Wednesday, 11 March 2009

ارزاق


بيقول لي:
يا اخي الدنيا دي غريبة جدا......تلاقي ناس عمالة ترتكب بلاوي سودة وحياتها كلها معاصي والدنيا دي هي شغلها الشاغل والبنات و الستات هي اساس حياتهم
حياتهم عبارة عن ملذات في ملذات
بيشربوا خمرة ويسرقوا وينهبوا ويزنوا ويقتلوا وتلاقي ربنا بيزيدهم كمان وكمان وموسع لهم في رزقهم
وممكن جدا يتوبوا ويبقى يا دار مادخلك شر
وهنروح بعيد ليه ما عندك الفنانة فلانة اللي بوظت اجيال ودلوقتي بقت الحاجة فلانة وبتوعظ وبتتكلم في الدين وحاجة عظمة
تفتكر يا بوحميد (لسة بيكلمني) تفتكر الناس دي هتدخل الجنة عادي كدة؟!!!محصلشي حاجة يعني؟
ويبقوا بالطريقة دي طالوا الدنيا وكمان الاخرة؟
رديت عليه وقلت له
يا اخي سبحان الله:
اكيد طبعا ربنا هو التواب...ومن نعمة ربنا عليهم انه امد في عمرهم علشان يتوبوا....مانت عندك الفنانة علانة مش ماتت وهي في عز  مجدها الفني؟
واحدة ربنا عفى عنها والتانية ربنا ماكتبلهاش كدة
دي التوبة دي نعمة من نعم ربنا على عبيده
قاللي:
ونعم بالله
وتلاقي يا اخي ناس لاحسة اللهلوبة (مصطلح بيئة عن المعاناة) وعيشتها ضنك وبيكرهوا اليوم اللي اتولدوا فيه..ومش لاقيين ياكلوا ولا عارفين يعيشوا وتلاقي سبحان الله ربنا يبليهم بامراض كمان على الرغم انهم لا بيسرقوا ولا بيشربوا ولا بيقتلوا ولا بيزنوا...بل بالعكس دول حامدين وشاكرين وتلاقيهم بيتعذبوا قبل ما يموتوا
وممكن كمان يعيش العمر كله حامد وشاكر وتلاقيه قبل ما يموت عمل كبيرة من الكبائر ومات على معصية
شفت بقى يابو حميد (لسة بيكلمني) الاولانيين ولاد اللذين اللي عاشوا الدنيا بالطول والعرض وتابوا وماتوا على ايمان هيدخلوا الجنة...واللي فضل طول عمره حامد وعابد وشاكر وفي الاخر كفر هيتحدف على جهنم وبئس المصير وبالتالي الاولاني دخل الجنة والتاني لا طال لا دنيا ولا اخرة
قلت له:
انت عايز ايه؟ انت لخبطني
انا لا متبحر في الدين ولا متفقه بس اقدر اقوللك ان التوبة والايمان من بعد كفر دي مسألة ارزاق زيها زي الغني والفقير...دي ارزاق ربنا مقسمها على عبيده
لا نقدر نقول ليه دة كان غني ومات مؤمن يعني اتمتع بالدنيا والاخرة...ولا نقدر نقول ليه يارب خلقت دة شقي وبائس ومات كافر او عاصي.
انت هتحاسب ربنا؟
رد عليا :
ياعم لا هحاسب ربنا ولا حاجة....احنا بس بنفكر مع بعض...بنتأمل لا مؤاخذة
قلت له...تأمل يا سيدي...بس ماتتأملش قوي لتتجنن

27 comments:

  1. ربنا سبحانه وتعالى اذا احب عبدا ابتلاه

    وربنا عدل فى ناس بتختار الدنيا فبيديها ويزيدها كمان لحد ماتخلص نصيبها فالدنيا وتاخد جزاءها بقى فالاخره اما اللى بيشترو اخرتهم بقى مش بيدورو اخدو ايه فالدنيا بيعتبروه ابتلاء او امتحان ولازم يصبرو عليه وينجحو فيه عشان يفوزو بالاخره

    والدنيا والاخره موجودين قدام عنينا وعلينا احنا اللى نحدد ونختار اللى عاوزينو

    ReplyDelete
  2. والله يا غالي أنا اتكلمت مع واحد ف يالموضوع ده قبل كده وكان رده
    ان لما ربنا يفتكر عبد دي حاجه كويسه وبتبقي رحمه
    وان ربنا بيبتلي العبد علشان يمتحنه وعلشان يكفر عن ذنوبه في الدنيا
    اما الغني ربنا بيدله علشان يزيد في فساده علشان في الخرة يكون حسابة عظيم

    وعلي فكرة مفيش حاجه بتحصل غير بالي بتقدمة يد الإنسان

    تقبل مروري
    مجنووون

    ReplyDelete
  3. السلام عليكم
    كيف أحوالك يااستاذ أحمد اسال الله لك الخير

    عامة يقول تعالي في كتابه العزيز:(هو الذي خلق الموت والياة ليبلوكم أيكم أحسن عملا وهو العزيز الغفور)عامة دنيانا تعج وتمتلئ بأناس من امثال ماتحدث عنهم صاحبك
    عصاة وعذرا إن قلت فجرة لم يتركوا حيا أو ميتا إلا وأذوه واخرين صالحين مصلحين يعانون الكثير والكثير

    أولا
    الملك لله وحده يهبه لمن يشاء ويمنعه عن من يشاء سبحانه لايسئل عما يفعل وغيره يسئل
    حتي ذلك الكافر الذي لديه الملك فهو ايضا باذن الله
    يقول تعالي :(أو كالذي حاج إبراهيم في ربه أن اتاه الله الملك)لاحظ هنا كلمة أن اتاه الله الملك(والآيات هنا تتحدث عن النمروذ) فايضا المشرك يهبه الله الملك وباذن الله فلايستطيع احد ان يمكن له في ملك الله الا باذن الله
    ثانيا
    بنظرة بسيطة إلي كل البشر ستجد أن الوانهم مختلفة وطباعهم مختلفة وأذواقهم وألوانهم والسنتهم كل هذا مختلف عن بعضه فلما ستتشابه الظروف والاحوال
    ثالثا
    وده رد علي صاحبك
    الله يتوب علي من يشاء كيفما شاء ووقتما شاء ولكن ياسيدي الفاضل الصنف الاول الذي عاث في الارض فسادا وإفسادا سيحاسب عن فعله وان تاب فالتوبة تجب ماقبلها
    يعني اللي قتل 100نفس وربنا تاب عليه في رايك ليه الرسول صلي الله عليه وسلم بيحكي لنا حكاية مثل هذه للتسلية ولكن حتي لايقنط أحد من رحمة الله وحتي يرجع ذلك المفسد عن فساده وعن ذنوبه
    رابعا
    أما اذا كان الله يزيد لهذا الشخص من المال والسلطان فهذا يستوفي الله له نعمه في الدنيا حتي لايبقي له في الاخرة شئ وهو فيها من الخاسرين
    خامسا
    كده ولا كده كله ميت وملاقي الله عز وجل سواء كان غني وطاغي او فقير ومعدم وكله سيحاسبه الله علي ما اعطاه فالغني سيسأل ماذا فعل بغناه ليرضي الله والفقير سيسال ماذا فعل في فقره ليرض الله
    سادسا
    بمناسبة بقي أن التوبة أرزاق
    ففعلا في ناس ربنا بيشرح صدرها للهدي ولكن الله لم يظلم أحد كل منا أتته فرصة ليفهم ويعرف الخطأ من الصواب وكل منا وصلته رسالة من الله
    يقول تعالي :(والله يهدي من يشاء)لاتحسب أن الله ظلم اولئك الذين لم يهتدوا ولكن كل شحص وصلته رسالة من الله وهناك من تجاوب مع تلك الرسالة وهناك من لم يفهمها أو بمعني أدق لم يرد أن يفهمها بالبلدي كان حاله عاجبه
    يعني إذا قال احد لربه يوم الحساب لما لم تهدني سيري وقتها الرسالة التي أتته ورفض هو استقبالها من الله والله غني عنه وعن غيره ولكنه سبحانه يحب الخير لعباده جميعا ولكن من يأبي

    سابعا
    في الدنيا ونعيمها انظر الي من هو ادني منك وفي الالتزام والدين انظر الي من هو اعلي منك
    ولينشغل كل منا بنفسه بدلا من الانشغال بغيره عشان لما الواحد بينشغل بغيره بيتعب اوووووي في حياته

    وآسف علي الاطالة

    والسلام

    ReplyDelete
  4. بلدياتى الغالى وصيدلى الشرقيه الاول والاخير

    الابتلاء من ربنا رحمه
    ما الانبياء عاشوا فى ابتلاء وده عبره وعظه لينا ليسالا
    وده مش معناه ان ربنا كارهم مثلا

    دمت متحدث لبق مع نفسك بس فرمل الامور شويه

    وربنا يصلحلك حالك دايما يا شرقاوى

    الا بتاخد دلوقت جنيهات فضه

    ReplyDelete
  5. سبحان الله
    الاسلام نعمه من نعم ربنا علينا المفروض نحمده ونشركره عليها
    اختارلي بقي مسلم الحمد لله ولغيري مايخدش النعمه دي
    زيها برضو التوبه نعمه انت بتاخده وغيرك بيتحرم منها
    الدنيا علي ده الحال
    واهم شئ هم حمد ربنا
    وان شكرتم لازيدنكم...
    علي قد حمدنا لربنا تكون نعمه علينا
    والابتلاء نمع برضو من ربنا بياخد منها الصابر فقط ثواب كبير
    وربنا لو احب عبده ابتلاه
    بس يارب مايكون الابتلاء في دينا ابدا



    قول صاحبك مايتعمقش اوي لحسن بجد يتجنن
    ههههههههههههههههه

    ReplyDelete
  6. كنت هارد على البوست لكن لاقيتالفاتح اليعقوبي جزاه الله خيرا رد وخلاص

    لكن في حديث نبوي شريف فيما معناه

    ان احدكم ليعمل بعمل أهل الجنة حتى لا يبقى بينها وبينه الا ذراع فيسبق عليه الكتاب فيعمل بعمل اهل النار فيدخل النار

    وان احدكم ليعمل بعمل اهل النار حتى لا يبقى بينها وبينه الا ذراع فيسبق عليه الكتاب فيعمل بعمل اهل الجنة فيدخل الجنة

    بس كده


    تحياتي يا جميل

    ReplyDelete
  7. أنا عن نفسي مش مهتم
    ربنا يجازي كل واحد بقي حسب نيته واعماله وأنا خليني في حالي أحسن
    :)
    تحياتي

    ReplyDelete
  8. بصراحه بعد الفاتح اليعقوبى ربنا يفتح عليه مفيش رد

    ربنا يجعلنا من التائبين التوابين ويحسن خاتمتنا جميعا انشاءالله

    ReplyDelete
  9. انما الاعمال بلنيات
    الحمد لله على نعمة العقل والاسلام
    ويارب تبقا نهايتنا كويسة انتى مش بتنزورنى ليه

    ReplyDelete
  10. سيب الراجل يفضفض يا استاذ سمير
    واضح انى حستقبله قريب فى المستشفى العباسيه عما قريب
    اقولك اما يتهبش خالص ادينى رنه
    معلش بقى على طبق الفول العرق المنوفى لازم ينقح مبقاش سومه لو منقحش عليا

    ReplyDelete
  11. نسيت اقول لحضرتك انى بعتبر اللى بيفجر دا مبتلى مش فى نعمه يعنى بشعر كتير ان ربنا غضبان عليه حد يحسد حد ربنا غضبان عليه
    بعدين الناس دى اتحطوا ف اختبار جامد قوى وبالذات اللى تاب من بعد ما عك الدنيا
    العالم دى بتوصل لقوه عاليه جداا وشهره رهيبه وفلوس ملهاش حصر وحياه مرفهه جداا ومعجبين وخدامين واوامر تتلبى ووتتنفذ وفى الاخر بيتنازلوا عن كل دا عشان ربنا
    المفروض اللى يتوب منهم نحترم توبته منقعدش نفكره بالذى مضى كل شويه لان التائب من ذنب على حق بيكون مجروح قوى من ذنبه
    مش حنركبله ضمير فوق ضميره
    ياله الحمد لله ربنا يهدينا جميعا ويعفينا

    ReplyDelete
  12. 情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

    a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

    情趣用品,情趣用品,情趣,情趣

    情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
    情趣用品,情趣用品,情趣用品,情趣用品.情趣,情趣,情趣,情趣
    視訊聊天室

    情色,AV女優,UT聊天室,聊天室,A片,視訊聊天室


    UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
    聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

    ReplyDelete
  13. لا تحكم بالظاهر
    فمن الممكن الشخص اللي انت شايفه فاجر ومنعم
    ممكن يكون مش فاجر وغير سعيد في حياته
    الله أعلم ببواطن الأمور
    أهم شيء الرضا
    والقليل مع الرضا كثير
    والكثير مع الطمع قليل
    :)

    ReplyDelete
  14. انا حرة:
    ربنا اتنا في الدنيا حسنة وفي الاخرة حسنة وقنا عذاب النار

    ReplyDelete
  15. مجنووون:
    مجنون ايه بس يا عم
    دة كلام في منتهى العقل والرزانة
    تحياتي

    ReplyDelete
  16. الفاتح اليعقوبي:
    فتح الله عليك
    وهل في اي تعقيب بعد تعليقك
    ربنا يكرمك
    تحياتي واحتراماتي

    ReplyDelete
  17. mahsasen saber:
    اولا موضوع صيدلي الشرقية الاول والاخير دة عمل لي تضخم في الذات واحساس بالنفس مش عارف اتعالج منه لحد دلوقتي
    ثانيا: دي خطوة عزيزة يا فندم والله زيارة حضرتك بعد طول غياب
    ثالثا:
    دة مش حديث مع نفسي ولا حاجة دة واحد صاحبي لمض بس شوية
    تحياتي واحتراماتي

    ReplyDelete
  18. عاشقة وغلبانة:
    لا..هو اساسا مجنوون
    الناس اتجننت من اللي بيحصل لها
    تحياتي واحتراماتي

    ReplyDelete
  19. صاحب المضيفة:
    فعلا...الفاتح اليعقوبي خلص كل الكلام لدرجة اني مش عارف اعلق على الكومنتات
    تحياتي واحتراماتي

    ReplyDelete
  20. micheal:
    يا سلااااااااام
    اموت انا في سياسة المشي جوة الحيطة دي
    فظيعة
    تحياتي واحتراماتي

    ReplyDelete
  21. Shaymaa:
    معاكي حق والله يا شيماء
    تحياتي واحتراماتي

    ReplyDelete
  22. البنت المشمشية حلوة بس شقية:
    يارب يحسن ختامنا جميعا
    تم الزيارة يا فندم
    واكرر اعتذاري
    تحياتي

    ReplyDelete
  23. سومة...مجنونة في بلد عاقل:
    منوفي؟؟؟؟؟
    انتي منهم؟
    عليه العوض ومنه العوض....طب دة طبق فول يبقى كويس جداا كمان
    هههه
    انا بهزر طبعا
    تحياتي واحتراماتي لكل منوفي ومنوفية...مش كلهم طبعا

    ReplyDelete
  24. kiki:
    طب ليه بس تحسسني بجهلي
    لا حول ولا قوة الا بالله

    ReplyDelete
  25. ياسر حسين:
    الله اعلم بعبيده
    تحياتي

    ReplyDelete
  26. اه هو الجمله الاخيره حلوه بعد الكلام ده كله
    ماتتاملش اوي لا تتجنن
    انا باعمل كده

    ReplyDelete
  27. الابتلاء من ربنا رحمة..عشان نرجع لربنا دايما
    لما العبد بيصبر..
    ربنا بيغفرله

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails