Saturday, 6 December 2008

استاذ ياسر حسين........شكرا

طول عمري بحب الرسم
وطول عمري وانا مابعرفش ارسم
مش موهوب
رحم الله امرىء عرف قدر نفسه
بحب رسوم الكاريكاتير جدا....وبحب قوي البورتريهات
مواقف كتير كنت بأتمنى فيها اني اكون بعرف ارسم علشان اعبر عنها....بس العين بصيرة والموهبة قليلة
بلاقي ان في لحظات كتير قوي الرسم فيها بيبقى اصدق من الكلام...الرسم هو اللي لازم يقول كلمته
وكنت لما الاقي رسومات كاريكاتيرية او بورتريهات في الصحف والمجلات اقول
انا عايز من دة
انا عايز حد يرسمني انا كمان
اشمعنى انا يا جدعان؟؟؟؟
من حق كل واحد في الحياة انه يترسم
لما كنت بأنزل الحسين كنت بلاقي رسامين بيرسموا الناس كدة برضة بس عمري ما فكرت اني اخللي حد يرسمني منهم
لما بدأت تدوين..اتعرفت على مدونين كتير..مدوناتهم اكثر من رائعة...موضوعات شيقة جدا وجادة وجريئة
من اهم المدونات اللي بتابعها من اول رحلتي في عالم التدوين مدونة (كارتونيا) للفنان ياسر حسين
الفنان ياسر حسين فنان مصري بيعمل في الخليج
اهم ما يميز مدونته هو التعبير بالرسم
الرسم قاسم مشترك في كل اعمال مدونته الجميلة خاصة رسم الكاريكاتير
انا لا ازعم اني ضليع في الفنون والفرق بين الانواع المختلفة من طرق الرسم والتعبير
ولكن يكفي اني اقول ان رسومه بتعجبني
في كتير من الموضوعات في المدونة عبارة عن رسم فقط
طلبت من صديقي الفنان ياسر حسين انه يرسمني.....اه كنت بجح ومتطفل وغلس...بس هو احترم غلاستي وقدر بجاحتي
ورسمني بورتريه فكرته جميلة
جمع بين اكتر حاجات بحبها في الحياة
النادي الأهلي........الصيدلة.......و الكتابة كمدون
فكرة البورتريه كانت جميلة....وبصراحة كانت مفاجأة سارة خاصة انه استجاب لغلاستي وتطفلي بسرعة فائقة

استاذ ياسر


شــــــــــــــــــــــــــــــــــــكـــــــــــــــــــــــــــــــــــــــــــــــــرااااااااااااااا



35 comments:

  1. طب انا غاويه تصوير اصورك صوره

    شوف كرم ربنا ربنا بيحبك ومش ردلك امنيه ابدا .
    تعيش وتترسم وتعيش وتتصور

    وكل سنه وعيدوانتا سعيد وبالف خير وسلام
    انتا واسرتك واهلك والنادى الاهلى وكل حد ليه علاقه بالكاس ابو تعبان
    وكل من تحب ..يا بلديات..

    ReplyDelete
  2. يالا ياعم اهم حاجة تبقى مبسوط
    :)

    على فكرة برده انا بحب الرسم وبرسم كمان

    ههههههههههههههه

    بس دا كان زمان إيدى الوقتى معدتش بتاخد على الرسم إلا اللهم كان حاجة فى الكلية

    كل سنة وانت طيب:)

    ReplyDelete
  3. احمد اول حاجة كل سنة وانتا طيب تانى حاجة

    انا زيك
    بحب الرسم
    بس بعك فى الرسم
    يعنى مش بعرف ارسم

    وانا اترسمت قبل كدة
    لذلك انا قررت انى ارسملك صورة بس وحياة اوبويا لو زعلت من اللى هيطلع هزعل منك

    وبعدين الرسمة حلوة اوى جمعت الحاجات المميزة فيك

    اهلاوى وصيدلى
    على فكرة انا بحب الوراك بتاعة الخروف
    يعنى اعمل حسابى فى الخروف بتاعكو

    ReplyDelete
  4. حلوه يااحمد

    كل سنه وانت طيب

    ReplyDelete
  5. كل سنه وانت طيب يا احمد وحلوه الصوره ولفته احلى منه

    ReplyDelete
  6. تحفه يا احمد بجد

    بورتريه رائع جدااا

    واهو فرصه يكون ليك بمناسبه العيد :)

    كل عام وانت بخير يا اخى .

    عيد سعيد مبارك عليك إن شاء الله

    اجمل تحيه من القلب لك

    ReplyDelete
  7. هي مدونته فعلا بتعجبني جدا جدا

    وهو انسان زوق اوي
    وهديته لما نزلها بجد جميلة اوي

    كل سنه وانت طيب

    عيد سعيد

    ReplyDelete
  8. جميل فعلا البورتريه ده
    :D

    كل سنة وانت طيب يا دكتور
    :)

    ReplyDelete
  9. الرسمه فعلا حلوه اوي ماشاء الله

    انا كمان بحب الرسم اوي بس مش بعرف ارسم
    لما كنت في المدرسه في امتحان الرسم كنت بخلي أصحابي يرسمولي

    كل سنة وانت طيب

    وعيد سعيد عليك

    ReplyDelete
  10. السلام عليكم...
    الرسمه فعلا جميله...
    وأخيرا إترسمت...
    ..........
    كل عام وأنت بخير ..
    وعيد سعيد..

    ReplyDelete
  11. حلوة اوى بجد ورسمه حلو

    وكل سنة وأنت بخير

    ظأنا بفكر أشوف حد يرسمنى بردو
    :D

    ReplyDelete
  12. متشكر يا دكترة ع الكلام الحلو ده
    وأشكر كل الشباب الجميل اللي علقوا على رسمي
    :)

    ReplyDelete
  13. حاولت ارسم بس معرفتش

    كل سنة وانتا طيب

    ReplyDelete
  14. بورتريه رووعه بجد
    وانت تستاهل كل خير بالفعل يا اخى
    كل عام وانت بخير
    اجمل تحيه لك

    ReplyDelete
  15. (`'·.¸ (`'·.¸*¤* ¸.·'´) ¸.·'´)
    ♥*** happy feast ***♥
    (¸.·'´ (¸.·'´*¤* `'·.¸) `'·.¸)

    ReplyDelete
  16. تقبل الله منا ومنكم
    وكل عام وانتم بخير

    ReplyDelete
  17. mahasen saber:
    محاسن.........
    ازيك عاملة ايه؟
    كل عيد وانتي بخير وسعادة
    يا فندم يبقى لي الشرف انك تصوريني
    بس مش مهم انك تبقي غاوية تصوير...الاهم انك تكوني بتعرفي تصوري
    تحياتي واحتراماتي

    ReplyDelete
  18. dr ibrahim samaha:
    حد يا دكتور يبقى له في الرسم ويبطل يرسم
    انا لو بعرف ارسم انا كنت ارسم كل حاجة...كل وجه كل منظر
    ما اعتقش حاجة
    ربنا يوفقك
    كل عيد وانت بصحة وسعادة
    تحيااااتي

    ReplyDelete
  19. البنت المشمشية حلوة بس شقية:
    كل سنة وانتي بصحة وسعادة
    يشرفني انك ترسميني طبعا وعمري ما هزعل بالعكس دة شرف ليا
    منتظر رسوماتك القوية....وربنا يستر
    تحياتي واحتراماتي

    ReplyDelete
  20. انا حرة:
    كل سنة وانتي طيبة
    وان شاء الله السنة الجاية نكون كلنا في الحج بمشيئة الله
    تحياتي

    ReplyDelete
  21. appy:
    كل سنة وانتي طيبة يا ابي
    وان شاء الله السنة اللي جاية تكون كل احلامك اتحققت بأذن الله
    احلام سيادتك اواااامر
    تحياتي

    ReplyDelete
  22. ضي القمر:
    هي فعلا احلى هدية او احلى عيدية
    الف شكر ليكي ع الكلام الجامد جدا دة
    تحيااااتي

    ReplyDelete
  23. مولان:
    مدونة رائعة وخفيفة وجذابة
    مفيهاش اي كلاكيع او عقد
    تحياتي

    ReplyDelete
  24. الام وامال:
    وانت طيب يا محمود باشا
    الف شكر ع الكلام الجامد جدا دة
    تحياتي واحتراماتي

    ReplyDelete
  25. esraa:
    الف شكر ليكي يا اسراء
    كل سنة وانتي بألف خير وصحة وسعادة
    تحياتي واحتراماتي

    ReplyDelete
  26. شكرا يا استاذ ياسر
    وكل سة وانت وهو بصحة وخير وسعادة

    ReplyDelete
  27. M.K:
    اه الحمد لله....ربنا فك عقدتي
    تحياتي واحتراماتي

    ReplyDelete
  28. هوندا:
    الف شكر يا هوندا
    وربنا يوفقك وتلاقي الرسام الجامد
    من حق كل انسان انه يترسم
    تحياتي

    ReplyDelete
  29. ياسر حسين:
    الف شكر لك انت يا فنان يا عظيم
    هم كلهم مش بيعلقوا على رسمك قد ما بيعبروا عن اعجابهم الشديد بفنك
    تحياتي واحتراماتي

    ReplyDelete
  30. البنت المشمشية حلوة بس شقية:
    طب ينفع كدة يعني؟؟؟
    بعد ما حضرت مكان وبرواز للصورة الجديدة تقولي لي مش عارفة ارسم؟؟؟؟
    مااااااااااااااااااااااااااشي
    هدعي عليكي في ساعة مغربية
    تحياتي واحتراماتي

    ReplyDelete
  31. ضي القمر:
    الف الف شكر
    انتي اللي تستاهلي كل خير فعلا
    تحياتي واحتراماتي

    ReplyDelete
  32. KOCHIE:
    عيد سعيد على كل الامة الاسلامية
    تحياتي واحتراماتي

    ReplyDelete
  33. م/الحسيني لزومي:
    كل عام وانت بخير يا باشمهندس
    تحياتي واحتراماتي

    ReplyDelete
  34. MOSTAFA RAYAN:
    كل سنة وانت طيب يا مصطفى
    وعيد سعيد عليك وعلى الاسرة الكريمة ان شاء الله
    تحياتي

    ReplyDelete
  35. ده اناااااااااا غلبان
    تدعى عليا بقه كدة
    حاولت ارسم طلع معايا الواد اللى بيطلع فى اعلان سفن اب ده عارفو

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails