Monday, 8 June 2009

اه لو يعرفوا؟



مش مهم تكون بتفهم في الكرة....و مش مهم تكون عارف مين اللي بيلعب مع مصر....ومش بالضرورة انك تكون عارف اسماء لاعبي المنتخب و عارف مراكزهم في الملعب او الأندية اللي بيلعبوا لها
كل دة مش مهم ابدا علشان تحزن لما بلدك تخسر في مباراة لكرة القدم
امبارح بس عرفت قد ايه الهزائم والنكسات الرياضية للفرق المصرية بتكون مؤلمة للمصريين خارج مصر سواء في بلاد النفط او بلاد المهجر
اكتشفت ان الموضوع اكبر بكتير من كونه مباراة لكرة القدم بين فريقين
مفيش شك اننا كلنا كمصريين احزننا و بشدة هزيمة مصر من الجزائر الا ان شعور المصري بالخارج -صدقا و بدون ادنى مبالغة- يكون اضعاف مضاعفة شعور المصري داخل بلده و بين اهله و اصحابه
يستوي في ذلك الشعورين السلبي و الايجابي الفرح و الحزن السعادة و الاكتئاب
فالمصري داخل مصر لا يرى الوجه الأخر للهزيمة فالكل اما سعيد بالأنتصار او حزين للهزيمة الا ان المصري في الغربة فالوضع مختلف فلو كنت فائزا سترى اثار الهزيمة على جمهور الفريق المنافس...و قد تلمح نظرات الاعجاب و ربما الحسد في وجوه غير المصريين و ستشعر لحظتها بلحظات فخر و اعتزاز بمصريتك قلما تشعر بها
اما لو كنت مهزوما (كما حدث مساء الأحد) ستشعر بالخزي و العار و الحزن على ذكريات جميلة من الانتصارات و السعادة ضاعت و وولت و ذهبت سدى
سترى نظرات الشماتة و التشفي في وجوه بعض الأشخاص ليس فرحا لأنتصار المنافس بقدر الفرح لهزيمة مصر و انكسار المصريين
هي ليست عقدة الأضطهاد التي تصيبنا دائما بقدر ما هو واقع فعلي و ملموس فهذا هو قدر (الكبار) و مصر فعلا من (الكبار) و على الكبار ان يقاسوا و يكابدوا شماتة (بعض) و ليس كل الصغار
ليس العيب في الهزيمة في حد ذاتها فالرياضة لها وجهان الفوز و الهزيمة و لكن العيب بل (العار) في (الهزيمة المنكرة) او بمعنى اصح (الفضيحة) التي تجعل المصري في الخارج (مسخة) و اداة (للسخرية) و (التنفيث عن الحقد) من جانب بعض الصغار سواء بالتصريح او التلميح
اه لو يدرك لاعبو المنتخب المصري كم تسببوا في جرح مشاعر الملايين خارج مصر في جميع انحاء العالم بسبب ادائهم المخزي و هزيمتهم (النكراء)....او لو يعرفوا قد ايه فوزهم و اداؤهم الرجولي بيرفع معنويات الملايين من المطحونين اللي بيجدوا في الانتصار الرياضي الشيء الوحيد اللي ممكن يفخروا به في الزمن دة
و اه لو يعرفوا قد ايه استهتارهم و لا مبالاتهم بينكد على كام مليون و بيزيدهم هموم على همومهم و بيحرمهم من مشاعر جميلة بتهون عليهم غربتهم
بس يعرفوا ازاي؟؟؟؟ يعرفوا المشاعر دي ازاي و هم لم يجربوها اساسا و بالتأكيد لن يجربوها...فأحدهم مشغول بالكام مليون يورو اللي اخذهم بعدما هرب من ناديه و الأخر مشغول بأعلان خطوبته على الممثلة الفلانية و اخرين مشغولين بالأنتقالات بين الأندية المختلفة و كيفية الحصول على اكبر قدر ممكن من الأموال و الهدايا
انما الناس و مشاعرهم و حزنهم هي اشياء ربما تأتي في مراتب متأخرة جدا في اهتماماتهم و ربما لا تأتي من بين اهتماماتهم على الأطلاق
و حسبي الله و نعم الوكيل

11 comments:

  1. تصدق بالله انا من يومها مارضيت افتحالعربيه نت بسبب الموضوع ده
    من يوم ا شفتهم وهما شمتاننين فى الاهلى لما راح اليابان والكلام المستفز الى قالوه على الانديه المصريه
    وانا عرفت قد ايه ان الناس دى حقوده
    ومستنينه لينا على غلطه
    بس صدقنى الشجره المثمره هى الى الناس دايما تحدفها بالطوب

    ReplyDelete
  2. طيب تصدق بقى بالرغم من انى ماليش فى الكورة ولا بشجع اى نادى الا انى زعلت جدا للى حصل وحسيت بقهره ما بعدها قهره

    ReplyDelete
  3. حاسة بحرقة كبيرة قووووووووووووووووووووى فى كلامك والحكاية مش حكاية فريق خسر قدام فريق دى حكاية شعور مصرى بالغربة وبيبقى مستنى أى حاجة تفرحه وتحسسه بالفخر ومابيلاقيش ومش كفاية عليه مشاعر الغربة لا وكمان مشاعر الحزن والآسى من فرحة الآخرين فيه وفى هزيمتة
    أنا واصلنى أحساسك كويس قوى ولأنه بيوصلنى من أخواتى اللى برة مصر واللى فعلا عرفت من خلالهم يعنى إيه مصرى متغرب برة مصر
    ربنا معااااااااااك

    ReplyDelete
  4. حسيت لاول مره بعد مباراة بالعصبيه الشديده و تقريبا تقدر تقول اني حسيت بالاعياء و الهبوط بسبب ما رايته
    مش مبالغه لكن حصل فعلا

    ReplyDelete
  5. اطكمن..خدتلك حقك أنت وغيرك منهم في أغنية بالألبون..لما أنزله حاجي وأقولك
    :)

    ReplyDelete
  6. nody_1987:
    بس لما تبقى الشجرة مثمرة يا نودي
    انما في ماتش الجزائر احنا اللي ادينا الشامتين الفرصة كاملة ليقذفونا بالحجارة
    ممكن نقول كمان ان احنا اللي ادينا لهم الحجارة

    ReplyDelete
  7. desert cat:
    مالهاش اي علاقة بالكرة
    الموضوع هو كرامة وطن و سمعته
    الموضوع مصدر بهجة او سعادة لناس طافحة الدم في الغربة بيتحول لمصدر للهم و الحزن
    تحياتي

    ReplyDelete
  8. BosBos:
    ربنا ما يوريكي يا بس بس شعور القهر في الغربة
    الاحساس بالشماتة دة بشع

    ReplyDelete
  9. ذو النون المصري:
    مصدقك و الله لأني حسيت احاسيس مشابهة

    ReplyDelete
  10. micheal:
    نزل لهم اغنية تشجيع بقى يا فنان بمناسبة ماتش البرازيل
    الحق بسرعة قبل ماتش ايطاليا محدش عارف ايه اللي هيحصل

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails