Thursday, 1 May 2008

صمت القبور


ايه اللي هيستفز الناس اللي ماشية في الشارع دول وينفجروا؟
كل حاجة ممكن تستفزهم حصلت فعلا وما استفزتهمش؟
المصريين دول ايه؟ معمولين من ايه؟ بيشربوا حاجة غير البشر؟ بياكلوا حاجة غير اللي كل البني ادمين في الدنيا دي بياكلوها؟
هل الانسان المصري جبان بطبيعته؟ بيخاف من العصاية والكرباج؟
هل الجبن جين ممكن يتواجد في شعب ولا يتواجد في شعب اخر؟
فقر ومتكيف........ فساد ومتعايش و بيتعامل معاه....... جوع وشغااااااااال......تزوير انتخابات وعادي جداااا......اهانة وقلة ادب امنية ومفيش اي مشكلة
المصريين بياكلوا حاليا لحوم حمير وكلاب وقطط ومع ذلك الدنيا ما اتهدتش....ومش بعيد يكونوا حبوا طعمها كمان...الخوف بقى ييجي علينا زمن مانلاقيش فيه قطط ناكلها
اخر مرة المصريين ثاروا كانت سنة 1919 من حوالي 90 سنة وبعد كدة سكتم بكتم
يحكمهم تراكوة يحكمهم مصريين يحكمهم مدنيين يحكمهم عساكر ولا بتفرق معاهم....صمت القبور
نظامهم ملكي و بعدها جمهوري ديكتاتوري وبعدها يبقى ملكيجهوري (ملكية جمهورية يعني) ولاااااا يهمهم الكلام دة في شيء...ولا فارقة معاهم
يحكمهم اشتراكيين وبعدها رأسماليين وبعدين محتكرين....وعااااادي جدا واحنا مالنا؟
يحكمهم الجيش وبعدها تحكمهم الشرطة والدنيا ماشية
تتغير المسميات والمصريين لا يتغيروا من مجلس الامة لمجلس الشعب...من القلم السياسي لأمن الدولة....من الملك للرئيس....من المعتقلات للسجون
تتغير اشكال الحكم واساليبه وتتغير الوجوه وتمر السنين والقرون ويبقى المصري مصري
كائن غير قابل للاستفزاز...بني ادم رافض للاحتجاج....جثة لشخص ميت لا حول له ولا قوة
في شعب في الدنيا ممكن يستحمل كل هذا الكم من الفساد ولا يثور...والغريب ان دي القضايا اللي انكشفت ما بالك بقى باللي لسة لم يكتشف؟
في بني ادم في الدنيا يتبهدل البهدلة دي كلها علشان يحصل على لقمة عيش...ومع ذلك لا يحتج حتى؟
في شعب في الحياة دي....الشرطة بتعامله بكل هذا القدر من القسوة والاهانة والبهدلة ولا يهتز له رمش؟
والله انا بتكلم وبتساءل بجد فعلا؟
الانسان المصري هل في جيناته جين خاص بالاستسلام والخضوع والتساهل مع الاهانة؟
ليه احنا شعب بيترعب من الكرباج والعصايا على الرغم ان شعوب كتير جدا كسرت العصاية دي من زماااان جدا
بس فعلا مشكلة الشعب دة ومأساته هي الصمت
صمت القبور


43 comments:

  1. حتى لو انفجروا تفتكر هيكون حل

    ReplyDelete
  2. يعنى هيكون ايه اكتر من لقمه العيش عشان يثوروا عليه ومبيحصلش

    بس انا اعتقادى انها قادمه لا محاله بس للاسف هتكون من الشعب على الشعب يعنى برضه مش كسبانين حاجه

    ReplyDelete
  3. تحياتي

    أخي الكريم...الجبن او الشجاعة سلوك مكتسب و ليس جين يورث...

    نعم الناس اصبحت في ضيق و كرب...نسأل الله ان يفرج كرب الجميع.

    لكن...أنظر أخي الفاضل الي ما حدث في المحلة من احداث بسيطة و معدودة...كم كانت عاقبتها....
    بلطجية حرقوا مدارس...و سيارات خاصة
    و ابرياء ماتوا دون ذنب لهم ...اللهم الا انهم كانوا وقوفا ببلكونة المنزل..
    فما بالك اخي الكريم لو ان الشعب كله
    ثار...
    المار و الخراب...و انتهاك الاعراض
    و البلطجة و العصابات المنظمة...سيكون
    حالنا اسوء من العراق...

    هذا في رأيي ...و اسأل الله السلامة لوطني مصر ...و اهلي المصريين...اسأل الله لهم السلامة و السعادة.


    تحياتي و تقديري

    ReplyDelete
  4. اللى قولته فيه جزء كبير من الصح المصرى بطبيعته خنوع و غيرميال للتغير المفاجىء و إحداث ثورات زى شعوب تانية غيرنا
    بس برضو إتق شر الحليم يا أحمد و لما بييجى اليوم الموعود التاريخ بيتغير و أرجع لورا هتلاقى الوتيرة عمرها ما كانت واحدة بس إحنا طبيعتنا جبلت على هذا
    و ربنا يفكها بقى من غير خساير كتير

    ReplyDelete
  5. This comment has been removed by the author.

    ReplyDelete
  6. طول ما الشعب ده بيضرب طبق الفول على غيار الريق هيفضل حالة كده
    :(
    المشكلة إن الشعب ده لما بينفجر بينفجر انفجار ذاتي
    يعني بينفجر في نفسه
    في ثورة 1919
    قلبوا الترام
    وفي السبعينات أيام السادات
    ولعوا في السيارات وكسروا المحلات
    تحت شعار الاعتراض على رفع الدعم

    لكن على فكرة في يوم وليلة ممكن الحال يتغير


    خالص تحياتي

    ReplyDelete
  7. الناس بتتحرك لما تحس ان الموضوع له علاقة بأكل عيشها..غير كده لأ

    ايام ثورة 1919 كان فيه وعي شعبي وحركة وطنية سبقتها ب 20 سنة بدأها مصطفى كامل ومحمد فريد وكمل عليها سعد زغلول و رفاقه

    الثورة و التغيير مش بيحصل بين يوم و ليلة

    ReplyDelete
  8. افتكرت كلمة اشعراوىالله يرحمه للريس قبل ما يموت

    ( و شعبا أسف أن يكون سلبى (

    ReplyDelete
  9. يمكن علشان احنا اصلن اتعودنا علي كدا نسكت وخلاااااص

    مفيش اي رد فعل كله بيقول انا لو اتكلمت هيحصل حاجه خلي غيري يتكلم وغيره مش هيتكلم

    واخد بالك انت

    سلاموووووووووووووز
    احمد ييييييييييييييه قصدي وزة

    ReplyDelete
  10. أنا شايف إن اسمها ثقافة الخوف ..اللي بتتزرع فينا من واحنا صغيرين ..الثقافه اللي متوارثه أبا عن جد ...أعتقد هي دي السبب الرئيسي
    .........
    خليك ماشي جمب الحيط
    مالكش دعوه بحد
    خليك في حالك
    هو احنا اللي هانصلح الكون
    ماكل الناس كده
    ......
    دي عبارات تدل عن الموروث الثقافي من الخوف

    ReplyDelete
  11. Hello, A. Samir!
    Great post. I love ti!
    Have a nice day

    ReplyDelete
  12. محمد عبد الغفار:
    اكيد هيكون بداية الحل
    على الاقل هيعرفوا ان الشعب المصري مش شوية اموات
    لسة فيه نفس
    تحياتي واحتراماتي

    ReplyDelete
  13. shayma:
    دة الهدف فعلا
    ان الكبار يكونوا ي امان والشعب يولع في نفسه
    بس حتى دي الشعب مش عارف يعملها
    ربنا يستر
    تحياتي

    ReplyDelete
  14. الربان:
    وهل نحن شعب متفرد في اكتساب الصفات السلبية دي؟
    دة حتى الافارقة اللي اقل مننا تعليما وثقافة بيثوروا
    دة انا اعتقد ان الخلايجة لو كانوا بقوا فقراء زي ما هم كان زمانهم ثاروا من زمان
    اشمعنى احناااااا؟
    انا لما اقول ثاروا...مش تكسير وتخريب ودمار....انما وقفة احتجاجية ان شا الله تكون صامتة..بس تعبير عن الغضب..الاتجاج
    تحياتي واحتراماتي

    ReplyDelete
  15. فاتيما:
    مش مطلوب عنف.....انا ضد العنف على الاطلاق
    انما مطلوب غضب....ولو حتى غضب صامت
    زي ما طول عمرنا صامتين....ليه واحنا غضبانين ما نغضبش بصمت برضة
    تحياتي

    ReplyDelete
  16. انا مليش فيه انا مش صامته بس بيغظونى معلش لسه شويه على التحرك

    ReplyDelete
  17. الشعب الوحيد في العالم كله
    الا همه كله علي لقمه عيشه
    ومستعد يستحمل اي حاجه مهما
    بلغت بيه درجه الذل ةالهوان
    بس لقمه عيشه لا ميجرالهاش حاجه
    وحتي لما قاموا عملوا ايه :S
    ولاحاجه

    ReplyDelete
  18. ياسر حسين:
    امنية حياتي الشعب دة يتعلم حاجة اسمها ثقافة الاحتجاج
    على فكرة الاحتجاج السلمي بيوجع الحكومة بكتيييير اكتر من الاحتجاج الدموي
    بس برضة خلينا نتفق ان اندلاع المواجهات واعمال العنف بيكون بسبب التدخل الامني العنيف
    تحياتي يا فنان

    ReplyDelete
  19. marvel:
    لكن هل تعتقد ان في امل قريب
    ولا سراااااااب
    تحياتي واحتراماتي

    ReplyDelete
  20. عاليا حليم:
    اعتقد ان كلمة سلبي دي وصف مهذب ومجاملة رقيقة لما وصلنا اليه صراحة
    اعتقد ان كلمة شعب ميت اوقع كتير
    تحياتي واحتراماتي

    ReplyDelete
  21. نفسى فعلا الحال ده يتغير والناس تصحى بس ده هيحصل امتى ؟؟؟؟؟؟؟؟؟؟؟؟؟

    تحياتى

    ReplyDelete
  22. هو مش جبن

    لكن اية الحل

    مفيش فايدة

    سعد زعلول

    اللى قال

    تحياتى

    ReplyDelete
  23. من خلال احداث المحله و الى حصلت و كانت مفاجئة
    انا بقترح قبل ما نثور
    لازم نتعلم الاول يعنى ايه ثورة
    و لازم نتعلم نطلب حقنا بلغة راقيه
    و ازى ناخد حقنا بدون اى نوع من انواع البلطجة
    لازم نتعلم الثاقافات دى يا احمد
    لان حال شعبنا بقى فى الارض

    تحياتى

    ReplyDelete
  24. انين الحزن:
    انتي اخر واحدة تتكلمي في الموضوع دة يا وزة
    دة انتي طلعتي منوفية....انتي من العيلة المالكة يا وزة
    وزة.....اوعي تكوني دسيسة للأمن
    انا غلبااااااااااان
    تحياتي واحتراماتي يا وزة

    ReplyDelete
  25. human:
    ثقافة مهببة ومنيلة بعيد عنك
    خلفت اجيال واجيال من الجبناء والخانعين
    تحياتي

    ReplyDelete
  26. david santos:
    thank you mr.david
    welcome back
    my greetings

    ReplyDelete
  27. عارف سد الحنك
    هو ده أكلتنا المفضلة
    عشان كدة تلاقينا بناكل المر وساكتين

    ReplyDelete
  28. بعتذر جدا للتعليق خارج الموضوع
    أرجوا زيارتى لأمر هام ضرورى

    و لكم جزيل الشكر

    ReplyDelete
  29. الشعب يدوبك بيفكر فى لقمة عيشه وبيرضى بقليله
    بس مش كل المصريين
    كدة
    فى استثناءات للقاعدة دى
    الله يرحمك يااحمد ياعرابى

    تحياتى

    ReplyDelete
  30. appy:
    طب امتى طيب؟
    والشوية دي شهور ولا سنين ولا قرون؟
    الله اعلم
    تحياتي

    ReplyDelete
  31. may:
    ولا لقمة العيش والله
    حالة تبلد غير طبيعية
    ربنا يسترها على البلد دي
    تحياتي

    ReplyDelete
  32. bos bos:
    طول العمر يبلغ الامل يا بس بس
    تحياتي

    ReplyDelete
  33. مقال معبر جدا جدا جدا

    والدليل ما حدث اليوم 4 مايو .. لم يصمد على مبدأ الاضراب الا قله .. لان الباقي بين متكاسل لم تصبه " لسعه " الفقر المدقع بعد .. وبين اخرين " يملون " بسرعه .. وبين من برمجوا ادمغتهم على رغيف العيش واعتبروا ال 30% انجاز ونحمد ربنا ونشكره هنعوز ايه اكتر من كده ..

    وبيم من لم يقتنع ومن اضطر للذهاب وعدم الاضراب

    ومر اليوم .. وسلام على مصر

    ReplyDelete
  34. تعرف انا بقعد مع نفسى افكر يا ترى حتى لو حصل وربنا كرمنا كده واتهزينا وشلنا النظام الفاسد دا هتفرق حاجه ما اظنش المشكله ان الشعب كله بقى فاسد يمكن لأن النظام اللى بيحكم ظالم و فاسد فالناس بقت زيه عشان تتعامل معاه ولا ايه
    بس الحل الوحيد ان الناس تحاول تتغير مش بس تقول لا او تحتج لا الناس تكون بنى آدمين بجد مش اى كلام
    اما عن كون الشعب بطبعه جبان اظن ان دى حاجه اكتسبناها بمرور الوقت وبعدين اللى يسكت مره ويرضى انه يتظلم يرضى باى حاجه
    معرفش يمكن الأمل فى جيلنا الجديد ده لأن على ما انا شايفه الجيل القديم خلاص سابهالنا خرابه معشش فيها الفيران مبروك علينا بقى نصيبنا من الخرابه
    تحياتى ليك انا اتكلمت كتير انا عارفه وسلام مؤقت

    ReplyDelete
  35. اسد المدينة:
    معاك حق
    بس مين يعرف؟
    مش مصطفى كامل قال
    لا يأس مع الحياة؟
    تحياتي

    ReplyDelete
  36. rania:
    اعتقد يا رانيا ان الشعب قبل ما يتعلم الحاجات دي...لازم الأمن يتعلم الأول طرق التعامل مع الاحتجاجات والاعتصامات السلمية
    وكم من مظاهرة سلمية واحتجاج صامت تحول بواسطة الاستفزازات الامنية لتخريب وتدمير وتكسير
    تحياتي

    ReplyDelete
  37. مفقوعة مرارتي من حماتي:
    على الرغم اني عمر ما دقته ولا اعرف شكله الا اني انا كمان صاااامت بلا سبب
    تحياتي

    ReplyDelete
  38. عاليا حليم:
    مشاعر طيبة منك...بس برضة ارجو ان تكون ثقة الفرد في نفسه وفيما يكتبه اكبر من كدة بكتير
    مش من اول قلم...نسلم ونقول مش لاعبين
    تحياتي واحتراماتي

    ReplyDelete
  39. مدحت محمد:
    يا خبر ابيض
    احمد عرابي
    1882
    يعني من 116 سنة
    مش شايف ان دة معدل بطيء جدا؟
    تحياتي واحتراماتي

    ReplyDelete
  40. شهيدة:
    تعليقك كان قبل زيادة اسعار البنزين وخلافه
    يعني حتى ال 30% اللي كانوا بيصبروا نفسهم بيها راحت في خبر كان وطلعوا مديونين للحكومة
    حسبي الله ونعم الوكيل
    تحياتي

    ReplyDelete
  41. نور:
    اولا الف شكر على تعليقك القيم
    انتي لا اتكلمتي كتير ولا حاجة
    احنا لو قعدنل نتكلم على سيكولوجية الشعب المصري وخضوعه واستسلامه يبقى هنفضل نتكلم ايام
    المصريين ماتوا وشبعوا موت
    تحياتي

    ReplyDelete
  42. السلام عليكم ورحمة الله جميعا.. ارجو الا يغضب من تعليقي احد لاني سوف اطال الجميع بهذا التعليق ... اللى لاحظته ان اربعة ارباع وخمسة اخماس وستة اسداس الافاضل اللي علقوا على الموضوع بما فيهم كاتب المقال نفسه بيتكلمو عن الشعب بصيغة الغائب >> الشعب ده الشعب ده >> والاصح ان يستخدم صيغة المتحدث بضمير الجماعة فيقول نحن نحن ولا ننسى كلمة نبي الله يوسف الخالده ( وما ابريء نفسي ) اقسم بالله اني اشفقت عليكم وعلى نفسي من كتاباتكم جميعا ورغم انكم ظهرتم بمظهر الغاضب المتمرد على الوضع الراغبين في التغيير والخ الخ الا ان ثقافاتكم جميعا وافكاركم اللا فكرية والمحدودة جدا جدا جعلتكم اول المؤيدين للوضع واول من مضى بيديه على ثبوت الوضع من سيء الى اسوأ ... كيف ذلك ؟؟ اولا كل الذي افلحتم فيه هو الثرثرة والسخرية والاستهزاء الشعب المسكين الذي يتكون من افراد هم مثلي ومثلكم ولم يختلفوا عني وعنكم شيء فكلنا الشعب .. اليس كذلك ؟ هل خدعتم انفسكم وظننتم انكم اختلفتم عن الشعب في التهم التي كيلتموها له ضعفين ؟؟ لا حول ولا قوة الا بالله .. ارى ان الشعب الذي انتهكتم عرضه بألسنتكم هو افضل منكم حالا حيث انه عرف قدره وعرف انه ضعيف ولا يملك الحيلة ففضل السكوت وهذا خطأ سوف اعلق عليه في نهاية المقال .. اما انتم يا حسرتي عليكم ارتفع ضغطكم واصبتم بالاحباط وبالنهاية انضممتم الى اخر الطابور >> طابور الخانعين ههههه ،، اليس كذلك ؟؟ الاخ كاتب المقال الذي يتسائل هل هي طباع وجينات فى المصريين او انها ثقافه موروثه احب ان اقول لك انك لو ظللت الف نة لن تجد اجابة لسؤالك لانه عديم الفائده وساذكر لك لماذا ...النقطه الاهم التي اود ذكرها هي انها لم يحاول واحد منكم ان يربط الاحداث الجارية بالدين ؟؟ الا يعرف منكم احدا صلب عقيدته التي تخبره ان غضب الله قد يصيب الامة ببعدها وانحرافها عن منهج الله القويم ؟ بحثتم في الجينات والموروثات والتاريخ والجغرافيا ولم يكلف احدكم خاطره ان يفكر ولو للحظة ان هناك إله مدبر ومسير للكون ولا يحدث شيء الا بعلمه ولحكمة يعلمها وهناك سنن وقوانين كونية تحكم البشر قد جعلها الله على رقابهم ؟؟
    هل يستطيع واحد منكم الان ان يفرق بين جميع من تفضلوا بالتعليق على الموضوع أيهم مسلم وأيهم مسيحي ؟؟ اجزم بأنه لا فرق بين الاثنين فقد يكون ضمن المعلقين شخصا مسيحيا وهذا من حقه واهلا به ولا عيب في ذلك لكن ما يصيبني بالحسرة انى لم ارى مسلما يتحدث بفطرة المسلم المؤمن بربه المتمسك بعقيدته التي تجعل له نورا يبصر به ما خلف الاحداث الجاريه ،، من ضمن السخافات التي رأيتها هو تعليق المحترم ياسر حسين والذي اقول له ولامثاله انكم سبب بلاء ونكسة هذا البلد المنكوب بشخصياتكم التى يصح فيها لفظ مسخرة وبتفكيركم التافه الدنيء الذي جعلكم اضحوكة وبهلوانات حتى في الحوارات الجادة التي تخص مستقبل وحاضر امة من الامم لا تملكون الا السخريةوالاستهزاء ... لعل طبق الفول الذي تستهزيء به يا عديم الادب مع الله تحرم منه ذات يوم وتركع امام احد الاغنياء ليعطيك منه لقمة واحدة وحينها ستعرف معنى الخنوع وطعم الذل والهوان عن حق وتندم على غبائك ...هل رأيتم نماذج من المشاركين ؟ هل لازلتم مصممين على طرح قضية الشعب الخانع للنقاش وتبرئة انفسكم ؟؟
    اختم مقالي بطرح رأيي في الاحداث الجارية وتصرفات المصريين مع تلك الاحداث ... اقول اولا قد يكون هذا شيء في جينات المصريين وهذا اظنه سبب رئيسي بنسبة 90 % حيث يظهر هذا من هدوء ووداعة الطفل المصري وربما خوفه من ابسط الاشياء من قبل ان يكتسب او يتعلم اصلا في حين ارى اطفالا من جنسيات اخرى بدون تحديد يكون الطفل فيها عمره سنتين فاذا حاولت ان تلاعبه او تنظر له بتدقيق لاجل ان تختبر قو ةقلبه تجده يحد لك النظر ويبادلك الشراسه وهذا شيء لم يتعلمه من احد انما هي طبع ركب في جيناته فالتالى لا نملك ان نعيب الناس ولا انفسنا ان كان هذا هو السبب ... اما من ناحية انها موروثات وثقافه فلا اعتقد انها صحيحه الا في افراد بعينهم واضرب مثالا بنفسي فانني حينما كنت اعيش في مصر كنت ارتعد خوفا من اقل عسكري لا قيمة له في حين اننى نفس الشخص وفي نفس المرحلة العمريه لما سافرت خارج البلاد ظهرت طبيعتي الحقيقيه فكنت اقف في وجه اى ضابط او مسئول في هذه البلاد وارفع صوتي واخذ حقي بالهدوء او بالقوة وقد اعود بعد سنة من العمل لاجازة في مصر فارجع للوجه الاخر واصمت امام اى كلب من كلاب السلطة الحاكمة مهما كان حقير الشان ليس لانى خانع او جبان او او بل لانى ان رددت او حاولت الدفاع سوف تتعرض للبهدلة على يد الحاكم نفسه ورجاله وهو سر خراب هذا البلد .. ففي اي بلد في العالم قد يكون الظلم والقهر متواجدا الا انه هناك سلطة عليا تاخذ الحق للضعيف والمظلوم وهي سلطة الحاكم الا في مصر فان الحاكم نفسه ورجاله هم اول من ينشرون الظلم وتضييع الحقوق في هذا البلد فاصبحت غابة فنشأت الاجيال على الخوف لانهم يعلمون تماما ان الملجأ الاخير لهم الذي يفترض انه مصدر امن وحماية لهم هو العدو الاول له بل ربما يتنازل عن حقه ويتركه خوفا من دخول قسم الشرطه حتى لا تمتهن كرامته هناك فأنا واحد من الناس ضاعت محفظتي ذات يوم فذهبت لابلغ عنها فى القسم الواقع في منطقه الفقدان لان فيها كل اوراقي ونقود كثيره فما وجدت الا السب والشتم وكاد ان تصل للضرب لولا انى نفذت بجلدي والسخريه والاستهزاء فاقسمت من يومها ان اتنازل عن كل شيء في سبيل الا ادخل هذا المكان مرة اخرى فلا الوم القوم ابدا من خوفهم وجبنهم الذي وصفتموهم به فهم ليسوا ملائكة ولا جبالا حتى نكلفهم بما لا طاقة لنا به فالذي يحدث في مصر اصلا ونظام الحكم فيها لا يمكن ان يتخيله انسان على وجه الارض والذي يم يعش في ارض مصر من غير اهلها لا يدرك معنى كلامى هذا ولا يشعر بطعمه لانه قد يظن ان فيه مبالغه والله المستعان ... ان هذا الشعب الذي نصح رسول الله صحابته بان يتخذوا منه اجنادا لانهم خير اجناد الارض يستحيل ان يكون كما تصفونه الا اننى قد شرحت لكم ما هو سر المهزلة التى نحن فيها ... هل نسيتم ان مصر هي البلد العربي الوحيد الذي لا يحتوي على نظام قبائل ؟ ارجعوا للتاريخ قليلا حيث حقبة العثمانيين لماذا افلحوا في السيطرة على الدلتا واستعباد اهلها ولم يكن لهم اي قيمة في نظر الاتراك وظلو قرنا من الزمان يستغلونهم في السخرة وغيرها ولم يفلحوا ان يفعلوا هذا مع اهل الصعيد ؟ الاجابه وبكل بساطه ان الصعيد في تلك الفترة كانت تسيطر عليه القبليات والعائلات الكبرى والسلاح هو لغة التعامل الوحيدة ... فالقبيلة لها شيخ وقائد فهم الذي يستطيعون القيام بثورات فقد يصل تعداد قبيلة معينة في بلد من البلاد الى مليونين مثلا او اكثر فهؤلاء المليونين وهم شعب كامل لو اشار لهم شيخهم باصبعه لاحرقوا الديار وفجروا الانهار اما الان وقد تلاشت ثقافة القبائليه من الصعيد بشكل كببير اصبح حالهم كاهل الدلتا تماما لا فرق ....لكن في مصر من الذي يوحد صفوف الغاضبين ؟؟ لسنا جبلات ولا عديمي احساس لكننا لا نملك من يوحدنا بل حتى داخل الاسرة الواحده غير متوحدين فمن يثور ومن يخرج ومن يغضب ومتى وكيف ؟ اخرج لوحدك يا صاحب المقال وارنا مثالا للشجاعه لعلنا نتعلم منك لان تلك هي الثورة التي تطالب بها انت فرادا فرادا حتى نكون كالقطيع الذي تفرق عن بعضه حتى نجح الذئب في التهامهم واحد تلوا الاخر ...راجعوا انفسكم واتقوا الله فيما تقولون واعلموا انما خربت هذه البلاد ليست بين يوم وليلة انما كلنا ساهم وشارك ليس بالسكوت والخنوع كم اتدعون ولكن بالبعد عن الله بل وحتى بالعناد مع الله ومحاربته بأشد انواع المعاصي وبعدها لو ظللنا الف سنه ننعق في الارض لما ازداد حالنا الا سوؤا واذكر نفسي واياكم بقوله تعالى (( فلولا اذ جائهم بأسنا تضرعوا ولكن قست قلوبهم وزين لهم الشيطان ما كانوا يعملون )) اعوذ بالله ان يكون هذا حالنا وربي انها لآية تخلع القلوب واني ارى مصر تتجه بقوة وبسرعة رهيبة الى كارثة كونية تحل عليها من غضب الجبار اذا تحققت فيهم هذه الاية وانى اراها وشيكة التحقق للاسف فكلما زادت احوال البلاد سوؤا ازدادوا بعدا عن الله بل وتفننوا ف حرب الله ولا طاقة لهم بذلك فكلنا يرى خروج المغفلين في الشوارع يوم شم النسيم وراس السنه وعيد الحب والخ الخ وهي من الكبائر حيث انها احياء لسنن قوم نهى رسول الله عن اتباعهم واخبر ان هذا من علامات الساعه ولكنك تجد الواحد من اهل هذا البلد معدته خاوية من لقمة العيش لكنه تبرع بنفسه محاميا ومدافعا عن تلك البدع المنكرة فى الدين وبشراسة وقد يستميت من اجل بقائها .. وهذا ما لا املك له تفسيرا ؟؟؟ كيف اشغلتهم الكرة عن جوعهم وفقرهم ؟ كيف استطلع مرتضى منصور ان ينسي الناس كل مشاكلهم وجذب تركيزهم الكامل الى قضية الاهلى والزمالك وانتخابات النوادي والخ الخ وهي امور لا تخص مشاكل الشعب لا من قريب ولا من بعيد فلاعبي الكرة والفنانين وغيرهم في اتم راحة ورخاء لا تمثلوا لهم قيمة جنيه واحد ايها الاغبيااااااااااااااااااااء .. هذا هو ما اعتب الشعب عليه لعله يستفيق من ظلمه لنفسه لعله يدرك انه انسان لعله يرجع الى ربع لعله يشعر بقيمته وكرامته بينه وبين نفسه وانه ان لم يكن يملك التغيير بالسلم او بالعنف فهناك رب نلجأ اليه ولكن ليس بالدعاء فقط ولكن بالعمل واتباع سنة المصطفى صلى الله عليه وسلم ولنا علماء ربانيون جعلهم الله رحمة لنا حتى يكونوا هداة لنا فى الدنيا وحجة علينا في الاخرة ... اعتذر عن الاطالة وارجو من الجميع مسامحتي فاني اعلم انى قد تطاولت ولكنني لم اتعمد الاسائة وربما لم انتبه الى بعض الالفاظ الجارحه ولكني احبكم جميعا وربي واسئل الله لنا ولكم العافيه.. اخوكم ابو مصعب المصري

    ReplyDelete
  43. نسيت ان اعلق على نقطة ما وهي الاخ الذي ضرب لنا مثالا باهل الخليج انهم ل افتقروا ووصل بهم الحال الى ما وصلنا له لثاروا وتحركوا اقول له عليك ان تثبت كلامك ولا تكذب الكذبة وتصدقها فاهل الخليج الذين ضربت لنا بهم مثالا في الشجاعة حين كانوا بالفعل في قحط وجدب قبل ستون او سبعون سنة او اقل كانوا اشهر اهل الارض بالسلب والنهب والعنف والبلطجة وقطع الطريق وبأسهم بينهم وكان امامهم شيوخ القبائل والحكام ولم يفكروا في الثورة عليهم لكنهم اذاقوا بعضهم بأسا شديدا حتى اصبح المسلمين يخافون من الحج وزيارة بيت الله الحرام بسبب ما يتعرضون له هناك حتى جاء الملك عبد العزيز وقام بتوحيد تلك البلاد وجعل لها راية وقضى على كل مظاهر قطع الطريق هناك وانا عيشت معهم فترات كبيره ورايت منهم فقراء وفي مانطق كامله ولم يثور احد بل ينتظرون اخر كل شهر الشؤون والضمان الاجتماعى يبعث لهم بالمؤونة وحالهم كحال الاخرين الا انهم وجدوا من يساعدهم واهلنا في مصر لم يجدوا... هذا من ناحية ... من ناحية اخرى لا تظن ان هناك شعبا في الدنيا يستطيع ان يقوم بثورة اذا افتقد احد عنصرين ... القياده والتخطيط من ناحية ،،، وان يكون الحاكم قد ترك مجالا للتغيير دون ان يدري من ناحية اخرى
    فاهل الخليج لو وصلت بهم الاحداث الى ما نحن فيه لن يفعلوا غير الذي فعلنا بل سيكونون اسرع منا في البلطجه والعنف قتل بعضهم البعض وهو ما احمده في اهل مصر حيث المسالمة وعدم اللجوء للبلطجه الا في اخر المطاف ،، النقطه الثانيه ان الحكم في مصر وعلى وجه الخصوص حسني مبارك وعلى مدى 27 سنه يحكمنا فيها لم يكن نائما طيلة هذه الفترة فكان يعمل جاهدا على تدمير اى جهة او شخص او مؤسسة يكون من شأنها توحيد كلمة الناس في يوم من الايام بل احكم الخناق على البلد فلم يعد هناك شبرا في ارض مصر يخفى على الحاكم اخباره واستطاع ان يجند في كل بيت من بيوت المصريين كلبا من كلابه يكون عينا تراقب الاحداث بالنيابة عنه وبالتالى اقسم لكم انه يستحيل تغيير الوضع بأي طريقة في ظل وجود هذه التدابير لانك لن تعرف عدوك من صديقك وتختلط الصفوف ولم يعد هناك جهة واحده ولا حزب واحد ولا اى شخص قادر على التاثير في الناس واصبحت السلطه مركزية مركزية مركزية ليست في يد حكومه من وزراء ومحافظين والخ الخ بل مركزية في يد شخص واحد اسمه حسني مبارك وبقية الشعب لا فرق بينهم بداية من الغفير حتى رئيس الوزراء فكلهم في نظر مبارك شخص واحد الا ان كلهم منهم له دور محدد ومرسوم ... فلا ترسم اللوحات وتصدق انها حقيقة ولا تحلم بما لا يمكن تحقيقه يا عزيزي اثابك الله

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails