Sunday, 13 April 2008

شكرا لل دستور



عدد الاربعاء الماضي 9 ابريل 2008 من الدستور الأسبوعي كان احتفالا من الدستور بعيد ميلادها
وصفحة رأي القراء احتفلت بمرور عامين على انتظام صدور الصفحة
صفحة رأي القراء في الدستور يحررها الصحفي محمد هشام عبية
احتفالية الصفحة كما ارادها محررها او منسقها على اساس ان محرريها هم القراء انفسهم,كانت عبارة عن تجميع كل مجموعة من القراء الدائمين للصفحة والمداومين على مراسلتها والذين ينتمون انفس المنطقة او المحافظة وذكرهم في موضوع منفصل خاص بمحافظتهم
بمعنى ان قراء القاهرة يتم ذكرهم والأحتفاء بهم في موضوع وقراء الغربية في موضوع منفصل وقراء الصعيد كذلك.
اخر حاجة كنت اتوقعها وفاجأتني مفاجأة رائعة هي ذكر اسمي ضمن قراء الشرقية المؤثرين والذين لا ينساهم المسئول عن الصفحة مع مجاملة رقيقة
راسلت الدستور لفترة ليست بالطويلة وارسلت لهم مواضيع ليست بالكثيرة ومع ذلك في عيد ميلاد الصفحة يتذكرني محررها فهو شرف كبير لي
الموضوع في صفحة 18 بعنوان
يا صوت عبد الحليم.....يا عيون احمد زكي....يا ناس يا شرقية

اما ما يخصني من المقال
"لا انسى طبعا الشراقوة الجدعان...هشام رفعت الشرقاوي الذي جاءه عقد احتراف في جريدة اخرى...والصيدلي الجميل احمد سمير الذي شارك معنا كثيرا ثم اختفى لفترة قبل ان يعود بمقال متميز عن علاقته بالطيور بعد اصابتها بالأنفلونزا"
على الرغم من بساطة الكلمات الا انها فعلا اسعدتني في وقت صعب كنت محتاج فيه فعلا لتلك المجاملة الرقيقة والتكريم الكبير بالنسبة لي من جريدتي المفضلة التي اعتز وافتخر اني احد قراءها القدامى...من ايام الاصدار الأول في التسعينات وكان يوم الأربعاء ومازال بالنسبة لي هو يوم الدستور وعلى الرغم من أن الدستور اصبحت تصدر يوميا الا ان العدد الأسبوعي يوم الأربعاء يبقى له مذاقه الخاص
شكرا الدستور
شكرا محمد هشام عبية

11 comments:

  1. السلام عليكم ورحمة الله وبركاته

    الف مبروك يا محمد وعقبال مانقرالك موضوع كامل من ابداعاتك في النيوزويك

    تحياتي

    ReplyDelete
  2. شيكابالا13 April 2008 at 02:15

    اولا مبروك يا سيدى التكريم من الدستور والتى هى جريدة محترمةكنت اثق بها حتى وقت قريب وبصراحة عجبنى جدا الaventitreالخاص بالموضوع .............................السؤال الوقت كان صعب لية؟ وكنت محتاج التكريم لية؟ دة لو فيها غلاسة يعنى ثانيا انا سعيدة جدا ان الاستاز هشام وصفك بالصيدلى الجميل بس اشمعنى؟وعامة اللى يعرفك يقول اكتر من كدة يا بوحميدانت بجد تستاهل كل خيرو دة فخر لكل الشراقوةمش ليك لوحدك

    ReplyDelete
  3. تحياتي و تقديري

    تهانينا يا أخي الكريم...و لكل مجتهد
    نصيب...و الي الامام دائما..


    خالص التهاني و اطيب التمنيات

    ReplyDelete
  4. أنت تستاهل كل خير
    وأحب أن أسجل هنا
    إن مدونتك من أهم المدونات اللي بأحب أتابعها يوميا
    وبأنتظر دوما الجديد لديك

    تحياتي واحتراماتي

    ReplyDelete
  5. من نجاح لنجاح باذن الله


    دمت بكل الود

    ReplyDelete
  6. مبروووووووووووووووووووووووووووووك
    يا أحمد
    امال كنت جاى عندى بس تقر وتحسد وتقول اذاعة ومش اذاعة
    ده انت اللى طلعت واصل اهوة مش انا
    ههههههههههههههههههههههههههههه

    اوعى بقى تتغر علينا

    ومبروك مرة تانية وانا مش بقر ولا بحسد على فكرة

    تحياتى لك

    ReplyDelete
  7. مبروووووك
    ده حضرتك كده بقيت مشهور بقى كده مرتين تطلع في الجرائد
    بس المرة دي طبعا مختلفة
    ألف مبروك
    و ابقى افتكرنا بقى لما تتشهر و محدش يعرف يكلمك
    هههههههههه

    ReplyDelete
  8. أه ...نسيت اقول انها لفتة حلوة أوي من الدستور و اننا بكده ممكن نقول اننا بنتقدم ...لأنه ذكاء منهم انهم يحسسوا القارئ انه منهم و انه بيشارك معاهم في الجريدة
    و بكده هما كسبوا قارئ دائم و احترام ناس تانية
    أرفع القبعة للدستور

    ReplyDelete
  9. فعلا مبروووووووووك
    الجريدة عرفت تختار

    ReplyDelete
  10. ساعات بنكون محبطين من شئ ما بس بتيجي حاجه بسيطه من كلمه من حرف احيانا يسعدني لبعض الاوقات
    مبروك يااحمد

    ReplyDelete
  11. ميروك يااحمد

    ودة شىء جميل

    ربنا يوفقك ويكرمك


    تحياتى

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails