Saturday, 30 June 2007

اوعى تقف في البلكونة

بتاع 100 مرة نناشد الانجليز ونبوس ايديهم ورجليهم يعلوا سور بلكوناتهم شوية ........ودول ودن من طين وودن من عجين
ييجي 200 مرة نقول لهم...يا جماعة المصريين مابيرتحوش في بلكوناتكم...بيقعوا منها...ودول ابدا مصممين
قعدنا نناشد المصريين المنفيين في لندن اختياريا او اجباريا انهم مايطلعوش البلكونة في لندن في شهر يونيو من كل سنة خــــــــــــــــــــــالص
بس واضح ان فيه منهم ناس مابيسمعوش الكلام...مصممين انهم يطلعوا يقفوا في بلكونة بيتهم على الرغم ان سور البلكونة قصير وممكن ياخدهم ويقع....لا وكمان ايه دول واقفين في البلكونة في شهر يونيو كمان
مش عارفين ان كدة خطر؟
عموما يستاهلوا اللي جرى لهم
عجبت لك يا زمن

62 comments:

  1. تعرف المشكلة فى أيه المشكلة أننا المصريين مابنريحش نفسنا قال لازم يعنى نخرج نتهوى فى البلكونة ونقعد نتكلم فى التليفون وممكن ناكل ونشرب كمان مش عارفين أن بلكونات لندن قايلة للسقوط وكمان أنها مش ماشية مع قانون الجاذبية يعنى بتلاقى نفسك عكس الأتجاه وفى الأخر تلاقى نفسك فى الأرض
    أحنا اللى غلطانين طبعا لندن مالهاش سبب فى حاجة أحنا اللى متسرعين ونسند على سور البكونة ونبص على الشارع بنبص على ايه مفيش حاجة ودى أخرة البص
    تحياتى لك

    ReplyDelete
  2. والله بقي لغز محير كل واحد وياتر مين صاحب النصيب بعد سعاد حسني و اشرف مروان

    ReplyDelete
  3. هما اللى يستاهلوا
    ليه يطلعوا البلكونات

    ReplyDelete
  4. غمزة حلوة يا احمد باشا

    الله يرحم الجميع وربنا يستر علينا وعلى ناسنا المقيمين ف الدول الاجنبية

    بس على فكرة محدش عارف حقيقة القصة بالظبط

    ReplyDelete
  5. على فكرة....قبنوري هو اللي مخطط لدة كله عشان يجبر المصريين على تقفيل بلكوناتهم

    بدون فوائد واول قسط بعد 6 شهور

    ReplyDelete
  6. سر البلكونة
    هل البلكونة هي القصيرة...ولا إحنا اللي طوال
    جاري القبض عالبلكونة...
    ...
    تحياتي

    ReplyDelete
  7. مش عارف غير حاجة واحدة
    فيه ناس بتشغلنا يا جدعــــــــــــا
    حتى الأجانب بيشتغلونا
    مش كفاية الى هنا
    حسبى الله ونعم الوكيل

    انت على فكرة بقيت معلم كبير يا سمسم
    وبعتلك ميل منتظر الرد، ولا آده على الماسنجر ولا مكالمة لاخوك

    أوك منظر بجد

    تحياتى ليك لعلك تكون بخير

    ReplyDelete
  8. البلكونة
    امممممممممممممم
    دى خــــــدعة جــديدة
    الظاهر اللى شغالين فى البلكونات ناس ضميرهم ميت طب مش يغيروا الطريقة بتاعهم احسن كده شكلهم بقيت بايخ وعلى العموم هتكون التلاتة تابتة
    وربنا يستر مين القادم
    ؟؟؟؟؟؟؟؟؟؟

    ReplyDelete
  9. طريقة متكررة بكل مافيها من غل وقسوة
    حسبى الله ونعم الوكيل

    مش عارفة مين الظالم ومين المظلوم ولا عارفة حاجة اصلا

    بس ربنا يرحمنا ويرحم الجميع والحق عنده هو ... سبحان الله

    تحياتى

    ReplyDelete
  10. مش عارف ليه يا أحمد بقيت حاسس أن موضوع بلكونات لندن بقي عامل زي موضوع المختلين عقليا
    تحياتي لك

    ReplyDelete
  11. تفتكر هما بالهبل ده ؟؟و لا هما عايزين يقولولنا حاجة؟؟!!!
    عايزين يحذروا أي واحد من الناس اللى عارفة كتير عن زمان و يقولوله : اوعى تفكر تكتب مذكراتك ...عايز تعيش ؟؟ يبقى تسكت خالص و إلا مالكش غير بلكونة من بتوع لندن

    و هما يعني خلاص حبكت معاهم اوي يكتبوا مذكراتهم في لندن ...يعني هي الذاكرة ما بتجيش غير هناك ؟؟؟ مالها بلكونات مصر يعني ؟؟
    ياللا ما تجوزش عليهم غير الرحمة
    الله يرحمهم ...و يرحمنا احنا كمان ....آمين

    ReplyDelete
  12. هههههههه
    المشكلة فعلا فى البلكونات
    عندها قرون استشعار للمصريين المحترمين فى الخارج

    ادعوك لزيارة مدونتى البسيطو
    مع خالص تحياتى

    ReplyDelete
  13. BOSBOS:
    اصل احنا كمصريين متعودين ع المصاطب وقعدة الطراوة
    وعلشان كدة غاويين بلكونات
    بس سيبك انتي
    البص من البلكونة متعة
    تحياتي

    ReplyDelete
  14. عمرو غريب:
    صاحب النصيب يا عمور هو اي حد هيفكر يكتب مذكراته
    تحياتي واحتراماتي

    ReplyDelete
  15. momen mohamed:
    معاك حق يا مؤمن
    مابيسمعوش كلام الكبار اللي عارفين مصلحتهم اكتر منهم
    نورت المدونة
    تحياتي ليك

    ReplyDelete
  16. kasperb4:
    هم يا عم كاسبر اللي لعبوا مع الاسد
    وطالما لعبوا مع الاسد يبقوا يستاهلوا اللي يجرى لهم
    الله يرحم الجميع
    تحياتي لك

    ReplyDelete
  17. marvel:
    تصدق وجهة نظر برضة......!
    ازاي الجماعة بتوع اسكوتلانديارد مخدوش بالهم من الموضوع دة؟
    يخرب عقلك يا مجرم
    تحياتي ليك

    ReplyDelete
  18. sabsoob:
    احنا اللي مابنعرفش نقف في البلكونة
    تحياتي واحتراماتي

    ReplyDelete
  19. انتوا ليه شايفين الحكاية محيرة؟
    ياجماعة الموضوع عادي و فيه مصادفات كتير بتحصل في بلدنا بالطريقة دي
    زي السندريلا و انفلونزا الطيور و غيره، وكلها مصادفات بس انتو اللي معرضينها

    وبعدين كشكشوها لحسن هاتلاقوا الصدف نازلة ترف علينا

    ReplyDelete
  20. bgad nice topic awy enta 3arf ya3ny eih ham yed7ak hwa da
    wi bgad kman el song gamda awy plz law yenfa3 teb3tly el link bet3ha hena
    wi thx 4 u
    salaaaaaaaaaaaaamz

    ReplyDelete
  21. ظهر بالأسواق حديثا كتاب

    عزيزي المصري بالخارج تعلم الطيران بدون معلم

    لازم تشتروه

    ReplyDelete
  22. ظلمتوا لندن وظلمتوا البلكونات
    هيا فعلا الناس في مصر طوال
    مش بيقدروا يتاقلموا مع بلكونات بره
    يلا ربنا يرحمهم بقي

    ReplyDelete
  23. انا رأيى بقى ان السفارة تمنع المصريين من انهم يسكنوا فى شق فيها بلكونات و تحكم بالمؤبد على اللى هيفكر يكتب مذكراته ، او نمنع المصريين من السفر و نخلص

    ReplyDelete
  24. هههههههههه

    الى السادة قاطنى لندن من المصريين

    لا تخرجو البلكونة
    البلكونة بها سم قاتل

    حولللللل

    ههههههههههههههه

    ReplyDelete
  25. ربنا يستر على الباقى
    على الله يتعظوا و ربنا كبير اللى ربنا قاسملو يموت رميا من البلكونة حيموت كده..

    ReplyDelete
  26. اضحكتني للغاية

    بالفعل اصبحت تلك ظاهرة

    تستحق السخرية

    :)

    ReplyDelete
  27. أيه يا أحمد فينك الغيبة طولت قوى
    خير فيه أيه

    ReplyDelete
  28. على فكرة هو ناويين يفتحوا مقر سكوتلانديارد الجديد تحت الأرض على اساس انهم يوفروا فلوس نقل الجثث للمشرحة و يخلصوا التحقيقات بدري بدري

    ---------------------

    افتكرت النكتة بتاعت نردم الحفرة و نحفرها جنب المستشفي

    رحم الله الجميع

    ReplyDelete
  29. اوعي تكون نسيت الليثيناصف قائد الحرس الجمهوري ايام السادات
    هو ايضا سقط من بلكونه انجليزي

    ReplyDelete
  30. العيب في البلكونه
    ولا العيب فينا لما مابنجلهمش حقهم لما بيقعو

    تعرف غريبه كل الي بيقعو بيطلعو في عز الثلج
    تفتكر هما طلعين يتفرجو على التلج

    ولا حد بيخدهم يفرجهم بالعافيه

    احيك على الاسقاط

    ReplyDelete
  31. السلام عليكم
    لعل المانع خير يا دكتور
    ولا حضرتك روحت تشوف الحقائق والادلة علشانة تعرف حكاية االبلكونات

    ReplyDelete
  32. شفت يا أحمد مش أنا لوحدى اللى ملاحظة غيابك
    الناس كلها لاحظت

    ReplyDelete
  33. تلاقى أحمد لدوقتى بيصيف
    وبيتبسط
    وبيبلبط
    وبيتمنجه
    عيش يا عم عيش
    هههههههههه
    ايه الحقد الطبقى ده
    صح أنا بقولك كده ايه الغلاسة ده

    تروح وترجع بالسلامة

    ReplyDelete
  34. انت فين يا زميل ؟؟
    قلقتنا عليك يا راجل
    لعل المانع خير ان شاء الله

    ReplyDelete
  35. شعوب هذا العالم دائما تشعر انها تعيش في بلاد العجائب

    ReplyDelete
  36. ايه انت طلعت فى البلكونة ولا ايه؟

    ReplyDelete
  37. ألوووووووووووو

    ReplyDelete
  38. علي راي اشرف السعد بيتكلم من لندن بيقول انا قاعد في الارضي في البيزمينت !!

    تحياتي

    ReplyDelete
  39. اه والله يا اخى البلكونات فى لندن خطر جدااا

    ReplyDelete
  40. ايه يابني انت عملت البوست
    واختفيت فيييييييييين
    بقالك فتره مش موجود ومفيش جديد
    خير ياتري

    ReplyDelete
  41. أنزل بقى من البلكونة وأظهر كفاية كده
    فيه أيه

    ReplyDelete
  42. هاقولكم ايه الى حصل
    احمد باشا سمير
    عملت بوستين عن الستات
    اعتقد انهم قاموا بمحاولة اغتيال آثمة
    هههههههههههه
    لا بجد غيبتك طولت
    وان شاء الله تكون بخير

    ReplyDelete
  43. ندعوكم لزيارة العدد الثالث لمجلة نفسنا

    ReplyDelete
  44. أنا رجعت تانى
    وقلت اعدى اشوف ايه الأخبار
    لقيتك اخر بوست عندك من 20 يوم
    ده مش طبيعى خالص
    فينك ؟؟؟؟
    يارب يكون المانع خير
    ابقى طمنى عليك
    تحياتى

    ReplyDelete
  45. ياااااااااااااااااه
    اهى دى الناس اللى بتفكر
    وانا اقول هو ليه الصدف دى
    اتاريهم هم اللى مبيسمعوش الكلاااااااااااااام

    عندك حق :)))))

    ReplyDelete
  46. احمد باشا

    فينك يا حبي بآلك فترة مش باين
    إن شاء الله تكون بخير

    طمننا عليك الله يكرمك

    :)

    ReplyDelete
  47. اعتذر عن التحليق خارج السرب

    لكنني أريد رأيكم للأهمية في آخر موضوع لي

    بعنوان

    شكــر وإعتــذار

    تحياتي

    ReplyDelete
  48. قعلا انا كنت حاسس من الاول انها مشكلة بلكونات وياما قلت كده بس محدش صدقني
    .........
    كويس انك متفق معايا في الموضوع ده

    ReplyDelete
  49. لا كده بقى كتير قوى
    أيه يا عم فينك كده الغيبة طولت قوى ما هو لا يمكن يكون كل ده مصيف ولا أى سفر لأى مكان تانى لانه مش معقول هتسافر فجأة من غير حتى ما تسيب فكرة للناس هنا
    ياريت تطمنا بجد

    ReplyDelete
  50. السلام عليكم
    ايه يا دكتور كل ده غيبة لعل حضرتك بخير

    ReplyDelete
  51. السلام عليكم

    ايه يا سمير ايه الغيبة دى

    ان شاء الله يكون خير .

    تحياتى ليك

    ReplyDelete
  52. برضة المصريين ما بيحرموش و يروحوا يسكنوا في البلكونات الواطية

    ReplyDelete
  53. qualcuno parla italiano?
    saluti :)

    ReplyDelete
  54. اولا انا سعيده ان مافيش حاجه فاتتني من عندك بس انت اعقدت شهر ماتكتبش حاجه ياخبر ليه كده ايه اللي حصل للسخريتك حسدتها ولاايه ماعلينا
    الموضوع بجد مالوش تعليق
    لان مافيش اي تعليق لا علي لندن ولا علي المصرين اللي تبع مصر ان الامبالاه بقت هي اللي بنستخدمها دلوقتي في حياتنا

    ReplyDelete
  55. يا جماعة لو حد يعرف رقم تليفون أحمد ياريت يكلمه ويطمن عليه ويعرفنا أصل الغيبة طولت قوى وده مش طبيعى وأعتقد انه المفروض أننا زى ما بنشارك بعض فى المواضيع وبنعلق وبنكون كويسين مع بعض لازم لما حد يغيب نسأل عليه

    ReplyDelete
  56. و الله حلو قوى
    انا بحب الاسلوب ده جدا

    ReplyDelete
  57. والله الموضوع محير فعلا
    اشمعنى المصرين
    واشمعنى لندن
    واشمعنى البلكونات
    ممكن يكون كل دا صدفه صح؟
    ممكن؟

    ReplyDelete
  58. انا برضو من راى
    bos bos

    ReplyDelete
  59. kol dy 3`eba

    rabbena yostor begad

    ReplyDelete
  60. الا صحيح اشمعنى شهر يونيو

    نفسى اعرف السر يمكن عشان الدنيا بتبقى صيف وحر فبيطلعوا يتهووا فى البلكونة
    :-D

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails