Tuesday, 27 November 2007

شورت كارول


زمان....اهلنا ربنا يسامحهم كانوا بيعلمونا حاجات غلط.....
ماكنتش عارف انها غلط...الا لما كبرت وعرفت ان اكيد احنا الغلط
زمان قالوا لنا ان لكل مقام مقال...وان كل مكان له اللبس الخاص بيه
يعني ما ينفعش تروح حفلة بالبيجاما.....ولا تلعب كورة بالبدلة
وفضلت مقتنع بالكلام دة لحد يوم الاثنين اللي فات لما شفت الست المطربة اللبنانية اللوزعية
كارول سماحة
الست كارول قررت تطلع في التليفزيون المصري وفي اهم برامجه (البيت بيتك) بـــــــــــــــــــــــــــــــــــــالشورت
اه والله كانت لابسة شورت
في التليفزيون المصري....وفي اواخر شهر نوفمبر اللي المفروض ان الدنيا برد
الا انها قررت تظهر بالشورت
انا طبعا ماصدقتش نفسي....وقعدت ادعك في عيني يمكن انا اللي مش شايف صح...يمكن الست مظلومة وانا اللي عيني اللي مدغششة
انما للأسف خاب ظني تمااااااااااااااااااما....هو بعينه شورت
لابسة شورت
ياللهول
انا بتفرج على اي قناة....يمكن ال
LBC
ويبقى ساعتها عداها العيب......ابدا......دي القناة الثانية في التليفزيون المصري
ومين اللي معاها دة؟
اه هو......هو بتقل دمه اللي لا يحتمل
هو
تامر امين
او بمعنى اخر
تامر مبهور امين
الاخ تامر مش مصدق هو كمان نفسه....بس للأسف شعور الاستياء والاندهاش اللي عندي كان عنده شعور بالفرحة الشديدة وعدم التصديق والانبهار بشورت الست كارول سماحة
لك ان تتخيل استوديو واقف فيه كارول سماحة بشورتها الساخن واستفزازها لمشاعر المصريين البسطاء اللي اكيد البيت مش بيتهم ومعاها تامر امين اله الواسطة والمحسوبية واستغلال النفوذ لدى قدماء المصريين
توقعت ان المهزلة دي هتنتهي باتصالات هاتفية من شوية مشاهدين غيرانين على تليفزيون بلدهم من المنظر القميء دة...وان الست كارول جايبة معاها الاستوديو كام طقم اكتر حشمة هتلبس واحد منهم بقية الحلقة...ولكن بلا جدوى
استمرت الحلقة بنفس الشورت الساخن
وكأن الست كارول سماحة بتقول لكل الشباب المصري...موتوا بغيظكم...اولعوا
المرة دي هطلع بالشورت والمرة الجاية مفاجــــــــــــــــــــــــــــــــأة
اللذيذ بقى ان الاخ تامر تقل الدم امين مبسوط وفي قمة سعادته وعمال يلقح بالكلام وكم هو مش قادر يستحمل حلاوة كارول وجمالها وعايز الناس تدعي له كان الله في عونه
السؤال هنا بقى:
ممكن واحدة مصرية تطلع بالمنظر دة في التليفزيون المصري؟!!!!!
اشك تماما
بل اكاد اجزم ان ماينفعش اصلا راجل يطلع بالشورت في برنامج حتى لو كان رياضي
تخيل انت مثلا احمد شوبير طالع في برنامجه بيحلل مباراة لكرة القدم وهو لابس شورت ساخن!!!!!!
يبقى ليه المغنية اللبنانية دي تطلع بالمنظر دة في التليفزيون المصري؟!!!!!
هل هو نوع من كرم الضيافة؟
وهو كرم الضيافة ممكن يوصل للدرجة دي؟
علشان نكون متفقين
انا طول عمري مؤمن بمبدأ ان اللي مش عاجبه مايتفرجش
بس الكلام دة في ميلودي ومزيكا واو تي في.....الخ
انما المبدأ دة لا ينطبق على برنامج جماهيري اعلى نسبة مشاهدة متوقع منه ان البرنامج يقدم لي اخبار ومعلومات مفيدة واذا بي الاقي هوت شورت ومذيع بيستظرف
لكن العيب مش عليهم
العيب على اهلنا اللي معرفوش يربونا
هم بيعرفوا يلبسوا.....انما احنا ما بنعرفش نتفرج

42 comments:

  1. دى منتهى الهيافة حضرتك
    ومنتهى الأستفزاز لمشاعر الناس
    ما هو مذيع رخم هيعمل أيه اصلا غير كده مذيع بيعمل اللى فى كيفة وكله ماشى بالواسطة حتى لو كل البلد ما بتحبوش ولا عايزة تشوفه
    وناس تيجى من بلدها ويكونوا هناك مالهمش قيمة وأحنا نعمل ليهم قيمة عادى ده بقى الطبيعى
    وفى الآخر يلوموا الشباب على الحاجات اللى بيعملوها ما يروحوا يلوموا نفسهم على الحاجات اللى بيقدموها

    ربنا يشفى بجد

    تحياتى لك

    ReplyDelete
  2. غلطان والغلط راكبك كمان

    ماتسيبوهم براحتهم ياجماعة الاستوديو حر اوى، وبعدين حد فى الدنيا يتفرج ع البيت بيتك؟؟؟

    ولا التلفزيون المصرى عموما؟؟ .. ده بقى اسمه البطيخ المصرى سيادتك مش التلفزيون المصرى .. او الإستعباط المصرى

    او يجوز بيتكلموا على بلد تانية خالص وفاكرين هى دي مصر .. لا وكله كوم وشوية الفراشات اللى ملهاش لازمة فى صباح الخير يا عبط ده كوم تانى خااااااااالص

    وبعدين ابقى انقل ع القناة الأولى وانت تشوف كل شوية جايبين البت روبى اللى عمالة تمشى ورا إحساسها

    عبيطة ماهى لو كانت مادت شوية كانت لحقته

    واقعدوا بالعافية .. فى مصر
    :S

    ReplyDelete
  3. فى السابق كان العلماء والقاده هم القدوه التى يقتدى بهم للاسف تجد اشباه علماء لايقتدى بهم بل هم يقودون الناس الى جهنم والعياذبالله وتجد هؤلاء يحملون شهادات عاليه ولكنهم لا يلتزمون بشريعه الله وقد رأيت بعضهم يحارب سنه المصطفى صلى الله عليه وسلم وماذا تريد ان ترى فى بلد ضاع فيه الدين واحده لبسه شورت طبيعى جداوكمان اسمه تحضروممكن يقولوا حريه شخصيه(ربنا يستر ويهدينا ويهدى الجميع)وقال تعالى (قالاربنا ظلمنا انفسنا وان لم تغفرلنا وترحمنا لنكونن من الخاسرين)صدق الله العظيم**********لوسمحت ممكن ادخل المدونه ازاى عشان انا بدخل من مدونه تانيه**************رحمه***

    ReplyDelete
  4. This comment has been removed by the author.

    ReplyDelete
  5. توقع أي شيء في مثل هذه الايام
    فعندما تخرج علينا الراقصات في البرامج التلفزيونية ويتحدثون عن العيب والحرام والحلال
    وعندما تتحجب الممثلات ثم يخلعون الحجاب وتعلن أحدهن أن الحجاب دمر حياتها
    وتقول الأخرى أنها تحجبت بناء على فتوى خطأ ... كل هذه البلبلة وروح التناقض بين الناس ما بين فعل الصواب ومحاولى تجنب الخطأ أو الحرام وهناك من يجمع بين الحلال والحرام والخطأ والصواب معاً ولا أدري كيف
    أن تخرج علينا هذه المغنية بالشورت وفي ستوديهات التلفزيون المصري
    وفي برنامج البيت بيتك
    فمن الطبيعي إن الواحد بياخد راحته في بيته
    يعني ممكن يقعد بالبيجامة
    يقعد بالشورت
    يقعد زي ما يقعد
    أتوقع أن يظهر مذيعي هذا البرنامج قريباً بالـ ....وير
    :)
    تحياتي

    ReplyDelete
  6. راااااااااااااائع

    انت اسلوبك بجد اكثر من رائع

    انا تقريبا أول مرة ازور مدونتك بس ايه الجمال ده

    فى حد بيكتب كدة

    انت فعلا غيران على مصر زى ما قلت فى البروفيل

    وفعلا ربنا بالينا بآله الواسطة والمحسوبية فى التليفزيون ووسائل الاعلام الحكومية

    والله الناس دى حاسبها هيكون عسير اوى

    لانهم تحملو الامانة والمسئولية

    وكمان بالواسطة والخطف

    وكمان اسائو الحفاظ عليها

    وياريت تقبلنى صديق للمدونتك الجميلة

    تحياتى
    أحمد الصباغ

    ReplyDelete
  7. السلام عليكم

    وانت ليه زعلان
    دي حرية يا راجل:S


    هو فعلا اهلنا معرفوش يربونا
    وبيعلمونا غلط كمان

    انا الحمد لله مقاطعة هذا
    المسمى بالتليفزيون المصري

    اكتر من كده وبيحصل وحيحصل
    تفاءل يا اخي

    سلاماتي

    ReplyDelete
  8. كويس انها طالعه بشورت احسن من مافيش خالص

    ReplyDelete
  9. طب اسمحلي اقولك ان اسلوبك حلو جدا
    الموضوع مكتوب كويس برافو عليك

    ReplyDelete
  10. bosbos:
    كلمة مذيع رخم قليلة قوي على السيد تامر امين
    انا بيتهيأ لي ان رخم دي مجاملة له
    انا لحد دلوقتي مش عارف ايه المغزى ان البني ادمة دي تلبس شورت في التليفزيون؟
    انا هتجنن يا جدعان
    دة هيفاء ماتعملهاش

    ReplyDelete
  11. انسانة:
    عارفة يا ياسمين انا بتفرج ع البيت بيتك ليه؟
    تحت بند تعذيب النفس وجلد الذات
    بتلذذ بتعذيب نفسي وانا بتفرج على تامر امين بسيوني
    بس كله كوم واللي لابسة شورت في نوفمبر دي كوم تاني
    دي روبي اللي مش عاجباكي دي عمرها ماتعمل كدة
    تتكسف
    تحياتي واحتراماتي

    ReplyDelete
  12. رحمة:
    علماء ايه؟
    العلماء خلصوا من زمان
    واللي موجود دلوقتي يا اما باع نفسه للمناصب يا اما باع نفسه للوهابيين وتشددهم
    بالنسبة للمدونة
    ممكن تدخلي بالعنوان دة
    http://theegyptiansilentmajority.blogspot.com/
    وبعدين تحطيه عندك في المفضلة
    وكل ماتحبي تدخلي المدونة اضغطي ع اللينك دة من المفضلة
    favorities
    يعني
    تحياتي واحتراماتي

    ReplyDelete
  13. ياسر حسين:
    كله منتظر موضة السنة اللي جاية في العري
    على اساس ان الكل ماشي بشعار
    اطلب اكتر اكيد في اكتر
    عموما ربنا يستر
    تحياتي ليك

    ReplyDelete
  14. انت بتتكلم جد والله

    اصل انا ماشوفتش الحلقه دي

    طب هو كان هوت شورت ولا برمودا

    اكيد انت مدعكتش عينك كويس

    شورت دي صعبه شويتين

    ولشه بكره هنشوف ايه اللي هيحصل أكتر من كده

    ReplyDelete
  15. مش جديد علي تليفزيونا حبيبنا.من زمان و إحنا بنعاني من الملل و الأرف...و البرامج المتخصصة إنها تجيبلك شلل نصفي ..قال يعني خايفين علينا أوي..مفرقتش ملل من قلة أدب....و بعدين ماله الشورت..زي الفل أهو..إدعك إدعك...مفيش فايدة..
    تحياتي

    ReplyDelete
  16. ahmed al sabagh:
    الله يكرمك يا بو حميد
    الف شكر يا ريس
    اخجلتم تواضعنا بجد
    يابو حميد انت تنور المدونة دايما ودة شرف ليا انك تكون صديق للمدونة وليا انا كمان
    تحياتي

    ReplyDelete
  17. mesh2adra:
    مانتي لو كنتي مريتي بالتجربة البشعة دي ماكنتيش قلتي كدة
    واحدة بتستهبل وعاملة نفسها مش واخدة بالها + واحد بيستظرف وبيستلطف وعايش في دور الجان اللي ماحصلش +مشاهدين هيطقوا وهيموتوا من الغيظ
    تبقى النتيجة لازم تكون ......ولا بلاش
    تحياتي ليكي

    ReplyDelete
  18. maksofa:
    انا بيتهيا لي انها ماكنش عندها مانع ابدا...وممكن تكون طلبت منهم كدة
    بس هم اكيد اعتذروا لها على اساس ان الطلب دة صعب تحقيقه حاليا على اساس ان البلد لسه فيها شوية فلاحين
    انما اول ما يطهروا البلد من الناس المعقدين دول هيسمحوا لها فورا بالظهور زي ما تحب
    ممكن الكلام دة يحصل في 2008
    تحياتي ليكي

    ReplyDelete
  19. مصطفى فتحي:
    الف شكر ليك يا باشا
    الموضوع اذا كان مكتوف كويس فدة لأن الموضوع دة استفزني فعلا
    انا كنت قاعد بغلي والله
    مش من الهوت شورت ولا حاجة
    لحد يعني يفهمني غلط
    انما من عدم احترام الناس دول لمشاعرنا وقيمنا وظروف ملايين الشباب اللي بيتفرج
    تحياتي

    ReplyDelete
  20. esraa:
    اه والله بتكلم جد يا اسراء
    شورت....لا مش شورت..دة هوت شورت
    التليفزيون المصري ظهر فيه الهوت شورت يا منز
    شورت يا بنتي والله...ودة اللي خلاني جالي ذهول اتحول بعد كدة لحالة حول وبله لسة بتعالج منهم لغاية دلوقتي
    تحياتي ليكي

    ReplyDelete
  21. هو كان لون الشورت ايه
    قصدى واصل لحد فين ييييييه
    قصدى
    والله يابنى احنا فى زمن العجايب
    خلاص
    مبقاش فى اخلاق ولا دين
    الله يخربيوتهم ياشيخ
    ارفونا فى حياتنا
    هدمو القيم والاخلاق والعادات
    ربنا يرحمنا
    تحياتى

    ReplyDelete
  22. طيب دى كارول
    وده تامر ارخم مذيع على الكره الارضيه
    يبئى كله عاااااااااااادي
    لكن طبعاً هي كانت في برنامج البيت مش بيتك انما برنامج البيت بيتهم
    وعادى خليك فريش
    احنا في رحله
    ههههههههه
    اسلوبك بجد شيق جداً

    ReplyDelete
  23. يا صديقى العزيز
    اذا لم تستح فافعل ما شئت
    تخيل ان تامر بيه أمين المبهور على حد قولك أخذ يبدى اعجابه بشخصيتها وثقافتها بشكل مستفز جدا
    وهكذا تكون الست كارول سوبر ستار
    حسبى الله ونعم الوكيل

    ReplyDelete
  24. sabsoob:
    اصل برضة الشورت على كارول بيختلف كليا وجزئيا عن الشزرت لو لابساه عيشة الكيلاني مثلا
    استفزاز والله يا سبسووب
    تحياتي

    ReplyDelete
  25. لاتعجب انت فى مصر
    *******

    فى رساله
    عندى ليك ياريت تقرأها

    ReplyDelete
  26. و مين قلك ان الممثلات المصريات يعني مش بيطلعوا بلبس منيل بستين نيله في المسلسلات في التليفيزيون المصري
    مش فارقه لبنانيه من مصريه
    كله بيقلع و في اي حته مش فارقه
    اما بقي عن تقيل الدم
    ظريف العمر
    يقصر قامته
    هاي هي
    المصون ابن الناس الطيبين
    تامر افندي صباع رجل الغزال
    فده بقي عايزله مدونه لوحده ماينفعش كام سطر في بوست
    سمج سماجه محصلتش يا اخوانا
    يا ساتررررررررررررررررررررر

    ReplyDelete
  27. doha:
    للتفاصيل الفنية اللذيذة دي يرجى مراجعة شريط البرنامج
    مع مراعاة ان تامر امين ضار جدا بالصحة وقد يسبب الوفاة
    اما من ناحية القيم والاخلاق فهي مهدودة من زمان قوي
    مع تحيات نادية الجندي ورفيقاتها نجمات الثمانينات واوائل التسعينات
    تحياتي واحتراماتي

    ReplyDelete
  28. cinderella:
    حاولت برضة اعمل بنصيحتك واعيش اللحظة...دي ساعة الحظ ماتتعوضش
    بس بقايا شوية قيم كدة نقحت عليا
    منوراني دايما
    تحياتي ليكي

    ReplyDelete
  29. voice of love:
    ياااااااااااه
    فينك من زمان؟
    دي مقاطعة بقى ولا ايه؟
    على فكرة انا مش دنماركي ولا حاجة
    بالنسبة لتامر وكارول ينطبق عليهم المثل الجميل
    اتلم تان تان على تنتن......
    ولا بلاش الباقي علشان المدونة دي نظيفة
    تحياتي

    ReplyDelete
  30. ابن عمر:
    مصر عمرها ماكانت كدة
    ربنا يسامحهم بقى
    تحياتي ليك ومنورني دايما
    بالنسبة للرسالة هطالعها حالا

    ReplyDelete
  31. koukawy:
    بصي يا ستي
    لمل تتفرجي على مسلسل او مسرحية او اغنية فيديو كليب غير لما تتفرجي على برنامج المفروض انه اخباري
    لو بتفرج على دراما هأكون مهيأ نفسي ان ممكن واحدة تطلع لابسة كدة ولا كدة
    انما لما يبقى الناس مش مدية خوانة وبتتفرج على البيت بيتك ويلاقوا شورت طالل عليهم...تبقى حاجة غريبة جدا
    اما عن تامر امين فدة اتعمل له جرووب كاملة لى الفيس بوك اسمها
    we hate tamer amine
    وعلى فكرة
    الجروب دي اعضاءها في تزايد مستمر
    تحياتي واحتراماتي

    ReplyDelete
  32. مزيع بارد جداااا وحاجة تخنق والله انا مشفتش الحلقه دى بس بجد احنا بننزل لتحت قوى اه قصدى بنطلع لفوق ويعالم بكره فى ايه

    تحياتى

    ReplyDelete
  33. ضد الظلم:
    تامر امين ضار جدا بالصحة ويسبب الوفاة
    تحياتي لك

    ReplyDelete
  34. السلام عليكم
    بما إني مقاطعه التلفزيون
    مصري ولا عربي ولا أجنبي
    دش ولا وصله
    فالحمدلله قادره احافظ شويه ع صحتي
    بس مفيش فايده لازم تقولولي ع اللي بيحصل يعني

    مصر بلد العجايب
    هما اللي بيرخصوا مصر لما يسمحوا لواحده تطلع بالشكل ده
    وهما اللي بينفخوها ويعملوها نجمه
    وتلاقيها في بلدها..؟؟ شوف انت
    عرف دي كانت عايزه واحد يتصل ع الهوا يعرفها ان في مصر لسه في ناس محترمه
    تعرف ربها وتصون دينها وشبابها

    سلام

    ReplyDelete
  35. شورت كارول ده أقل شئ بعد اعلام ما بعد صفوت الشريف

    و غزو ثقافة الدعارة المقنعة في التلفزيون العربي

    ReplyDelete
  36. زمردة:
    لو كان في حد اتصل يا زمردة ماكانوش برضة دخلوه ع الهوا
    علشان البيت مش بيتنا....البيت بيتهم
    تحياتي واحتراماتي

    ReplyDelete
  37. kimexlilo:
    طب دة ايام صفوت الشريف بالنسبة للي بنشوفه دلوقتي هي ايام الفضيلة والعفة
    تحياتي واحتراماتي

    ReplyDelete
  38. مالها ياعم كارول
    مضايقاك ليه...الله...انت شكلك كده دقه قديمة وهتتعبنا
    خليك بييس يامان وتيك ات ايزي

    خلي الشباب يتدلع

    ReplyDelete
  39. حسبنا الله ونعم الوكيل
    ازعل على المسلمات اللى مش محترمين تعاليم دينهم
    كارول سماحه معندهمش فى المسيحيه حجاب
    العيب على التلفزيون اللى اصبح زى الفضائيات الغنائيه مفيهوش رقابه
    كله مسموح بيه
    الله يرحم ايام همت مصطفى لما عملت لفت نظر للمذيعه علشان كانت لابسه نص كم قصير!!!!!!!!!!!!!!!

    ReplyDelete
  40. تحياتي أستاذ أحمد ٍمير أولا أنا سعيد بتعبيقك في مدونتي ثانيا أنا انبهرت بشكل مدونتك وثالثا أنا أضم صوتي لصوتك فيما يتعلق بشورت سماحه لأنه إعلاميا شخصية المذيع أو مقدم البرنامج بتفرض نفسها على الضيف ولأن المقدم ملهوش شخصية أصلا أتعرت كارول سماحه ولبست شورت ولولا احترامها لمشاعر باقي المصريين كانت جات بمايوه بكيني ومتخفش عليها هي مش هتبرد علشان حرارة تامر ماليه الاستوديو ....ولا عزاء لمشاعر المصريين

    ReplyDelete
  41. 情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

    a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

    情趣用品,情趣用品,情趣,情趣

    情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
    情趣用品,情趣用品,情趣用品,情趣用品.情趣,情趣,情趣,情趣
    視訊聊天室

    情色,AV女優,UT聊天室,聊天室,A片,視訊聊天室


    UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
    聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

    ReplyDelete
  42. 情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

    情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails