Monday, 23 March 2009

نحن وهؤلاء


مع كل واقعة من وقائع اهانة المصريين بالخارج بتطرح القضية نفسها من جديد
العرب بيكرهونا ليه؟
ليه المصريين مضطهدين بالخارج؟
اشمعنى احنا دونا عن سائر الجنسيات الاخرى العاملين بالدول العربية اللي بيحصل معانا اهانات وقلة ادب؟
بداية لابد ان نتفق على نقط اساسية:
المصريون ليسوا ملائكة منزلة من السماء.....والعرب كمان ليسوا شياطين عايشين على اهانة المصريين واذلالهم
كل شعب في الدنيا فيه الصالح وفيه الطالح....فيه المحب وفيه الكاره فيه كمان العنصري وفيه المتسامح حتى احنا كمصريين فينا من كل نوع ولون
وبالتالي حتى لا يكون البوست دة عبارة عن سب علني للعرب ولعنا لعنصريتهم وحقدهم الدفين والمعلن على المصريين كان لابد من توضيح النقاط السابقة تحريا للموضوعية
بداية اغلب دول الخليج حاليا لا تعترف بفكرة العروبة اللي احنا بنغني فيها ليل نهار....الناس عندهم لهم تصنيفين اتنين مالهمش ثالث...خليجي او اجنبي
تصنيف عربي دة مش متاح عندهم
يعني المصري بالنسبة لهم كقوانين واجراءات وحقوق وواجبات زيه زي الهندي و البنغالي و النيبالي وطبعا كل دول بيختلفوا عن الاماراتي والكويتي والعماني والسعودي و القطري (مواطني دول مجلس التعاون الخليجي) فكل جنسية خليجية يعتبر (مواطن) في اي دولة خليجية اخرى
الصدمة بتحصل بقى لما المصري بيسافر للعمل في اي دولة خليجية وهو عايش على ذكريات واغنيات العروبة و اغنيات وطني الاكبر و امجاد يا عرب امجاد و مواقف بلده مع الدل دي ايام الفقر قبل البترول و يصطدم بالواقع المرير الا وهو انه اجنبي
هناك في بلاد النفط اصبح تفكيرهم عملي و هو الا يتم تقييمك على اساس جنسيتك بمعنى انك مصري يبقى يشيلوك فوق رأسهم..انما يتم تقيييمك على اساس عملك ومدى تفوقك واجتهادك فيه
وبالتالي هناك جنسيات اصبحت مفضلة بشدة في دول الخليج العربي لكفاءتها عمليا و رخص اجرها مقارنة بالعمالة المصرية الاغلى سعرا والاقل اداءا (دة في الغالب طبعا) لعدم التعميم
وبالتالي بتنهار احلام الكثير من المصريين لما بيصطدموا بالواقع المرير في بلاد الخليج وهي انك مش معنى انك مصري تبقى انت مميز
فكرة انك تتعامل مع انسان بتعالي وانك افضل منه لمجرد ان انت مصري وهو سعودي او كويتي او قطري...الخ فكرة اثبتت فشلها تماما وتأكلت بمرور الزمن
فلم يعد الخليجي ذلك البدوي الجاهل اللي عثر على بئر بترول في الصحراء واستنجد بك لأنه لا يفهم في مثل هذه الاشياء المعقدة
قد يكون هذا صحيح في الماضي.....مع الاجيال القديمة التي عثرت على ثروة لا تملك القدرة على ادارتها و استطاع المصريون مع غيرهم من الجنسيات الاخرى ان يفيدوهم وايضا استفادوا منهم كثيرا
فالأجيال الجديدة من الخليجيين على درجة عالية جدا من العلم والثقافة والتدريب فلديهم الامكانات المادية لخلق اجيال جديدة قادرة على ادارة ثروات بلادهم بدون الاستعانة بالخبرات المصرية
قد يقف عامل التعداد حجر عثرة نحو تحقيق الاكتفاء الذاتي الا ان ابناء هذه البلاد اصبحوا على درجة افضل كثيرا من العلم والثقافة من الماضي
الا ان عدد كبير من المصريين العاملين في هذه البلاد مازال مصمما على انهم مجموعة من الجهلاء (زكايب الفلوس) كما يطلق عليهم بعضهم
وهو ما يستدعي من ابناء الخليج ان يردوا الاهانة بالاهانة.....فزي مانت بتنعته ب(الجهل) هو كمان يراك (متسول) و(انتهازي) وفي احيان كثيرة (حرامي)...ماهو ماحدش بيتشتم و يبقى مكتوف الأيدي
وزي مانت بتعايره بجمايلك عليه ايام (فقره) هو كمان من حقه ان يعايرك بجمايله عليك ايام (ثراءه) و (فقرك) انت
معنى كدة ان كل المصريين بالخليج سيئين وكل (الخليجيين) مظلومين؟
طبعا لا
فالتعميم لا يجوز....نسبة كبيرة من (المصريين) تتعامل مع ابناء هذه الدول بالكثير من التقدير والاحترام المتبادل وكثير من المصريين استطاعوا تكوين صداقات مع الخليجيين واسرهم مبنية على الود والاحترام
الا ان من (الخليجيين) من هو مغرور و متكبر ويعامل الجنسيات الاخرى بالكثير من الغرور و الاحتقار..وكأن هذه الجنسيات العاملة في بلده يسرقون من امواله بدون وجه حق وبدون ان يقدموا خدمات له ولأهله ولوطنه مقابل ما يحصلون عليه من اموال قد تكون في احيان كثيرة غير متناسبة على الاطلاق مع ما يبذلونه من جهد وما يقدمونه لأبناء هذه البلاد...ولكنه الفقر لعنه الله والحاجة
العلاقة....اي علاقة بين اي طرفين في الدنيا لابد ان تكون مبنية على اساس الاحترام المتبادل...ايا كان نوع العلاقة سواء حب ..زواج..صداقة...عمل
الاحترام هو اساس اي علاقة سوية في الدنيا...ولن يتحقق الاحترام الا اذا كان طرفي العلاقة محترمين...بيحترموا انفسهم
فأذا كان بعض المصريين نسوا او تناسوا فضيلة الاحترام في بلدهم قبل سفرهم للعمل بالخليج..واصبح الشغل الشاغل لعدد كبير منهم هو جمع الريالات او الدينارات على حساب الكرامة والاخلاق يبقى لا نلوم الا انفسنا ولا نلوم الطرف الاخر اللي استغل عدم احترامنا لأنفسنا
واذا كان بعض (الخليجيين) قد اصابهم جنون الثروة والعظمة وقرروا يتعالوا ويستحقروا خلق الله....فهم يسيئون الى انفسهم اولا قبل الاساءة الى بلادهم وبالتالي فهم يستحقون ان يبادلهم الأخرون اساءة بأساءة واحتقار بأخر
اللي عايز اوصل له ان ما يتعرض له بعض المصريين في بلاد النفط لهو رد فعل طبيعي لسلوكيات بعض المصريين المنحرفة مع شذوذ اخلاقي لبعض الخليجيين
لا المصريين وحدهم مسئولون عن سوء معاملتهم في بلاد الغربة ولا الخليجيين وحدهم يتصرفون تصرفات غير طبيعية بدون وجه حق...فالطرفان مسئولون كأي طرفين في اي علاقة
زمان..كنت بأنفعل جدا من اي اهانة يتعرض لها مصري في بلاد الخليج...الا ان سنتين في بلاد النفط كانت كفيلة بتغيير فكرتي نوعا ما على اعتبار اني شفت مصريين كتير من كل شكل ولون وشفت خليجيين من كل المستويات واكتشفت ان لا المصري ملاك طاهر على طول الخط ولا الخليجي شيطان رجيم الى الابد
كل بلد في الدنيا فيها وفيها...وقبل ما نكيل السباب والشتائم الى الخليجيين عمال على بطال لابد ان ندرس كل حالة على حدة فلسوف نكتشف في اغلب الحالات اننا من نسيء الى انفسنا قبل ان يسيء الينا الأخرون
ملحوظة:
من المصري اليوم 22 مارس 2009:
عدد من المصريين يقوم بممارسة التسول في السودان اضافة الى لجوء مصريات الى ممارسة اعمال مخلة بالأداب,هذه الظواهر تسبب (ازعاجا) للأشقاء السودانيين كما انها تحرج مصر و تمس كرامة المصريين
ونرجع نقول سوء معاملة المصريين واهانتهم بالخارج.......!!!!!!!!!!لا تعليق

15 comments:

  1. حلو الموضوع ده
    انا مصرية عشت في الخليج مدة طويلة بس عايزة انوه لحاجة،
    ما ينفعش تحط "الخليجين" كلهم في اطار واحد و تحكم عليهم بالتكبر
    الاماراتيين مثلا، في كتير منهم طيبين و متواضعين على عكس السعوديين و الكوايتة. دول كان في بنات معايا في المدرسة حفيدات الشيخ زايد و كانت اخلاقعم عالية جدا و تواضعم كان لدرجة لا تصدق

    بالنسبة للمصريين و بكل حيادية، ممكن تقولي ليه من كل الجنسيات اللي بتشتغل في دول الخليج ، من سوريين و لبنانيين و سودانيين و عراقيين، بس كل ما تحصل مشكلة يكون وراها واحد مصري؟ زي الدكتور اللي ودى الست السعودية في داهية، طلع انه كان بيخنسر و بيبيع حقن من تحت الطربيزة. للأسف بقت عندنا سمعة، يقولك ده مصري يعني نصاب. ده لأن بلدنا بقت كلها عبارة عن فساد و رشاوي و العمالة اللي بتطلع بتكون اتعلمت على الاساس ده. اللي بيمشى في مصر ما يمشيش في الدول التانية. لازم ننضف بلدنا الأول قبل ما نقوم بمعاتبة الآخرين

    ReplyDelete
  2. 情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

    情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

    ReplyDelete
  3. سجل المزورين
    شباب مصر الأوفياء
    أمل الحرية وبناة المستقبل
    ندعوكم للمشاركة معنا في
    التحالف الوطني ضد التزوير
    تحالف يضم كافة القوى الوطنية الموجودة على الساحة المصرية
    نهدف إلى فضح وتوثيق كافة أشكال التزوير التي تتم في الانتخابات المصرية
    نهدف لنشر الوعي الانتخابي وثقافة المشاركة و مبدءا المساواة والحرية
    ندعوكم للمشاركة معنا بالإدلاء بشهادتكم و أرائكم حول تزوير الانتخابات وما هو منشور
    ندعوا كل صاحب كلمة حرة للتعبير معنا عن رأيه في هذا الداء وطرح صور للدواء
    ندعوا كل شريف حر يستطيع مساعدتنا للمشاركة معنا بما لدية من إمكانيات ومواهب ووقت
    و نرجوا منكم المساهمة معنا في نشر إعلانات الموقع والجروب والقناة على مدوناتكم الشخصية في سبيل نشر الحق والعدل ومن باب المشاركة في التوعية والتوثيق لحقيقة هذا النظام المزور لإرادة الشعب
    نرجوا ممن يضع الإعلان لدية إبلاغنا عبر أيميل الموقع لوضع أسم موقعة او مدونتة ضمن قائمة المواقع الصديقة لدينا
    شاكرين لكم حسن تعاونكم معنا

    موقعنا www.sgelalmozwreen.com سجل المزورين

    لتحميل إعلانات الموقع هنا
    http://sgelalmozwreen.com/images/e3lan-1.gif
    أو
    http://sgelalmozwreen.com/images/e3lan-2.gif
    أو
    http://sgelalmozwreen.com/images/e3lan-3.gif

    لتحميل إعلانات قناة سجل المزورين على اليوتيوب
    رابط القناة http://www.youtube.com/Sgelalmozwreen

    الاعلانات
    http://sgelalmozwreen.com/uploads/you tube.jpg
    أو
    http://sgelalmozwreen.com/images/1.gif
    أو
    http://sgelalmozwreen.com/images/1%5C%27%5C%27%20copy.gif
    أو
    ولتحميل إعلان جروب الفيس بوك
    رابط الجروب http://www.facebook.com/group.php?gid=57329097688
    الاعلانات
    http://sgelalmozwreen.com/images/11%5C%27%5C%27.gif

    ReplyDelete
  4. يا فضيحة سوده
    حتي التسول وصل من مصر للسودان
    و غير التسول كمان
    الله يلعن ابو الفقر

    ReplyDelete
  5. يا خبر يعنى كمان رايحين يشحتوا بره وبلاوى سوده
    حاجه تكسف

    انا معاك ان الطرفين غلطانين بس هيا المشكله ان السيئه بتعم يعنى لو واحد غلط يبقو كلهم زفت من الناحيتين طبعا
    حاجه تضايق اننا نوصل بقيمتنا وكرامتنا وسمعتنا وهيبتنا للحضيض بالشكل ده

    ReplyDelete
  6. التعليق فين

    اطلع بالتعليق يا بلديات

    ReplyDelete
  7. كلامك صح جدا يا دكتور
    على فكرة بالرغم من نقدى الدائم لبعض أوضاع السعوديين إلا أن اقرب صديقاتى سعودية والتانية إمارتية .. وبالمناسبة احيانا لما بكتب حاجه عندى بكون متكلمة معاها فى الموضوع الاول وفاهمه منها ابعاده وازاى انهم رافضين لفروض الوصاية والفتاوى الخزعبلية اللى بتطلع من عندهم دى .. بمعنى انى عايزة اقولك ان السعوديين فعلا فيهم ناس محترمين جدا بل اغلبهم متعلمين فى دول اوربية جاسر اخو صديقتى حاصل على ماجستير فى جراحة القلب ودلوقتى بيعمل دكتوراه فى انجلترا .. مينفعش واحدة من صديقاتى دول تنزل مصر ومش ينزلوا لى يوم بل فى اجازة ليهم فى مصر نزلوا لزيارتى هما واسرهم وتوطدت العلاقة اكتر لما اتعرفوا على الشق المقيم فى السعودية من عائلتى وبينهم تبادل زيارات واحترام وود فوق الوصف الحقيقة .. يمكن دى الشخصيات اللى انا صاحبتها وقربت منها اوى لاقيت فيهم اخلاق ووفاء مش شوفته فى مصريين وبرضه مش اقدر اعمم كل المصريين لانى صديقاتى 3 من ابتدائى ومش عايزة اعرف غيرهم
    فى النهاية يعنى عايزة اقولك ان الشخص المحترم والملتزم بيجبر اى حد على احترامه حتى لو كان مسافر بلاد واق الواق

    تحياتى

    ReplyDelete
  8. معلشى عايزة منك طلب ياريت تدينى لينك مقال ان تكون زقازيقيا هذا يعنى ان فستحك فى النوم او فى القومية
    بما انى زقازيقية حاليا .. يمكن اقدر افيدك فى مكان تانى للفسح .. بس الحق بسرعه قبل ما يتغير محل الاقامة عباس العقاد مستقبلا وبعدين الايام بتجرى ومش فاضل كتير هههههههههه

    ReplyDelete
  9. BANOOTA:
    مفيش جنسية سيئة على طول ومافيش جنسية ملائكة
    كل شعب فيه وفيه
    وفعلا لازم نهتم بانفسنا وبصورتنا واذا احترمنا انفسنا....لازم يحترمنا الاخرون
    تحياااتي

    ReplyDelete
  10. سجل المزورين:
    بس انتم كدة محتاجين سجلات للمزورين مش سجل واحد
    سجل واحد مش هيكفي

    ReplyDelete
  11. ذو النون المصري:
    الله يلعن اللي فقرنا

    ReplyDelete
  12. SHAYMAA:
    ولســـــــــــــة
    شوية هتلاقي المصريين بيتسولوا في موزمبيق و زاميا وبوتسوانا
    هم حالفين ما يعتقونا الا لما يخربوها الاول
    تحياتي

    ReplyDelete
  13. MAHASEN SABER:
    تعليق ايه؟
    مانتي علقتي اهه؟

    ReplyDelete
  14. كمنا فى السابق يحكى لى احد الاشخاص الذين ذهبو الى الخليج من فتره ظهور البترول كان يطلق عليهم الخبره المصريين وكانو يعاملون معامله الفاتحين العباقره
    اخى الكريم استمتعت جداا بقراءه تحليلك الاكثر من رائع ولكنك لم تتكلم عن النقطه الاهم وهى تراجع الدور الريادى المصرى فى كل المجالات مع تطور ملحوظ لمنطقه الخليج العربى فى كل المجالات نحن لم نطور انفسنا وتركنا الرياده الى من سبقونا وتركنا خليجنا مرتع للاستعمار الاقتصادى الاجنبى
    اما نفسيه الشعوب تبقى الاغلبيه العظمى مع العروبه بغض النظر عن المنفسنين من الطرفين
    وتقبل تحياتى واسف على غيابى عن مدونتك وكتاباتك الشيقه
    ابو العربى

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails