للي هم فيه دلوقتي هم و غيرهم
الواحد من الناس دي يبيع صوته ب 20 او 30 او حتى 50 جنيه ......يا بلااااااااااااااااااااش
يعني الصوت الواحد واقف على مرشح الحكومة ب 50 جنيه في 5 سنوات (عمر الدورة البرلمانية)
يعني المواطن الواحد واقف على السيد العضو ب 10 جنيه في السنة.......حاجة ببلاش كدة
اما بقى في الإنتخابات الرئاسية فحدث و لا حرج
الناس اللي زي دول بيعشقوا حاجة اسمها (الإستقرار)
شعارهم في الإنتخاب دائما:
"اللي نعرفه أحسن من اللي مانعرفوش"
وحالهم هذا هو نتيجة 30 سنة إستقرار
السادة المهمشون....المذلولون.....المشردون......................
تــــــــــــــــســــــــــــــــــــــــــــتــــــــــــــــــــــــاهلـــــــــــــــــــــــــــــــــــــــوا

20 comments:

  1. السادة المهمشون....المذلولون.....المشردون................
    تـــســــتــــــاهلــــــــــوا
    ...
    لا تعليق

    ReplyDelete
  2. السؤال الأهم
    الناس دي، ليه بتخلف العيال دي كلها وبعدين تضطر إنها تشحت عشان تأكلهم؟ وفين تحمل المسئولية وتحديد النسل؟ وليه دي مشكلة الحكومة؟ هي الحكومة شغلتها إنها تصرف على الناس وعيالها؟

    ReplyDelete
  3. اللي نعرفه احسن من اللي منعرفوش
    واللي موجود شبع لسه هنجيب واحد ياكل من الأول
    يعمي انا اكسب ال30 جنية أو 50 اصل كده كده هوا هيكسب

    -----------------------
    دي أرائهم يعني علي فكرة اليوم الرئاسي واقع 85 قرش تقريبا يعني تمن كوباية شاي عللي المنشية اللي قدام شارعنا اللي بيتشرب فيها البانجو

    ---------------
    شعب نام وشبع ونوم محتاج لخرزانة بلاستيك من بتوع الحمير عشان يفوق

    ReplyDelete
  4. الناس دى معذورة.. الناس دى متعلمتش بالدرجة إللى تخليهم يشوفوا أبعد من تحت رجليهم , حساباتهم بسيطة جدا

    البحث عن الحاجات الأساسية , هو لما بيرشح الحزب الوطنى , مش عشان هو بيحبه أو ضد الإخوان , بكل بساطه هو ميعرفش أصلا إيه علاقة مرشح الحزب بحالته , ولو فى يوم راح لمرشح الدائرة و طلب منه حاجة , مش حيطلبها على إنها حق ليه وواجب على نائب الدائرة إنه يعملهالو , هو تفكيرة أبسط من كده , ولو المرشح جه فى يوم و قال حوزع 50 جنيه و تنتخبونى . حيقولوا عليه راجل كويس , بيخاف علينا و بيساعدنا , عشان كده بيرشحوه , عشان العشرة جنيه بالنسبة ليهم يفهموها أكتر من مجلس الشعب و السياسة

    الناس دى من ساعة ما إتولدت و هى عارفة إن الحزب الوطنى هو إللى حاكم , و مقتنعين إن مفيش حد حيغير ده , ميستفيدوش ليه بال50 جنية ؟

    الناس دى محتاجة توعية وتعليم ومحتاجة يتوفرلها الحاجات الأساسية , عشان طول ما هى دايرة فى الساقية , عمرها ما حتعترض , أو تقول لأ

    ReplyDelete
  5. انا معترض بشده على البوست ده يا سمير انت ما عشتش زى الناس دى ولا شفت اللى شافوه يمكن لو فى يوم من الأيام ملقيتش رغيف عيش حاف كنت حسيت بيهم وكنت عرفت هم لييه بيبيعوا أصواتهم فى الانتخابات هم بيحسبوها عصفور فى اليد ولا عشرة على الشجرة يعنى بيحاولوا يلاقوا على الأفل غدوه كويسه فى يوم أو حتى عشوه انت فاكر لسه هيستنوا التغيير وبعد كده يشوفوا اللى هييجى هيبقى شريف ولا لأ ولو كان شريف هياخد باله منهم انا شايف انك متحامل عليهم زياده عن اللزوم الناس دى بيموتوا من الجوع واللى بيتعب منهم مبيلقوش يجيبوله كيس قطن العيب مش عليهم العيب على اللى بيستغلوهم انا معاك انهم فى سلبيه شديده وكمان انا مش بدافع عنهم بس فى نفس الوقت بلاش نحملهم فوق طاقتهم بلاش ندبحهم بسكينه بارده يمكن لو كنت فى يوم من الأيام عايش معاهم أو فى يوم نمت من غير عشاء وأكيد من غير غداء كنت عرفت لييه هما بيبيعوا أصواتهم

    ReplyDelete
  6. مثلما تكونوا يولي عليكم

    ReplyDelete
  7. معنديش تعليق على البوست علشان خلاص الخنقه عدت الجانب الاخرى وراجعه علشان وهتبدأ من جديد

    بس تعليقى على الاستطلاع ناقصه خيار
    زعلانه بس بدعى لها ربنا يردها مرة اخرى للستر

    ساعات بنتعرض لاشياء لا نتخيل رد فعلنا هيكون كده

    ReplyDelete
  8. الحقيقة انا مع الناس اللى بتقول ان الجهل هو السبب لو الواحد من دول اتعلم صح واتعلم بالقدر الكافى لأنه يفكر فى مستقبله ومستقبل عياله صح عمره ما هيقبل انه يبقى ده حاله لكن انت بتتكلم عن ناس اتولدوا لقوا نفسهم كدة مهو اهلهم كانوا كدة برضه لانها حاجة مش مكتسبة دى وراثة وعدوى اجتماعية بعيد عنك !!

    الحزب الحاكم ومن يتبعه عرف غية الشعب ده وهى انك جوعه وخليه ميفكرش غير ف لقمة العيش وانت تعرف تسوقه صح وتوديه مطرح منت عاوز وهو ده حالنا لﻷسف الشديد

    ربنا يرحمنا برحمته وعلى فكرة انا حاسس ان الانفجار قرب قوى

    تحياتى

    ReplyDelete
  9. ايميل يجعلك من اصحاب الملايين

    بقلم الدكتور محسن الصفار

    جلس سعيد أمام جهاز الكمبيوتر اللذي اشتراه حديثا وتعرف للتو على عالم الانترنت الواسع , اخذ يقرا بريده الالكتروني وأخذ يتفحص الرسائل الواحدة تلو الأخرى حتى وصل إلى رسالة باللغة الانجليزية عنوانها (شخصي وسري للغاية) فتح سعيد الرسالة وقرأ نصها فكان مضمونه أن المرسل هو ابن لرئيس أفريقي سابق خلع من السلطة وأن والده أودع مبلغاً وقدره 100 مليون دولار في أحد البنوك وأن الأسرة لا تستطيع استخراج المبلغ إلا عن طريق حساب مصرفي لشخص ثالث ويعرض مرسل الرسالة على سعيد أن يعطيه 40% من المبلغ أي 40 مليون دولار فقط إن كان هو مستعداً لتقبل هذا المبلغ على حسابه الشخصي.

    لم يعر سعيد أهمية كبيرة للرسالة في باديء الأمر ولكن الفكرة في امتلاك 40 مليون دولار دون أي جهد بدأت تحلو له شيئاً فشيئاً واخذ الطمع يتغلغل في نفسه , أرسل سعيد رسالة رد إلى المرسل وسأله:

    - هل هنك من مخاطر في هذه العملية؟

    جاء الرد بسرعة:

    - لا لا أبداً ليس هناك من مخاطر أبداً أبداً ولكنك يجب ان تحافظ على السرية الكاملة ضمانا لنجاح العملية .

    ردّ سعيد على الرسالة:

    - هل من مصاريف يجب أن أدفعها؟

    جاءه الرد:

    - لا لا أبداً فنحن نتكفل بكل شيء أرجوك يا سيدي ساعدنا وستصبح أنت أيضاً من أصحاب الملايين.

    من أصحاب الملايين!! كم هي جميلة هذه الكلمة وأخذ سعيد يحلم بأنه يسكن قصراً ويركب أفخم السيارات ويمتلك طائرة خاصة وو......

    وفجأة وجد سعيد نفسه وقد أرسل رسالة فيها رقم حسابه المصرفي واسم البنك، وبعد يومين جاءه بريد الكتروني مرفقة به رسالة عليها أختام حكومية تفيد بأن وزارة المالية في ذلك البلد الأفريقي لا تمانع من تحويل المبلغ إلى حساب سعيد....

    باقى القصة و المزيد من مقالات الدكتور محسن الصفار الهادفة الخفيفة الظل موجودة بالرابط التالى:

    www.ouregypt.us

    ReplyDelete
  10. Anonymous:
    فعلا.....لا تعليق

    ReplyDelete
  11. Anonymous:
    المسئولية مشتركة بين الناس و الحكومة
    و مين اللي ابقى الناس على هذه الدرجة من الجهل و التخلف....؟!!!!

    ReplyDelete
  12. mr.president:
    و حتى الخرزانة برضة مش هتفوقه
    لأنه اتعود عليها
    بالبلدي كدة
    جتته نحست

    ReplyDelete
  13. meshmesh:
    كلمة السر هو الجهل و التغيييب اللي نجحت الحكومات المتتالية بداية من يوليو 52 انها تزرعه في الشعب لحد ما مات و انتهى
    لا حول و لا قوة الا بالله

    ReplyDelete
  14. hakiem:
    الحالة اللي هم و غيرهم فيها دي نتيجة سكوتهم على اوضاعهم و على الظلم و الفساد اللي بنعيش فيه

    ReplyDelete
  15. (حملة تضامنوا مع إسرائيل !!!)

    أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع إسرائيل !!

    صورة الشعار .. في مدونتي كركر .. ويكتبون فوقها ..

    (حملة تضامنوا مع إسرائيل !!!)

    رابط المدونة

    http://krkr111.blogspot.com

    جعله الله في ميزان حسانتكم .. آمين

    ReplyDelete
  16. dr.lecter:
    اللهم ارفع مقتك و غضبك عنا

    ReplyDelete
  17. الفقيرة الى الله ام البنات:
    بالنسبة للإستطلاع
    الهادي هو الله

    ReplyDelete
  18. foxology:
    الجهل هو اساس التخلف
    بل هو التخلف بعينه
    تفتكر في ناس مصلحتها ان الشعب دة يفضل جاهل كدة؟؟؟

    ReplyDelete
  19. Anonymous:
    النوع دة من الرسائل بيورد علي يوميا
    بلاد افريقية بتحدف فلوس
    بس الظاهر انها فلوس من نوعية فلوس بنك الحظ كدة
    ان شاء الله اتابع المقالات
    شكرا لك

    ReplyDelete
  20. ام الخلود:
    طبعا هو الموضوع و العنوان مثير للتساؤل
    اكيد هازور المدونة لاستكشاف الوضع
    تحياتي

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails