Tuesday, 15 December 2009

هي دي النفس البشرية

هي دي النفس البشرية
كل واحد فينا بيبص للي مش عنده...رغم انه لو ركز شوية مع نفسه هيكتشف اكيد ان عنده حاجة مش موجودة عند اللي باصص له
هو دة قانون الحياة
محدش امتلك كل حاجة.....انظر حولك
بص كدة حواليك و تأكد ان مفيش حد امتلك كل مفاتيح الحياة
اللي عنده الفلوس معندوش الصحة و اللي عنده الصحة معندوش فلوس و اللي معاه الاتنين معندوش السعادة و اللي معاه كل دة ربما يكون محروم من الأسرة و دفئها....و هكذا
هو دة قانون الحياة
هي دي قواعد اللعبة
محدش عنده كل حاجة

24 comments:

  1. للأسف يا أحمد محدش بيفكر فى الكلام ده من الأساس وكل واحد شاغل دماغه بالناس وعندهم إيه ولية أنا ماعنديش كده
    وأفكار غريبة وعجيبة ويمكن لو حول طاقتة من مراقبة الناس لحاجة تانية مفيدة هيستفيد قوووووووى فى حياته
    بس نقول إيه هيا دى النفس البشرية

    ReplyDelete
  2. بص بقى انا اعترف ساعات
    بحس بكده و الله بقرأ الموعذتين للى بحس بان حالة احسن من حالى فى سرى
    علشان محسدش و ماذيش الى بحسده بدون قصد

    بس برجع و افكر و الاقى نفسى لو مكن الشخص الثانى حبقى فى قمة النكد و الغم لانها مش حياتى و مش انا و ده مش اختيارى
    يعنى مقدرش اعيش واقع انسان باكمله مش من واقعى انا

    لعلمك اكثر حاجة تضايقنى لما تلاقيك فى ضيقة او حد ثانى و يشكى حالة للاصحاب و حد منهم (معرفش علشان العين و لا علشان يشتكى هو راخر و لا ايه ؟؟) يشتكى من حاجات تبين قد ايه النعيم الى هو فيه

    مثلا واحد معندوش فلوس كفاية يعمل عملية مهمة و بيستلف من خلق الله و يتزلل و تلاقى حد بيشتكى انه عايز يغير عربيته و مش فاضى الى حيدفع يلف معاه :-)) و الله بجد حصلت قدامى ، و يبقى مستنى مننا كلامات الموساة زى ماواسنا الثانى :-))
    سبحانك يارب

    بس ارجع و اقول يارب قوينى و راضنى بما قضيت
    و بارك ليى فيما انعمت

    علشان اخزى شيطانى و اسكته

    ReplyDelete
  3. فعلا معك حق

    القناعه كنز لا يفنى :)

    ReplyDelete
  4. تعرف انا اؤمن ان كل واحد منا في هذه الدنيا واخد 100% الفرق فقط هي موزعة كيف تجد واحد عنده 20 اولاد 40 صحة 10 علم 20 مال 10 جاه والاخر الجسبة مختلفة والنسب تختلف من واحد للاخر لكن المهم اننا كلنا نأخد نصيبنا في النهاية أي المائة في المائة المكتوبة لنا
    هذه القناعة تجعلني أحس بالرضا وأعلم ان الله هو الذي يقسم الارزاق كيف يشاء وكما يقول المثل المغربي " ما كاين اللي لقاها كي بغها غير الله" بمعنى كل واحد فينا لابد سيحس انه عنده نقص في شئ انها كما قلت النفس البشرية سبحان الله
    تحياتي لك

    ReplyDelete
  5. طالما فيه تطلعات يبقى أكيد هانبص للي جنبنا
    ده قانون احنا عملناه في الحياه
    ومبدأ القناعه كنز لا يفنى غير موجود في القوانين الشخصيه
    مفيش واحد كامل- لكن هناك صراع على أن أكون انا اكمل الناس
    صحيح مش هاوصل لكده- لكن فيه حرب بين الناس على ده

    ReplyDelete
  6. انا عندى سؤال!؟
    هو انت ليه كتبت الكلام ده اكيد حد استفزك بكده؟
    عمتا انا ماعنديش غير رد واحد وانا مقتنعه بيه ومابحاولش اغيروا ولااقول انى اوصل للكامل..الرد هو:ان ماكمال غير لله عز وجل

    ReplyDelete
  7. شاركونا الراي والخبره في جمعية مقاومة الطلاق

    ReplyDelete
  8. على رأى شيخنا الشعروى
    مجموع أى أنسان :24قـييراط
    ما بين صحة ومال وجمال
    وعيال وراحة بـــال كمان
    لكن النفس بقى وطلباتها
    والتطلعات دى يمكن هى
    اللى مخليه لحياتنا معنى
    والا كانت حتبقى
    راكدة
    (قليل من التطلع)لا يفسد الحياة

    ReplyDelete
  9. احنا بشر في النهايه ولينا احلام وطموحات واطماع

    ReplyDelete
  10. رائع أوي البوست ده يا أحمد
    كلمات قليلة وكلن معاني كتيييييير أوي
    تحياتي

    ReplyDelete
  11. والكاريكاتير برضه جميل
    :)

    ReplyDelete
  12. معاك حق فعلا
    البني ادم ميملاش عينه غير التراب

    ReplyDelete
  13. bosbos:
    تقريبا طبيعة النفس البشرية طبيعة طفسة
    تحياتي

    ReplyDelete
  14. wanda:
    ساعات كتير الواحد بيقعد مع نفسه و يفكر في حاله و يشوف ان في ناس احسن منه
    ممكن جدا يكتئب و يحس بالحزن
    بس لو رجع لنفسه سيتأكد ان ربنا عادل جدا....و ان اكيد انا امتلك اشياء هو لا يملكها
    و اكيد هو كمان ينظر الينا بنفس النظرة
    تحياتي

    ReplyDelete
  15. اقصوصة:
    بس ساعات كتير بننسى هذه الحكمة الخالدة
    تحياتي

    ReplyDelete
  16. خواطر شابة:
    يا بخته بجد اللي الفكر دة يبقى في باله على طوووووووووووول
    هيرتاح في حياته جدااا
    تحياتي و احتراماتي

    ReplyDelete
  17. لورنس العرب:
    هنااااك فرق و فرق كبير جدا
    بين التطلعات و الطموح من جهة و بين الطمع و النظر لما في يد الاخرين و ليس في ايدينا من جهة اخرى
    في حاجات كتير قدرية ولا دخل لنا بها بل هي منحة من الله يمنحها لمن يشاء من عباده و لا ينبغي على الاطلاق ان نعترض
    تحياتي

    ReplyDelete
  18. merooo:
    ابدا محدش استفزني و لكني الاحظ هذه الظاهرة منتشرة بشدة بل و متفشية
    لفتت نظري
    تحياتي

    ReplyDelete
  19. قيس بن الملوح:
    من عنينا الاتنين...ربنا يوفقك
    تحياتي

    ReplyDelete
  20. norahaty:
    بالتأكيد قليل من التطلع لا يفسد الحياة
    و لكن النظر الى ما في يد الاخرين بدون ملاحظة ما في ايدينا من نعم هو ما اتحدث عنه
    الشعور بالنقص الذي ينتاب البعض منا لمجرد انه افتقد نعمة من النعم بغض النظر عن النعم التي يمتلكها في يده
    تحياتي و احتراماتي

    ReplyDelete
  21. dr.lecter:
    احلام و طموحات......اه حقنا
    اطماع.............لاااااااااااا عيب
    تحياتي

    ReplyDelete
  22. micheal:
    الف شكر ليك يا مايكل
    الكاريكاتير فعلا اكثر من رائع
    تحياتي

    ReplyDelete
  23. عاوز اصحى:
    مش كل الناس
    في ناس على قلتها القناعة جزء نت شخصيتها
    تحياتي

    ReplyDelete
  24. فعلا حتة الرضا عنذ الانسان دى مفقودة
    لو كل انسان رضى بما قسمه الله له وحمد
    الله على نعمه كل واحد هيعيش سعيد ومرتاح
    لكن النفس طماعة ونحن يجب ان نتحكم فى انفسنا .

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails