Friday, 9 January 2009

مستر اكس.....اغنى راجل في العالم

حاولت اخبي وأداري علشان أداري على شمعتي
ماقدرتش
حاولت ارتدي قناع الخباثة واللؤم وادعاء الفقر
ماعرفتش
و اليوم ازف اليكم الخبر السعيد
انا من اغنى مليار بني ادم على مستوى العالم
وبالتحديد
انا رقم 866,157,482 على مستوى العالم
ودة طبقا لموقع
انا طبعا مش عامل البوست دة علشان اعقد حد ولا حاجة لا سمح الله
انما البوست دة يندرج تحت بند واما بنعمة ربك فحدث
يسعدني تلقي تهانيكم و تمنياتكم
انما اي تعليق هأشم فيه ريحة طمع او جشع او حسد هتعامل معاه بمنتهى العنف
انتم مش عارفين قوة الفلوس في الزمن دة ولا ايه؟

27 comments:

  1. مبروك ياعم ولو اني شامة ريحة تشابه أسماء او نصباية ممكن تقع فيها
    زي الايميل اللي جالي بيقول اني كسبت مليون بس ماتقولش لحد اصله ايميل سري للغاية ذي ماقالوا عشان العين والحسود والذي منه الايميل بيقول ياسيدي اني واحدة من اتنين كسبوا المليون ...
    وطبعا ماكملتش الرسالة ومابعتش استفسر عن طلباتهم اللي غالبا كانت هاتبقي رقم حسابي عشان يقشطوه وينضفوه بمسحوق يغسل اكثر إفلاساً لان محسوبتك عارفة نفسها انها مش بتكسب حاجة ابدا فعشان كدة مابحبش اجرب
    اوعي يكونوا هاينصبوا عليك يااحمد

    ReplyDelete
  2. هههههههه
    بس دول مش مليون
    انت من اغنى مليار واحد مش مليون
    :))

    ReplyDelete
  3. هههههههههههههههههههههه يلا مش هنحسد ولا حاجه خالص

    انا هقر بس وعقبال ماتكون الاول يلا الاحلام ببلاش

    ReplyDelete
  4. قولتلي انت الكام بقي ياسيدي...؟؟
    يعني ترجملي الرقم ده عربي
    ده قبل الالف ولا بعده
    طيب ممكن تشوفني انا فين من الرقم ده الله يكرم اصلك
    انا بقيض 250 جنيه
    هههههههههههههههههههههه

    ReplyDelete
  5. هههههههههههههههههه

    مبروك يا عم

    ReplyDelete
  6. لا لا لا لا

    ده أنت لازم تتحسد والواحد يقر عليك

    كل ده ومخبى علينا
    هههههههههههههههههههههههههههه

    ReplyDelete
  7. أنت عاملهم بقى ومدكن
    :)))))))))))
    أنا دخلت الموقع
    بس الجنية اللي محطوط اعتقد الجنية الاسترليني
    مش الجنيه المصري
    :)

    ReplyDelete
  8. اةةةةةةةةةةة
    طلع اللى تحت البلاطة طلع
    يا سوسة انتا
    اتاريك
    محدش عارف يكلمك
    هات بقه العشرين جنيه اللى عليك
    وياريت تقولى بقه انا من كام اغنى ناس فى العالم
    انا لسه بدرس وباخد مصروف 2 جنيه فى اليوم
    ههههههههههه
    احسبها انتا بقه

    ReplyDelete
  9. ههههههههههههه

    بقى كده
    طيب يا اخى مش تقول من زمان عشان نفرحلك
    ال نقر عليك ال
    ده القر ده حاجه بسيطه
    هههههههههههههه

    ايدك بقى على اتنين مليون دورر لحسن عايزة اشحن ومعيش فكه
    ههههههههههههههه

    سلام

    ReplyDelete
  10. قوة الفلوس
    يعنى بعد ماغتنيت هتعمل فينا ايه يعنى
    ولا يهمنى
    انا كمان اغنى منك

    ReplyDelete
  11. اسككت
    دخلت الموقع ده
    وكتبت الفلوس اللىمعايا حاليا واللىهما 25 جنية لانى معنديش دخل لسه باخد مصروف طلعت اول واحدة يعنى افقر واحدة
    ماتسلفنى 2 جنية ربنا يخليك

    ReplyDelete
  12. اغتنيت يا بلديات بقيت من اصحاب
    الاخضر والاحمر واليورو الجبس

    خلاص خلاص مبقتش مننا
    انتا لست بلدياتى بعد الان

    تعيش وتاخد غيرها

    ReplyDelete
  13. يااااااااااااااااااااابخخخخخخخخخخخخخخخخخخخخختتتتتتتتتااااااااااااااااااااااااااااااااااك

    ReplyDelete
  14. المفقوعة مرارتها:
    لا لا لا....انا عارف نوعية الميلات اللي انتي بتتكلمي عنها دي
    بييجي لي منها كتير
    انما الموقع دة مجرد هزار مش اكتر
    كوميديا ليست الا
    تحيااااتي

    ReplyDelete
  15. ahmed al sabagh:
    يا سلام على دقة الملاحظة يا صباغ
    باشا يا ابني والله
    ايه العقلية التجارية دي
    تم التصحيح يا باشا
    الف شكر

    ReplyDelete
  16. حاسوباتية:
    اه كدة معلش
    القر مسموح به انما الحسد ممنووووع

    ReplyDelete
  17. عاشقة وغلبانة:
    ال 250 جنيه دول يخلوكي مش بعيد قوي يعني
    بعدي ب 3 او 4 ارقام يعني

    ReplyDelete
  18. dr.ibrahim samaha:
    الله يبارك فيك يا دكتور
    عقبالك يا باشا

    ReplyDelete
  19. bos bos:
    مش معنى كدة يا بس بس ان كل شوية تطلبي مني 5 جنيه سلف والكلام دة
    تحياااااااتي

    ReplyDelete
  20. ياسر حسين:
    ماهو المفروض تحول العملة اللي بتقبض بيها للدولار الامريكي او اليورو يا فنان وبعدها تحسب على هذا الاساس
    تحياتي واحتراماتي

    ReplyDelete
  21. البت المشمشية حلوة بس شقية:
    ال 20 جنيه اللي عليا؟؟؟؟؟
    اومال الكام يوم اللي اتغديتي فيهم على حسابي دول تسميهم ايه؟
    ههههههههههههههههههه
    تحياااااتي

    ReplyDelete
  22. Shaymaa:
    دة انا غلبااااااااااااااااااااااااااااان

    ReplyDelete
  23. البنت المشمشية حلوة بس شقية:
    يا سلاااااااااااااااااام
    بقى ماتعرفيش الفلوس بتعمل ايه ف الزمن دة
    دة انتي مش عايشة في الدنيا بقى

    ReplyDelete
  24. mahasen saber:
    ليه كدة بس يا محاسن
    دة انا حتى اول حاجة هاعملها بالفلوس دي اني هارصف الشوارع في الشرقية
    اللي انتي اكيد عارفة هي عاملة ازاي
    تحياتي واحتراماتي

    ReplyDelete
  25. mostafa rayan:
    الله يبارك فيك يا درش
    فكر انت بس في اي مشروع وتعال لي
    ماتحملش هم الفلوس
    تحيااااااااتي

    ReplyDelete
  26. ذو النون المصري:
    يا ناس يا شر كفاية قر

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails