Wednesday, 21 May 2008

تاج الأحلام


عود احمد للتاجات النفسية الدسمة اللي بتزغزغ النفس كدة وتطلع اللي جوة
والمرة دي التاج من جانا (جنى الجنتين دان) والف شكر لها
نبدأ التاج على بركة الله
أذكر خمس أحلام على الاقل ..تخص ماضيك وتحلم فيها بتغيير اشياء ..ماذا ستعدل وماذا ستترك؟؟
اول حلم:
ماكنتش هدخل كلية الصيدلة رغم حبي لها واعتزازي بكوني صيدلي الا اني كان ليا ميول تانية اقوى لو رجع بيا الزمن كنت هحققها
كنت هدخل كلية الالسن قسم اسباني او ايطالي وهابذل قصارى جهدي وانبغ بجد واخد كورسات وابقى مترجم بارع جدا
ثاني حلم:
كان لازم اقضي الصيف وانا طالب فيما هو مفيد ونافع ليا مستقبلا بدلا من الهيافة والتسكع في الشوارع اللي كنت بعمله
كان لازم الصيف يقضى في كورسات كومبيوتر ولغات واللي بعد مااتخرجت من الكلية واشتغلت لم تتح لي الفرصة والوقت للقيام بها
ثالث حلم:
كان لازم اهتم بالرياضة وانا صغير خاصة اني طويل القامة وطولي دة كان بيؤهلني اني العب سلة او كرة طائرة...بس مالقتش اللي يشجعني..بس لو رجع بيا الزمن مش هفوت الفرصة دي
رابع حلم:
كان لازم اهتم بالثقافة الدينية اكتر من كدة....انا مهتم بالقراءة ولكنها غالبا قراءات سياسية وادبية وثقافية انما انا مقل ومقصر في القراءات الدينية..ربما لو رجع بيا الزمن كنت اهتم بالنوعية دي من القراءات
خامس حلم:
لو رجع بيا الزمن كنت هأهتم اكتر بصلة الرحم اللي انا حاسس اني مقصر فيها الى حد كبير وكنت هابقى اجتماعي اكتر واكثر اختلاطا بالناس
أذكر خمس أحلام على الاقل ..تخص مستقبلك
اول حلم:
اني لا اصاب بالمرض.....نفسي اموت من غير ما اتبهدل....المرض محنة صعبة جدا وذل ما بعده ذل...ربنا لا يكتبه على احد
ثاني حلم:
اموت وربنا راضي عني....نفسي قبل ما اموت اكون كفرت عن اي حاجة وحشة عملتها في حياتي
ثالث حلم:
اني اعيش مستور طول عمري..ماحتاجش لأحد....اصعب حاجة على نفسي اني احتاج لحد..فعلا شعور تقيل جدا
واحسن دعوة فعلا ربنا ما يحوجك لحد
رابع حلم:
اني مااتحرمش من حد بحبه
الموت وحش جدا بس للأسف هو قدر وحق وشر لابد منه
طبعا هو حلم مستحيل لأننا كلنا الى فراق والى زوال...بس برضة يفضل حلم
خامس حلم:
اني اعمل الحاجة اللي انا بحبها...مش الحاجة اللي المفروض اعملها
شعور جميل جدا لما تبقى بتشتغل شغلانة انت بتحبها مش شغلانة لازم تشتغلها علشان دة المتاح حاليا
أذكر شخصين على الأقل .متواجدين فى حياتك حاليا ..كنت تود وجودهم قبل الآن بزمن
هو شخص واحد بس
خطيبتي
وبأهدي ليها اغنية وردة
اه لو قابلتك من زمان......كانت حياتي اتغيرت
أذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا ..
هم مش شخصين هم قيمتين او صفتين
العدل..........................................................والديمقراطية
*************
انتهى تاج الأحلام
والأن الى الأهداءات
تهدي التاج لمين يابو حميد........
الى السادة الاتية اسماؤهم

42 comments:

  1. ربنا يحقق لك احلامك وامنياتك يا احمد لانى شايفه ان اغلبها احلام تفيد المجتمع
    واختيارك لاغنية وردة هايله
    اصل الاغنية دى لسه مهداه ليا من يومين تقريبا توارد اغانى بقى
    تحياتى

    ReplyDelete
  2. تاج اكثر من رائع
    بجد احلام جميلة وتدل على طيبة قلبك
    تحياتى لك اخى

    ReplyDelete
  3. اجابات جميلة

    كل تاج وانت طيب

    وربنا يحقق ليك كل ما تتمنى

    تحياتى

    ReplyDelete
  4. ربنا يحققلك احلامك وينورلك طريقك ويجعلك من السعداء دنيا واخرة ولا يحرمك من حبايبك ولا يحرم حبايبك منك لانهم ميقدروش يستغنو عنك بجد ابن مثالى واخ جميل وخطيب نادر وان شاء اللة زوج واب مفيش زية بس ما علينامن وصلة الشحاتة عندىسؤال يا ترى حياتك كانت هتتغير ازاى لو اتقابلنا من زمان؟ارجو انها متكونش توريةواسمحلى ارد باغنيةاتضح انها لفريد بس وليد الحكيم بيغنيها احلى بجد منحرمش العمر من عطفك عليا ياللى حبك من السما اجمل هدية منحرمش العمر منك يا حبيبى ولا من ضحكة عينيك الحلوة ديا

    ReplyDelete
  5. ربنا يوفقك
    بس الحاجات الى انت كنت عايز تعملها من زمان زى صلة الرحم والقراءة الدينيه حاول تبدأ فيها من دلوقت ومتقولش لو لو وياريت
    وابدأ حالا

    ReplyDelete
  6. jaبصراحة انا اللى المفروض اشكر كل اللى جاوب على تاج احلام اليقظة وادانا فرصة نتعرف كلنا على احلامه اللى من خلالها عرفنا معظم سمات شخصيته
    ...عشان كده ... جزيل الشكر على اجابتك

    التاج طلع سره باتع بصراحة
    بنعرف منه مستخبى كتير ...انا سعيدة جدا باجابة سؤالك التالت ..وبعد اذنك قريت تعليق خطيبتك الجميلة ففرحت اكتر ..ربنا يبارك لك فيها ويباركلها فيك ..ويتمم لكم بالخير
    واسمحولى انا بقى اهديكم انتم الاتنين اغنية ...يا ولاد بلدنا يوم الخميس حاكتب كتابى وابقى عريس ...بافتراض ما سيكون يعنى ..بس اعملوا الفرح يوم خميس بقى عشان الاغنية تمشى
    هههههههههههههه
    وطبعا انا معزومة..ولا ايه؟؟؟

    واضح ان الالسن كانت حلم كتير من الناس لكن صيدلة اكيد هى الافضل لك مادام ربنا كتبهالك ولعله خير دايما ..بس ليه محكيتلناش ذكرياتك مع الضفاديع؟؟
    :)
    حلمك التالت والرابع لسه فى ايدك ...والتوعية الدينية لا تقف عند عمر معين ..لكننا نحتاج لها طول عمرنا ..فدائما هناك المزيد..
    وصلة الارحام ايضا ..لعلك الان تعوض ما فات
    الحمد لله الذى هداك اليهما ..فى الوقت المناسب
    احلامك المستقبلية ...
    ادعو لك بما تمنيت من الدعاء
    ربنا ما يحوجك لحد
    أما عن العدل والديموقراطية
    فاسمحلى اشاركك هذا الحلم ...

    اجابات رائعة
    ربنا يحققلك كل احلامك بما فيه الخير والصلاح
    وسلامى لخطيبتك الرقيقة
    وبصراحة ..فريد يغلب وردة ههههههههه
    تحياتى الخالصة

    ReplyDelete
  7. لو رجع بيا الزمن كنت هأهتم اكتر بصلة الرحم اللي انا حاسس اني مقصر فيها الى حد كبير

    ---

    حلم رائع

    دمت بخير

    ReplyDelete
  8. شكرا على التاج وأنا جاوبتة

    وربنا يحقق لك كل آحلامك

    تحياتى

    ReplyDelete
  9. بحب قوى التاجات النفسية دى
    فعلا بنعرف بعض اكتر
    اجاباتك فوق الممتازة و احلامك الماضية و المستقبليه كلها رائعة
    و اشاكر على التاج يا احمد
    الا قولى
    هو الى بنعمله فى الناس هيتعمل فينااا و لا ايه :)

    تحياتى

    ReplyDelete
  10. احمد هى خطبيتك هى الى ردت فوق دى
    ؟؟؟؟؟
    :) ماشية معاك يا عم
    ربنا يخليكوا لبعض
    و يسعدكوا ديما

    ReplyDelete
  11. تصدق
    تصدق يا دكتور
    والله أول مرة اعرف انك صيدلي

    يا خبررررر ابيض
    هههههههه
    انا اتفاجئت بصراحة مش عارف ليه
    بس مكنتش متوقع خااالص

    يللا المهم ان فعلا اجاباتك واحلامك انسانية رائعة

    ربنا يباركلك ويكرمك دنيا وآخرة

    ReplyDelete
  12. نسيت حاجة

    انا كمان بدعي ربنا اني اموت من غير ممرض
    لأن مر عليا ف حياتي ناس كتير تعبو قبل ما يموتو وفعلا فعلا اتبهدلو

    ربنا يحسن ختامنا أجمعين

    ReplyDelete
  13. ربن يديم عليك3حاجات
    خطيبتك وحبك ليها وحبها ليك ويارب يجمع بينكم قريب في عشكم السعيد
    ثانيا : قدرتك علي الحلم لان اي حلم نؤمن بيه نقدر نحوله لحقيقه
    ثالثا : الصحه لان الانسان مادام بصحته يقدر يحقق اي حاجه وميهمهوش اي حاجه

    ReplyDelete
  14. desert cat:
    اغنية وردة دي انا باعشقها
    من احلى ما غنت بجد
    الف شكر ليكي وربنا يحقق احلامك انتي كمان

    ReplyDelete
  15. رئيسة حزب الاحلام:
    الله يخليكي
    الكلام دة كبير قوي
    الف شكر

    ReplyDelete
  16. tamer nabil:
    شكرا لك ياصاحب الافكار الحرة والنيرة
    تحياتي واحتراماتي

    ReplyDelete
  17. السلام عليكم ورحمة الله وبركاته

    اجابات جميله اوي حسيت فيها بالصدق مع النفس

    ربنا يحقق لك كل احلامك الحاليه والمستقبليه

    مبروك علي مقالة الدستور
    مش " ازاي نطلب حاجه من الشعب وهو مودع الحياة " بتاعك برضو

    ولا ده احمد سمير غيرك ؟؟

    :-)


    سلام

    ReplyDelete
  18. ربنا يحقق لك احلامك ياااااااارب آمــــين
    اكيد لسه الوقت موجود لكى تحقق احلامك حاول حضرتك واكيد ربنا هيعين حضرتك

    ReplyDelete
  19. حبيبتي:
    اولا وصلة الشحاتة بتاعت الكام سطر الاولاني دي مش هتجيب نتيجة
    مش هزود المصروف يعني مش هزود المصروف
    هههههه
    ثانيا:
    سؤال بريء والله
    مين وليد الحكيم دة؟
    واضح انك بتسمعي ناس عجيبة
    تحياتي واحتراماتي

    ReplyDelete
  20. هوندا:
    هاحاول طبعا بس برضة لو كنت عملت كدة وانا صغير كان هيبقى اسهل وافضل بكتير
    بس برضة كل شيء ممكن
    تحياتي واحتراماتي

    ReplyDelete
  21. يا اجاباتك يا احمد
    يارب تحقق احلامك كلها
    امييييييين

    وميرسى على التاج
    انا جايه امضى استلام اهو يا باشا وربنا يستر

    :))))))))

    سلامى
    :))

    ReplyDelete
  22. اجينى جيت اهه ياعم

    عشان تعرف انى مش حارماك من حاجة
    اى خدمة يامعلم
    تاجات وحاجات من ورايا ياكلالالالالالاب

    انت اخباراتك ايه؟؟
    واخبار وردة وزمان والحركات ايه هه؟؟ ;)

    بتحب يادودو؟؟؟؟

    اشطة يامعلم
    عقبالنا يارب
    اظن بقى ملكش حجة
    الاقيك كل ثانية فى مدونتى بقى

    انت اكيد
    مقدر يعنى ايه اجيلك

    مقدر صح؟؟؟؟

    ReplyDelete
  23. إن شاء الله تحقق كل أحلامك

    وربنا يديك الصحه والستر وكل ما تتمنى

    خالص تحيااتي

    ReplyDelete
  24. jana:
    هو اصلا تاج جميل جدا
    وبأكرر شكري على اهداؤه لي
    بس وردة هي وردة برضة
    تحياتي

    ReplyDelete
  25. خبيب:
    منورني دائما
    تحيااااتي

    ReplyDelete
  26. ان شاء الله تتحقق كل امالك يا احمد

    وتقبل خالص تحياتى فى اول مرور فى مدونتك الكريمة

    ReplyDelete
  27. حلو قوي التاج يا ريس وعقبال التاج اللي بعده واللي بعده .. بس حقيقي حقيقي عاجباني إجاباتك قوي

    ReplyDelete
  28. الاجابات جميله جدآ هي بسيطه بس معناها عميق اوي
    كلنا بنستغل وقتنا غلط و لما يعدي نندم

    علي فكره انا في السن بس الماني

    و بحييك علي اغنية ورده لاني بموت فيها

    ReplyDelete
  29. bosbos:
    شكر ايه يا بس بس؟
    انتي بتهزري؟
    لا شكر على واجب طبعا
    بالتوفيق ان شاء الله
    تحيااااتي

    ReplyDelete
  30. rania:
    اه يا ستي
    خطيبتي هي اللي ردت فوق دي
    وبعدين هو مش المثل بيقول طباخ السم بيدوقه
    يبقى لازم تذوقي التاجات
    تحياتي واحتراماتي

    ReplyDelete
  31. الام و امال:
    ليه المفاجأة بس؟
    مش باين عليا اني صيدلي ولا ايه؟
    اي نعم هي المدونة مافيهاش ريحة دوا ولا انا لابس بالطو
    بس صيدلي والله
    الف شكر ليك
    تحياتي واحتراماتي

    ReplyDelete
  32. اميرة الصعيد
    اللهم امين
    الف الف شكر
    ربنا يكرمك
    نورتيني
    تحياتي

    ReplyDelete
  33. خمسة فضفضة:
    هو بعينه يا فندم
    انا صاحب المقالة
    بجد دقة ملاحظة تحسدي عليها
    بس ارجع واقول ايه؟
    صيادلة زي بعض
    مش الدم بيحن؟ كمان اصحاب المهنة الواحدة
    تحياتي واحتراماتي

    ReplyDelete
  34. انا جاوبت التاج يا احمد

    سلام
    :))

    ReplyDelete
  35. اماني:
    الله يخليكي يا اماني
    الف شكر وربنا يوفقك
    تحياتي

    ReplyDelete
  36. shayma:
    منتظر الاجابات يا شيماء في السريع العاجل
    تحياتي واحتراماتي

    ReplyDelete
  37. البتاع:
    يا خبر ابيــــــــــــــــــــــــــض
    البتاع؟
    انا بحلم
    مفاجأة غير متوقعة لكنها جميلة بالتأكيد
    انا طبعا في مدونتك على طول بس ارجو اني الاقيكي باستمرار هنا مش مجرد صدفة
    حمد لله على السلامة

    ReplyDelete
  38. salwa:
    الف شكر يا سلوى
    يارب انتي كمان ربنا يوفقك ويحقق لك كل احلامك
    تحياتي واحتراماتي

    ReplyDelete
  39. blackcairorose:
    مش مهم ان تكون دي اول زيارة...الاهم انها ماتكنش اخر زيارة
    يهمني زيارتك لمدونتي باستمرار
    اهلا بيكي
    تحياتي

    ReplyDelete
  40. darsh:
    الف شكر يا درش
    دة من ذوقك بس
    منورني دايما
    تحياتي

    ReplyDelete
  41. emy:
    يا سيدي يا سيدي
    يا بختك
    ربنا يوفقك وحاولي ودي نصيحة مخلصة من صديق انك تنمي المانيتك بكورسات خارجية
    اللغة هي الاستثمار الحقيقي بجد
    منوراني دايما
    تحياتي

    ReplyDelete
  42. shayma:
    طيران على مدونتك لمتابعة التاج
    تحياتي واحتراماتي وتشكراتي

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails