Tuesday, 31 March 2009

مانشيتات من هنا وهناك


النائب طلعت السادات يرفض تفويض رئيس الجمهورية في تعاقدات الأسلحة
حقه....هو حر
النائب محمد عبد الفتاح عمر (وطني) طبعاا رد عليه شكلك كدة عايز تدخل السجن تاااني
حقه برضة....الانتخابات قربت
فعلا......نحن في ازهى عصور الديمقرااااااااااطية
====================
مولانا الامام الأكبر افتى انه يجوز التبرع بالأعضاء البشرية للمتوفي حديثا سواء وافق على كدة في حياته او لم يوافق
طيب يا مولانا قطعتونا حتت في حياتنا وصبرنا واحتسبنا.....ارحمونا بقى لما نموووووت
====================
نظام جديد للثانوية العامة يتم اقراره قريبا
مش عارف احسبن على مين....فتحي سرور ولا حسين كامل بهاء الدين ولا يسري الجمل ولا مين؟؟؟؟
حسبي الله ونعم الوكيل فينا احنا....احنا اللي ما بنعرفش نمتحن ثانوية عامة....العيب فينا احنا...السيستم زي الفل
====================
نقابة الصيادلة تطالب بتخفيض اعداد المقبولين بكليات الصيدلة
ياااااااااااااااااااااااااااه
بعد خراب مالطة؟
====================
وفاة (كلب) العاهل الأردني سرا في اسرائيل
الكلب-لا مؤاخذة- بتاع الاسرة المالكة في الاردن اصابته وعكة صحية فبعتوه على مستشفى بيطري في اسرائيل الصديقة علشان يعالجوه (المستشفى دة ثقة....اتعاملوا معاه كتير قبل كدة) الا ان المستشفى فشل في الحفاظ على صحة (فخامته) الكلب طبعا رغم تقديم افضل الامكانات و الرعاية الطبية الا ان امر الله نفذ و رجعوه الأردن لكي يتم دفنه هناك
الواقعة المؤسفة دي حصلت (طبقا لصحيفة الشروق) اثناء الحرب الاسرائيلية الاخيرة على قطاع غزة
وفي الوقت اللي كان الفلسطينيين مش لاقيين سرير يتعالجوا عليه كان (كلب) العاهل الاردني يرقد في مسنشفى خاص في اسرائيل وبيلقى اعلى درجات الرعاية والاهتمام
و عجبي ي ي ي ي ي
=====================
جمال مبارك: الديمقراطية عائق احيانا
لا....هي بصراحة عائق دائما
بس عائق عن التمسك بالكرسي حتى الموت....عائق امام الممارسات الامنية الغاشمة....عائق امام الفساد و البيروقراطية....عائق طبعا دائما امام التوريث و محبيه والساعين اليه
الديمقراطية دائما هي عائق وليس احيانا
====================
علاء مبارك يزور معسكر المنتخب الوطني استعدادا لمباراة زامبيا
طبعا دة قبل المباراة....و حوارات عن (الوش الحلو) و (وش السعد) ....الخ
الغريب ان بعد انتهاء المباراة بالنتيجة اياها...محدش جاب السيرة دي خااااالص
تفتكروا ليــــــــــــــــــــــــــــه؟؟

36 comments:

  1. جميل جميل

    وحلوة حتة الكلب دي

    بيهزروا

    أكيد بيهزروا

    ReplyDelete
  2. أهو ده الهم اللي بيضحك
    (:

    ReplyDelete
  3. نسيت مانشيت مهم
    ان الحكومه كانت رافعه قضيه تظلم فى موضوع وقف تصدير الغاز لاسرائيل باقل الاسعار وكسبت القضيه
    والحمدلله هنصدر غاز لاسرائيل ونبقى مصدرين ايوه بنصدر من غير ما نكسب ولا ايه بنخسر
    بيقولك ايه عجبى ال كلب العاهل ال
    ياعم بجد كلنا نفسنا يتعمل فينا زى ما بيعاملوا الكلاب
    وبالنسبه للنتيجه بتاعت مصر وزامبيا ربنا يبارك فى حضورك يا وش السعد
    اشكرا بصراحه منتاهيه انت متميز جدا جدا

    ReplyDelete
  4. حلوة اوي المانشتات دي
    الثقافة وحشة علي فكرة

    تحياتي

    ReplyDelete
  5. هههههههههههههه شكرا لك على الاخبار الجديده دي بالزات الكلب

    ReplyDelete
  6. بلدياتى اشتغل فى نشرة اخبار طوف وشوف ولاا ايه


    ازيك يا احمد اخبارك ايه
    يا رب تكون بعد الاخبار دى بالف خير وسلام

    ReplyDelete
  7. مدونة جميلة... فكر واضح وسليم
    يا ريت تبقى تزورنا
    www.allarefay555.blogspot.com

    ReplyDelete
  8. خبر الكلب من الشروق
    طيب الباقي منين؟
    مش عارف الاخبار دي ازاي بتتنشر
    وحلوة حكاية قراءة ما بين السطور دي
    :)

    ReplyDelete
  9. والله تمام ياميمي وشغل جامد بس يابني حاسب فيه ناس محتاجاك
    http://teetpeople.blogspot.com/

    ReplyDelete
  10. هههههههههههههههههههه
    رائع بجد بس هو الكلب من العيله الملكه ولا مش قرايب نسايب بس


    ابو العربى

    ReplyDelete
  11. ههههههههههه

    هيا دى مصر

    ربنا يصلح الحال

    تحياتى

    ReplyDelete
  12. حلوة المانشيتات دى فى حاجات بتضحك عقبال املتك

    حسبى الله ونعم الوكيل فينا فعلا والله

    ReplyDelete
  13. الله يحرق الثانوية العامة ع الحكام الخونة الوسخين علي المنافقين وكلاب السلطة

    ReplyDelete
  14. محدش جاب سيره علشان وش امه نحس

    ReplyDelete
  15. يت نهار ابييض ايه المنشيتات اللتى تحرق الدم دى
    كل واحد فيهم مصيبه لوحدة

    يلا خير بردة
    المؤمن ديما منصاب
    مش بيقولوا كدة بردة
    :)

    ReplyDelete
  16. يااااااااه ... شوفت ازاي العرب بيحافظوا على حقوق الحيوان عشان يعرف الغرب بس اننا بنحب الكلاب زيهم

    وربنا يرحمنا جميعا

    تحياتي

    ReplyDelete
  17. حسام عانم:
    وايه في حياتنا اساسا مافيهاش هزار؟؟
    تحياتي

    ReplyDelete
  18. esraa:
    وبيبكي برضة يا اسراء

    ReplyDelete
  19. صوت من مصر:
    اصل الواحد لو كتب كل المانشيتات المضحكة المبكية يبقى هأعمل مدونة مخصوص لكدة
    الف شكر
    تحياتي واحتراماتي

    ReplyDelete
  20. Kochia:
    الثقافة مهلكة بطبيعتها

    ReplyDelete
  21. حاسوباتية:
    الكلب دة خد كمية قر رهيبة
    الله يرحمه بقى
    كان كلب ابن......ذوات

    ReplyDelete
  22. mahasen saber:
    محاسن
    ازيك
    انتي عاملة ايه
    انا تمام الحمد لله
    هي شوية اخبار كدة تحرق الدم قلت احرق دمكم معايا
    تحيااااتي

    ReplyDelete
  23. دكتور علاء رفاعي:
    الف شكر ليك على الكلام الجميل دة
    دعوة مقبولة
    شكراا

    ReplyDelete
  24. ياسر حسين:
    هي الاخبار دي من الشروق ع المصري اليوم ع النت
    من كل بستان زهرة
    ودة بعض مما يحرق الدم وليس كل
    تحياتي واحتراماتي

    ReplyDelete
  25. محمد عادل:
    مرحبا بنجم جديد في عالم التدوين
    يا اهلا و سهلا

    ReplyDelete
  26. وفاة (كلب) العاهل الأردني سرا في اسرائيل
    _____________________
    هو احنا موكوسين من شئ شويه
    كلبــــ........!!!!!!!
    حسبي الله ونعم الوكيل فيكوا امه ضحكت من جهلها الامم

    ReplyDelete
  27. ضد الظلم:
    ساعات بيبقى الكلاب لها همية اكثر من البشر لدى بعض الناس

    ReplyDelete
  28. Tamer Nabil:
    لا والله يا تامر
    مصر احسن من كدة بكتير
    الله يجازي اللي كانوا السبب
    تحياتي و احتراماتي

    ReplyDelete
  29. enji:
    كل شعب يستحق حكامه
    تحيااتي

    ReplyDelete
  30. micheal:
    الله يحرق الكل كليلة

    ReplyDelete
  31. ذو النون المصري:
    نحس ايه يا عم؟
    هو فيه ناس مبختين زيهم؟
    دة اللي جايبنا ورا ان حظهم نااااااااااااار
    تحيااااتي

    ReplyDelete
  32. rania:
    منصااااب اه
    نفسي اعرف النون دي حاطينها ليه؟
    الشعب المصري دة عجيب جداااا

    ReplyDelete
  33. ايامنا الحلوة:
    هو دة برضة اي كلب؟؟؟
    دة كلب الاسرة المالكة
    يعني دة بمقام 30 او 40 مليون عربي

    ReplyDelete
  34. عاشقة وغلبانة:
    الامم من كتر ما ضحكت علينا بقت بتبكي علشاننا

    ReplyDelete
  35. اختيارات موفقة يا دكتور لمانشتيات توطى الضغط

    ReplyDelete
  36. Desert Cat:
    هي سلاح ذو حدين
    توطي الضغط العالي و تعلي الضغط الواطي

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails