Thursday, 4 September 2008

انا مش منهم


واحد منهم اتهموه بتهريب فياجرا.....واحد تاني اتهموه بجريمة قتل واخد اعدام......كتير منهم متهمون بالبلطجة والتزوير .....كتير منهم تم الحكم عليهم في قضايا قروض.....منهم من تم اتهامه في قضايا مخدرات....منهم من تم اتهامه في قضية دعارة (قضية سميحة)....منهم من هو متهرب من اداء الخدمة العسكرية.....منهم من لا يجيد فك الخط
كتير منهم استاذ في الحصول على الامتيازات الخاصة وخرق القانون.....منهم من قال على نفسه انه صايع (انا صاااااايع)....منهم من احتكر مصر كلها
منهم من يستغل عمله الاعلامي في النفاق ومسح الجوخ وتصفية الحسابات مع خصومه وغالبا هي خلافات شخصية
واخيرا وليس اخرا
منهم من هو متورط في جريمة قتل مشينة
الحمد لله ان انا
مش منهم

14 comments:

  1. طب الحمد لله فعلا ان حضرتك مش منهم ويارب منكونش احنا كمان منهم

    ReplyDelete
  2. ومنهم خاير الهمه
    زمنهم مايملكوش ذمة
    ومنهم غبى نفسه فى القمة

    ReplyDelete
  3. والحمد لله انا مش منهم ..

    ولو انى اعتقد أننا نقابل كثيييير منهم ..

    من غير ما نعرف أنهم منهم ..

    ومن غير ما هما يعرفوا أنهم منهم ..

    وعجبى :)

    ReplyDelete
  4. فى كتير قوى منهم عايشيين وسطنا و بينا و بياكوا من اكلنا
    يا بختك انك مش منهم و على فكرة ولا انا منهم
    و يا خوفى نقابل منهم

    تحياتى

    ReplyDelete
  5. والحمد لله أن أنا كمان مش منهم وربنا يبعدهم عننا
    مش عارفة الناس دى بتفكر أزاى أصلا

    ReplyDelete
  6. مش ينفع اصلا اننا نكون منهم
    لان من المعروف انهم كلهم فى بعض كدا مش بياخدوا حد غريب علشان يبقى منهم
    حد فاهم حاجه

    كل سنة وانت طيب

    ReplyDelete
  7. كل عام وحضرتك بخير ربنا يتقبل منكم الصيام والقيام وخير الاعمال ياااااااااارب آمــــــــين

    ReplyDelete
  8. الحمد لله إننا كلنا مش منهم لأن دول فئة مختلفة مش مننا والحمد لله إنهم مش مننا

    ReplyDelete
  9. ما هو طبعا أنت مش منهم
    هو أنت معاك حصانة زيهم؟
    :))))
    أنا بقى اللي فاهمك

    خالص تحياتي

    ReplyDelete
  10. الحمد لله رب العالمين


    كل سنة وحضرتك بالف خير

    ReplyDelete
  11. اللهم احشرنا مع زمرة المساكيين ..
    ولا انتا ولا ال70 مليون منهم هو احنا وصلنا كام دلوقت..بس قولى هو انتا اسعار رمضان بوظة اعصابك فاقيت علاجك فى انك تقول ...انا مش منهم ..انا مش منهم..
    معلش اكتر من كده وبيزيح ربنا بالك انتا شويه صحه وستر بفلوسهم كلهم ...امال ايه ..

    ReplyDelete
  12. انا كمان مش منهم
    (:

    ReplyDelete
  13. والحمد لله كلنا موش منهم

    على فكرة كلهم اغنيا بالسرقة

    كلهم حرمية

    ReplyDelete
  14. فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
    هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

    1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
    2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
    3- مشكلة تعمير مصر والتى يعيش سكانها على 4% من مساحتها.
    4 - العدالة الاجتماعية .. وأطفال الشوارع والذين يملكون كل شىء .
    5 - ضرورة الاتحاد مع السودان لتوفير الغذاء وحماية الأمن القومى المصرى.
    6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
    ارجو من كل من يقراء هذا ان يزور ( مقالات ثقافة الهزيمة) فى هذا الرابط:

    http://www.ouregypt.us/culture/main.html

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails