Friday, 28 May 2010

شخصية و قضية ..............عبير صبري

(شخصية..و قضية) هي سلسلة موضوعات....كل موضوع يتناول شخصية ما...سياسية او اجتماعية او رياضية...غالبا ما ستكون شخصية مثيرة للجدل...ليس بالضرورة ان يكون التناول من منظور سلبي.. و لكن الشخصية غالبا ما تطرح قضية هامة..سنناقشها معا
------------------------------------------------------------------------------
القصة ليست لها علاقة بإرتداء (الحجاب) على الإطلاق....انا ازعم اني (ليبرالي) أحترم ارتداء الحجاب و ايضا احترم من لا ترتديه.....لا أحب (النقاب) و لكني لا أهاجم من ترتديه.
اكره في حياتي نوعين من السيدات:
المتبرجة (بزيادة شوية) او بالبلدي (المستهبلة)....بإعتبار ان حريتها الشخصية في اختيار ملابسها قد تعدت خط الحرية الشخصية الى ايذاء مشاعر الأخرين في بلد يعاني شبابه من البطالة و ضيق ذات اليد و بالتالي تأخر سن الزواج.
و ما اكثرهن هذه الأيام
النوع الثاني هو من تقرر (خلع) الحجاب بعد ارتدائه.....يستفزني هذا النوع من النساء بشدة....لا توجد اية غضاضة في عدم ارتداء الحجاب فلم يكن يوما الحجاب (صكا) للأخلاق
فكم من حجاب ترتديه (شيطانة) و كم من (ملاك) غير محجبة.
الا ان للحجاب (قدسية) و (هيبة) لابد من احترامها, لا ترتدي يا سيدتي الحجاب...فلن تزيدي الحجاب شيئا من ارتدائك اياه...الا انك فور ارتدائه قد حملتي مسئولية كبرى....لابد من الحفاظ عليه
الا انك تفاجأ بالبعض لهن في الحجاب (مآرب) اخرى....نوع من التغيير او الموضة او الرغبة في الزواج و كلها اسباب مؤقتة يتم خلع الحجاب بإنتفاء الغرض من ارتدائه
عبير صبري
لم تكن يوما ما (نجمة) سينمائية او تليفزيونية.....لم يتحدث احد عن موهبتها الفذة في التمثيل....ربما يمكن تصنيفها كممثلة (نصف مشهورة)....يمكن تصنيفها كممثلة اغراء....لا توجد لها اية ادوار يمكن تصنيفها بالعلامة.
لا اذكر من ادوارها سوى دور في احد افلام المقاولات شاركها فيه البطولة شريف عبد المنعم (لاعب الأهلي السابق) و المطرب الشعبي حسن الأسمر...و لا أذكر اسم الفيلم طبعا و انما اذكر مشاهدها فقط بسبب جرأتها الرهيبة و مراهقتي (أنذاك)!!!!!!
فجأة خرجت علينا الصحف و المجلات الفنية بخبر اعتزال الممثلة عبير صبري و ارتدائها الحجاب.....الله اكبــــــــــــــــــــر....يا الف نهار ابيض...يهدي الله من يشاء.
احاديث صحفية تشرح فيها الممثلة التائبة كيف هداها الله بعد ضلال...و كيف ان حياتها تغيرت كليا بعد ارتدائها الحجاب...و كيف انزل الله عليها السكينة و الطمأنينة.
سعادة الناس بحجاب (عبير صبري) كانت نابعة من فرحة الناس لأي فرد يتوب الله عليه و يطهره من معاصيه...الا ان الفرحة الأكبر في رأيي كانت نابعة من اختفاء الفنانة عن الظهور على شاشات السينما و التليفزيون بتمثيلها الرائع و ادائها المبهر.
و لكن تأتي الرياح دائما بما لا تشتهي السفن لتطل علينا الفنانة المعتزلة على شاشة روتانا ضمن كتيبة (هالة سرحان) و ما ادراكم من هم (كتيبة) هالة سرحان...سحر الجعارة و ايناس الدغيدي و معهم (النجمة المحجبة) عبير صبري....و مناقشة لأجرأ الموضوعات التي لا يجرؤ على مناقشتها الا هؤلاء.!!!!!
و تأتي رياح اخرى لا تشتهيها سفينة (الفنانة المعتزلة) بوقوع قائدة (الكتيبة) د.هالة سرحان بأزمة عاصفة استدعت ابتعادها اعلاميا و انهيار امبراطوريتها و اختفاء برامجها الجريئة ...لتفاجأ الفنانة (المحجبة) بإنحسار الأضواء عنها...يعني لا تمثيل و لا تقديم برامج؟؟!!!!
تحول الحجاب الى عبء ثقيل....انحسار الأضواء كارثة لعشاق الضوء.
قررت فنانتنا الرائعة العودة للضوء....الضوء مغري و جذاب حتى لو كان الثمن هو خلع الحجاب.....الحجاب الذي اضاعت الكثير من وقتها الثمين قبل سنوات في عمل حوارات صحفية تشرح فيه تجربتها مع الهداية
و مثلما صدعت لنا ادمغتنا بالحديث عن الحجاب و كيف هداها الله للتوبة و الطريق القويم....قررت ان تترجم عمليا خلعها للحجاب بالتواجد المكثف في الأعمال السينمائية و التليفزيونية المختلفة
و يبدو ان السادة المنتجين قرروا ان يستفيدوا من الفرقعة الإعلامية المصاحبة لتجربة حجابها و خلعها له فقرروا الإستعانة بها في العديد من الأعمال السينمائية
هي طبعا لم تكذب الخبر و قررت مثلما قدموا لها السبت ان تقدم لهم الأحد و الإثنين و الثلاثاء ايضا وزي ما هم قدموا لها (السبوبة) قررت ان تنجح السبوبة دي بكام مشهد جريء و (قوي) اوكما يسمى بلغة السينما (مشاهد الأغراء الموظفة في خدمة السيناريو).
تحولت من النقيض للنقيض في لحظة ...من سيدة محجبة الى ممثلة (جريئة)...بدون سابق انذار
القضية هنا:
هل خلع الحجاب حاجة سهلة كدة...ممكن الواحدة تاخد القرار دة بكل اريحية و بنفس راضية؟؟
يعني ممكن واحدة في غمضة عين تتحول من الإحتشام و الملابس الواسعة المحترمة للبودي و الميني جيب و الحمالات ...و اللذي منه؟!!!
انتشرت هذه الظاهرة الفترة الماضية ...سواء بين بعض الفنانات او بعض زوجات المشاهير او حتى بين بعض الفتيات و السيدات في المجتمع
لست ممن يحكمون على الأخلاق بالحجاب او بالملابس على الإطلاق....ليس هذا هدفي من اثارة مثل هذا الموضوع على الإطلاق.
مؤكد ان الإحترام و الإحتشام مؤشر هام على طبيعة الشخصية الا انها ليست المؤشر الوحيد و في احيان كثيرة يكون مؤشرا خادعا و كاذبا
الا اني احترم الحجاب بشدة....و ارفض بشدة العبث به لتحقيق اهداف شخصية....بمعنى انه من الأفضل الا ترتدي الحجاب على الإطلاق الى ان يأذن الله بإرتدائه عن قناعة و رغبة و حب و ساعتها يصبح العلاقة بين الحجاب و من ترتديه مثل الزواج الكاثوليكي لا فكاك منه ابدا
اما من ترتديه من اجل الشهرة او الزواج او لفت الأنظار فهو شيء في غاية الدناءة و الحقارة (من وجهة نظري طبعا).
ربما يرى الكثيرون ان ارتداء الحجاب او خلعه (حرية شخصية) بحتة....لا ينبغي ان تهم احدا اصلا....سلبا او ايجابا...هي قضية تخص صاحبتها فقط لاغير.
و هي وجهة نظر فعلا...الا انني فعلا اجد نفسي (مستفزا) (بفتح الفاء) من خلع الحجاب و استبداله بالمايوه....ربما ارتداء الحجاب حرية شخصية الا ان خلعه -من وجهة نظري- ................

32 comments:

  1. سيدى الفاضل معك فى كل كلمه حضرتك قلتها
    فى كل حرف حضرتك قلته
    فيوجد انس والله العظيم حرام عليهم ان يلبسوا الحجاب خلعه افضل من لباسه لانهم يسيئون لسمعه الحجاب
    ...

    ReplyDelete
  2. هو مش اكتر من تغيير لما يسمى بالـ ( اللوك او المظهر الخارجى ) وزى ما قلت يعتبر وسيلة او سبوبة فى بعض الاحيان والامثلة كتيرة من داخل الوسط الفنى طبعا

    هو مش هيفرق معانا فعلا ان واحدة تلبسه او تخلعه بس زى ما قلت ان الواحد بيحس انه مستفز فعلا بسبب اللى بيتقال وبيحصل وافتكر بمناسبة عبير صبرى انى حضرت العرض بتاع فيلم عصافير النيل اللى الصورة التانية متاخده منه وكان فى ندوة بعد الفيلم وهى كانت حاضرة وقالت بدلوماسية شديدة وعجيبة فى نفس الوقت اول لما بدأت تتكلم ان مينفعش الحياة الشخصية للفنان تبقى مادة للنقاش فى المنتديات واللقاءات والندوات والمهم عبير بتمثل كويس ولا لا مش عبير ﻻبسة ايه واترجت الناس اللى بيهاجموها بسبب تريلر الفيلم انهم يشوفو الفيلم الاول وبعد كدة يحكمو ويرحموها شوية !!

    انا كنت مندهش الحقيقة لانى مبقتش عارف هى ممثلة فعلا ولا ايه بس الحق يتقال ان دورها فى الفيلم كان مش وحش وقدرت توصل تفاصيل الشخصية كويس بحكم انى قريت الرواية الاصلية للفيلم قبل ما اتفرج على الفيلم

    وبس :)

    تحياتى

    ReplyDelete
  3. حقيقى اتفق معك تماما فيما ذكرت لكن اتوقف عند الشخصيه ذاتها عبير صبرى لم ولن تكون نجمه سينمائيه اوموهبه قويه ولن تتعدى دور السنيد بس هى قلعته عشان زهقت وتلاقيها اتزنقت ف قرشين وصدقنى عمرى ما صدقتها وهى بتتكلم عن التوبه والرجوع الى الله مش عارفه ليه؟بس بصفه عامه اللى بتخلع الحجاب حاجة من اتنين يا مجبره على لبسه او مختله نفسيا كل شويه بقرار ومن ضمن القرارات اللى هى مش قدها الحجاب نتمنى مزيد من الشخصيات والمناقشات القويه المتوفره دائما على صفحات الاغلبيه الصامته

    ReplyDelete
  4. ربنا يهدينا ويهديها هي وكل اللي زيها...
    كل اللي أقدر أقوله ان طريق الله عز وجل نور
    لا يهدي له الا من هو أهل لتلقي هذا النور الالهي...  

    ReplyDelete
  5. طيب مش ممكن نضيف للغستطلاع اللي انت عامله
    نظرة شفقة على شخصية مزلزلة داخليا وضايعة وبلا شط ترسى عليه

    المواقف عادة يلزمها عقل يفكر
    وشخصية تقرر
    وارادة تحارب من اجل ما فكر وقرر واقتنع العقل

    انا بيصعبوا عليا
    يمكن الأول بتغاظ منهم بس بعد شوية لا يتبقى الا الشفقة على ناس مربهومش أباء على إعمال العقل وعدم الإنقياد لا لليمين ولا الشمال

    تحياتي

    ReplyDelete
  6. فاكر ميرنا المهندس؟
    كانوا بيقولوا انها مريضه بمرض خطير وانطويت وتحجبت - ولكن بعد أن شفاها الله رجعت تاني زي ما كانت
    كل الكلام اللي قلته مظبوط
    وعندك بردو واحده زي سهير البابلي
    بعد الحجاب ظهرت في اعلانات كتير- وده عشان الفلوس
    أصل المقارنه بين مكسب زمان ومكسب دلوقت أصبحت في غير محلها
    بيعوزوا يرجعوا بسرعه
    القرار مش بيكون عن قناعه- لكن ممكن يكون عن شهره او تلميع اعلامي
    وإلا ما ان هناك داعي للعوده مرة أخرى
    وياما هاتشوف من الممثلين
    أصل المهنه بتحكم

    ReplyDelete
  7. معلش اولا الناس دى مش بسهوله تتوب كدا الشهره لها بريق بيغريهم بعد ما بيتوبوا بيرجعوا تانى الايمان فى قلبهم مش بيبقى قوى بتبقى موجه تاخدهم وترجعهم تانى للى كانوا فيه
    اما عن عبير صبرى فاصلا وهى محجبه كان حجابها دلع باديهات وبلوزات قصيره واسبانيش وميكب على اعلى مستوى ودا طبعا لا يمت باى صله للحجاب انا شخصيا احترم اللى ماشيه بشعرها عن اللى محجبه ولابسه لبس ملوش لازمه الاسكارف اللى فوق راسها ثانيا هى شخصيه اقرب للمرض النفسى وكانت كتير جدا تتكلم عن السحر والحسد والزواج وكان سهل التأثير عليها عشان تتحجب وسهل التاثير عليها عشان تخلع الحجاب
    وفى النهايه انا اعرف حديث عن رسول الله صلى الله عليه وسلم فيما معناه ان المرء بيبيت والكل يشهد له بالصلاح والتقوى ثم يستيقظ وقد فتن فى دينه
    وان الفتنه ستكون سريعه فى هذا الزمان
    ربنا يعفينا ويهدينا ويسترها معانا

    ReplyDelete
  8. عجبني اوى شادية اتحجبت واعتزلت وتفرغت للعبادة بعيد عن الشهرة والاضواء
    الشهرة شهوة كبيرة ومغرية بمعني الكلمة دة من ناحية
    من ناحية تانية مظهرية الدين اللي غرقانين فيها للركب زى الفساد كدة والدين ليس بالمظاهر ولكن القلوب انما الايمان ماوقر في القلب ثم ماصدقه العمل يعني الايمان الاول وبعد الايمان بالله وبالقيم الاسلامية العمل بالايمان
    لكن مفيش ايمان ولا فيه عمل يتحول الدين الي مظهر اصلي ولا اصلي ازكي ولا ازكي احج ولا احج اربي لحيتي واكل مال اليتيم مثلا او ارتشي او او
    اتحجب ثم اخلعه بعد قليل كأنه موضة

    الحجاب اه مظهر من مضاهر الدين وهو فرض علي كل
    مسلمة وانا مؤمن بكدة بس هو مجرد حتة قماش وخلاص علي كدة طبعا لا واكيد حضرتك عارف الكلام دة اكتر مني
    وطبعا مش عنحكم علي غير المحجبات انهن غير مؤمنات والعياذ بالله
    وطبعا الكلام يطول لانها من الافات عند المجتمع دة

    معلش طولت علي حضرتك
    تقبل اول مرور ليا

    ReplyDelete
  9. مصريه و لكن29 May 2010 at 02:09

    فتنه الدين شئ خطيرو ليس سهلا علي الاطلاق ـو لكني اعتب عليك انك تفتح في الموضوع بشكل خاص علي الشخصيه المذكوره ليس حبا فيها و لا دفاعا عن ما فعلته لاني ضده و لكن حفاظا علي غيبه اخت مسلمه هداها الله و هدانا.

    ReplyDelete
  10. انت مش شايف الصورة اللى انت حطيطها اوفر اوى ومش لايقا على الكلام

    هو لية المبداعندنا بيتجزء

    بتتكلم على الحجاب وقلعها لية بعد كدة

    طب والصورة اللى انتا حاططها لازمتها اية طب متجيبلها صورة وهى بشعرها لوحديها

    وكمان الحجاب اللى كانت لابساها قبل ماتقلعة مكنش حجاب حاجة ولافاها على شعرها ذى عمة المعلمين والصعايدة

    ReplyDelete
  11. عمري مانظرتي خابت فيها
    منافقه من صغرها
    سيماهم علي وجوهمم

    ReplyDelete
  12. متفقة معاك تماما في كل اللي قلته
    هي اولا واخيرا اغراض اخري

    ReplyDelete
  13. الوصفة السرية لعيشه فنيه هنية

    أولا ارتدى عزيزتى الحجاب كدة و كدة و ربك رب قلوب بقى وانت أكيد نيتك خير
    ثانيا استحضرى النية الخالصة عشان تستفيدى بالكام أسبوع إللى حتلبسى فيهم الحجاب
    ثالثا ... بومبا تفرقع و تبقى مشهورة من جديد

    للحصول على أفضل نتائج رجاء تكرار الخطوات 1و2و3 إذا دعت الحاجة


    تحياتى يا أحمد .. والله ليك وحشة

    ReplyDelete
  14. قلب فارس:
    لله في خلقه شئون

    ReplyDelete
  15. foxology:
    طيب طالما الحياة الشخصية مش مادة للنقاش
    صدعتنا ليه ايام حجابها بالحديث عن الهداية و التوبة
    سبحان الله
    تحياتي

    ReplyDelete
  16. Anonymous:
    كل فترة هنتناول شخصية ما ان شاء الله
    تحياتي

    ReplyDelete
  17. البنفسج الحزين
    ربنا يهدينا جميعا

    ReplyDelete
  18. ستيتة حسب الله الحمش:
    يعني سيادتك تقصدي ان عبير صبري تستحق الشفقة و الرثاء؟؟
    اشك تماما

    ReplyDelete
  19. لورنس العرب:
    تصدق ان اخر جملة دي فيها الخلاصة فعلا
    المهنة بتحكم
    تحياتي

    ReplyDelete
  20. سومة...مجنونة في بلد عاقل:
    فعلا هي طول عمرها مثيرة للجدل قبل و بعد و اثناء الحجاب

    ReplyDelete
  21. HAYTHAM AL SAYES:
    بداية اهلا بيك في المدونة و يارب ماتكونش المرة الأخيرة
    ثانيا
    الحجاب و الاعتزال بالنسبة للفنانة انا بأعتبره نوع من جهاد النفس
    لا تقدر عليه الا من تمتلك ارادة و عزيمة قوية و رغبة صادقة في التوبة
    تحياتي

    ReplyDelete
  22. مصريه و لكن:
    انا طرحت القضية باعتبار عبير صبري شخصية عامة و تصرفها الخاص بخلع الحجاب طرح قضية عامة تخص و تهم الكتيرين
    تحياتي

    ReplyDelete
  23. Anonymous:
    الصورة دي انا مش جايبها من عندي
    دي صورة لمشهد من فيلم سينمائي يعرض حاليا
    و هي بطلته
    الصورة كانت ضرورية لتوضيح كيف تتغير الأفكار و التصرفات من الحجاب للعري رأسا
    انا كنت متخيل انها ستخلع الحجاب و تعود للتمثيل بأدوار معينة الا ان ما صدمني هو اتجاهها لأدوار الإغراء مرة اخرى
    تحياتي

    ReplyDelete
  24. DR.LECTER:
    ربنا يهدي الجميع

    ReplyDelete
  25. KOCHIA:
    بس بجد المتاجرة بالدين شيء مقزز جدا
    عموما
    ربنا يهديها و الجميع
    تحياتي

    ReplyDelete
  26. meshmesh:
    انت فين من زمان
    المدونة مفتقدة تعليقاتك القيمة
    لو كل البنات و السيدات و الفنانات اتبعوا الوصفة بتاعتك دي كانت الدنيا خربت من زمان
    تحياتي

    ReplyDelete
  27. كويس ان مش انا بس اللي مفقوع من حوار عبير صبري واللي زيها
    تحياتي ليك يا ابو حميد
    ياااه بقالي كتير ماجتش المدونه بتاعتك
    تحياتي ليك يا ريس

    ReplyDelete
  28. zika:
    انا مش بس مرارتي اللي مفقوعة
    ربنا يستر علينا من اللي زيها

    ReplyDelete
  29. w elly katab el mawdo3 dah estafad eh yatara ?
    ysa5an el blog beta3o ?
    matsibo el nas f 7alha .. Allah a3lam b kol wa7ed f neyetoh eh
    w elly f nefso 7aga y5alliha gowah ma7adesh fina rabena
    w eh el ta7lil el fazi3 dah bs ???
    who told you en hia malebsetsh el 7egab fe3lan 3ashan rabena ????
    mayemken ya a5y tkon kanet fe3lan labsah w 3ayzah bs fotenat ..

    ReplyDelete
  30. anonymous:
    انا اللي كاتب الموضوع دة
    و الحقيقة مش هدفي التسخين و لا حاجة....البلوج اساسا سخن طبيعي....بموضوعاته المختلفة و المتنوعة و مناقشاته البناءة
    و طبعا مش شخصية زي عبير صبري -مع احترامي لكل الناس- اللي هتسخن البلوج دة على اساس يعني ان الناس بتصحى كل يوم الصبح تدور على اخبارها على النت؟!!!
    و الحقيقة انا الحمد لله مش نفسي في حاجة علشان اخليها جوايا
    في حاجة في الحياة اسمها المناقشة لمجرد المناقشة بدون اي غرض....يعنيالاختلاف في الرأي و احترام هذا الإختلاف
    و مش معنى ان رأيي يخالف رأي سيادتك ان عندي غرض...
    و لو قرأت الموضوع كويس هتعرف اني في الأول نوهت ان الحجاب لا يعكس الاخلاق على الاطلاق و لكني ارفض اللعب به والمتاجرة به
    طبعا ربنا اعلم بالنوايا و لكن دة تحليلي و قد يكون خطأ فأنا لست منزها...هو مجرد رأي
    و قد تكون لبسته فعلا عن اقتناع..و بعد كدة فتنت (على حد قولك)...و هل كل واحدة بتخلع الحجاب بتعمل مشاهد ساخنة زي المشهد اللي في البوست الخاص بفيلم عصافير النيل؟؟!!
    في كتير بيخلعوا الحجاب..و رغم استهجاني لهذا التصرف الا انه حق من حقوقها رغم اختلافي معه..الا ان الكثيرات ممن يخلعن الحجاب ليس بالضرورة ان يتعرين
    مش كدة و لا ايه؟
    تحياتي

    ReplyDelete
  31. الله يهديها ويهدينا ويهديكم

    ReplyDelete
  32. Succès ... S'il vous plaît noter les nouveaux sujets toujours

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails