Friday, 11 July 2008

الأب.....و الابن....وربما الحفيد...مين عااارف

الرئيس مبارك تولى حكم مصر سنة 1981.......يعني بيشهد كل سنة من 1982 وحتى تاريخه 2008 تخريج دفعات جديدة من طلبة الكليات العسكرية والشرطة
يعني من 1982 وحتى 2008 شهد الرئيس حسني مبارك حفلات تخريج 26 دفعة.....والعدد مرشح للزيادة ربنا يدي له الصحة والعمر المديــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــد
ولو افترضنا ان الطالب خريج الكلية الحربية مثلا تخرج عام 1982 وهو عنده 21 سنة...يعني الطالب دة الأن عنده 47 سنة.....ولو افترضنا ان الطالب دة تزوج مثلا وهو عنده 25 سنة.....يبقى غالبا الطالب دة خريج 1982 عنده ابن دلوقتي عنده تقريبا 22 سنة
واكيد الرئيس مبارك شهد برضة حفل تخرج الابن دة من الكلية الحربية عام 2008
وبكدة يبقى الرئيس مبارك شهد حفل تخريج الأب....والأبن.....وان شاء الله الحفيد....من نفس الكلية...لأن فخامته وعدنا انه سيظل يحكمنا طالما في جسده قلب ينبض
وبكدة تثبت مصر دوما انها بلد العجائب والغرائب واللطائف

12 comments:

  1. السلام عليكم ورحمة الله وبركاته


    احنا هانقر ولا ايه

    ومن شر حاسد اذا حسد

    ههههههههههههههههه

    ReplyDelete
  2. حملة لرد الاعتبار
    ........................
    حيوا معى العين الساهرة للحفاظ على المقدسات وعودة الحق لأصحابه عندما أعاد الدكتور/أسامة السعداوى صياغة التاريخ المصرى القديم لقد نصر العالم الجليل تراث الاجداد وقدمه للآحفاد لينهلوا العلم من أوسع أبوابه تعالوا يا أبناء مصر
    نطرق باب النابغةالدكتور /أسامة السعداوى لنعرف منه الحقيقة
    قودوا معى حملة الشرف والكرامة فى رفع الظلم عن أجدادكم وانتم أصحاب كلمة فلتكن فى موضعها فلا استقامة للمستقبل الا بتصحيح مسار تاريخنا واحياء علومنا وحضارتنا
    ادخلوا الموقع الخاص بالعالم من على صفحة مدونتى الرئيسية
    ولكم منى جزيل الشكر

    ReplyDelete
  3. ليك تاج عندى روح أستلمه

    ReplyDelete
  4. اخينا اللي بتتكلم عنه و امثالة خلوا جيل يطلع علي المعاش قبل ا ن يبدأ حياته الاساسية لانهم حاجزين كل الاماكن و الكراسيو مفييش اي ا مل او اي فرصة للحراك من اي نوع

    يالا

    سيبك انت انت كويس انك نافد بجلدك من الفيلم اللي ابطالة بقوا تماثيل دول

    ربنا ييسرها و يسترها معانا

    :)
    تأمل حلو بجد

    ReplyDelete
  5. شيكابالا12 July 2008 at 02:53

    لا حول ولا قوة الا باللة ودة يضايقك ف اية؟ ربنا يمد ف عمرة كمان وكمان ويخرج الاحفاد واحفاد الاحفاد دة حتى الحفلة ميبقاش لها طعم من غيرة

    ReplyDelete
  6. ده قر بقى
    ههههههههههههههههه

    ReplyDelete
  7. شفت محمد صبحى فى تخاريف فى امنية التسلط

    ReplyDelete
  8. و الله انا شخصيا شايفة ان مشاكلنا حتنحل في عصر تامر شادي جمال محمد حسني مبارك و يدينا و يديك طولة العمر

    ReplyDelete
  9. احمد

    اخباراتك ايه

    انت بتنق علي الراجل ولا ايه
    دا هو اللي مدلعنا ومهننا ومش مخلينا عايزين حاجه خالص

    فربنا يديله الصحه ويخدها منه تاني

    الراجل منوفي هاااااه واخد بالك انت

    سلامووووووووز ياسكر
    وزة

    ReplyDelete
  10. هههههههه..ملحوظة جديرة جدا بالإهتمام وعمار يا مصر وأما نشوف جيمي حيخرج لنا كام دفعه
    تحياتي

    ReplyDelete
  11. اقولك على حاجة اصعب

    خريج الكلية الحربية سنة 82 كان عنده 21 سنة.. دلوقتي عنده 47 سنة..يعني تقريبا نصهم طلعوا معاش

    تخيل..يبقى الواحد اتخرج و اشتغل وخدم الجيش وخلص وقعد في البيت..والريس لسة قاعد

    حاجة تكسف

    ReplyDelete
  12. يا احمد حرام عليك
    انت هتقر ولا ايه
    لالالالالا
    مكنتش اعرف عنك كده ابدا

    ههههههههههه

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails