Friday, 25 April 2008

WC ثقافة ال

اتزنقت قبل كدة وكنت عايز تدخل الحمام وانت ماشي في الشارع او راكب عربيتك؟
اكيد حصلت
مفيش بني ادم ماحصلش معاه الموقف دة سواء كان عايش هنا في مصر او في اي مكان في العالم
بس الفرق الجوهري والخطير ان في اي مكان في العالم هتلاقي حمامات عمومية نظيفة تقضي فيها حاجتك انما في ام الدنيا لازم تتصرف بمعرفتك
بيكون حظك حلو لو الشعور بالتفريغ دة داهمك وانت في مكان نظيف مول من المولات مثلا....فندق خمس نجوم....قاعة افراح كبرى ومحترمة مطعم من المطاعم الخمس نجوم
هنا مفيش مشكلة لأن الحمامات في الأ ماكن دي بتبقى انظف من بعض البيوت في اماكن اخرى
بتلاقي الحمام بيشرح القلب الحزين....وتلاقي نفسك بتقضي حاجتك بسعادة وانشراح وانشكاح
انما لو الشعور بالرغبة في التفريغ دة داهمك وانت في احدى المصالح الحكومية....يبقى هتمر بكام ساعة من اسوأ ساعات حياتك كلها..الا لو امتلكت الارادة الحديدية واخترت حل من اثنين كلاهما مر:
اول حل:
انك تستحمل....ساعة اتنين مش مهم بس استحمل لحد ما تروح البيت وساعتها حمامك يا سيدي وانت حر فيه...اما عن مثانتك اللي بتتفرتك فدي لها ربنا...ربنا يتولاها ويتولاك برحمته
اذا كنت لا تمتلك الارادة الحديدية لأنك تمسك نفسك لحد ما تروح بيتكم يبقى قدامك الحل التاني
انك تدخل الحمام في المكان اللي انت فيه بس بشرط انك تحاول الا يغمى عليك من الرائحة الكريهة وكأبة المنظر ويا سلام لو شايل في جيبك بارفان ولا حاجة يمكن ريحته تخفف شوية من الشعور بالميل للقيء والرغبة في البكاء اللي هتسيطر عليك جوة وللأسف الشديد الحل دة كمان محتاج ارادة حديدية وعزيمة قوية لتنفيذه
انا قعدت 3 سنين في اعدادي و 3 سنين زيهم في ثانوي ماشفتش حمام المدرسة دة شكله ايه؟
بس شميت رائحته من على بعد كيلو وسمعت طبعا عن البلاوي اللي جوة
اللي فات دة على اساس انك واقف في مكان يوجد فيه حمام اساسا حتى لو مصلحة حكومية اما بقى لو كنت في الشارع فقدامك حل من اتنين برضة
الأول: انك تستحمل زي اللي فوق برضة
اما الحل الثاني:
انك تتصرف...وتتصرف هنا تعني البحث عن شجرة او خرابة او حيطة في الخباثة تقدر تفك بيها زنقتك...ويا حبذا لو كنا ليلا يبقى مفيش مشكلة وعلى رأي المثل
الليل ستار
اما لو بالنهار...زمان كانت مشكلة لأن الناس كانت بتنكسف اما حاليا مش مشكلة خالص لأن منظر رجل بيقضي حاجته على مرأى ومسمع من الناس وفي نهر الطريق اصبح شيء عادي جدا ومألوف
انا مش عارف صراحة...احنا ليه في مصر عندنا ازمة حمامات عمومية نظيفة....ليه ما يبقاش فيه حمامات عمومية نظيفة ومنتشرة في اماكن كثيرة؟
انا اعرف ان نسبة كبيرة لا يستهان بها من كبار السن مريض بالسكري...وهو مرض من اعراضه كثرة التبول...يبقى ليه مانوفرش للناس دي ولغيرهم حمامات عامة محترمة بيقوم على نظافتها وخدمتها عدد من العمال ويكون عليهم اشراف للتأكد من نظافة الحمامات دي؟
حرام فعلا اللي بيحصل للناس دة....في ناس بتكون مريضة فعلا وفي حاجة لدورة مياه نظيفة وحتى لو مش مريضة اي حد في الدنيا نحتاج دورة مياه نظيفة يقضي فيها حاجته
دورة مياه جميلة ونظيفة مطلب لا يقل اهمية على الاطلاق عن توفير الغذاء والكساء والدواء للناس
واضح ان احنا شعب ينقصه ثقافة الحمامات
ثقافة ال دبليو سي
انا اعرف واحد صاحبي كان دايما يقول لي انا اهم حاجة عندي في شقتي هي الحمام
الحمام دة مملكتي....لازم يكون على سنجة عشرة....انا اهتم بالحمام واصرف عليه وبعد كدة بقية الشقة مش مهم
اه لو المسئولين في مصر كان عندهم الفكر الحمامي العظيم دة
ودي
شوية صور من بعض الحمامات العمومية المصرية
بذمتكم دة يرضي ربنا؟؟؟؟؟؟؟
ملحوظة
الصور منقولة ومقتبسة من جروب
على موقع الفيس بوك


45 comments:

  1. السلام عليكم

    النظافة من الايمان ياعم الحج
    لو هاقرفك ممكن اقولك ان في اوروبا مافيش شاطفات
    مقضينها كلينكس بعيد عنك


    بس الصور جامدة آخر حاجة

    ReplyDelete
  2. السلام عليكم ورحمة الله وبكاته

    هههههههههههههههههههه
    ايه الصور الفظيعه دي بجد تحفه مش قادره امسك نفسي من الضحك

    والله انت عندك حق في موضوع ثقافة ال wc
    احنا فعلا شعب تنقصه هذه الثقافه
    بس الاجمل بقي اننا مش مثقفين في حاجه تانيه خالص احنا شعب ابيييييييييييييييييييييض
    وبعدين الحكومه لما تبقي تعرف توفر لنا رغيف العيش تبقي توفر لنا الحمامات العموميه
    دي يا دكتور حكومه ماركة اللي يحب النبي يزق ربنا يسهل وتيجي الزقه جامده شويه تطلعهم علي بره علي طول



    سلام

    ReplyDelete
  3. الصور تغني عن اي تعليق يا أحمد
    :)))))

    ReplyDelete
  4. vague:
    مااختلفناش ان النظافة من الايمان
    بس بجد من حق الناس يكون عندها حمامات عمومية محترمة
    تحياتي

    ReplyDelete
  5. خمسة فضفضة:
    ماهو دة اللي بيسموه شر البلية يا دكتورة
    الناس برة بيهتموا جدا بموضوع الحمامات دة
    جزء من حياتهم
    انما هنا
    الصور بتتكلم
    تحياتي واحتراماتي

    ReplyDelete
  6. كيفك يا زعيم

    تعرف أنا دايما بختار الحل الاول

    الصبر مفتاح الفرج
    دي الحكمه الذهبيه في الموضوع ده

    تعرف الصور اللي أنتا نشرتها تشعرني بالحسره

    الحسره لاننا وصلنا الي هذا الحد
    لا نعلم كيف نستخدم الحمام

    فعلا مشكلة ثقافة مجتمع

    تحياتي

    ReplyDelete
  7. زمان واحنا صغيرين
    مدرس الكيمياء في المدرسة
    قال لنا عرفين يا ولاد ريحة النشادر؟
    قلنا لا يا استاذ .. سمعنا عنها بس
    والنشادر ريحتها بيستخدموها لإفاقة اللي مغمى عليه
    رد مدرس الكيمياء وقال:
    أهي ريحتها هي نفس ريحة حمام المدرسة كده
    ولذلك أحب أقول لك يا عزيزي
    أنت زعلان ليه
    حد يزعل أنه يخش مكان ريحته تخليك آخر فوقان
    :)

    خالص تحياتي

    ReplyDelete
  8. صدقتم بقى ان المسكلى فينا مس فى حد تانى

    ReplyDelete
  9. ههههههههههههههه

    بس بجد بتحصل كتير


    هههههههههه

    ReplyDelete
  10. حاضر يا سيدي هنعملكم حمامات عموميه ونضيفه كمان يالا , شعب غريب جداً مبيطلش طلبات ! , عايزين عيش قال , عايزين حمامات عموميه نضيفه , شوف التناكه , شويه شويه تقوللي عايزين حدائق ومتنزهات عموميه عشان نشم هوا نضيف يالا ما هي ظاطت بقى !!و

    ReplyDelete
  11. ثقافه ايه؟؟؟

    يابنى احنا عندنا هنا ثقافات اخرى متنوعه ومالهاش اى علاقه لا بالنضافه ولا بالتحضر

    فكرتنى ببوست التفافه الى كنت عاملاه

    سلااامى

    ReplyDelete
  12. محمد مفيد:
    ودة للاسف الشديد
    تحياتي

    ReplyDelete
  13. alshared:
    احنا لا نعرف كيف نستخدم الحمام دة في حالة توافر الحمام اساسا
    تحياتي واحتراماتي

    ReplyDelete
  14. ياسر حسين:
    مش عايز اعرف ريحة النشادر اساسا
    تحياتي يا فنان

    ReplyDelete
  15. ههههههههههههههههه

    لا تتبول كالكلب

    والله ضحكت وقلبى وجعنى وشرقت

    من الاخر موضوعاتك كلها جامدة وبحب كل كتاباتك

    تحياتى ليك

    ReplyDelete
  16. صور معبرة فعلا


    وفي الصميم



    كان الله لنا

    تحياتي

    ReplyDelete
  17. ههههههههههههههه

    يخرب عقلك ههههههههه

    موضوع مميز الصراحه

    بس انت ليه مأخدتش بالك

    ان التواليت ف اى مكان نضيف بيفضل نضيف

    لان الناس اللى بتدخله نضيفه

    بتدخله نضيف وبتسيبه نضيف

    لكن المصالح الحكوميه وغيرها

    اللى بيدخله هما نفس الناس

    اللى لو ملقيوش تواليت متاح بيتصرفوا ف الشارع

    يبقى طبيعى تتصور قد ايه حتى لو اشتغل فيه 20 عامل ينضف وراهم

    برده مش هيلاحقوا

    يعنى الموضوع كله سلوكيات بشر اكتر ماهو اماكن غير متاحه

    تحياتى

    ReplyDelete
  18. محمد عبد الغفار:
    طب احنا انكتب علينا كدة طول عمرنا ولا ايه؟
    يعني خلاص
    مفيش فايدة ومفيش امل من تغيير السلوكيات دي ولا ايه؟
    تحياتي

    ReplyDelete
  19. الحشري:
    بتحصل كتير ايه يا حشري؟
    دة العادي
    تحياتي واحتراماتي

    ReplyDelete
  20. محمد فوزي:
    استحملنا شوية يا سيادة الرئيس
    ماهو يااما توفروا حمامات عمومية يا اما توفروا خرابات الناس تقدر تتصرف عندها
    تحياتي واحتراماتي

    ReplyDelete
  21. السلام عليكم

    التدوينة دي فعلا جامدة
    قعدت اضحك جامد

    و انت بتتكلم عن الرجال ... فمابال النساء الغلابه !!!!

    فكرني بموقف ... كنا علي مشارف مرسي مطروح في رحلة العودة ... و لم اجد دورة مياه محترمة و اضطررت ان انتظر ... حتي وصلنا القاهرة بعدها ب 8 ساعات

    ReplyDelete
  22. تحياتي

    نفتقر الي الاخلقيات...و الي تعاليم ديننا الحنيف الذي يحث علي النظافة ، و ان تحب لاخيك ما تحب لنفسك.....النظافة من الايمان...الي اخر التعاليم الدينية لديننا السمح.

    أيضا تقصير من المحافظات في توفير مكان ملائم حتي لو بمقابل رمزي بسيط...

    البيت مقصر...المدرسة مقصرة...الدولة
    ممثلة في المحافظات مقصرة...
    لكن هذه الحاله كما هي حالات كثيرة من التقصير يعيشها الناس هم فيها السبب
    و هم فيها المتضررون.

    تحياتي و تقديري

    ReplyDelete
  23. أيه الموضوع اللى ريحته وحشه ده
    :))))))
    واللى هيتبول كالكلب ده بقى يبقى شكله عامل ازاى
    أكيد مسخرة
    موضوعاتك لذيذة
    بـــــــــــــاى

    ReplyDelete
  24. shayma:
    على فكرة يا شيماء
    الجهل ثقافة والتخلف ثقافة وسوء النظافة ثقافة
    وكله ثقافة
    بس للاسف ثقافة سلبية ومضرة
    تحياتي

    ReplyDelete
  25. ahmed al sabagh:
    تخيل لما يبقى مستوى الحوار والتخاطب بين الناس بالشكل دة
    طبعا مصيبة
    بس الواضح ان الراجل اللي كتب كدة طلع عينه من تصرفات الناس الشاذة في استعمال الحمام
    الف شكر لك يا احمد على المجاملة الرقيقة دي
    تحياتي

    ReplyDelete
  26. صاحب المضيفة:
    دي اخف صور ممكن تلاقيها عن موضوع زي دة
    ربنا يرحمنا برحمته
    تحياتي

    ReplyDelete
  27. ما هو كله خربان زي الحمامات
    طب أنت ناسي فضيحه أن إستاد القاهره لم يكن فيه أي حمام للسيدات لما جاءت لجنه التفتيش بتاعه الفيفا و ده كان من ضمن اسباب الصفر الشهير
    تحياتي

    ReplyDelete
  28. لا مش معقول

    اية دة

    اوعى تقول ان دة فى مصر


    هههه

    تحياتى

    ReplyDelete
  29. الصور فظيعه اوى
    ههههه

    والله حتى لو الناس مش مرضى أصلا فكرة ان الواحد ييجى على نفسو ويستحمل دى مضرة فى حد ذاتها

    عايزة أقولك ان المرة الوحيدة اللى لاقيت فيها حمام عمومى نضيف فى الشارع واللى كان بمثابه صدمه لاستغراب الأمر عارف كان فين؟

    شايفاك متصور صورة عند القلعه عندنا فى اسكندرية باين مش كدة
    اهو بقى على أول الشارع دة عند الجدارية

    هو بصراحه الحمام كان دخولة بربع جنيه بس متخيلتش انو هيبقى نضيف كدة والله اعلم دلوقتى بقى منظرة ايه لان الكلام دة كان من كام سنة والحته دى كانت لسه مجددينها

    بس زى ما شفت فى الصور كدة حنا اللى بنبهدل حاجتنا لو حتى كان عندنا حاجة نضيفة

    تحياتى

    ReplyDelete
  30. ايه دة طريقة عمل الحمام و لا ايه يعنى
    هههههههههههههه
    الصور بجد على قد من انها روعة على قد من انها فضيحة
    لك الله يا مصر
    تحياتى
    اه نسيت لك عندى تاج

    ReplyDelete
  31. اجدع بنوتة:
    الله يخليكي...الف شكر
    ممكن يكون موضوع مميز بس محزن الصراحة
    طب ازاي نغير سلوك شعب تعداده 80 مليون؟
    بيتهيأ لي انها معجزة
    تحياتي

    ReplyDelete
  32. شمس الدين:
    الواحد لازم يعمل حسابه قبل ما يطلع اي مشوار
    الامر ما يسلمش
    تحياتي واحتراماتي

    ReplyDelete
  33. الربان:
    طبعا موافقك تماما على كلامك دة
    بس يمكن اختصاره
    في كلمة واحدة
    الفساد
    الفساد الاخلاقي والفساد المالي والفساد السياسي
    تحياتي واحتراماتي

    ReplyDelete
  34. نهى منير:
    الف شكر يا فندم.....شهادة اعتز بها
    تحياتي

    ReplyDelete
  35. والله كان نفسى اتكلم فى الموضوع ده بس كنت مكثوووووووف شوية

    أنا زي صاحبك بالظبط

    اول حاجة تممت عليها فى شقتى لما كنت بشوفها علشان أشتريها هي الحمام

    واول حاجة بشوفها لما بنروح شقة مصيف.. هي برده الحمام

    والشيئ الوحيد الى كان مخوفنى من دخولى الجيش هي الحمام


    وعلى فكرة انا زيك عمرى ما دخلت حمام المدرسة لا فى اعدادى ولا ثانوى وطبعا فى الكلية

    واي شغلانة كنت بشتغلها لازم أزور الحمام وأشوف ايه نظامه

    ولازم يكون بعيد عن الزحمة

    تقريبا حالة نفسية مش بعرف أصلا اتصرف غير فى بيتنا وبس

    وعلى فكرة فى ميدان التحرير عند ميكروباصات المؤسسة وحلوان عملوا حماما عمومية بفلوس .. بخمسين قرش

    بس برده مش نضيفة النضافة الى هيا

    بس أفضل من غيرها بكتيييييييير

    بجد ده مطلب شعبى واحييك عليه

    بوست جريئ ومميز وراقى على فكرة

    ReplyDelete
  36. micheal:
    دة كويس قوي ان ستاد القاهرة فيه حمامات رجالي اصلااا
    يا رااااجل
    تلاقيهم منعوا اي بني ادم يدخل الحمامات دي قبل الزيارة ب 3 شهور علشان تبان نضيفة
    دي مهزلة
    تحياتي واحتراماتي

    ReplyDelete
  37. tamer nabil:
    دي اخف و اشيك صور لقيتها في الموضوع دة
    ما خفي كان اعظم
    تحيااااتي

    ReplyDelete
  38. ازيك ياااااااحمد

    دنا زعلانه منك بشكل

    بقه كدا متسئلش عليا قدر كنت مت بقه بعيد الشر عليا طبعا كنت هاموت وانا زعنه منك كدا

    عايزة تصالحني ؟؟
    قدامك حل من الاتنين
    تقولي ليه مسئلتش عليا وتقولي ساحيني ياوزتي
    يااما تطنش خاااااالص

    سلامووووووووز
    بس سلامووووووووز زعلان
    وزة

    ReplyDelete
  39. احمد

    عو انت ممكن تطنش خاااااااالص

    اوعي احسن انا بزعل

    ReplyDelete
  40. سهر الليالي:
    وصلنا لمرحلة ان يبقى وجود حمام نظيف حاجة غريبة
    اصلا اسكندرية تحفة وبأحس ان ناسها مختلفين
    بأحس ان ناسها خايفين على بلادهم وبيهتموا بنظافة بلدهم بشكل كبير
    الحمامات العمومية ازمة فعلا مفيش شك
    تحياتي واحتراماتي

    ReplyDelete
  41. rania:
    الصور دي للأسف بتنقل جزء بسيط جدا من الواقع
    اعتقد ان الواقع اسوأ بكتــــــــــيــــــــــــر
    تحياتي

    ReplyDelete
  42. monzer:
    ازيك يا منذر عامل ايه؟
    يارب تكون بخير
    انت طلعت بقى انت كمان من طائفة الحماميين...محبي الحمامات
    كان الله في عونكم في البلد دي اللي لا تحترم الحمامات ولا تقيم لها وزنا
    تحياتي واحتراماتي

    ReplyDelete
  43. انين الحزن:
    ازيك يا وزة؟
    والله دخلت على مدونتك امبارح اشوفك انتي فين وما بتدخليش ع النت ليه؟
    لقيت اخر بوست بتاريخ 26 مارس
    بس انا توقعت ان النت فاصل عندك...وان احمممممممد بتاع الوصلة عمل الدنيئة وقطع النت عليكي
    وبعدين عيب عليكي اطنش ازاي؟
    دي برضة اخلاق الاحمدااات؟
    الاحمدااات مايعملوش كدة
    عموما العود احمد.....وياريت ما تختفيش تاني
    اتفقنا؟
    تحياتي واحتراماتي وسلاماتي واحمداتي

    ReplyDelete
  44. 一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

    情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

    A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

    情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

    情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

    ReplyDelete
  45. 情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

    情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails