Friday, 2 January 2009

جاوب يا بابا






اسفااااااااااااااااااااااااااااااااااااااااااف

قلة ادب

انحدار اخلاقي

دي اقل كلمات ممكن توصف الأعلان العجيب دة

والغريب والعجيب والمثير للضحك ان الدنيا قامت ولم تقعد احتجاجا على اعلان لمنشط جنسي اخر لمجرد ان خلفيته الموسيقية كانت موسيقى اغنية (خلي السلاح صاحي) واعتبروا ان كدة عيب وان دة اسفاف واهانة لأغنية وطنية

واني الاقي حد يحتج على الحوار العجيب المثير اللي في الاعلان دة؟

ابداااااا

بنزعل قوي من اللي يهين موسيقى لأغنية وطنية ولا نحرك ساكنا للي بيخدش حياء ملايين الرجال قبل السيدات

الأعلان المثير دة بيخدش حياء المتزوجين والمتزوجات ما بالك بقى بالبنات والشباب

مش عارف هي ثقافتي انا اللي كدة ولا الاعلان دة مضايقكم زيي كدة؟

انا اعرف ان المواضيع دي بتناقش اما في غرف النوم او في عيادات الأطباء انما في التليفزيون وبالطريقة دي في الحوار؟؟؟؟؟!!

غريبة شوية.....لا استسيغها على الاطلاق

شاهدت اعلانات كتير مصرية وعربية وحتى اجنبية لمنشطات وعقاقير جنسية ولكنها كلها لم تصل لفجاجة هذا الاعلان

كلها ببقى بالأيحاءات او الأشارات وكلها المعنى وصل للمشاهد المستهدف من الاعلان دة

انما اعلان بمستوى الحوار اللي في الاعلان دة......ماشفتش

اصلا اسلوب الكلام اللي في الاعلان دة وطريقته.....فجة وغريبة جدا

وازاي وزارة الصحة تسمح بأعلان عن عقار يباع في الصيدليات انه يكون بالشكل دة؟

من عجائب مصر ام العجائب ان القانون يمنع توجيه اعلانات عن مستحضرات طبية للجمهور

بمعنى ان ما ينفعش يظهر في التليفزيون اعلان عن دواء للضغط او القلب او الكبد مثلا

انما يسمح بعرض اعلانات تليفزيوني لمستحضرات منشطة جنسيا!!!!!!!!!

العري مش خلع ملابس وبس.....العري الاخطر في حوار مثير او طريقة كلام مش مضبوطة

محدش فكر هيجاوب ازاي لما ابنه او بنته يسأله

هو حامد هيرجع جامد ازاي يعني يا بابا؟

جاوب بقى يا بابا

ملحوظات:

من فترة طويلة كتبت بوست ينتقد اعلان لعقار (فياجرا)..وكان الأعلان بالنسبة لأعلان (حامد)...يعتبر اعلان في منتهى الخجل والوداعة

ماكنتش عارف ساعتها ان التقيل جاي ورا

-----------------------------

من شدة غيظي من الأعلان دة....كونت على (الفيس بووك) جروب يعبر عن غيظي وضيقي من الأسفاف دة

الجروب بعنوان:

ابتذال......اسفاف......(هتبقى جامد يا حامد)....عيب قوي كدة

لمن يريد الأنضمام....اضغط اللينك

37 comments:

  1. بص الاعلام بقى قمه فى المسخره والانحدار بجد بقوا قرف هي شركه مين المسئوله عن الاعلان قولى

    ReplyDelete
  2. ليست فقط المنشطات الجنسيه التى يجب أن نتساءل عن كيفية الإعلان عنها دون روشته أو تحت إشراف طبيب
    الأدويه التى يروّج لها بوصفها تعالج تأخّر الإنجاب و كذلك أنواع عسل النحل و المقويّات التى تلعب على أمنيه غاليه و رغبه قاهره لدى المحرومين منها و تكاد تصل لحد ابتزازهم معنويا و عاطفيا .. حاجه فى منتهى المسخره بصراحه ولا أدرى كيف يسمح بهذا العبث !! هى الناس ناقصه !!

    ReplyDelete
  3. عالاقل اعلانات الفياجرا كانت مجرد تعبيرات او اشارات حتى مش كل المتجوزين فهموها لكن الاعلان دا قذر بجد

    ReplyDelete
  4. لاء اطمن مش انتا لوحدك اللى مضايق ومتنرفز من السفاله دى
    دة لما بكون بتفرج على لتلفزيون وماما جمبى
    متتخيلش اد ايه
    ببقى مكسوفة ومحرجة اوى
    وحتى بتكسف اغير حاجة لتكون ماما فاكرانى فاهمة

    اعلان سخيف
    ولو قاعد عندك ضيوف ولا اطفالوطلع الاعلان ايه بقه موقفك ساعتها
    وعلى رايك
    الاعلان بتاع الفياجرا اول لما طلع
    كلنا ساعتها قولنا ايه قلة الادب دى واتدايقنا انهم جايبن حاجة زى دى رغم ان الاعلان مش فيه حاجة واضحة زى الاعلان السخيف ده
    انا هرروح اشوف الجروب على الفيس بوك اهو

    ReplyDelete
  5. ومالك متضايق أوي كدة؟ يا عزيزي الأعراض دي طبيعية جدا وعلاجها سهل، لازم تواجه نفسك وتعالج الأسباب. زيارة الطبيب خير من إنك تقطع نفسك. وعلى إيه أصلا؟ إنت لامؤاخذة مابتشفش المتجوزين في البلد دي عايشين مع بعض إزاي؟

    ReplyDelete
  6. حاجه تكسف ..انا لو متجوزه اتكسف اشوفه مع جوزى

    ReplyDelete
  7. لو طلع العيب من اهل العيب مايبقاش عيب

    مش بيقولو كده برضه في الامثال ولا ايه؟؟

    ReplyDelete
  8. السيد الأستاذ/أحمد سمير
    صاحب مدونة / الأغلبية الصامتة
    " تحية طيبة" وبعد..
    اعتذر عن الخروج من موضوع التدوينة، لكنني أرسلت لك رسالة عبر البريد الإلكتروني تتعلق باستمارة استقصاء بيانات عن المدونات المصرية.
    أرجو الاهتمام والرد سريعا بالإيجاب أو السلب.
    تحياتي وتقديري
    شيماء إسماعيل
    باحث ماجستير- كلية الآداب جامعة القاهرة.

    ReplyDelete
  9. بجد حاجة تكسف وتحرق الدم ومش عارفة أقول أكتر من كده وانا دخلت فعلا الجروب

    ReplyDelete
  10. ياااه هو الاعلان ده لسه بيتذاع انا كتبت عنه من فترة بعيدة شوية وفعلا كل الردود كانت رافضاه

    ReplyDelete
  11. هقول ايه غير حسبى الله ونعم الوكيل إيه قلة الأدب دى

    حامد

    وجامد

    يا نهار زى بعضه.............

    ReplyDelete
  12. يانهار اسود ومهبب بميت طين وطين

    ايه قله الادب والسفاله والحقاره دي

    فييييييين الحيااااااااء

    انا اول مره اشوف الاعلان ده

    ReplyDelete
  13. اجمد باشا
    عارف انك زعلان بس والله
    غصب عني وانت عارف
    تصدق ان الاعلان ده مستفز ولما بييجي بضطر اقلب علشان عبدالله مش يسألني
    حاجه سخيفه جداً

    ReplyDelete
  14. السيد الأستاذ/ أحمد سمير
    صاحب مدونة / الأغلبية الصامتة
    " تحية طيبة" وبعد..
    اعتذر عن الخروج من موضوع التدوينة، لقد أرسلت لك دليل العمل (صفحتين)والجزء الأول من الاستمارة (8 صفحات) ، أرجو منك إرسال رسالة توضح أن الجزء قد وصلك بالفعل وأنه ليس هناك من مشكلة في إرساله أعاقت وصله لسيادتك .
    تحياتي وتقديري
    شيماء إسماعيل
    باحث ماجستير- كلية الآداب جامعة القاهرة.

    ReplyDelete
  15. دي قلة ادب مش اعلان

    ايه ده ازاي قناه محترم تعرض اعلان زي ده دي حوا بورنو سافل قصير

    مش عيب الاعلان عن منشط بس مش بالسفاله دي ابدا

    ReplyDelete
  16. شكرا على الدعاية، أنا بصراحة كنت ببحث عن المنتج الجامد ده

    ReplyDelete
  17. هدي نفسك يا باشا..الاعلان بيخاطب ثقافة الناس
    دلوقتي..مش بذمتك الجنس بقي هاجس عند الاغلبية
    :)
    ع العموم المشكلة مش تقديم إعلان عن حبوب زي الفياجرا ..هي في كيفية تقديم الفكرة
    :)

    ReplyDelete
  18. appy planet:
    والله يا آبي انا مش فاكر اسم الشركة
    بس واضح من الاعلان يعني انها شركة نص كم

    ReplyDelete
  19. زمان الوصل:
    لما الفساد ينتشر ويتوغل بالشكل دة يبقى مش غريبة على الاطلاق ان يمتد لقطاع الصحة
    فعلا اعلانات ادوية الانجاب دي اعلانات اقل ما يقال عنها انها اعلانات واطية
    بتلعب على نقطة حساسة جدا....والنصب باين جدا في الاعلان
    حاجة بجد تقرف

    ReplyDelete
  20. انا حرة:
    اي حد ممكن يعمل اي اعلان هو عايزه
    انما السؤال المهم هنا:
    اين الاجهزة الرقابية سواء وزارة الصحة او رقابة التليفزيون
    اه
    الرقابة اليومين دول على السياسة وبس انما غير كدة مفيش

    ReplyDelete
  21. البنت المشمشية حلوة بس شقية:
    بجد لو يعرفوا قد ايه الاعلانات دي فعلا مش مناسبة للعرض العام خاااااالص
    واساسا الادوية في الاساس لا يتم مخاطبة المرضى مباشرة من خلال الدعاية المباشرة مابالك بقى باعلانات تليفزيونية كل الناس بيشوفوها
    حاجة بجد تقرف
    تحياتي واحتراماتي

    ReplyDelete
  22. anonymous:
    معلش....اصلي دايما احب احط نفسي مكان الناس اللي بيعانوا
    واكيد انت ادرى طبعااااااا

    ReplyDelete
  23. mahasen saber:
    هو اعلان يكسف بشكل عام يا محاسن بصرف النظر عن حالة المشاهد
    هو يكسف المتزوج قبل الاعزب
    تحياتي واحتراماتي

    ReplyDelete
  24. mony:
    وصدق المثل فعلا
    بس للأسف اهل العيب كتير قوي في الزمن دة
    تحياااااااتي

    ReplyDelete
  25. Shaimaa Ismael:
    تم الرد يا استاذة شيماء
    مع اطيب التمنيات بالتوفيق
    تحياتي واحتراماتي

    ReplyDelete
  26. BosBos:
    ولسة اللي يعيش ياما يشوف يا بس بس
    وياما في الجراب يا حاوي

    ReplyDelete
  27. Desert Cat:
    للأسف هو لسة بيتعرض
    واعتقد انه هيستمر يتعرض فترة طويلة
    ماهو النظام كدة...اي حاجة مستفزة لازم تستمر لفترة طويلة لتمارس دورها في عكننة الناس
    تحياااتي

    ReplyDelete
  28. Dr.Ibrahim Samaha:
    اعتقد ان اول الغيث قطرة
    وان مشوار الالف ميل في فوضى اعلانات الدواء بيبدأ بالأعلان دة
    تحياتي واحتراماتي

    ReplyDelete
  29. كيارا:
    والله انتي محظوظة انك ماشفتيش الاسفاف دة قبل كدة
    بس انا اسف اني كنت السبب انك شفتي الشيء دة
    تحياتي واحتراماتي

    ReplyDelete
  30. محمد مفيد:
    محمد باشا مفيد
    من ناحية انا زعلان....انا فعلا زعلان
    بس خلاص مش زعلان ولا حاجة
    ادعي بس انت ان الاعلان دة يبطلوا عرضه قبل ما عبدالله يشوفه ويضطر يسألك
    فتضطر انك تجاوب يا بابا
    تحياااتي واحتراماتي

    ReplyDelete
  31. Shaimaa Ismail:
    اطمئني يا فندم
    كله تحت السيطرة

    ReplyDelete
  32. Emy:
    كله بيعرض
    الفلوس بتغري اي حد
    وبما ان الشركة المنتجة للعقار دة بتدفع يبقى لازم يتعرض حتى لو الحوار ابشع من كدة كمان
    تحياتي

    ReplyDelete
  33. Anonymous:
    لا شكر على واجب
    اي خدمة
    اهم حاجة انك سيادتك ترجع جامد يا استاذ حامد
    تحيااااتي

    ReplyDelete
  34. micheal:
    بالضبط يا مايكل
    المشكلة مش في المنتج نفسه المشكلة في طريقة العرض
    تحياتي واحتراماتي

    ReplyDelete
  35. البنت المشمشية حلوة بس شقية:
    علم يافندم وجاري التنفيذ

    ReplyDelete
  36. http://koukawy.blogspot.com/2008/11/blog-post_24.html

    الظاهر ان مش انت بس و ثقافتك لوحدك
    انا كتبت بوست من فتره علي نفس الموضوع في اللينك اللي فوق ده

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails