Tuesday, 13 May 2008

لسة بخمسة

بجد شعب جبـــــــــــــــــــــــــــــــــــــــــــــــــار
من رحم المأساة والحزن.....بتخرج الفكاهة والبسمة
شعب بيعوض عجزه عن الثورة والغضب والاضراب والاحتجاج والصدام...بيعوض دة كله بالنكتة
بس هل النكتة هتحل مشكلة؟ هل هتفك ازمة؟ هل هتقضي على الفساد والقمع والديكتاتورية والاحتكار؟
مااعتقدش
ماكانش حد غلب
عموما
اهم حاجة واللي مطمئنة الناس بجد ان منيو الخمسة لسة بخمسة...ودة في حد ذاته انجاز عظيم
مع الاعتذار لماكدونالدز

49 comments:

  1. ده بوست مدفوع الاجر ولا ايه

    قول اخدت فيه كااااااااام

    ويلك يافتى ..

    ReplyDelete
  2. والله هوة بوست حلو بس انت قلت حاجة كويسة اوى ااننا فعلا بنخرج من كوارثنا ومصايبنا بالنكتة وفى الاخر يقولوا دة المصريين دول ولاد نكتة وهمة فى الاصل بيشتمونا ربنا بجد يتولانا ةاشكرك

    ReplyDelete
  3. السلام عليكم ورحمة الله وبركاته

    طيب طالما لسه بخمسه اديني اتنين

    :-)

    ReplyDelete
  4. ههههههههههههههههههه ياسيدى خلى الناس تفك عن نفسها بدل مايبقا كبت من كله

    ReplyDelete
  5. معلش سؤال لو ممكن؟؟

    هو ايه منيو الخمسة لسه بخمسة

    دى كلمة السر بتاعت الخطة الخمسية الجاية؟؟

    :D
    هقولك نكتة بس ممكن تطلع قديمة.. فرق التوقيت بقى

    عسكرى اسرائيل وعسكرى مصر على الحدود

    العسكرى المصرى: انت منفوخ ليه كده.. بتاخد كام يعنى؟؟

    العسكرى الاسرائيلي: ثلاث آلاف دولار وألف دولار بدل رفاهية.. وانت بتاخد كام؟؟

    العسكرى المصرى: سبعين جنيييه

    العسكرى الاسرائيلى: وده بدل ايه؟؟

    العسكرى المصرى: بدل مااشحت


    تحياتى وتقديرى

    ReplyDelete
  6. هههههه .. حلوة منك والله العظيم

    والاحلى المدونة كلها والاحلى وأحلى

    صاحب المدونة

    وعشان كده اسمحلى أضيف مدونتك فى قائمة مدونتىالمفضلة

    تقبل تحياتى

    أحمد مصطفى

    ReplyDelete
  7. السلام عليكم
    ازيك يا دكتور خبار حضرتك ايه
    ايه اللى هو لسه بخمسة
    امممممممممممممممم
    اصل احنا امبارح بس كان الافتتاح وطبعا انا عاملة مقاطعة يعنى مش هأتباع معاهم الاسعار
    :)
    تحياتى لحضرتك

    ReplyDelete
  8. لأ طبعاً
    النكتة موش هتحل مشكلة
    و لا هتقضى على الفساد
    بس ممكن تعمل حاجة تانية خالص
    ممكن تساعد الناس إنها تقوم من سريرها الصبح
    تنزل تروح شغلها
    و تكمل دراستها
    و تودى عيالها المدرسة
    و تحاول تاكل و تعيش
    و هيا عندها امل فى بكرة مدام النهاردة بقى كله يأس
    الروح يا احمد
    بتعمل نوع من الميكانيزم الدفاعى كدا عشان متموتش
    لسه المصرى عنده امل فى بكرة و النكتة بتساعده يعدى يومه
    و لو كان حتى عن طريق الأخ ماكدونالدز وتحياتى يا سيدى

    ReplyDelete
  9. و الله علشان ميطقش من جنابه
    عايز يضحك بدل ما يجيله نقطة و يروح فيها
    هوا صحيح مش كل حاجة لازم تتاخد بهزار و تنكيت بس اهو الناس تعبت

    تحياتي لحضرتك و لمدونتك الجميلة
    سلام

    ReplyDelete
  10. موظف قبض المرتب ومعاه العلاوة الجديدة
    عدى عهلى السوبر ماركت لقى كل السلع اسعرها ارتفعت تانى
    طلع برة ورفع ايده وقال الله يخرب بيتك يا سيد
    مخبر سمعه راح ضربه على قفاه وقاله وكمان مش عارف اسم الريس


    طمنتنى يا احمد
    انا كنت قلقانة احسن الاقى منيو الخمسة بقت بستة ونص

    تحياتى ليك
    اختك خيخة

    ReplyDelete
  11. ما احنا مش فالحين غير فى النكت

    ReplyDelete
  12. ربنا يخلي لنا الحج مجدي يونس و يعمر بيته

    خلاص من هنا ورايح هنقضيها فرايز وبيبس
    :D

    ReplyDelete
  13. هههههههه

    كويس ان لسة فى حاجة بخمسة

    وبعدين النكت دى تصبيرة وفرح للناس اللى من سنين ماشافت فرح

    تحياتى

    ReplyDelete
  14. ههههههه الصورة دى جتلى على الفيس بوك وبصراحة بتموت من الضحك..هى الصورة مش هتحل الازمة بس خليتنا نضحك وخلاص

    بدل ما كل الاحداث الجارية حوالينا بقت نكد فى نكد
    ادينا استخلصنا من النكد اللى يضحكنا

    ReplyDelete
  15. د/اجدع بنوتة:
    ياريييييييييييييت
    يسمع من بقك ربنا يمكن ماكدونالدز يحس على دمه ويشوفني بحتة بيج ماك كدة ولا حاجة
    تحياااتي

    ReplyDelete
  16. princess bery:
    بس عمر النكتة للاسف الشديد ما كانت حل
    دي مجرد مسكن...ومسكن مضر بالصحة كمان
    تحياتي

    ReplyDelete
  17. خمسة فضفضة:
    طب تاخدي عشرة عليهم واحدة
    بلغة الصيدليات بقى والبوانص
    معلش المهنة تحكم
    تحياتي

    ReplyDelete
  18. هوندا:
    ماهي الناس من كتر ما فكت عن نفسها...سابت من بعضها خالص وبفت سايبة خااالص
    تحياتي

    ReplyDelete
  19. كاميليا:
    حضرتك دة عرض من ماكدونالدز...محدد قايمة بخمس منتجات مسميها منيو الخمسة
    الخمس منتجات دي كل منتج فيها بخمسة جنيه
    فبقت منيو الخمسة...بخمسة
    لما الاسعار زادت..ماكدونالدز عمل حملة اعلانية تطمئن عشاقه ان الاسعار لسة مازادتش وان منيو الخمسة لسة بخمسة
    بس خلاص
    نكتة معبرة والله
    تحياتي

    ReplyDelete
  20. احمد مصطفى:
    يا باشا الف شكر على المجاملات الرهيبة دي
    انا قعدت اتنفخ اتنفخ لحد ما كنت هفرقع من الغرور
    اسمح لي انا كمان اكون صديق ومتابع لمدونتك
    تحياتي

    ReplyDelete
  21. الحمد لله اهم حاجة
    ولا ساندوتشات البغل بقت 60 قرش
    وربنا يستر

    د/هيما

    ReplyDelete
  22. يقلك الشعب المصرى ابن نكتة

    اهو صنع النكت فى الازمات لوحده نكتة

    ReplyDelete
  23. اماني:
    حضرتك اللي لسة بخمسة دي قايمة عاملها ماكدونالدز كل حاجة فيها بخمسة جنيه
    وطبعا غالبا بتكون عينات او ارخص حاجات في المحل
    اللذيذ بقى ان احنا وصلنا لوقت بقت الخمسة جنيه حاجة ببلاش كدة
    مبروك الافتتاح...هتتهروا ماكدونالدز
    تحياتي

    ReplyDelete
  24. فاتيما:
    كل دة جميل جدا
    انما اللي مش جميل خالص ان النكتة تبقى مسكنات...تبقى مخدرات...تغيب الناس عن الوعي وعن واقعها
    تحياتي واحتراماتي

    ReplyDelete
  25. shreef:
    احنا صحيح شعب ابن نكتة
    بس يا خوفي ل النكتة دي تجيب اجلنا
    تحياتي

    ReplyDelete
  26. طب انا كنت مقاطعة ماكدونالدز
    لكن مادام طلع عنده مبدأ ومغيرش
    اغير انا بقى ...وارجعله؟؟؟ ولا اعمل ايه ؟؟؟

    ليك عندى تاج ...ياريت تتفضل باستلامه
    قبل ما يغلى ...مانا مش ماكدونالدز

    :D

    ReplyDelete
  27. شيكابالا14 May 2008 at 23:34

    حقيقى عاوزة اشكر الحكومة الكريمة لانى بجد بموت ف السن داى بوست تحفة وكاريكاتير جامد موت وشكرا

    ReplyDelete
  28. بت خيخة واي كلام:
    اطمئني تماما يا فندم وقري عينا
    منيو الخمسة لسة بخمسة يا بشر
    صلاة شكر بقى
    تحياتي

    ReplyDelete
  29. عاليا حليم:
    وياريتنا فالحين فيها هي كمان
    طب حتى دي كمان بدأنا نفشل فيها
    نكت اليومين دول بايخة جداااااا
    تحياتي

    ReplyDelete
  30. marv3l:
    على فكرة احب اطمئن سيادتك ان منيو الخمسة لا تشمل الفرايز والبيبس
    وهذا للعلم وشكرا
    تحياتي

    ReplyDelete
  31. اممممممممم عموما انا مش بحب ماك ده خالص يعنى مش هستفيد
    طيب نعمل ايه مش نضحك بدل ما نطق ههههههههه بجد

    ReplyDelete
  32. بالفعل هو ده احنا
    شعب بيطلع حزنه في الضحكه
    انا خايف لاتكون الكلمه دي عودونا عليها من صغرنا علشان نقتنتع ومانتكلمش
    واهي تبقى احديات التضليلي الاعلامي اللي عودنا عليها من زمااااااااااااان
    واحنا صدقناها
    تحياتي

    ReplyDelete
  33. tamer nabil:
    لا يا عم تامر..انا مش موافقك
    النكت دي مش تصبيرة....النكت دي اخرنا اساسا
    مفيش في ايدنا غير كدة
    تحياتي

    ReplyDelete
  34. barbie girl:
    ماهي فعلا صورة كوميدية
    بس للأسف صعب قوي نعتمد على الكوميديا في حل مشاكلنا
    الضحك عمره ما احل ازمة
    تحياتي

    ReplyDelete
  35. dr-hema:
    ماهو طبعا صحيح سندوتش البغل ب 60 قرش بس اكيد دايما مفيش فكة
    اعتبره ب 75 قرش وخليها عليك
    تحياتي

    ReplyDelete
  36. مدحت محمد:
    وهو اللي جايب لنا الكافية ومطمع اللي يسوى واللي ما يسواش فينا غير حكاية انه ابن نكتة دي
    تحياتي

    ReplyDelete
  37. ياه بجد هوا فى حاجه بخمسه النهارده
    يا بلاش امال متبترين ع النعمه ليه دا انتو شعب اى كلام والله
    و بعدبن احنا طول عمرنا ما بنفسش غير فى النكت نعمل حاجه لا
    هنفضل كده لحد امتى معرفش الله المستعان بقى
    تحياتى ليك و ابقى افتكرنا بقى من ابو خمسه
    سلام مؤقت

    ReplyDelete
  38. احنا شعب لو ملقناش حاجه نضحك عليها

    بنضحك علي نفسنا

    عموما مبحبش ماكدونالدز

    يعني تبقي بخمسه تبقي ب100 مش فارقه

    ReplyDelete
  39. jana:
    يعني انتي جاية ع الغلبان وتقاطعيه
    عموما الف شكر يا فندم ع التاج الجميل دة
    وجاري التنفيذ
    تحياتي

    ReplyDelete
  40. شيكابالا:
    وهو ايه الشغل الشاغل للحكومة الا حماية محبي الصنداي؟
    دول هم جايين اساسا علشان يحموا الصانداي لوفرز
    عموما ربنا يخلي ليكي الصنداي بتاعك ولا يحرمك منه
    تحياتي

    ReplyDelete
  41. appy:
    من هنا ورايح لازم تتعودي تحبي ماك
    لانه هيبقى هو الوحيد اللي في المتناول من هنا ورايح
    معلش تعالي على نفسك شوية
    تحياتي

    ReplyDelete
  42. طب واللي مقاطع يبقي استفاد ايه

    (:

    احنا فعلا شعب ده خفيف

    رغم انهم بردو بيقولو علينا اننا بنميل للحزن والشجن

    الناس بتعمل كده من غلبهم

    ReplyDelete
  43. منيو الخمسة لسة بخمسة

    طيب
    أحمدك يا رب

    إلا لو زاد هتبقى كارثه

    المهم
    فعلا الشعب بيسخر من المصائب بالنكته
    أهو يضحك بدل ما يطق
    وشر البليه ما يضحك

    خالص تحيااااااتي

    ReplyDelete
  44. م.محمد:
    اعتقد ان مخاوفك في محلها
    فعلا عودوا الشعب على انه يطلع همه في النكت
    اهي طريقة مش بطالة ومفيش خوف منها على الكراسي
    تحياتي

    ReplyDelete
  45. نور:
    اه
    لسة في حاجة بخمسة...الخمسة بتاعت ماكدونالدز
    ادعو بقى لعمكم ماكدونالدز
    تحياتي

    ReplyDelete
  46. الساحرة:
    مااحنا في كل الاحوال بنضحك على نفسنا
    عموما راجعي نفسك وفكري كويس
    بكرة ماتلاقيش قدامك غير ماكدونالدز
    تحياتي

    ReplyDelete
  47. esraa:
    نصيحة بقى فكي المقاطعة دي
    مش هتلاقي بعد كدو غير ماكدونالدز..هو اللي باقي لك
    تحياتي واحتراماتي

    ReplyDelete
  48. salwa:
    الحمد لله
    انا مش عارف لو لا قدر الله منيو الخمسة بقت بسبعة الا ربع كان الواحد ممكن يعيش ازاي؟
    تحياتي

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails