Thursday, 30 April 2009

اوباما و ....الخنازير



اصبت بحالة من الأستياء الشديد بعدما قرأت خبرا عن تهديد ناشطين اقباط باللجوء الى اوباما احتجاجا على قرار الحكومة بأعدام الخنازير في مصر
(موقع مصراوي 29 ابريل 2008)
فما علاقة اعدام الخنازير باعتبارها اصبحت تمثل خطرا داهما يهدد بأنتشار وباء انفلونزا الخنازير في مصر وبين الطائفية و اعتبار هذا القرار موجه ضد الأقباط في مصر؟
فالخنزير كحيوان لا يمثل اي قيمة دينية او قدسية لدى المسيحيين فليس معنى ان الأسلام قد حرم اكل لحم الخنزير انه اصبح رمز لأي دين اخر غير الاسلام
فعلى حد معلوماتي ان كثير من المسيحيين لا يأكلون لحم الخنزير اساسا ليس لأنه محرم شرعا وانما لأنهم قد لا يستسيغون لحمه او لأنه قد يكون مضر بالصحة او لأية اسباب اخرى
فالمسيحي الذي لا يأكل لحم الخنزير مثله تماما مثل المسلم اذي لا يأكل لحم (الغزال) مثلا او لحم (الخيول) على الرغم انه حلال شرعا
فبالتالي اندهشت بشدة من اعتبار اعدام الخنازير حربا على المسيحية والمسيحيين فهذه مغالطات خطيرة و (لعب بالنار) الغرض منه اشعال نار الفتنة بلا اي مبرر او للحصول على منافع ومكتسبات شخصية
فهل لو (انفلونزا الخنازير) كانت (انفلونزا الخراف) مثلا و اصدرت الحكومة المصرية قرارا بأعدام جميع (الخراف) على ارض مصر...هل يعتبر المسلمين هذا القرار ضد (الاسلام) باعتبار الخروف يمثل الأضحية التي يضحي بها المسلمون في عيد الأضحى المبارك؟
طبعا ....هذا يمثل قمة العبث...بل وقمة الأنانية والطائفية بلا ادنى مبرر
و للحق فليس كل (الأقباط) على هذه الشاكلة....فالأغلبية العظمى اعتقد انها مع قرار اعدام الخنازير بل و منع تربية الخنازير على ارض مصر لأسباب صحية ووقائية بحتة ليس للدين اي دخل بها
و اعتقد ان صوت العقل يؤيد ضرورة درء و ردع اي خطر يهدد سلامة جميع ابناء هذا الوطن...فالفيروس لن يفرق بين مسلم ومسيحي...بين متدين و ملحد...بين محب للحم الخنزير واخر كاره له
وبالتالي جميعنا شركاء في مسئولية حماية هذه البلاد من ظهور وباء مدمر قد يفتك بالجميع و يدمر الأخضر واليابس....فلا مجال هنا للمزايدات الرخيصة
لا ادافع عن (الحكومة) ولا (مجلس الشعب) فقرار (اعدام الخنازير) قرار واحد صائب وسط عشرات ومئات القررا ت و مشروعات القوانين سيئة السمعة التي لا طائل من ورائها الا المصلحة الخاصة و المحدودة
واذا كان لابد من (اللجوء ) لأوباما فلنلجأ اليه فيما ينفع هذا البلد المنكوبة فلنطالبه بالضغط من اجل المزيد من الحريات و تخفيف القبضة الأمنية الخانقة على الشعب المصري بكل طوائفه ودياناته
فلنلجأ اليه كي يحقق لنا المزيد من الاصلاحات السياسية والاقتصادية
بدلا من ان تهددوا باللجوء لأوباما من اجل (انقاذ) الخنازير....هددوا باللجوء اليه من اجل (انقاذ المصريين) وساعتها كل الناس هتدعي لكم...حتى الخنازير هتدعي لكم برضة

35 comments:

  1. صح لسانك يا دكتور وخاصة وإن كان فيه إشاعة امبارح إن أوباما أصيب
    :)

    ReplyDelete
  2. أنا ماعرفش ليه الموضوع اتحول بصراحه لطريق تاني خالص
    هو احنا كل حاجه نسيب أصل الموضوع ونمشي وراء أي حاجه مالهاش علاقه بأساس الموضوع
    أنا استغربت أوي لما لاقيت عمرو أديب بيتكلم في كده ... ايه علاقة اعدام الخنازير بالمسيحيه والمسيحيين هي دي مش بلد واحده وده حيوان زيه زي أي حيوان وكلنا عايشين على الارض اللي ممكن المرض ده يصيب مسلم ولا مسيحي فيها
    طيب لو الخنازير دي لم يتم اعدامها اصحاب الكلام ده
    مستفيدين ايه؟؟؟؟
    أنا ماعرفش والله الناس بتفكر ازاي!!!!!ا

    ReplyDelete
  3. مش عارفين بجد هما خايفين من اية وعلى اية

    الا بقى لو كانوا خايفين على نفسهم من الاعدام

    باعتبار النشطاء دول من الــ

    ReplyDelete
  4. عارف يا احمد ليه صديق مسيحى ولما قولت له بجد مكنتش متخيله انه هيستوعب كده بسرعه وقالى لا واتفزع وقالهم فىالبيت ومش هياكلوا تانى المورتدلا دى ولا معرفش اسمها ايه
    وقعد سالنى حاجات ليه اصلا لحم الخنزير اتحرم وجبت له من الناحيه الطبيه
    هو يقصد عندنا فى الاسلام واقتنع طبعا
    يعنى مش كل المسيحين
    مش عارفه ليه شامه ريحه اقباط المهجر فى الموضوع
    اللى حاشرين مناخيرهم فى كل حاجه

    ReplyDelete
  5. الموضوعده غريب جدا فعلا
    أنا ماكنتش متخيلة انه هيحصل كده أبدا بس أكيد فعلا مش المسيحين هما اللىبيقولوا كده دي ناس عايز أغراض معينة
    الوباء ده خطير قوي و ربنا يحمي مصر و بلادنا كلها منه
    اللى بفكر فيه بجد يا ترى ده غضب من ربناو لا ابتلاء اننا كل يوم يظهر شئ جديد ووباء صعب بالطريقة دي
    يا ترى علشان الانسان افتكر نفسه خلاص قدر على الأرض؟؟

    ReplyDelete
  6. مدونتك جميلة جدا

    انا مش عارفه ليه الموضوع تحول من موضوع وباء خطير عاوزين نقضي عليه او نتحاشى وقوعه الى موضوع فتنة اضطهاد وفتنة ومسلمين ومسيحين

    بقت كل الامور معكوسة ومغلوطة من قبل البعض مش الكل طبعا

    تحياتى لك

    ReplyDelete
  7. يا جماعة الفيروس بيتنقل بين البشر و خطوة اعدام الخنازير دى خطوة مسيسة بتسبة 100% ما سمعناش أن ألمانيا حاتعدم الخنازير عندها أو حتى المكسيك و حتى لو أعدمتموهم ( أتمنى تربيتها بطريقة علمية و ليس كالفراخ ) الخطر زى ما هو من واحد جاى من السفر الموضوع فيه اندفاع و اتجاه غلط مش حايحمينا لأن الصيف داخل و ظروف مصر فى الوقاية من الأمراض ميؤس منها لازم يبقى فيه اجراءات أخرى مش مجرد قرارات انفعالية

    ReplyDelete
  8. ده بيسموه الصيد فى المايه العكره
    يعنى ميعدوش اعدام الخنازير ع خير لا ازاى ماحنا ممكن نضربهم فى بعض

    بس الغريبة ان فى دكتور بيقول ان انفلونزا الخنازير ده مرض بين البشر وملوش علاقة بالخنازير
    :D

    ReplyDelete
  9. اهو اي كلام في كلام
    ناس غاويه رغي علي الفاضي
    ايه جاب مجرد حيوان هايضر البني ادم لدينا او علاقتنا ببعضنا

    ReplyDelete
  10. السلام عليكم

    حيوان ومرض قاتل

    يعنى نسيبة لحد ما نمرض ونموت كلنا ولانقضى علية

    انا معاك فى كلامك

    ودة مش لية دعوة بطائفية وكلام بتوع المهجر اللى عايزين نار فى بلدنا

    تحياتى

    ReplyDelete
  11. السلام عليكم ورحمة الله وبركاته
    **************************

    اولاً أنا بعتذر من حضرتك بشدة ومش عارفه اودي وشي منك فين على طول بتجيلي وانا مبردش الزيارة لجد
    بتأسف من حضرتك بس والله المذاكرة وشغل البيت بقى

    *******************

    كل كلمة حضرتك قلتها في الموضوع صح مية المية انا اساسا كنت مقتنعهى بالموضوع اوي وكلام حضرتك اقنعني
    زيادة

    تشبيهك موضوع انفلونزا الخنازير لو كان انفلونزا الخرفان حلو اوي ماشاء الله
    عقل حضرتك بسم الله ماشاء الله


    دمت كما تحب..
    تحيتي..

    ReplyDelete
  12. طبعا ده كلام بيقولوه قلة قليلة
    لكن الراي العام متفق
    يعني لما حد ابنه يموت ولا الخنزير يدبح ؟؟؟

    المهم ربنا يستر

    ReplyDelete
  13. و الله ديه بقت حاجه فرس و تنرفز جداااا
    و المصيبه ان كل حاجه بيلزقوها فى الدين علشان يعملو فتنه و خلاص
    المصيبه التانيه بقا
    ان الناس اللى بتربي الخنازير قال هربتها و خبها لا تطولها سكينه الجزار
    خايفه عليها و مش خايفة على نفسها
    اللى يفرس اكتر ان الناس مش بتفكر لاغيه مخها خالص خالص
    حاجه بجد تفرس و تنرفز
    الخبر الجديد اللى سمعته ان واحد من المحيطين ب أوباما اتنيل و جاتله انفلونزا الخنازير
    مش عارفه الخبر ده صح ولا غلط
    ربك يلطف بينا
    ده غضب من الله

    ReplyDelete
  14. كان عندنا مؤتمر فى الجامعة عن الموضوع
    الدكاترة بيقولوا سواء انفلونزا الطيور او الخنازير الموضوع فيه بعد سياسي كبير جدا على مستوى العالم كله مش مصر بس

    ReplyDelete
  15. الناس اللي ربطت ما بين السياسة والخنازير
    مش فاهم الحقيقة ايه علاقة السياسة بالخنازير
    إلا إذا كان الاساتذه اقباط المهجر اشتغلوا على الموضوع كعادتهم في تسخين الرأي العام العالمي وتحويل الموضوع إلى فتنة واضطهاد لمجرد إن لحم الخنزير محرم على المسلمين
    عموما اوباما مش فاضي لانقاذ الخنازير كفاية الازمة الاقتصادية ومحاولة تجميل شكل امريكا امام العالم
    :)

    ReplyDelete
  16. هههههههههههههه..علقت ع الموضوع في الفيس بؤ بس الجديد بقي روح مدونتي حنلاقي أغنيتن ع الموضوع ده
    خنزيري الحلو
    خنزيرتي الحلوة
    :)
    تحياتي

    ReplyDelete
  17. عصفور المدينة:
    لا يا باشمهندس
    دة طلع احد معاونيه وتعافى سريعا
    تحياتي

    ReplyDelete
  18. Rehab Mustafa:
    الناس دي بتفكر لمصلحتها الضيقة بس يا رحاب
    تفكيرها طائفي بحت
    تحياتي

    ReplyDelete
  19. احمد سعيد بسيوني:
    لا
    هم خايفين على مصالحهم الضيقة و طائفيتهم فقط
    بصرف النظر عن الوطن
    تحياتي

    ReplyDelete
  20. Appy:
    هم فعلا اقباط المهجر يا آبي
    انما الغريب و اللي بأستعجب علشانه
    هم ليه اقباط المهجر لا يفكروا ولا يتحركوا الا للقضايا الطائفية فقط؟
    ليه مش عايزين يقتنعوا ان المصريين جميعا مسلمين وقباط في حالة يرثى لها وتحت قمع امني واحد
    تحياااتي

    ReplyDelete
  21. الحلم العربي:
    هو بالتأكيد ابتلاء من الله
    وطبعا مش كل الاقباط بالشكل دة...انما عدد ضئيل ونسبة لا تذكر منهم لأسباب خاصة بهم
    تحياتي

    ReplyDelete
  22. reem:
    الف شكر ليكي يا ريم على كلامك الجميل دة
    ارجو ان تقبيليني صديقا لمدونتك
    تحياتي

    ReplyDelete
  23. anonymous:
    بص...هي ممكن جدا تكون خطوة غير علمية....انما هي وقائية و احترازية
    انما فكرة انها تكون مسيسة فأسمح لي ان اختلف معك في هذا الرأي...فلا يوجد اي مبرر لذلك
    فتربية الخنازير موجودة في مصر من زمان جدا و بدون اية مشاكل
    يبقى ليه دلوقتي هيقرروا اعدامها
    تحياتي

    ReplyDelete
  24. هوندا:
    الخنازير بتعتبر وسيط ناقل للمرض
    زي القوقع كدة في حالة البلهارسيا
    تحياتي

    ReplyDelete
  25. عاشقة و غلبانة:
    الانانية والمصالح الطائفية ليس الا
    تحياتي

    ReplyDelete
  26. Tamer Nabil:
    اعتقد ان اقباط المهجر بيتعاملوا مع الموضوع دة بأنانية مفرطة
    تحياتي

    ReplyDelete
  27. الشيماء صلاح:
    طبعا انا مقدر جدا مشاغلك علشان المذاكرة يا شوشو هانم بس تأكدي ان مدونتك رائعة و تستحق المتابعة
    و الف الف شكر على الكلام الجميل اللي انتي بتقوليه على شخصي المتواضع
    تحياتي

    ReplyDelete
  28. kochia:
    فعلا هي قلة...و لكنها قد تكون مؤثرة
    تحياتي

    ReplyDelete
  29. واحدة مفروسة:
    الناس لا تثق على الاطلاق في اي كلمة تقولها الحكومة حتى لو كلمة حق
    بيتعاملوا مع انفلونزا الخنازير بنفس طريقة تعاملهم مع انفلونزا الطيور
    ربنا يستر
    تحيااااتي

    ReplyDelete
  30. جيداااء:
    كل شيء في هذا العالم المجنون جائز ووارد الحدوث يا جيداء
    تحياتي

    ReplyDelete
  31. ياسر حسين:
    الغريب ان الخنزير ككائن لا يمثل اي قدسية لدى الاقباط
    و فعلا مش عارف لحد دلوقتي ليه بيربطوا بينه وبين المسيحية
    تحياتي

    ReplyDelete
  32. micheal:
    التعليق وصل يا باشااااااا
    تحياتي

    ReplyDelete
  33. النبرة الطائفية بخصوص الموضوع ما كانتش من طرف الأقباط بس.. صحيح أقباط المهجر متحفزين دايما لتحويل أى شيئ و كل شيئ بيحصل فى مصر إلى ممارسة للتمييز ضد الأقباط و إضطهاد ليهم.. بس المظاهرة الصاخبة اللى حصلت فى مجلس الشعب و كلام الأعضاء اللى فاحت منه شماتة و نوع من النصر على مين ما تعرفش كان فيه طائفية.

    ما بين دول و دول كان فيه ناس رزقهم و حياتهم متعلقة بتربية الخنازير و على فكرة بعضهم مسلمين و دول تحديدا أفتى الشيخ مش عارف مين بأنه لا حق لهم فى تعويضات على خنازيرهم اللى تعدم أو تذبح لأنهم آثمين أصلا بتربيتهم للخنازير .. علما بإن تحريم لحم الخنزير يختلف عن تحريم الخمر اللى نص بوضوح على إجتنابها و اللى معناه عدم التعامل معاها من قريب أو بعيد..

    المهم إن التحفز لتتطييف أى حاجة و إدخال الدين فى كل حاجة أمر مشترك بين الطرفين و ده معناه إن الإحتقان المضمر زاد و إنه ممكن ينفجر لأقل سبب.

    ReplyDelete
  34. معاك يا احمد
    والله ناس مخها تعبان
    يلجأوا لأوباما علشان ينقذ الخنازير ؟؟
    و الله العظيم هيضحكوا علينا العالم

    انا معاك ان من الأولي و الأكثر احتراماً
    اننا نطالب بحريات أكثر و تفعيل دور حقوق الانسان
    و نشر الوعي و القضاء على التمييز
    انما علشان الخنازير
    يا شماتتة أبلة ظاظا فيا

    ReplyDelete
  35. المشكلة ان محدش فاهم ان الفيروس ده من صنع امريكا
    وال ايه احنا بنلجألهم عشان يحمونا منه

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails