Tuesday, 4 December 2007

فيرتيجو.....VERTIGO



مش بتحصل كتير اني الاقي تفسي مشدود لحاجة من منظرها الخارجي...ومن غير ما اعرف تفاصيل الشيء دة
انما حصلت مع الرواية دي (فيرتيجو) ......وكلمة فيرتيجو دي كلمة انجليزية معناها الدوار.....الدوخة يعني.
وللرواية دي معايا حكاية بدأت من موقع الفيس بووك وبالتحديد في المجموعة الخاصة بدار ميريت للنشر.
لقيت بوستر غلاف الرواية على المجموعة دي...ومكتوب عليه رواية سينمائية
مش عارف ليه شدني الغلاف وحسيت منه ان الرواية دي اكتر من مميزة على الرغم ان الغلاف لا يوحي بأي شيء من احداث الرواية ولا يدل اذا كانت مميزة ولا لا؟
بس قررت اني لازم اقرأ الرواية دي
وقد كان
الرواية بتدور احداثها في 402 صفحة.....ونصيحة بقى...فضي نفسك يوم علشان تقدر تخلص ال 402 صفحة دول في قعدة...لأنك مش هتستحمل انك ماتخلصهاش في قاعدة واحدة.
كمية تشويق واثارة في الرواية دي غير طبيعي.....لغة بسيطة مفيهاش فلسفة ولا تعقيد......تعرية لواقع بلد منكوب بفساد كباره وصغاره برضة احيانا.
هتحس ان انت جوة الرواية دي...ماشي مع البطل في الشارع...ساكن معاه...بتحارب معاه...بتفرح لفرحه وبتحزن لحزنه...همومك هي همومه هي هموم بلد
صحيح ممكن جدا الرواية تصيبك بالأكتئاب لأستشراء الفساد بالشكل الرهيب دة....فعلا ممكن تحس ان جو الرواية في مجملها..مُقبِض
الا انه للأسف هو دة الواقع
طبعا من السهل جدا انك تستشف بعض الشخصيات الواقعيى اللي موجودة في الرواية ودي مش محتاجة ذكاء كبير من القارىء....فتلاقي رجل اعمال متهم في قضية مخلة بالشرف وتلاقي مسئول كبير وابنه ناهبين البلد.
والحقيقة ان احمد مراد الكاتب المبدع لم يبخل علينا بشوية تلميحات لتوضيح بعض الشخصيات اللي في الرواية....بس الحقيقة ان لو فعلا الفساد اللي بيشع من الرواية دي موجود بالشكل البشع دة.....يبقى مصر دي هتنتهي تقريبا خلال 10 سنوات من دلوقتي على اقصى تقدير
اما بقى عن احمد مراد...الكاتب
يمكن دي اول مرة اسمع عنه او اقرأ له حاجة....بس لو كان في العمر بقية .....مش هتكون المرة الاخيرة ان شاء الله
اعتقد ان دي روايته الاولى...بس لما تبقى بدايته بالإبداع دة....اعماله القادمة ان شاء الله هتبقى عاملة ازاي؟!!!!
انا مش ناقد متخصص ولا ادعي ني قريت روايات كتير...انما فيرتيجو حسيت انها مكتوبة بفكر شاب مصري معجون في البلد دي...وموجهة لناس بيحبوا البلد دي
عارف ان عدد كبير لسه لم يقرأ الرواية....بس اتمنى ان اللي بيدور على حاجة محترمة يقراها انه مايفوتش الرواية دي
رواية فعلا تستحق الكثير

33 comments:

  1. انا عن نفسي أكيد هقراها طالما مشجعه كده لاني بحب القراءه جداً وخصوصاً لما تبئى فيها شيء من الواقع أكيد بتكون أحلي وأوضح وأعمق وكمان لو كانت بتقول ان الحياه وردي وجميله مش ممكن هتكون واقعيه ابداً يبئى لازم تكون لاذعه وفيها من الصمت أبلغ من الكلام لان هو ده الواقع اللي إحنا عايشين فيه وداخله.. بجد شوقتني لقرائتها

    ReplyDelete
  2. شوقتنا للرواية

    انا زيك احيانا انشد لكتاب لمجرد ان اغلاف عجبنى او لااساب تانية ليس لها علاقة بالمضمون

    ربنا يوفقك


    تحياتى

    ReplyDelete
  3. شوقتنا للرواية هدور عليها واقراها

    --------------------
    ده لينك الحوار بتمنى يكون عجبك
    http://www.3allisotak.net/apages.php?pids=378&ids=do

    -------------
    تحياتى لك

    ReplyDelete
  4. انا ساعات كتاب او روايةتجذبني ليها من مجرد اسمها مش مهم مين الكاتب
    يعني اول ما قرات عنان البوست فيرتيجو جذبني لية
    وانت شوقتني جدا اقراها

    وان شاء الله هبحث عنها واقرها


    تمنياتي ليك بالتوفيق

    ReplyDelete
  5. بداية احب ان اسجل اعجابي بمدونتك ذات الافكار الجميله التي تنتمي لشخص مثلك و اشكر الصديقه الجميله بسمه ان عرفتني علي مدونتك من خلال الحوار التي اجراته لك بجد حوار حلو اوي و قدريت تخليني اتعرف علي افكارك ربنا يوفق دائما
    --------------------------
    اما بالنسبه للبوست شوقتني جدا لشراء هذه الروايه اكيد هادور عليها و اقراءها
    -----------------------------
    سؤال يا احمد معلشي انت جبت الموسيقه الحلوه اوي ديه الاي حططها في البلوج ممكن تقولي علي الموقع بتاعها انا بعشق الموسيقيه ديه
    و لك تحياتي

    ReplyDelete
  6. طيب متبقاش بخيل و ابعت اللينك الخاص بيها خلينا نقراها احنا كمان
    تصدق انا كمان اتشوقت انى اقاها
    اصلى اما بدخل فى مود القرايه ممكن اقعد يومين مكلمش حد و معملش حاجة غير انى اقرا
    رجعنى للايام دى بقى الواحد بقى مقصر مع نفسة قوى
    هههههههه
    طبعا انا بتوه معاك و معلش يا سمير عارفة انى مقصرة معاك انت كمان
    سامحنى يا عم
    تحياتى

    ReplyDelete
  7. cinderella:
    الرواية دي يا سندريلا للاسف مافيهاش شيء من الوةاقع....دي كلها من الواقع
    وبقول للاسف لان لو الواقع كدة فعلا يكون واقع مؤلم جدا
    الرواية فعلا تستحق القراءة
    تحياتي ليكي

    ReplyDelete
  8. tamer nabil:
    ولما تقرا المضمون كمان هتتشد للرواية دي بقوة
    تحياتي ليك يا صاحب الافكار الحرة

    ReplyDelete
  9. bosbos:
    الرواية يا بس بس لو بتنزلي القاهرة موجودة في دار ميريت بشارع قصر النيل ولو ماكنش متيسر كدة ممكن تستني لمعرض الكتاب بقى وامرك لله
    اما بقى بالنسبة للحوار فهو اكتر من روعة
    انا حقيقي عاجز عن الشكر يا بس بس
    الف شكر ليكي

    ReplyDelete
  10. لولا:
    منوراني دايما في المدونة المتواضعة دي
    الرواية دي تستحق البحث عنها فعلا
    بس لو مش عايزة تلفي كتير هتلاقيها في دار ميريت للنشر ب 6 شارع قصر النيل القاهرة
    تحياتي ليكي

    ReplyDelete
  11. This comment has been removed by the author.

    ReplyDelete
  12. دنيا محيراني:
    المدونة طبعا نورت بوجودك وفعلا انت اخجلتي تواضعي
    يارب تكون المدونة عجبتك وتكون صديق دائم لها كدة
    وطبعا كل الشكر للصديقة العزيزة بسمة على الثقة الكبيرة دي
    بالنسبة للوراية دور عليها وعمرك ما هتندم
    اما بالنسبة للموسيقى فدي موسيقى المواطن مصري
    هكتب لك اللينك بتاعها النهاردة على القصى تقدير
    تحياتي

    ReplyDelete
  13. السلام عليكم
    تخيل لو ربنا موصفلناش الجنه ولو بشكل بسيط .....هل كنا هنتشد ليها؟؟هل كنا هنحلم بيها؟؟هل كنا نسعى ليها؟؟

    كمان اي كتاب او سلعه او اي شيء بتعلن عنه لازم ترسمه يشد الناس
    يخطفهم ...بمعنى لو الروايه دي مش بالغلاف ده او الألوان دي او الأسم ده
    يمكن مكانتش شدتك تقرأها
    خصوصا في عصر النت ودنيا المعلومات
    ومكنتش تتجي تشدنا بأسلوبك الجميل البسيط وتشوقنا علشان نقراها

    انا بقى هستنى معرض الكتاب لما يهل عليا بيها
    مدونتك جميله وبسيطه موووت
    عجبني كلامك في البروفيل عن مصر حبيبتنا

    ايه ده الرغي ده كله؟؟
    معلش دوشتك
    سلام يامصري

    ReplyDelete
  14. rania:
    الرواية دي مالهاش لينك ع النت يا رانيا
    انتي عايزة تخربي بيت الناشر ولا ايه؟
    لا يا ست رانيا الروايا اشتريها من برة يا هانم
    المسامح كريم ويا بخت من قدر وعفي
    ياللا......روحي يا بنتي انا مسامحك
    تحياتي ليكي يا رانيا
    ماتقطعيش الجوابات بقى

    ReplyDelete
  15. زمردة:
    جميل قوي التشبيه دة يا زمردة
    نورتي مدونتي المتواضعة ويارب ماتكونش دي الزيارة الاولى والاخيرة مع بعض
    تحياتي ليكي

    ReplyDelete
  16. السلام عليكم و رحمة الله و بركاته

    أنا أكثر شئ شدنى للمدونة منذ أن اتطلعت عليها تقريبا من أكثر من شهرين إن صاحبها دكتور صيدلى ، لكن بصراحة المواضيع اللى فيها و الآراء اللى حضرتك بتطرحها ممتازة ، شئ يشرف إن مصرنا فيها عقليات جامدة كدا ، بجد جزاكم الله خيرا ، و ربنا يجعله فى ميزان حسناتك إن شاء الله .

    ReplyDelete
  17. نشوفها بس لو طلعت اي كلام ترجعلي تمنها

    ماشي ؟؟

    هههههههههه

    مدام عجبتك اكيد حلوة

    ReplyDelete
  18. اممممممممم

    طيب نقرا ونقولك
    -----

    :)

    ReplyDelete
  19. سخنتني اقراها ان شاء الله

    بس المشكلة في الكلية دلوقتي مطلعة عين الواحد

    ان شاء الله اشتريها في المعرض

    ReplyDelete
  20. الاء الحجار:
    الكلام دة كتير عليا قوي يا الالاء
    الف الف شكر ليكي
    المدونة دي ماهي الا وسيلة لنقل بعض الافكار
    مصر مليانة والله....بس ربنا يجازي اللي كانوا السبب
    هنتظر تعليقاتك باستمرار ان شاء الله
    تحياتي واحتراماتي

    ReplyDelete
  21. كراكيب عادل:
    ماشي ياعم
    اشتريها ولو ماعجبتكش هرجع لك ضعف تمنها
    منورني دايما
    تحياتي

    ReplyDelete
  22. شادي فايد:
    بيعجبني فيك يا شادي ان انت شعارك في الحياة
    خير الكلام ما قل ودل
    انما على قلة تعليقاتك الا انها سبحان الله يا اخي ليها جاذبية خاصة ورونق غريب كدة
    منورني يا زميل

    ReplyDelete
  23. kimexlilo:
    اول كتاب هتجيبه من المعرض ان شاء الله يكون دة
    ربنا يعينك
    تحياتي واحتراماتي

    ReplyDelete
  24. I totally agree with Alaa. Best of Luck :)

    ReplyDelete
  25. شوقتنا ياباشا والله
    نظبط الوقت ونقرا الروايه

    بس بالنوسبة لموضوع مصر اللي هتنتهي في 10 سنين دي ...اشك انها هتكملهم لو فضلنا زي ما احنا

    سلامم

    ReplyDelete
  26. و هو كذلك...طالما شوقتنا أوي كده
    تحياتي

    ReplyDelete
  27. السلام عليكم

    اصلا كفاية وصفك للرواية
    شكلها جامدة بجد

    معظم الكتب عن دار ميريت لذيذة شغل وابداع شباب

    سلاماتي

    ReplyDelete
  28. mohaly:
    شرفت ونورت
    u r welcome

    ReplyDelete
  29. غمض عنيك:
    ابو سمير الجامد؟
    ازيك
    ياريت تضبط وقتك وتقرا الرواية دي...مش هتندم ان شاء الله
    تحياتي واحتراماتي

    ReplyDelete
  30. micheal:
    منور دايما يا ميشيل
    تحياتي لك

    ReplyDelete
  31. mesh2adra:
    دار ميريت مش طبيعية في قوتها بجد
    ابداع ابداع
    بالنسبة للروايه...جميلة جدا وتشدك من اول لاخر صفحة
    انتي ممكن تقريها مرتين مرة علشان التشويق ومرة التانية على رواقة
    تحياتي ليكي

    ReplyDelete
  32. شكرا لترشيحك الرواية للقراءة

    ان شاء الله نجيبها في معرض الكتاب السنة دي

    فيه كذا حاجة لدار ميريت الواحد عايز يجيبهم

    وياريت لو عرفت دار ميريت ح تكون في اي جناح في المعرض ياسلام لو عرفتني

    وشكرا مقدما

    تحياتي

    ReplyDelete
  33. 一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

    情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

    A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

    情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

    情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails