Saturday, 25 April 2009

ليست صدفة


نور الشريف------------------ مي نور الشريف
عادل امام-------- محمد عادل امام و رامي عادل امام
محمود عبد العزيز--------- كريم محمود عبد العزيز
محمود ياسين---------------- رانيا محمود ياسين
سمير غانم-------------------- دنيا سمير غانم
زيزي مصطفى----------------منة شلبي
فريد شوقي------------------رانيا فريد شوقي
احمد زكي--------------------هيثم احمد زكي
فاروق الفيشاوي------------------احمد الفيشاوي
صــــــــــــــــــدفة؟
ام منهج منظم للتوريث؟
كلنا بنقول لأ للتوريث...وطبعا كلنا قصدنا التوريث السياسي....انما ليه محدش فينا احتج على التوريث اللي بنشوفه حوالينا في كل مكان وكل مجال
علشان حاجات تافهـــــــــــــــــــــــة؟
على اعتبار ان الفن دة هلس وكلام فارغ؟؟؟
طيب بلاش الفن....لو حد له علاقة بالمجال الطبي هيكتشف بسهولة ان التوريث بدأ في مصر من زماااااااااان قوي
اي طالب في كلية الطب هيبقى عارف كويس قوي يعني ايه توريث
صدفة برضة ان معظم الاوائل في كليات الطب المختلفة يكونوا اولاد اساتذة في كلية الطب؟
حتى الصيدلة.....عملوا كليات الصيدلة (الخاصة) فقط من اجل التوريث
فالطبيب لا يقبل ان يكون ابنه الا طبيبا و الصيدلي كذلك
صدفـــــــــــــــــــــــــــــة؟
كرة القدم......بدأ التوريث فيها على ودنه ومش بالضرورة كلاعبين انما العاملين في المجال خصوصا المجال الاداري كاعضاء مجالس الادارات 
سيد متولي رئيس النادي المصري توفى....ابنه سيترشح لرئاسة النادي
مرتضى منصور رئيس الزمالك السابق قد لا يترشح لانتخابات النادي......ابنه جاهز لكي يحمل الشعلة
جلال ابراهيم رئيس الزمالك الاسبق قرر الا يترشح انما اكيد ابنه المستشار احمد جلال ابراهيم جاهز للترشيح
كل دة توريث بالصدفة طبعا برضة
اما بقى عن التليفزيون....فحدث ولا حرج.....قبل ان تسأل عن اسم المذيعة او المذيع لابد ان تسأل اولا عن واسطته....يبقى ابن مين او بنت مين في ماسبيرو؟
ولنا في المذيع الألمعي تامر امين (البيت بيته) المثل في ذلك
توريث بالصدفة برضة؟؟
التوريث في مصر يتم منذ زمن يا سادة....وفي معظم مجالات حياتنا.....وبلا ادنى احتجاج او اعتراض
هل اعترض طلبة كليات الطب على (الكوسة) و (المهلبية) اللي كلياتهم غرقانة فيها؟
هل اعترضت جموع الصيادلة على كليات الصيدلة (الخاصة) واللي اطلقت اعداد لا حصر لها من الصيادلة واصابت المهنة في مقتل؟
هل اعترض اي وجه جديد صاحب موهبة بجد على الفرصة اللي ابن او بنت الفنان او المذيع بدون اي وجه حق سوى انه ابن فلان وبنت علان؟
شعب راض و قانع تماما و يورث من القاع للقمة
قبل ما نعترض على توريث حكم مصرعلينا ان نعترض ونحتج على توريث مصر كلها
بعد 50سنة هتفضل مصر زي ما هي النهاردة مع اضافة اسم جديد  قبل الاسم الموجود على اي يافطة متعلقة في الشارع النهاردة 
فسيبقى ابن الطبيب طبيبا و ابن الصيدلي صيدلي وابن المهندس مهندسا و ابن العامل عاملا و ابن الضابط ضابطا و ابن الباشا باشا....وابن الحرامي حرامي....ولا عزاء لهذا الوطن

13 comments:

  1. يعنى ااقولك ايه يخرب عقلك ميصحش انتا برضه زى اخويا الصغير ويصعب عليا عقلك يتخرب

    طب تتخيل ولادنا هيطلعوا ايه ولاد المدونيين يعنى
    تخيل واتحسر عليهم

    ReplyDelete
  2. شكلك مش لقى حاجة تروثها

    ReplyDelete
  3. ولله يا شيخ قلت الكلام ده قبل كده للناس
    كل واحد جايب ابنه
    اشمعنى مبارك مش هايجيب ابنه
    هو بالفعل نظام عندنا في مصر وكلنا نسلكه ونتعامل به
    فليس من الغريب ان يكون الرئيس كذلك لأنه هو ايضا من الشعب

    ReplyDelete
  4. حلوه أوي فكره البوست والدلائل والقرائن
    :))

    ReplyDelete
  5. اسجل اعجابي بتسجيل الملاحظات و لو انها ملحوظة بس احنا اللى بنحب نعمل مس واخدين بالنا
    انت عارف ان في مجال السياسة بقوا بياخدوا اللى بيحصل في الفن و الطب بالذات مثل علشان يبرروا التوريث :))) بجد احنا شعب العجائب
    ربنا يستر

    ReplyDelete
  6. mahasen saber:
    هيطلعوا ايه يعني؟
    هيطلعوا زينا...كائنات مسحولة قاعدة قدام اجهزة كومبيوتر بتهاتي ولا حياة لمن تنادي
    تحياااااااتي

    ReplyDelete
  7. العيسوي الصغير:
    اللي اداك يدينا يا عيسوي يا صغير
    تحياااتي

    ReplyDelete
  8. لورنس العرب:
    المشكلة في حكاية توريث الحكم دي..ان احنا التركة
    الراجل بيورث ابنه التركة الي هي البلد بمنافعها
    و احنا بقى منافعها
    تحيااااتي

    ReplyDelete
  9. محمد مفيد:
    الله يخليك يا محمد
    انت فين من زمااان
    وحشتنا يا راجل
    تحيااااااااااااتي

    ReplyDelete
  10. الحلم العربي:
    و لسة اللي يعيش ياما يشوف في بلد العجايب اللي احنا عايشين فيها دي
    تحياااتي

    ReplyDelete
  11. اشمعنا سوريا يعنى وبعدين حد يقولى مين تانى ينفع يحكمهابعده غيره هو

    ReplyDelete
  12. بالنسبة للمثلين لو هما وحشين بلاش حد بتفرج عليهم

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails