Sunday, 14 October 2007

الرضـــــــــا


الرضــــــــــــــــــــــــــــــــــا
انا بحس ان الرضا هي كلمة السر للسعادة في الدنيا دي
هو الرضا ومفيش غير الرضا
فكروا كدة معايا......السعادة في الدنيا دي احتار الناس في تفسير اسبابها.....يعني ايه سعادة؟.....ايه هي السعادة؟
ناس كتير قالوا في الفلوس وقالوا ان من غير فلوس وثروة مفيش اي سعادة.........بس دة مش حقيقي بدليل ان في ناس معاها ملايين ومش سعيدة على الاطلاق وبتحرق في دمها وبتستهلك اعصابها علشان المليون يبقوا عشرة والعشرة يبقوا 100 والمية يبقوا مليار
وبنشوف ناس مش معاها فلوس بس سعيدة وعايشة حياتها وبتدبر امور حياتها على حسب امكانياتها......الناس دي راضية بحياتها كدة مبسوطة وقانعة
طبعا مفيش حد بيكره الطموح والسعي للمكسب.....والكل بيدور على المال...بس في ناس بتفضل ساخطة وناقمة مهما ربنا اعطاها من نعمه وبيطلبوا اكتر بس مع عدم رضا وقناعة باللي في ايدهم حاليا
وفي ناس تانية بتحمد ربنا وتشكر فضله وتبوس ايدها وش وضهر على اللي ربنا قسمه ليها وبتدعي ربنا بالرزق اللي لو زاد يبقى فضل ونعمة ولو ماجاش تبقى نعمة من ربنا.
يبقى السعادة مش في الفلوس.....يمكن في الصحة؟
برضة لا.....السعادة مش في الصحة..بدليل ان ياما ناس اصحاء وفي اتم صحة وعافية وتلاقيهم بيقولوا هعمل ايه بالصحة من غير فلوس...انا عايز فلوس...انا صحتي في الفلوس...يارب خد مني الصحة وخليني اغنى راجل في العالم
وناس تانية مرضى وبعضهم مريض بأمراض مزمنة وعضال وتلاقيهم راضيين وقانعين باللي كتبه ربنا لهم....طبعا بيدعوا ربنا انه يمن عليهم بنعمة الشفاء ولكن فرضا لم ينعم الله عليهم بالنعمة دي.....هيكفروا؟ هييأسوا من رحمة ربهم؟
بالطبع لا.....وبالتالي السعادة مش في الصحة ولا كمان في المال....وبالقياس بقى على كل النعم اللي ربنا بينعم بيها علينا...بتلاقي ناس سعيدة وتلاقي ناس حزينة وممكن السعداء دول تلاقيهم محرومين من متع كتيرة من متع الحياة وممكن كمان تلاقي التعساء دول بيمتلكوا نعم لا حصر لها بس ماامتلكوش اهم فضيلة بينعم بيها ربنا سبحانه وتعالى على عباده
الرضا والقناعة

35 comments:

  1. ايوا .. الله ينور عليك .. الرضا ثم الرضا .. لو الناس سعوا للرضا زي ما بيسعوا ورا المادة حيكونوا اسعد حالا من اللي عنده كنوز الدنيا ..

    بس إيه حكاية عبادة الرضا والقناعة .. تعبير جميل .. هل ممكن اعتبار الرضا فعلا عبادة .؟؟

    كل عام وانتم بخير وعود أحمد

    ReplyDelete
  2. السعادة فى رضا الله
    وحب اهلك واصحابك حب فى الله بعيد عن اى مصلحة
    تحياتى على البوست الرائع

    ReplyDelete
  3. أخيرا قررت العودة للتدوين
    حمدالله على السلامة يا سيدى
    وكل سنة وانت طيب ومتمتع بنعمة الرضا وممارسة فعل السعادة الغائبة للأسف عن هذا المجتمع الغريب
    تحياتى

    ReplyDelete
  4. فعلا فيه ناس كتير مهما حصل لهم ما بيحسوش بالرضا ابدا
    وبيفتكروا أن ده طموح بأنهم يبقوا أحسن
    مع أن مفيش تعارض بين الطموح والرضا
    يعنى أنا أكون راضى وعندى قناعة باللى أنا فيه مهما كان وفى نفس الوقت يكون عندى طموح أنى أكون أحسن بس ما أسيبش طموحى يقتل الرضا والقناعة جوايا
    وكمان ما أخليش عدم وصولى لهدفى أو الحاجة اللى أنا بتمناها يقتل أحساسى بالرضا

    ومن ناحية تعريف السعادة أعتقد أن تعريفها نسبى يختلف من واحد للتانى بس لو فعلا الواحد عنده قناعة ورضا أكيد هيكون سعيد مهما كان حالة

    تحياتى لك وكل سنه وانت طيب

    ReplyDelete
  5. حلو موضوع البوست بتاعك مع انه متناقش قبل كده كتير بس انت جايبه بطريقة مختلفة شوية

    أما بقى عن رأيي فأنا مش عاوز أكون تقليدي واقول لك ان السعادة في راحة البال وراحة الضمير والكلام ده كله .. طبعا ده صح .. لكن راحة البال لوحدها مش كفاية .. يعني مثلا عندك واحد مرتاح البال بس مش لاقي يفطر أكيد مش هايبقي فرحان على الأقل لحد ما يلاقي ياكل


    اللي عاوز اقوله ان الفلوس مهمه برضه بس هي مش هدف في حد ذاتها لكن ممكن تقول انها وسيله لتحقيق شيء آخر أيا كان الهدف من وراها .. أما لو واحد بيجمع الفلوس لمجرد جمع الفلوس فممكن اقول لك انه مش بس هايكون تعيس لكن ده يكون أتعس إنسان على وجه الأرض

    أما الصحة فممكن اقول انها نعمه من غيرها مافيش سعادة لكن برضه الصحة لوحدها مش هاتعمل سعادة .. يعني ممكن نقول ان الصحة هي أرضية سليمة لتحقيق السعادة

    يعني مثلا واحد صحته كويسه ربنا يزيد ويبارك لكن ايه السعادة في كده أكيد في حاجه تانيه هي اللي هاتخليه سعيد

    المهم خلاصة الكلام ان السعادة في رأيي تكمن في معرفة هدف الحياة والسعي وراء تحقيقه ومش لازم احققه .. يكفي اني بسعى عشان احققه في السعي ده انا هاكون سعيد

    يعني مثلا مش معقول هاكون بذاكر وانا مش عارف انا بذاكر ليه ؟؟

    لكن ممكن اذاكر وانا عارف اني بذاكر عشان انجح وبنجح عشان اتخرج بتقدير وبتخرج بتقدير من كلية حقوق مثلا علشان اكون اهم محامي في مصر وبكون أهم محامي في مصر علشان اقدر ابقي شخصية مهمه على مستوى العالم وببقي شخصيه مهمه على مستوى العالم عشان اخد جايزة نوبل مثلا وباخد جايزة نوبل عشان الناس تفضل فاكراني وادخل التاريخ ... وهكذا هي دايرة لا تنتهي

    والسعادة إذن في السعي وراء تحقيق أهداف حياتي اللي عمرها ما هاتخلص لانها لو خلصت هابقي انسان فاضي وهاقعد ومش هاتحرك ولو فضيت هاتمل والملل والفراغ أوسع أبواب الاكتئاب


    السعادة في السعي


    لكن برضه في الآخر ممكن اقول لك ان ده برضه مش رأي مسلم به .. يعني مافيش حد يقدر يفهم السعادة لكن كل واحد بيفسرها وفقا لوجهة نظره وطبيعة شخصيته

    ReplyDelete
  6. معاك حق والله
    وتسلم فعلا الرضا مفتاح السعادة

    كل سنة وانت طيب ياراجل يا طيب

    ReplyDelete
  7. كل سنه و أنت طيب وربنا يدينا نعمه الرضا

    ReplyDelete
  8. يا رب ارضى عنا
    تدوينة فعلا جميلة منك يا ابو سمرة

    ReplyDelete
  9. وحشتنا بالقوي يامعلم
    والله ياابو سمره مش هقدر اقول اكتر من اللي انت قلته
    فعلا الرضا هو سر السعادة في الدنيا والاخرة كمان
    لما تتنهد كده وتقول الحمد لله ملأ قلبك وقتها تبقى اخر سعاده

    والحمد لله على كل شىء
    محمد سمير

    ReplyDelete
  10. معروف ان البني ادم بطبيعته طماع
    دايما بيدور علي الزياده ولااحسن
    مش كل حد فعلا زي ماقولت عنده
    نعمه الرضا
    واللي هيا احسن من كل حاجه
    هيا اللي هاتهون علي الفقير عشته
    وهاتهون علي الغني اي مصيبه عنده
    ويلكم باك من زمااااان اوي

    ReplyDelete
  11. الرضا ثم الرضا ثم الرضا هو سر الحياه وسر السعادة
    ولو كل الناس ترضى بجد هيكونوا سعداء

    ReplyDelete
  12. بجد كلمه الرضا دي صعبه
    والاصعب منها هو انك ترضي ربنا سبحانه وتعالي وغير قلقك اذا كنت فعلا راضيه ولا لأ
    اما عن الرضي في الدنيا والحياه الانسان بطبعه طماااااع مهما كان معها قليل او كتير وزي ما الدنيا بتاخد بتدي والعكس
    احنا حتي في الاخر هنكون طماعين لو دخلنا الجنه ان شاء الله فا اذا هتطلب من انسان في طبعه الطمع انه يرضي بس ممكن انك تقول يكون في قناعه باللي موجود لكن رضا في ظروفنا دي يااحمد بقت صعبه جداااا

    ReplyDelete
  13. كل سنة وانت طيب


    الرضا نعمة يارب الناس تقدرها

    تحياتى

    ReplyDelete
  14. ma_3alina:
    هي فعلا كلمة السر
    الرضا بالمقسوم عبادة زي مابيقولوا
    بس على فكرة:
    الرضا لا تتعارض مع الطموح على الاطلاق
    تحياتي

    ReplyDelete
  15. desert cat:
    الف الف شكر...وياريت تنوري المدونة باستمرار

    ReplyDelete
  16. voice of love:
    انا ماانقطعتش عن التدوين انما هي مشاغل الحياة وكل مابلاقي الوقت المناسب باظهر الحمد لله
    الف شكر على المتابعة
    تحياتي

    ReplyDelete
  17. بقيت بتغيب فى تدويناتك لعل المانع خير
    بخصوص موضوع البوست ربنا قال : ان الانسان خلق هلوعا اذا مسه الشر جزوعا و اذا مسه الخير منوعا
    يعنى الاصل فى الانسان انه ناقم وغير راضى عشان كدة السعداء اللى عندهم نعمة الرضا قليلين جدا

    ReplyDelete
  18. السلام عليكم

    فعلا عندك حق اهم حاجة هى الرضا
    والموضوع متقسم على الجميع بالتساوي
    24 قيراط

    وكفاية ان الواحد يكون عنده راحة بال
    وباقي المشاكل حتتحل


    سلاماتي

    ReplyDelete
  19. There are three kinds of women:

    the pretty ones

    the ugly one

    ReplyDelete
  20. الف مليون حمدلله على السلامة فينك يا عم من زمان
    انت كتبت عن موضوع غاية فى الاهمية و هو الرضا
    الناس كلها لو حست بالرضا يا احمد هنعيش غاية فى السعادة
    تحياتى
    و على فكرة لك تاج عندى :((

    ReplyDelete
  21. bosbos:
    ازيك يا بسبس اخبارك ايه؟
    طبعا فرق كبير جدا زي مانتي قلتي بين الرضا والطموح
    الاتنين لا يتعارضوا مع بعض على الاطلاق
    تحياتي ليكي وكل سنة وانتي بخير

    ReplyDelete
  22. darsh:
    محدش قال يا درش ان الرضا بيتعارض مع الفلوس
    ممكن اكون غني جدا وعندي اموال الدنيا ومع ذللك طماع ومش راضي باللي معايا وباصص للي في جيب غيري
    ودول كتير قوي لى فكرة واسأل الجماعة بتوع الاحتكار
    انما ممكن جدا يكون مش معايا فلوس كتير ومع ذللك راضي باللي معايا وحامد ربنا عليه وبأسعى انه يرزقني اكتر واكتر
    تحياتي واحتراماتي
    نورت المدونة

    ReplyDelete
  23. الام وامال:
    الف الف شكر
    فعلا هو دة الكلام الخلاصة
    الرضا مفتاح السعادة
    تحياتي

    ReplyDelete
  24. micheal:
    وانت طيب يا صديقى العزيز
    ويارب يحقق كل احلامنا ان شاء الله
    تحياتي واحتراماتي

    ReplyDelete
  25. ياسر شمس الدين:
    الف الف شكر يا ياسر
    بس دي هتيجي ايه في موضوعاتك الجميلة والقيمة
    تحياتي واحتراماتي

    ReplyDelete
  26. غمض عينك:
    ابو سمير الجامد
    الف شكر لك يا ريس
    وربنا يديمها عليك نعمة الرضا يارب
    تحياتي

    ReplyDelete
  27. may:
    الف شكر يا مي على الكومنت دة
    فعلا والله فكري كدة لو الناس فعلا راضية وسعيدة في حياتها رغم الصعوبات ومشاكل الحياة الكتيرة
    تفتكري ان الحياة فعلا هتكون احسن؟!!!
    تحياتي واحتراماتي

    ReplyDelete
  28. نفسنا:
    فعلا نفسنا الناس فعلا تكون راضية وغير ناقمة
    بس مش رضا لدرجة البلادة
    رضا مع محاولة الوصول للاحسن والافضل
    تحياتي واحتراماتي

    ReplyDelete
  29. merooo:
    علا يا ميرو اهم حاجة في الدنيا هو رضا الله سبحانه وتعالى
    وبعده رضا الوالدين
    وبعدين بييجي بعد كدة رضا النفس اللي لو تحقق للبني ادم هتلاقي الحياة فعلا اجمل
    تحياتي

    ReplyDelete
  30. tamer nabil:
    وانت طيب يا تامر
    الله يرضى عليك
    تحياتي

    ReplyDelete
  31. جيداء:
    الحمد لله يا جيداء
    كل ما هنالك ان الشغل بقى اصعب بس شوية وكمان رمضان ولخبطة المواعيد اللي فيه
    بس بحاول مااقطعش التدوين ان شاء الله واكون على تواصل معاكم باذن الرحمن
    تحياتي

    ReplyDelete
  32. mesh2adra:
    شكرا على تعليقك القيم
    ربنا ينول لك نعمة الرضا دائما وابدا ان شاء الله
    تحياتي واحتراماتي

    ReplyDelete
  33. lapa:
    welcome to my blog
    what a wisedom!!!!!!!

    ReplyDelete
  34. rania:
    ازيك اخبارك ايه
    معلش الشغل بقى وبلاويه
    بس انا راجع ان شاء الله
    بالنسبة للتاج
    علم وينفذ يافندم
    تحياتي واحتراماتي

    ReplyDelete
  35. 一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

    情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

    A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

    情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

    情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails