نواب الشعب
منتظر ايه يبقى حال بلد..... الناس دي هم المشرعين لقوانينه؟
الناس دي هي اللي بتضع القوانين اللي بتنظم حياتي و حياتك
الناس دي (المفروض) انهم ممثلين للشعب المصري
هم فعلا (ممثلين).....بس مش للشعب المصري
لما دة يبقى سلوك نواب الشعب...يبقى (الشعب) نفسه يعمل ايه؟
لا عجب على الأطلاق من انتشار البلطجة و قلة الأدب في الشارع بين عامة الشعب لتصبح هي اللغة السائدة في المجتمع....اذا كانت (البلطجة) هي اللغة السائدة بين اناس يفترض انهم صفوة المجتمع
و ياريت كل الخناقات دي على مصلحة الشعب...الا ان الهدف منها المزايدة لا غير و الرغبة في كسب رضا من بيده امر دخول هؤلاء النواب للمجلس من عدمه
فعندما لا يكون للشعب اي دور في اختيار ممثليه...فلا عجب من ظهور مثل هذه الصور و اكثر
فعلا
مسخرة
ملحوظة:
الصور منقولة من موقع اليوم السابع
20 comments:
هو انا اول تعليق ولا ايه :)
طيب عموما مبروك عليا
اما عن الممثلين اللى بيأدوا ادوارهم زى ما المخرج عايز
والمخرج عايز كده :)
اتمنى يكون قصدى وصلك
تحياتى
وهما من امتى مكنوش كده
وبعدين عشان كل واحد يعرف هوز بينتخب مين
المشكلة ان دول مش الصفوة زى ماحضرتك بتقول
لان اى حد دلوقتى بئا بينتخب نفسه
وبشوية فلوس بيفوز فى الانتخابات وفجأة بئا ممثل للشعب
يعنى المناصب دى مبتختارش الناس اللائقة
نتيجة طبيعية لانتخابات الحزن الوثني بتاعة البلطجية والرشاوي ووجبات كنتاكي
ولسه
كله من الحزب الوطني
لا انجازات و السلبيات بالكوم و بالرغم من ذلك باق علي الانفاس
هو احنا شعب مفيش عندنا دم و للا ايه؟
انا باستغرب علي حالنا و صمودنا امام الفساد لهذه الدرجة المروعه
انا مع عايش ...المخرج عايز كده
ربنا يرحمنا و يفوقنا بقى
فعلاً
مسخره
طب هعلق اقول ايه
غير كتهم الارف
عزيزى
مع احترامى لحريتك
مش مفروض تحترم مصريتك
اللى قالت على مروة الشربينى شهيدة المرجيحة
متستحقش انك تقاطعها
فى ناس محترمة بتقاطعها
لو اللى قالتوا ميستحقش خش عندها
انت حر
سلام
من نواب الجزم لنواب الحوارى واللى قاعدين يقولوا لبعض الفاظ نابية تحت قبة البرلمان يا قلب ما تحزن
عايش و لكن:
بس دة كدة تبقى مصيبة سودة
لان الاخراج رديء قوي
mahasen saber:
دة لو كان الناس انتخبتهم اصلا
بلاش تقلبي عليا المواجع
بلاش فضائح:
بس للاسف الناس دي محسوبة علينا نواب
و نظرا لان في اوروبا و الدول النتقدمة بيعتبر نواب الشعب هم صفوتهم
فدول محسوبين علينا صفوة
لنا الله
micheal:
لا يا عم كنتاكي غالية
دي الاصوات بتتباع بسندوتش كفتة و سندوتش كبدة كلابي
يعني الليلة كلها مابتتكلفش اكتر من 4 جنيه في الصوت
ذو النون المصري:
دم......؟؟؟
يعني ايه دم؟؟؟
بيتهيأ لي ان الاوبشن دة مش نازل للشعب المصري
الحلم العربي:
بس الاخراج رديء جدااا
محمد مفيد:
هي مسخرة و مأساة في ان واحد
البنت المشمشية:
مش عارف الناس دي الدعاوي عليهم مش بترشق ليه؟
ربك يمهل و لا يهمل
احساس لسة حي:
الله يرحمها
desert cat:
لكي الله يا مصر
Post a Comment