Thursday, 3 April 2008

ايه البرود دة؟


زمااااااااااان...مش زمان قوي يعني
حصلت حادثة اغتصاب فتاة في العتبة....وكانت حادثة شهيرة وسميت حادثة فتاة العتبة
وقامت الدنيا ولم تقعد....واصبحت الشغل الشاغل للمصريين.....وكانت حديث المدينة في الفترة دي
الكلام دة كان تقريبا في اخر الثمانينات او بداية التسعينات
النهاردة واحنا في العام الثامن من الالفية الثالثة انظر نظرة سريعة كدة على صفحة الحوادث يوميا
وعد كام حادثة اغتصاب يوميا
وراقب الاهتمام الصحفي بالنوع دة من الحوادث...هتكتشف ان الحادثة مكتوبة بخط صغير جدا وبلا اي اهتمام باعتبار انها خبر عادي لا يستحق ان تفرد له مساحة على الاطلاق
ودة كمان اللي اتنشر....ما باللك باللي بيحصل ولم ينشر
ايه اللي حصل في الفترة من 1990 لحد 2008؟
ايه اللي حصل للمجتمع علشان يعتبر حادثة اغتصاب حادثة عادية وبتحصل يوميا وخبر لا يستحق الاهتمام؟
تبلد المشاعر دة سببه ايه؟
هل كترة النوع دة من الحوادث دي في الفترة الاخيرة هي السبب؟ ولا ظروف الحياة وطحنها للناس هي السبب؟
ايه اللي حصل؟
وهل تعامل الناس بكل هذا البرود والتبلد مع حوادث الاغتصاب له علاقة بتعاملهم بنفس البرود مع الفساد والاحتكار وارتفاع الاسعار والقمع الامني.........الخ؟
المصريون مالهم؟ بقوا باردين ومتبلدي المشعر كدة ليه؟
دي حاجة لها علاقة بالأكل اللي بياكلوه ولا بالهوا اللي بيتنفسوه؟

على الرغم اني غير مؤمن على الاطلاق بنظرية تفرد المصريين في انهم اخف دم واعظم حضارة واذكى اطفال واحلى بنات....الخ

الا اني مقتنع تماما بنظرية تفرد المصريين بالخضوع والاستسلام والبرود

محدش عارف في 2080 المصريون هيتعاملوا مع حوادث زي الاغتصاب دي ازاي
في 1990 الدنيا قامت ولم تقعد وفي 2008 برود تام واعتبار حادثة الاغتصاب خبر عادي جدا
في 2080 اعتقد ان الاغتصاب هيتحول لفعل جماعي يمارسه المصريون يوميا في الشوارع

48 comments:

  1. .
    ربنا يرحمنا

    فعلا جريمة الأغتصاب بداية التسعينييات أنا فاكر وأنا صغير كان الكلام عنها كأنها كارثة حصلت (وهي هكذا فعلا). ويفضل الأعلام والتليفزيون يتكلم عليها فترة كبيرة

    أما الأن فهي شئ عادي يحدث كل يوم ان لم يكن كل ساعة .

    والسبب في رأيي أن العقوبة ليست رادعة.
    حبس تلات أربع سنين ليست رادعة علي الأطلاق.
    وأسباب تانية زي ألانتشار الوبائي للمخدرات اللي برضة بقت شئ عادي بتسمعه في أي حته .

    ReplyDelete
  2. ملحوظه جديره بالتوقف امامها

    ReplyDelete
  3. هو فعلا برود وأصاب المجتمع بأكمله مش فرد واحد ولا اتنين
    والناس دلوقتى لما بتسمع عن الحادثة دى او حادثة قتل او اى حادثة ايا كان نوعها بقت بتعتبرها عادى وشىء مسلم بيه يحصل يوميا كأنه كوباية الشاى اللى الواحد بيشربها الصبح فى بيته
    ولكن لو جينا نبص لها من ناحية تانية يعنى الناس اللى مش هاممها اى حاجة دى لو حصلت نفس الحادثة دى لواحدة يعرفها جارتة اخته مراته بنته هل يكون رد فعله نفس الرد البارد ده ولا يتغير
    أعتقد أن مشكلتنا بقت أننا ما بقيناش بنفكر غير فى نفسنا وبس وكمان بقى فيه ناس ما بتفكرش فى نفسها ولا فى أى حاجة وعايشة بلا مبالاه
    لو كل واحد فكر أن الحادثة دى ممكن تحصل لحد قريب منه ماكانش ده هيكون رد فعله
    لو كل واحد حاول يبص لكل واحدة ماشية فى الشارع او موجودة فى اى مكان على انها امه او اخته او زوجته او بنته ماكانش حصل كل ده
    لو النخوة ترجع تانى ماكانش هيحصل كده
    لو صحينا من النوم ولاقينا خير اللهم اجعله خير واحد بيحاول يعاكس واحدة وفيه راجل او شاب عنده شهامة وقفه عند حده هيختفى البرود اللى بقى موجود
    الموضوع كبير ولو فضلت اتكلم هكتب موضوع تانى

    تحياتى لك

    ReplyDelete
  4. للاسف ان اللى بيحصل فى الشعب المصرى مش تبلد فى المشاعر انما هو تغير للمعايير والتقاليد والمفاهيم

    يعنى زمان كان بيعتبر ان حادثه اغتصاب تبقى مصيبه
    انما دلوقتى
    البنت دى تستاهل عشان هى قليله اللادب

    او يمكن عشان ماعدش فيه نخوه ورجوله فى المجتمع تستنكر هذا الفعل
    يعنى مين هيعترض الشباب الضايع فى متاهات الادمان والبطاله
    الاهالى التايهه فى غلاء الاسعار ومش عارفه تاكل عيالها فما بالك بتربيتهم


    للاسف انا بحزن لما بفكر انى لو اتعرضت لاى موقف سخيف فى الشارع مش هلاقى حد يعترض لمجرد الاعتراض

    للاسف بلدنا تمشى من سئ لاسوء
    ومش بعيد فعلا على 2080 نلاقى اللى بتقوله بيحصل

    ربنا يتوب علينا يار ب

    ReplyDelete
  5. السبب في بعدنا عن ربنا

    السبب في بعدنا عن ديننا

    السبب في بعدنا عن قيمنا وأخلاقنا


    هو كده ومش غيره

    كان الله لنا جميعا

    ReplyDelete
  6. عزيزي

    تمام زي مابتقول الاغتصاب زمان كنا لما نسمع عنه بنستغرب و نقول معقوله فيه ناس بالشكل ده ممكن تعمل كده
    دلوقتي فعلا لما بنفتح صفحه الحوادث بنلاقي اغلبيتها حوادث اغتصاب و ماعدناش بنستغرب
    دايما كل حاجه في اولها بنستغربها
    طالما القوانين مش قادره تردع المغتصبين حتفضل الجرايم دي موجوده و حتزيد

    ReplyDelete
  7. ربنا يرحمنا ويسترها يارب

    والله الواحد بيخاف وهو ماشي في الشارع لو وقفت تاكسي ابص علي التاكسي لو شكلة مريحنيش مش بركبة الواحد بيخاف حتي وهو مع اهلة

    احنا بقينا في غابة وللاسف النخوه والكرامه والشهامه خلاص عملة مفتقدينها

    ربنا يسترها ويرحمنا برحمته

    تحياتي
    رودي

    ReplyDelete
  8. .شيكابالا4 April 2008 at 20:10

    حقيقى انا معاك ان هناك تغير ف مشاعر المصريين والكتير من الاخلاقيات انقرضت تقريبا بس دة لية اسباب كتير اهمها فصلنا للدين عن السلوكيات والتصرفات تلاقى الراجل من دول زبيبة الصلاة واكلة نص وشة وعينة يندب فيها رصاصة مش بس الرجالة البنات كمان عليهم لوم جامد جدا القصير والضيق والبديهات يبقى اتفقنا البنات يوسعو لبسهم شوية والولاد يغضو البصر وبعدين نشوف الاغتصاب هيقل ولا لا؟

    ReplyDelete
  9. الموضوع مش ايه رد الفعل الذي من المفترض أن نتخذه

    الموضوع هو ما الاسباب والدوافع التي أدت الي هذا الفعل؟
    هذا هو السؤال الصحيح

    أكيد كلنا عارفين ايه الاسباب اللي بتؤدي الي فعل الجريمه دي

    والمسبب للاسباب دي هو الحكومه بتاعتنا

    وأحنا اللي سكتنا عن حقوقنا وخلينا الحكومه تعمل فينا كده

    وبكده الدايره اتقفلت

    لازم المجتمع يتغير

    تحياتي

    ReplyDelete
  10. الناس مش باردين ولا حاجة ولا هم نايمين
    ولا هوا ولا أكل سبب تغييب المصريين
    الناس مش لاقيين اللقمة علشان ياكلوا
    أزاي يبقوا الجعانين في بلدنا إيجابيين
    و عجبي
    KING TOOOT

    ReplyDelete
  11. كان زمان فى فتاه العتبه وفتاه المعادى

    اهتمام المجتمع لم يختلف ولكن الأعلام كان يبيع بسخونة هذه القصص حينها والأن عنده ما هو اكثر سخونه يبيع بيه

    ReplyDelete
  12. ditour:
    see please?
    i will not see frankly
    thanks

    ReplyDelete
  13. قليل من التفكير:
    حادثة فتاة العتبة دي اقامت الدنيا ولم تقعدها
    كانت حديث المدينة
    بس اعتقد ان القصة مش قصة عقوبة...القصة قصة شعب تجمدت مشاعره وتبلدت احاسيسه
    او ممكن نقول انها افة
    الأناماليزم
    تحياتي

    ReplyDelete
  14. السيد شبل:
    شكرا جزيلا

    ReplyDelete
  15. bosbos:
    كل الكلام دة يا بس بس يمكن اختصاره في كلمة واحدة
    الأناماليزم
    نسبة الى المقولة المصرية الخالدة
    انا مالي
    شفتي بقى مش هتحتاجي تكتبي موضوع تاني ازاي؟
    تحياتي واحتراماتي

    ReplyDelete
  16. بندقة:
    بس ما تنكريش برضة يا بندقة ان في بنات كتير جدا لبسها مستفز جدا جدا
    دة مش مبرر طبعا لارتكاب جريمة الاغتصاب بس شباب بيعاني من الفقر والبطالة +قنوات عري+لبس مستفز
    تبقى مصيبة
    بس ارجع واقوللك ان لسة برضة في خير واي واحدة لاقدر الله تتعرض لمحاولة زي دي هتلاقي 100 واحد ينقذها بأذن الله
    تحياتي

    ReplyDelete
  17. صاحب المضيفة:
    اسباب مهمة ووجيهة وبييجي بعدها اسباب تانية
    تحياتي

    ReplyDelete
  18. كل واحد بقى بيفكر فى نفسه وبس
    مادام هو كويس واهله كويسين يبقى كله تمام
    المصريين اتعودوا على كل انواع الهوان .. فخلاص بقى هاتفرق ايه تانى
    العنف بقى اشكال والوان
    افتكر ان سنه تسعين لو كان واحد اتعذب فى قسم شرطه كانت الدنيا قامت برضه
    احنا اخدنا على العنف واحنينا راسنا ليه
    عشان تعدى ونعيش

    ReplyDelete
  19. لو كان اللي اغتصب تم اعدامه في ميدان عام رميا بالرصاص لكان هذا اكبر رادع لمن تسول له نفسه القذرة لفعل هذه الفعلة
    أما بالنسبة للتغطية الاعلامية للخبر فهذا هو حال الاعلام .. موضات وفرقعات
    ايام فتاة العتبة وفتاة المعادي كانت قصتين يتم التامل معهم كمادة صحفية دسمة وكمادة سينيمائية خرج منها عدة افلام سينمائية مثل اغتصاب بطولة هدى رمزي وفاروق الفيشاوي ، والمغتصبون بطولة ليلى علوي وآخرون ، وغيرها من الافلام التي اصبح موضوع الاغتصاب من اهم توليفات القصة السينمائية آنذاك
    وبعدها موضة الارهاب .. وبعدها موضة المخدرات .. وبعدها موضة افلام الجنس وارعب
    ..إلخ
    يبقى من الآخر المشكلة مشكلة إعلام
    مش مشكلة شعب لاسمح الله
    الشعب غير متبلد وغير بارد
    هذا .. هدوء ما قبل العاصفة

    خالص تحياتي

    ReplyDelete
  20. هو أكيد فيه تغير في أخلاق المصريين .. ومش دايما من الأحسن للأسوأ ساعات من الأسوأ للأحسن .. زي ما حصل ما بين السبعينات للتسعينات

    وموضوع فتاة العتبة اشتهر واترصد مش لأنه حادث اغتصاب عادي .. دا كان في الشارع وفي وسط الناس .. وعشان كده الدنيا قامت .. ودا لو حصل في أي وقت حيبقى برضه مادة للقنوات الفضائية الكتيرة اللي بتدور على أي حاجة تزود بيها نسبة مشاهديها

    أما حوادث الاغتصاب فهي موجودة من قبل كده ولغاية دلوقتي .. وعمر نظرتنا للموضوع دا بالذات كمصريين وكعرب شرقيين وكمسلمين حتتغير

    ومع ذلك فبأكد برضه إن فيه حاجات كتيرة اتغيرت في الفترة دي .. ويمكن صورة البنت المحجبة اللي بتنط من على السور وتعليقك عليها بيأكد نفس المعنى

    الدكتور خالد من مصر المحروسة كان كاتب موضوع ليه علاقة .. عن نشر تفاصيل وأحداث الجريمة وتسليط الضوء عليها واللي بيترتب على دا من إنها تصبح جزء من ثقافة الناس فيعتادوا عليها ..

    ReplyDelete
  21. اجندا حمرا:
    بس برضة يبقى ان الناس فقدت القدرة على الاحتجاج والاندهاش
    وبقى شعار الناس
    عااااااادي
    كل شيء عادي
    تحياتي

    ReplyDelete
  22. بنوتة مصرية:
    اسمحي لي
    النخوة والشهامة لسة موجودة
    اي نعم ظهرت سلوكيات كتيرة واخلاق فاسدة
    بس برضة لسة قلة شهمة وذة نخوة
    تحياتي واحتراماتي

    ReplyDelete
  23. انا بقا شايفة ان كل الاخبار عن الاغتصاب ..

    الاغتصاب .جاية من الغصب والقهر
    ومافيش اكتر من كده قهر ..ولا زى كده غصب

    عشان كده تحول النوع ده الى خبر جانبى ..لأنه اصبح شىء عادى ..بجملة ما يحدث

    صورة حضرتك دى فى مبنى سكاشن تجارة الدور التانى ...ولا انا بيتهيألى؟؟

    تحياتى

    ReplyDelete
  24. الشعب المصرى اصبح فيه سلبية اتجاه العديد من المواضيع الهامة ..من بينها حوادث الاغتصاب

    بيقولوا لنفسهم ابعد عن الشر وغنيله

    مافيش حد ناقص اكتر من اللى هو فيه ..والحالة بقت صعبة بجد فى البلد ..صح ده مش مبرر لبرودهم وعدم اهتمامهم بحوادث زى دى ..بس تقول ايه بقى لما يبقى الأشخاص اللى المفروض يحموا الناس من الحوادث دى هما اللى بيعملوها !!

    !!!!!!!!!

    ؟؟؟؟



    ربنا يرحمنا برحمته الواسعة


    تحياتى


    :)

    ReplyDelete
  25. في 2080 اعتقد ان الاغتصاب هيتحول لفعل جماعي يمارسه المصريون يوميا في الشوارع
    .......

    تفتكر محتاجين السنين دى كلها علشان يتحول لفعل جماعى؟

    لا اظن؟

    والدليل التحرشات التى تحدث اثناء المظاهرات او التجمعات
    تحرشات جماعيه

    ربنا يرحمنا

    ReplyDelete
  26. شيكابالا:
    ماهو لو البنات وسعوا لبسهم شويتين الرجالة هيغضوا بصرهم اجباري علشان مش هيلاقوا حاجة يركزوا بصرهم عليها
    تحياتي

    ReplyDelete
  27. alshared:
    الشعب المصري بيتحول او تحول فعلا الى شعب من البلهاء ال لا مبالين بأي شيء
    ربنا يستر
    تحياتي

    ReplyDelete
  28. king toot:
    يعني تقصد تقول ان احوال المصريين الاقتصادية المزرية هي سبب تبلدهم ولا مبالاتهم وعدم اهتمامهم بما حولهم؟
    ممكن جدا
    تحياتي واحتراماتي

    ReplyDelete
  29. محمد عبد الغفار:
    وجهة نظر برضة
    يعني ممكن نقول ان التوجه الاعلامي هو اللي اختلف
    تحياتي واحتراماتي

    ReplyDelete
  30. اعتقد ان تبرج البنت الزائد عن الحد جعل الناس لا تتعاطف مع اى حادث اغتصاب لانه يشعر انها اللى ادت لنفسها لهذا المصير
    غير منظر البنات مع الشباب فى الشوارع كلها تثير الاشمئزاز والقرف
    علشان كدة بقى مافيش حد بيستغرب اذا حدث اغتصاب لاى فتاه من النوعيه دى

    ReplyDelete
  31. وينكي:
    قصدك
    علشان تعدي ونموووت بس بالبطيء
    تحياتي واحتراماتي

    ReplyDelete
  32. ياسر حسين:
    انا من يوم ما وعيت ع الدنيا وهم بيفكروا يعدموا المغتصبين في ميدان عام
    بس الظاهر ان مفيش ميادين في البلد
    اتعشم ان يكون هدوء ما قبل العاصفة وليس صمت الموتى
    تحياتي

    ReplyDelete
  33. أعتقد إنه تعود .. مادمنا مش قادرين نعمل حاجة يبقى الواحد بيتكيف مش أكتر .. زى بالظبط ما بقى مقتل 20 فلسطينى و 5 عراقيين يوميا ده خبر عادى بتستنى تسمعه و كل اللى بتعمله تقول لا حول و لا قوة إلا بالله ربنا يهد إسرائيل .. ده لو افتكرت أساسا

    ReplyDelete
  34. الشعب من كتر همومه مش ملاحق يتأثر بإيه ولا بإيه
    ربنا يسترها علي البلد دي

    سلامي ليك

    ReplyDelete
  35. ma_3alina:
    على فكرة
    حادثة العتبة وان كانت فعلا في الشارع وفي عز الضهر الا انها اخف بكتيــــر من حوادث كتير حصلت بعد كدة لم تحظ بربع الاهتمام الشعبي والاعلامي
    تحياتي واحتراماتي

    ReplyDelete
  36. jana:
    لا يا جنا...تقريبا انتي بيتهيألك
    انا لم اتشرف بزيارة كلية التجارة في اي جامعة من جامعات مصر حكومية او خاصة قبل كدة
    تحياتي واحتراماتي

    ReplyDelete
  37. oceaneyes:
    تقول ايه بقى لما يبقى الأشخاص اللى المفروض يحموا الناس من الحوادث دى هما اللى بيعملوها !!

    !!!!!!!!!

    ؟؟؟؟
    معقول؟
    هي بقت كدة؟
    والله لا استبعد ذلك
    تحياتي واحتراماتي

    ReplyDelete
  38. كاميليا:
    على فكرة انا بعد ما نشرت البوست
    اكتشفت ان احنا وصلنا للمرحلة دي فعلا
    السؤال بقى:
    في 2080
    ايه اللي هيحصل؟
    تحياتي

    ReplyDelete
  39. المستنصر بالله:
    الحقيقة لا اخفي عليك ان سلوك البنات فعلا ومظهرهن..افقدهن تعاطف ناس كتير جدا معاهم
    تحياتي

    ReplyDelete
  40. dumuro:
    may see later
    thanks

    ReplyDelete
  41. بيقولوا سايكوا:
    معاك حق تماماااااا
    انا شخصيا واعترف
    اول ما بتيجي سيرة العراق او فلسطين في النشرة باعرف ان مفيش جديد النهاردة واغير القناة
    ملاحظة ممتازة فعلا
    تحياتي واحتراماتي

    ReplyDelete
  42. reri:
    ربنا يفرجها من عنده
    تحياتي

    ReplyDelete
  43. انا مع محمد عبد الغفار
    كانوا زمان بيحبوا قوى ينشروا عن قضايا الاغتصاب
    زى جرايد صفرا كتير
    انما دلوقت اعتقد ان بقى فى وعى صحفى شوية
    اما عموما لو اتكلمنا عن برود الممصريين
    هو مش برود و اله
    الموضوع بس بقى نتيجة للفساد و الهبل الى اتنشر

    تحياتى

    ReplyDelete
  44. resort in the philippines24 February 2009 at 21:50

    black mold exposureblack mold symptoms of exposurewrought iron garden gatesiron garden gates find them herefine thin hair hairstylessearch hair styles for fine thin hairnight vision binocularsbuy night vision binocularslipitor reactionslipitor allergic reactionsluxury beach resort in the philippines

    afordable beach resorts in the philippineshomeopathy for eczema.baby eczema.save big with great mineral makeup bargainsmineral makeup wholesalersprodam iphone Apple prodam iphone prahacect iphone manualmanual for P 168 iphonefero 52 binocularsnight vision Fero 52 binocularsThe best night vision binoculars here

    night vision binoculars bargainsfree photo albums computer programsfree software to make photo albumsfree tax formsprintable tax forms for free craftmatic air bedcraftmatic air bed adjustable info hereboyd air bedboyd night air bed lowest pricefind air beds in wisconsinbest air beds in wisconsincloud air beds

    best cloud inflatable air bedssealy air beds portableportables air bedsrv luggage racksaluminum made rv luggage racksair bed raisedbest form raised air bedsbed air informercialsbest informercials bed airmattress sized air beds

    bestair bed mattress antique doorknobsantique doorknob identification tipsdvd player troubleshootingtroubleshooting with the dvd playerflat panel television lcd vs plasmaflat panel lcd television versus plasma pic the bestadjustable bed air foam The best bed air foam

    hoof prints antique equestrian printsantique hoof prints equestrian printsBuy air bedadjustablebuy the best adjustable air bedsair beds canadian storesCanadian stores for air beds

    migraine causemigraine treatments floridaflorida headache clinicdrying dessicantair drying dessicantdessicant air dryerpediatric asthmaasthma specialistasthma children specialistcarpet cleaning dallas txcarpet cleaners dallascarpet cleaning dallas

    vero beach vacationvero beach vacationsbeach vacation homes veroms beach vacationsms beach vacationms beach condosmaui beach vacationmaui beach vacationsmaui beach clubbeach vacationsyour beach vacationscheap beach vacations

    bob hairstylebob haircutsbob layeredpob hairstylebobbedclassic bobCare for Curly HairTips for Curly Haircurly hair12r 22.5 best pricetires truck bustires 12r 22.5

    washington new housenew house houstonnew house san antonionew house venturanew houston house houston house txstains removal dyestains removal clothesstains removalteeth whiteningteeth whiteningbright teeth

    jennifer grey nosejennifer nose jobscalebrities nose jobsWomen with Big NosesWomen hairstylesBig Nose Women, hairstyles

    ReplyDelete
  45. I am curious which blogging platform you are running? I'm new to operating a blog and have been thinking about using the Ning platform. Do you consider this is a good foundation to start with? I would be really grateful if I could ask you some questions through email so I can learn a bit more before getting started. When you have some free time, please make sure to contact me at: sanforddowns@zoho.com. Cheers

    Take a look at my website - tree stump

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails