Wednesday, 6 January 2010

التاج الرأس سنوي



















أنا اللي جبت دة كله لنفسي
دة لسان حالي و أنا بأجاوب على التاج دة اللي انا اخترعته و دلوقتي مطلوب مني اني اجاوبه
و هاجاوبه
استعنا على الشقا بالله

السؤال الأول: اجباري
بالنسبة لسيادتك....ياترى سنة 2009 تقدر تعتبرها بشكل عام سنة سعيدة.......كبيسة....مملة....مالهاش لازمة....الخ؟
سنة محايدة جداا..لا حلوة و لا وحشة.....لا ايجابية و لا سلبية..........على الحياد تماما
السؤال الثاني: اجباري برضة
ايه اجمل حاجة حصلت لك في 2009...؟ و بالمرة اسوأ حاجة في 2009 (لو كانوا كتير اختار الأسوأ)؟
اجمل حاجة حصلت في 2009 هي اني اكتسبت صحبة و صداقة مجموعة من الأصدقاء الجدد صاروا اكثر من الأخوات و اضافة اكثر من رائعة لأصدقائي القدامى الذين سأظل اعتز بهم طول العمر و حتى القبر
اما اسوأ ما في 2009 فهو ابتعادي عن اهلي بحثا عن فرصة عمل و حياة افضل
الا ان الفراق.................ما ابشعه
السؤال الثالث: برضه اجباري
لما بيتقال 2009 ايه اول حاجة بتتبادر لذهنك على طووووووووول؟
احداااااااااااااث كتير قوي....احداث خاصة بالشغل و سفر لليبيا و اجازات لمصر و عودة لليبيا و شخصيات جديدة اتعرفت عليهم و ناس ظهرت في حياتي و ناس اختفت منها
باختصار...........بتظهر صورة مشوشة تماما
السؤال الرابع: اكيد عرفت انه اجباري
بتحتفل بليلة رأس السنة ؟ و لا بتعتبر الأحتفال بيها حرام؟
لا........طبعا بحتفل بيها ....و بحب اليوم دة جدا........و بأنظر له نظرة فلسفية تماما.باعتبارها ليلة بتمر فيها جوة دماغك احداث سنة كاملة بحلوها و مرها و بتفتكر كل اللي مر بك على مدار 365 يوم فاتت و بتحس بتفاؤل و أمل في 365 يوم جايين
السؤال الخامس: مبني على اللي قبله
ياترى احتفلت به السنة دي ازاي؟
السنة دي بأعتبار رأس السنة استثنائية على اساس اني خارج مصر في بلد لا يهتم كثيرا بموضوع رأس السنة
فلقد اكتفيت بالخروج مع زوجتي و مجموعة من الأصدقاء و زوجاتهم و الجلوس في احد الكافيهات
كانت خروجة جميلة على الرغم انها مالهاش اي دعوة برأس السنة بأعتبارها كانت خالية من اي احتفال
السؤال السادس: مش محتاج افكركم انه اجباري
فاكر 31 ديسمبر 2008 (اه....السنة اللي فاتت)...ياترى فاكر حالك ساعتها و كنت عامل ازاي؟
في 31 ديسمبر 2009...ياترى ايه اللي اتغير فيك؟؟؟ياترى لسة قاعد نفس القعدة و في نفس المكان و لا في حاجات كتير اتغيرت من 31 ديسمبر 2008 الى 31 ديسمبر 2009؟
اه طبعا فاكر 31 ديسمبر 2008.....قضيت رأس السنة دي انا و زوجتي في سيتي ستارز و دي كانت المرة الاولى من فترة طويلة اللي بأخرج فيها خروجة جميلة في رأس السنة...و كانت معانا واحدة صاحبتها
و كانت ليلة جميلة....كان يوم اربعاء...و كان نفسي يطفوا النور و يعملوا عد تنازلي لما الساعة تيجي 12 الا انهم ليلتها الأمن الغى العد التنازلي اما خوفا من التحرش او بسبب الحرب الاسرائيلية على غزة
و بالتأكيد اتغير على مدار السنة حاجات كتير جدا...ابسطها اني لست في مصر اساساو حاليا في ليبيا...مع اصدقاء جدد الا اني و الحمد لله احتفلت بها مع زوجتي برضة
السؤال السابع: برضة
غلطة غلطتها في 2009 و مش هتكررها في 2010
اني تعاملت مع احد الشخصيات بأسلوب معين لم يكن يستحقه.....كان يستحق اسوأ منه بكثـــــــــــــير
في بعض الأشخاص اللي لابد ان تظهر لهم انك (غير محترم) حتى تكسب احترامهم....اما لو اظهرت لهم انك شخص (محترم) يبقى عليه العوض و منه العوض...فأنت بالنسبة لهم لست الا شخص تافه
السؤال الثامن: و دة أكيد اجباري برضة
امنية تتمناها في 31 ديسمبر 2009 و تدعي ربنا انها تتحقق في 2010....ادعي...مين يعرف؟؟مش ممكن تكون ساعة اجابة؟؟
الرضــــــــــــــــــــــــــــــــــــــــــــا
دي اجمل نعمة ربنا بينعمها على عبيده....طول مانت راض...........يبقى مفيش اي مشكلة هتقابلك في الحياة
لو انت مريض بس راضي...........هتبقى في منتهى السعادة
لو فقير....و لديك نعمة الرضا......تبقى اغنى الأغنياء
لو بتعمل في أشق المهن و أقساها و لكنك راض عن نفسك..........ستكون اسعد السعداء
اللهم اني اسألك الرضا يارب العالمين
السؤال التاسع...........الأخير
شخص تتمنى لا تشوف صورته و لا تسمع اسمه في 2010؟
هم مش شخص واحد........انما عدة اشخاص تم تسخيرهم لتجميل وجه قبيح هو وجه الفساد و الفوضى و هم رؤساء تحرير الصحف (الحكومية)....الذين قرروا او قرر لهم ان يكونوا ابواقا...و لكنها ابواق تصدر اصواتا في منتهى النشاز و الأزعاج
ربنا يهديهم او يأخذهم
&&&&&&&&&&&&&&&
انتهى التاج ليبدأعام جديد بحلوه و مره
Happy New Year 2010

13 comments:

  1. كل سنة وانت طيب ويا رب السنة دى تبقى اسعد واحسن وربنا يكرمك ف حياتك الخاصة والعملية وينعم عليك بالرضا والسعادة ويرجعك بالسلامة وكل كريسماس وانت بخير ويا ترى هتودينى فين السنة الجاية ان شاء اللة مش مهم المهم نكون سوا ربنا يخليك احلى حاجة ف 2008,2009,2010هو انت ربنا يخليك ليا

    ReplyDelete
  2. شفت التاج سهل ازاي زي شكة الدبوس عشان تحرم تعمل تاجات تاني هههه
    كل سنة وانت طيب

    ReplyDelete
  3. ياريت إجابة السؤال السابع تبعتهالى بصورة أوضح على البريفيت او على الايميل بتاعى .. حتى لو كنت تقصدنى انا

    الأنيشتا بتاعك

    ReplyDelete
  4. اجابات تمام

    سنة حلوة عليك

    وتحقق كل ما تحلم بية

    تحياتى

    ReplyDelete
  5. كل سنه وانت طيب يا أحمد

    وان شاء الله الجاى يبقى أحسن

    ReplyDelete
  6. حلو التاج ده بس انت اجاباتك مختصرة اووى
    انا بيتهيألى لو جاوبت عليه عايزة كام صفحه
    السؤال التامن اجابته بجد تمام اخر حاجة
    وربنا يوفقك ويوفقنا كلنا والسنه دى تعدى على خير
    واللى جاى يبقى افضل من اللى قبله وربنا يصبرنا ويرضينا ويهدينا

    ReplyDelete
  7. anonymous:
    اهم حاج هتوديني فين...........؟
    ماشي
    مانا اتحايلت علييكي نروح انجولا نتابع كأس افريقيا
    انتي اللي مارضتيش

    ReplyDelete
  8. خواطر شابة:
    توبة من دي النوبة
    تحياتي

    ReplyDelete
  9. anonymous:
    تم التوضيح في برايفت الفيس بووك يا كابتن

    ReplyDelete
  10. الاسطى بلية:
    الف شكر
    كل سنة و انت طيب

    ReplyDelete
  11. dr.lecter:
    اتقضله
    جاوب ع التاج

    ReplyDelete
  12. بسمة عبد الباسط:
    ان شاء الله يا بس بس
    على الجميع

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails