Monday, 28 May 2007

مصرية لكل خليجي


مبروك لمصر
مبروك لحكومة مصر
مبروك لرجال مصر
لنساء مصر ولأطفال مصر كمان
الحكومة المصرية قررت تصدير 120 الف خادمة مصرية للسعودية
مبروك يا جماعة
هنصدر بناتنا
وهياكلوا بقلاوة وهيكسبوا وهتبقى العيشة فل الفل وعال العال
لا وكمان ايه
احنا بنقدم خدمة سوبر للأخوة العرب....بنقول لهم والله مانتوا تاعبين نفسكم
تيجوا مصر ليه وتتعبوا نفسكم ليه وتصرفوا فلوس وبتاع
احنا هنبعت لكم بناتنا لحد عندكم
بس ابقوا خدوا بالكم منهن
بس في مشكلة
العلاقات بيننا وبين الفلبين وسريلانكا هتتأثر جامد بعد ما هيبقى في صراع الخدامات بيننا وبينهم
على فكرة
الكلام اللي فات طبعا هزل وتريقة
انما الجد بقى
لما أم تبيع واحد من عيالها يبقى اسمها ايه؟
مابالك بقى
لما بلد تبيع 120 الف بنت من بناتها......يبقى دة اسمه ايه؟
يااااااااااااااا خساااااااااااااااااااااااااااارة ع النخوة
تغور لقمة العيش اذا كانت هتيجي بالطريقة دي



58 comments:

  1. يااااااااااااااا خساااااااااااااااااااااااااااارة ع النخوة
    تغور لقمة العيش اذا كانت هتيجي بالطريقة دي

    نخوه ايه بس اللي بتتكلم عنها
    هيا لسه موجوده ولاايه في بلدنا
    ياعزيزي مش كل الناس بتفكر بنفس التفكير ده كل واحد بيدور علي لقمه عيشه لو هاتيجي باي طريقه مش فارقه معاه بقي نخوه ولاغير نخوه
    اديني فلوس واكلني احترمك
    وبعدين كويس والله اهي عملت حاجه
    تخف بيها نسبه البنات في مصر
    وبالبتالي العنوسه هاتقل
    ولاقتصاد هايزيد
    وكل حاجه هاتتعدل
    وابتسم انت في مصر

    ReplyDelete
  2. انت تعرف بقلب فى جريدة الوسيط لقيت
    مطلوب عاملة نظافة لأسرة خليجية براتب 2400 جنيه فى القاهرة
    عاملة لأسرة سعودية بين القاهرة وشرم 1800 جنيه
    عاملة نظافةمؤهل متوسط أو فوق متوسط لرعاية الابناء 2000 جنيه والاجازة أربع أيام خلال أربع شهور !!!
    أنا رحت متنح لأبويا وامى وقلتلهم انا عاوز اجوز شغالة
    ما انا لاما اشتغل عامل نظافة لجوز عاملة نظافة
    فعلا والله البوست ده لايق على البوست بتاعى
    لو عزت تاخده ابقى خده عادى
    ولو عاوزنى أحطه عاندك يبقى ليه الشرف ان الناس تقراه من خلال مدونتك المقروؤة
    وبجد عاوز أقابلك على الماسنجر لو ماعندكش مانع
    ejymejy@yahoo.com
    hapasat@hotmail.com
    علشان مايباش ليك حجة
    سلام يا جميل وانا سعيد انى تانى تعليق
    وان شاء الله المرة الجاية هاكون نامبر وان

    ReplyDelete
  3. منهم لله و الله ما حد بيشوف الويل و يسمع الكلام الي يسم البدن زي الي عايش في الغربه الي في البلد مش حاسين باليتقال بره و يحرق دم و اعصاب كل مصري ..هان عليهم لحمهم فاضل ايه تاني

    ReplyDelete
  4. الظاهر انت و صاحب البوابة جالكم توارد افكار..هو كمان كاتب في نفس الموضوع و محروق دمه جدا ربنا يستر عليه..
    اما سؤالك:لما البلد تبيع 120 الف بنت من بناتها يبقى ده اسمه ايه؟ملقتش اجابة غير بتاعت عصام كاريكا"شنكوتي"!؟

    احنا للاسف بقينا نثبت للناس ان معدش عندنا حضارة"مع انه فيه"..ولا عندنا فلوس في بلدنا"مع انه في"..ولا عندنا رجالة في بلدنا"مع انه في"...ربنا يستر على ولايانا

    ReplyDelete
  5. يللا ياعم خلي الزحمة تخف شوية..واهي البنات تعملها قرشين كويسسين ويغرقوا بيهم في العبارة وهما راجعين
    والصفقة اللي بعدها هتبقى امتر...ماهو المصري مصري بقه وانا وانت فاهمين
    والله خسارة وحرام اللي بيحصل ده
    منهم لله كل يوم في النازل
    تحياتي ليك

    ReplyDelete
  6. عارف يااحمد انا اول ما قريت الخير ده فى دستور الجمعة
    كنت بشد فى شعرى
    مصر ؟؟؟؟؟؟؟؟؟؟
    اللى بنقول اننا سياد الكون نبقى زى الفلبين والهند وباكستان؟؟؟؟
    شهرتنا فى الخليج زى شهرتهم؟؟؟
    طب اشتهرنا بالعمالة والصنايعية وقلنا وماله؟؟
    ايام عبد الناصر كان عندنا خبرة ايام بنا السد
    فيها ايه نصدر عمال ماهرين؟؟
    لكن دلوقتى؟؟؟
    نصدر خدامات؟؟؟؟؟؟؟؟؟؟؟
    وياريت حترسى عالخدمة بس على رأى ماما
    دى حتبقى دعارة مصر فرع الخليج
    وقال ايه
    اسمه اتفاق عائشة
    ههههههههههههههههههه
    كمان 10 سنين حيدخلوه كتب التاريخ زى اتفاق الطايف كده؟؟
    ويدرسو فيه فضل مصر على الخليج فى الترفيه والنضافة
    نضفانهم وبسطانهم
    وزودنا استهلاك الفياجرا
    وشركة فايرز حتبعت لمصر جواب شكر
    وشركة ديوركس كمان
    حتفرح بينا اوى
    وتوزيعها حيهيص فى الخليج

    كحك عليكى يادى البلد

    انا هـــــــــادية
    ومش متعصبة
    خااااااالص
    ماشى؟

    بص سيبك انت
    انت عامل؟؟؟

    ReplyDelete
  7. ايه الخبر ده أنا أول مرة أسمع عنه !!!!!
    ده لو بجد ده يبقى خلاص ...
    هي البلد دي جرى فيها ايه؟؟؟؟؟
    ربنا يستر عليكي يا مصر
    هو الواحد ناقص حرقة دم على الصبح؟

    ReplyDelete
  8. والله تغور
    حسبنا الله ونعم الوكيل

    ReplyDelete
  9. ولا هتتأثر ولا حاجه بكره يرجعولنا متسرقين

    ReplyDelete
  10. لا حول ولا قوة الا بالله انا سمعت كتير عن الحكاية دى بس مش عارفة اقول ايه بس انا عايزة اعرف هما حيبقى معاهم محرم ؟؟ وعجبى

    ReplyDelete
  11. حسبى الله وعم الوكيل

    ReplyDelete
  12. والله مش عارفه اقول ايه لانى بصراحة تعبت اووووى من الكلام
    حســـبنا الله ونعم الوكيـــل

    ReplyDelete
  13. وبيطلبو بحريه المراءة احنا كمان عيزين حقنا نسافر ونشتغل خدام هناك
    اين حقوق الرجل

    لا بجد الواحد صعبان عليه نفسه والله كده حرام والله

    ReplyDelete
  14. may:
    والله يا مي رغم كل شيء النخوة لسة موجودة
    وولاد البلد الغيورين على بلادهم وعلى بناتهم كتير جدا بس للاسف من الغالبية الصامتة
    المصيبة انها مش هترسي على الاكل بس لو كدة تبقى هانت....انما انتي مش عارفة الخلايجة وبلاويهم
    ربنا يستر
    تحياتي ليكي

    ReplyDelete
  15. hapasa:
    الف شكر ليك ياباشا على كلامك الجميل دة في حق مدونتي المتواضعة
    بالنسبة للموضوع بتاعك
    دة شرف ليا طبعا...اعتقد انت قصدك على الموضوع بتاع المصري تمنه كام؟
    بالنسبة للماسنجر دة شرف ليا ولو ان مش بستعمل الهوت ميل او الياهو كتير ومركز اكتر على الجوجل
    بس يسعدني اضافتك طبعا
    pharmacist_ahmed@hotmail.com
    ahmed.egyptian.samir@gmail.com
    تحياتي ليك

    ReplyDelete
  16. انتظار مؤقت:
    يا سيدي الفاضل الناس اللي فوق دول مابيشوفوش من الخلايجة غير الوش الحلو
    والكلام كله بيبقى فخامتك ومعاليك وعمق العلاقات الازلية بين الشعبين الشقيقين
    انما اللي عايز يعرف الوش الحقيقي لسكان الخليج يعيش معاهم ويسكن عندهم
    ربنا يستر على بناتنا...
    تحياتي ليك نورت المدونة

    ReplyDelete
  17. مش عارفه اقول ايه بجد
    بس سيبك من اللي مصر عملته واللي اهليهم وافقوا عليه
    لو بصينا علي ظروفنهم 120 الف دوال مش هتلقي اللي سافرت هي اللي محتاجه اكتر من البؤات اللي مفتوحه وراها
    ملعون ابو لقمه العيش اللي تيجي بالطريقه دي
    طب اديهم طريقه تانيه ياكلوا نفسهم واهلهم يااحمد صدقني اكيد كل ده غصبن عنهم وماحدش بيختار انه يتغرب عن بلده واهله بسهوله صدقني
    وربنا يسامحهم اللي ماسكينا وربنا معاهم يااااااارب

    ReplyDelete
  18. والله حزنت للغاية الي هذة الدرجة وصل حال البلد احيك علي هذا البوست الرائع هو البوست محزن بس رائع علشان انت عرفتنا خبر زي دة

    ReplyDelete
  19. نقطة مية:
    هي مش توارد خواطر بقدر ما هي احزان مشتركة وهموم وطن
    بيتهيا لي ان شنكوتي دي كلمة مهذبة على الوصف الصحيح للعملية دي
    الرجالة موجودة في بلدنا يا نقطة مية بس للاسف مش في الصورة
    مش باينين
    تحياتي ليكي
    نورتي المدونة

    ReplyDelete
  20. mohamed samir:
    يابو حميد دي مابقتش كل يوم في النازل...دي بقت كل نص ساعة في النازل
    الواحد بقى بيصحى الصبح يقول يا ساتر استر يارب
    تحياتي ليك

    ReplyDelete
  21. البتاع:
    سلامة شعرك يافندم...الواحد لو قعد يشد في شعره من الاخبار اللي زي كدة هيقرع في ظرف اسبوع
    ياريتنا هنحصل الهند وباكستان على الاقل دول عندهم علماء وقنابل نووية واسلحة متطورة
    احنا حضرتك هننافس سريلانكا والفلبين ونيبال...دة التصنيف بتاعنا هناك
    وبعدين خدامات ايه بس؟
    انتي فاهمة اكيد البنات دول هيتعمل فيهم ايه هناك....انا عارفهم كويس شبابهم مايتوصاش الحقيقة
    تقريبا علاقتهم بالاخلاق زي علاقتي بالهندسة النووية كدة بالضبط
    بس على فكرة هم مابيهتموش بالديوركس والحاجات دي..الحاجات دي مابتفرقش معاهم
    لا ماهوو باين انك مش متعصبة خاااااالص
    انا كويس انتي عاملة ايه؟
    تحياتي ليكي ومنوراني دايما دايما

    ReplyDelete
  22. الحلم العربي:
    معقووول؟
    الخبر دة قالب الدنيا
    بس ليا سؤال الحقيقة:
    ايه رأي الحلم العربي في الموضوع دة؟
    بمعنى هل من احلام القومية العربية ان المصرية تشتغل خدامة عند السعودي؟
    تحياتي ليك منورني

    ReplyDelete
  23. محمد مفيد:
    نورت مدونتي المتواضعة
    شكرا ع الكومنت
    تحياتي ليك
    mohamed a.ghaffar:
    ياريت ترسى على انهم يرجعوا متسرقين بس....دة لو رجعوا اصلا
    تحياتي واحتراماتي

    ReplyDelete
  24. وأنت مستغرب لية
    لما تشوف بلدنا كل الشباب اللى فيها عاطل يبقى ما ينفعش تستغرب
    لما تشوف مفيش تعليم علاج وظائف مرتبات طرق نظيفة أهتمام بالناس حريات
    لازم ما نستغربش
    مش عارفين بكرة بقى هايبعوا ايه

    ReplyDelete
  25. bocycat:
    يعني انتي عايزة 120 الف خدامة يطلع معاهم 120 الف محرم؟
    طب هي هتشتغل خدامة....محرمها بقى يشتغل ايه؟
    وبعدين ساعتها مش هيبقى ناس عايزين يشتغلوا...دة هيبقى احتلال
    تحياتي واحتراماتي
    elkamhawi:
    احلى كومنت
    اوجزت فأنجزت
    تحياتي ليك
    نورت المدونة

    ReplyDelete
  26. اماني:
    وياريت الكلام بيجيب فايدة مع الناس دي
    تحياتي ليكي
    ضد الظلم:
    للاسف الصنف دة مش عايزينه هناك
    هم عايزين مصريات...بس للاسف احنا مصريين...ماننفعش
    تحياتي ليك

    ReplyDelete
  27. كالعادة

    هوان ثم هوان

    وذل بعده ذل

    تحياتي يا صاحب القلم الحر

    ReplyDelete
  28. صباح الخير
    ازيك يا احمد؟
    الله يبارك فيك يا احمد
    مبروك علينا الى بيحصل
    خير بجد ,,,اييييييه احنا كنا فين يا اخى
    بكرة بقى هيصدروا الاطفال الصغيرة ما هما دول الى فضلين
    يبقى صدرنا الشباب علشان يروح يتذل
    و البناويت
    و الاطفال علشان يكونوا اسر بقى و منتعبش حد
    حسبى الله و نعم الوكيل
    الا قولى يا احمد يا خويا
    سؤال يعنى من اختك
    هو ايه الى فاضل فى مصر محصلش؟؟؟؟؟؟؟؟
    يا ترى فى حاجة لسه؟
    سؤال و يا ريت تلاقيله اجابه
    تحياتى

    ReplyDelete
  29. السلام عليكم ورحمة الله وبركاته

    طبعا الموضوع ده لو حصل تبقي كارئه
    ربنا يستر وتكون مجرد اشاعات

    لسه حالا في اعادة القاهره اليوم سامعه وزيره القوة العامله نفت الكلام وقالت انه مجرد اشاعه

    ربنا يستر

    ReplyDelete
  30. على قد مالموضوع مؤلم
    على قد مبرضه بقول لنفسي
    هم ال120 الف دول موافقين ورايحين بمزاجهم واللا غصب عنهم
    ؟
    طبعاً بيكون اشد الم بقا انك تلاقي الناس دي رايحة ومبسوطة
    مش كده واللا ايه

    وياخسارة على الكرامة

    ReplyDelete
  31. معلش ممكن يكون سؤال رخم وسط كل التعليقات دى
    بس هى ايه علاقه النخوه بالموضوع
    هى الخدمه حرام؟
    او هم البنات دول رايحين هناك غصب عنهم؟
    هو صحيح مش منظر ان مصر بلد عظيمه تكون الفكره السايده عنها اننا مش لاقيين ناكل بس برده ده مش معناه ان الخدمه عند حد غلط ولا حاجه
    ولا انا فاهمه غلط ولا ايه ؟
    شكرا

    ReplyDelete
  32. merooo
    طبعا عصب عنهم....محدش قال ان حد مش محتاج او حتى بيلاقي قوت يومه وممكن يوافق انه يسفر بنته تشتغل عند الخلايجة
    بس ان جيتي للحق بقى:
    في فعلا ناس ممكن يصونوا شرف بناتهم بعمرهم مش ب 1000 ريال
    تحياتي ليكي
    عمرو غريب:
    ولسة ياعمرو يا ما في جراب الحكومة المصرية
    وزي ما المثل بيقول
    اللي يعيش ياما يشوف
    تحياتي ليك ياعمرو
    خد الحتة الرخمة دي مني:
    الاهلي حديد

    ReplyDelete
  33. bos bos:
    كل الكلام دة والظروف السيئة دي ماتديش مبرر ابدا يا بس بس ان احنا نبيع شرف بناتنا بحفنة ريالات
    كل الناس عارفة كويس قوي اخلاق السعوديين اللي حاسيين انهم يقدروا يشتروا كل حاجة بفلوسهم
    معلش بقى يا بتروليين
    الا بناتنا
    تحياتي ليكي

    ReplyDelete
  34. صاحب البوابة:
    طب واخرة الذل والهوان دة ايه؟
    هو جين الذل والخنوع والاستسلام دة بيجري في دمنا كمصريين وبالتالي من المستحيل التخلص منه؟
    تحياتي ليك والف شكر على كلامك اللي بجد اخجل تواضعي
    تحياتي واحتراماتي

    ReplyDelete
  35. رانيا:
    سبعة الصبح يا رانيا؟
    هو في كدة؟
    لسة في ناس بتصحى سبعة الصبح وبتاع؟
    لا وانتي الصادقة بعد كدة هيصدروا المصريين قطع...يعني طحال مصري وكبدة مصري وقرنية مصري
    ومش واحنا اموات ...لا واحنا صاحيين
    بس احب اطمنك
    لــــــــــسه في حاجات كتير قوي ماحصلتش
    ياما في الجراب يا حاوي
    بس اكيد هتحصل
    تحياتي واحتراماتي
    وصباح الخير

    ReplyDelete
  36. خمسة فضفضة:
    فعلا انا اتفرجت ع القاهرة اليوم امبارح
    بس من الواضح ان الضغط الشعبي والبرلماني والاعلامي جاب نتيجة مع الوزيرة دي
    بس هو طبعا الموضوع اساسا ماكنش اشاعة ولا حاجة على اساس ان دة عقد اتوقع وكان في اعضاء من مجلس الشعب معاهم صور من العقد دة
    انما هي واضح انها قالت كدة بس لحفظ ماء وجهها
    تحياتي ليكي

    ReplyDelete
  37. زحل الفلكي:
    دي خطوة عزيزة تشريفك لمدونتي
    شكرا جزيلا
    الناس دي حاجة من اتنين
    يا اما عارفين اللي هيحصل لهم هناك وموافقين تماما على اساس انه مش هيكون اسوأ من اللي بيحصل لهم هنا
    يا اما انهم مضحوك عليهم ومفهمينهم ان في سفارة هتاخد لهم حقهم هناك وفي ناس هترعى مصالحهم ودة طبعا درب من الخيال
    تحياتي ليك

    ReplyDelete
  38. truth guard:
    الخدمة في البيوت طبعا مش حرام...بس لما تبقى عند ناس محترمة بيرعوا ربنا في البني ادم اللي بيشتغل عندهم
    بيعاملوه بانسانية وكرامة وبيدولوه عرقه كامل وغير منقوص
    الشروط دي مش متوافرة في 75%من الشعب السعودي
    من الواضح انك ماتعاملتيش معاهم او ماروحتيش السعودية قبل كدة
    الناس دي اتعودت انها ممكن تشتري اي حاجة بفلوسها وفي احيان كتير بتسرق اي حاجة وببلاش كمان
    ناهيكي طبعا عن نظرتهم لمصر ولبنات مصر
    وبالتالي البنات دي فعلا في خطر حقيقي
    ممكن تقولي طب ماهنا ممكن يحصل كدة
    اقوللك هنا في بلدها وسط اهلها وسط صحافة ممكن تاخد لها حقها وسط شرطة احيانا ممكن تنصفها
    وسط قضاء لو الامر وصل ليه مش هيسكت ع الظلم
    انما هناك
    انســـــــــــــــــــي
    مفيش حاجة من دي
    كمان المعاية وقلة الادب اللي هتمس كل المصريين هناك واه لوتعرفي جحيم الغربة مش ناقصة كمان حاجة من دي
    طبعا سؤالك مش رخم خالص
    من حق اي حد هنا انه يسأل اي سؤال يخطر على باله
    تحياتي ليكي
    نورتني المدونة ويسعدني اشوف تعليقاتك باستمرار

    ReplyDelete
  39. يا عم سمير يعني انا عاوز اعرف حاجة منك بجد يعني المدونة فيها بتاع ست بوستات ليس كلهم انتقاد للنادي الاهلي انت ماتجيش وتعلق علي الموضوع الي فية نقد علي الاهلي وارجو منك ان تدخل المدونة بتاعتي وتشوف ان رديت علي تعليقق عن مبارة القادسية قلت اية ياعم عاوزين نبقي حبايب ولا انت عاوز تتشاكل معايا وخلاص هههههههههههههههه

    ReplyDelete
  40. لا حول ولا قوة الا بالله

    هوا احنا وصلنا للدرجة دى

    انا معرفش ايه دى صحة الخبر دا بس انا مش عارف ازاى يعنى

    ReplyDelete
  41. يااااه...الخبر ده يوجع أوىىى...أنا أول مرة أقراه عندك

    ReplyDelete
  42. عمرو غريب:
    يا عم عمرو...الزملكاوية كلهم حبايبي بس بحب اناغشهم كدة بس
    وبعدين يا عم كفاية اللي انتم فيه....هنبقى احنا والومن عليكم
    ربنا يعينك على زملكاويتك
    تحياتي ليك

    ReplyDelete
  43. shab 3ady:
    الخبر دة يا باشا ظهر في جميع الصحف المستقلة والمعارضة يوم الجمعة
    واتعمل عليه ضجة كبيرة قوي من يوم الجمعة لحد النهاردة
    واتقدم عليه بتاع 5 استجوابات في وزيرة القوى العاملة في مجلس الشعب
    بس هي طلعت امبارح في القاهرة اليوم وتراجعت عن الاتفاق المشين دة
    وتقريبا دة نتيجة الضغوط الشعبية والبرلمانية
    تحياتي لك ونورت المدونة

    ReplyDelete
  44. اماني:
    معقول؟
    الخبر دة قالب الدنيا من يوم الجمعة اللي فات
    ومفيش سيرة في الجرايد او البرامج التليفزيونية غيره
    واضح انك كنتى مشغولة جدا
    تحياتي ليكي

    ReplyDelete
  45. بص يا أحمد
    عائشه عبد الهادي رجعت تكدب الخبر
    وسواء كان صحيح وبتسكت الناس أو مش صحيح
    فهو نتيجه للسياسه الحكيمه اللي خليتنا في الرياده ... وأهو أدينا كمان عندنا رياده خداميه
    زي ريادتنا الإعلاميه مش مصر أم الدنيا
    وضع مؤسف ومحزن
    هنقول إيه

    سلاماااااااااااااااااااات

    ReplyDelete
  46. تغور اللقمه و اللي هياكلها في ستين داهيه
    شرفنا و عرضنا اهم

    ReplyDelete
  47. reri:
    بس انا مطمئن ان لسه في شرفاء كتير وناس غيورة على البلد دي سواء في الصحافة او في البرلمان او في الاتحادات العمالية
    ومش هيسكتوا
    بالطبع الوضع مؤسف ومحزن جدا طبعا بس اكيد لسه الدنيا بخير
    تحياتي واحتراماتي

    ReplyDelete
  48. ذو النون المصري:
    شوية وهيصدروا الشعب كله يخدم في بيوت الخلايجة
    تحياتي واحتراماتي

    ReplyDelete
  49. انتم شعب يتكلم كثيرا وبلا طائل,رجاء لاتضعوا أغلاطكم على السعودي أو الخليجي,فهذه حجة الجبان.

    انا عن نفسي لن استخدم خادمة مصرية, مالحاجة لها أساسا؟هل ستكون افضل من
    غيرها؟اشك بذلك

    اما اعتقاداتكم الأخرى رجاء انسوها فأنتم لستم مركز
    الكون

    شكرا

    محمد السعودي

    ReplyDelete
  50. anonymousمحمد السعودي:
    اعتقد ان الشعب اللي بيتكلم كثيرا وبلا طائل هو اللي بيعالجكم وبيعلمكم القراءة والكتابة وبيعلمكم الدين كمان
    وانا اعتقد ان واحد من الشعب اللي بيتكلم كتير دة هو اللي علمك تقعد ع الكومبيوتر وتكتب بيه
    فيستحسن انك تحترم اساتذتك اللي علموك بدل ما تتهكم عليهم
    مش كدة ولا ايه؟
    على فكرة
    عندنا في مصر علشان احنا ناس محترمة بنقول كلمة نستخدم على الالات والجماد انما انتم بتستخدموا الكلمة دي للتعبير عن البشر
    طبعا بناتنا عمرهم ما هيروحوا عندكم علشان هيبذلوا مجهود كبير قوي في تنظيفكم
    على فكرة:
    البترول اللي عندكم دة مصيره هيخلص
    وساعتها...........
    ولا بلاش
    تحياتي ليك
    ابقى تعالى كل يوم

    ReplyDelete
  51. الحمد لله أنى عشت فى عصر المصريين بالصداقة المصرية السعودية , بقينا خدامين , خدامين فى مصر لكلاب الامير , وخدامين برة للسيدة مرات الأمير
    وحسبى الله ونعم الوكيل

    ReplyDelete
  52. Hahahaha
    انتم فعلتم كل ذلك لي !! متى؟وأين؟ وانا لااعرف؟! Hahahaha

    اعتقد ان القصص التي كان يحكيها لك ابيك قبل النوم مشوقة فعلا,احب قصص الخيال العلمي
    احب ان اقول ان المصريون هم جزء بسيط جدا من الهيئة التدريسية لدينا ,وللعلم فقط فهم الجزء الغير مفضل في التدريس.

    نصيحة لاتبالغ بمدح نفسك_(احنا ناس محترمة,احنا علمناكم,اساتذتك)_ ودع الناس تتكلم عن افضالك لانها ان لم تكن في محلها فالنتيجة>>اعظم نكتة في التاريخ

    أجرة,أجير,يستأجر....خدمة,خادم,.يستخدم....اممم ياترى ماالعلاقة؟؟(عموما هي كلمة دارجة ان كنت ترى فيها انتقاص فهذه مشكلتك)

    عزيزي أنا احترم أي شخص بغض النظر عن جنسيته لو كان يستطيع الحكم على الأمور بنفسه لا على أحقاد توارثها جيل بعد جيل,احترمه لو كان لايتحدث عن بلد كامل وهو لايعرف أبعد من انفه ,احترم من لاينكر أي فضل أو أي علاقة بين بلدين فقط لمجرد كره أعمى.لا اقصد الاهانة لكن أعطني سبب لاحترمك يا أستاذ على الأقل خلقيا؟

    [على فكرة:البترول اللي عندكم دة مصيره هيخلص وساعتها...........] اووووه انا خائف, سؤال واحد …مادخل البترول في مانتحدث عنه؟بدأت اشك بدوافع غضبك
    عموما انت بالغت في ردة فعلك انا لا اهتم اين ستذهب او تعمل (بناتكم) كل ما اردته ان لاتضع أغلاطك على غيرك, لو غيرت تفكيرك قد تكسب التعاطف ممن تتهمهم بالماديين واللااخلاقيين...هل هذا صعب؟

    شكرا على كل حال
    محمد السعودي

    ReplyDelete
  53. خللى بالك السعودية مش طالبة من مصر غير خدامين ، مش محتاجين دكاترة ولامهندسين كومبيوتر ولاصيادلة ولامحاسبين ولااطباء اسنان ولامدرسين فى المدارس او الجامعات ، عاوزين من مصر فقط خدامة ، وبعد نجاح حكومة الحزب الوطنى فى تحويل الشعب المصرى الى خادمين وخادمات وبعد التعاقد علي تسفير مائة وعشرين ألف خادمة مصرية للسعودية ، سيوقع الجانب المصرى اتفاقية ملحقة بشأن اجراءات وتفاصيل تعذيب الخادمات المصريات فى البيوت والفيللات والقصور على يد نسوان السعودية ، كل مانطلبه هو مساواة الخادمة المصرية بنظيرتها الفليبينية ، اى حرقها بالنار فقط ، وتقييدها بالسلاسل واغتصابها او انتهاك عرضها ، ثم تجويعها ، واحتجاز جواز سفرها ثم فى النهاية طردها من البلاد ، السعوديون يأتون الى بلادنا فيضربوننا بالجزمة القديمة ، تذكرون طبعا أمير الظلام السعودى الذى يعيش على ارضنا ، محميا ومستقويا برجال السلطه فى مصر بينما كلابة القذرة تنهش الاطفال المصريين بلا حساب وبلا عقاب وبلا خجل ، يعيش امير الظلام السعودى فى حماية الشرطة المصرية ، وخادمو الامراء العرب ، فإذا كنا نخدمهم وتعضنا كلابهم ونحن فى بلادنا فما بالك حين تذهب الخادمات المصريات للعمل عندهم ، عند كلاب الست وكلاب الامير ، عند محدثى النعمه فى بلاد الحرمين ، ميزة الخادمة الفليبينة ان سفارتها فى السعودية تزعق وتصرخ وتتدخل فى حالات الاعتداء على الفلبينيات ، وتقوم السفارة احيانا بالتصدى للاجرام فى حق هؤلاء النسوة البائسات الفقيرات " المسلمات " ها .. خللى بالك " المسلمات " ، اللواتى يقعن تحت طائلة نسوان السعودية المبجلات ، بينما السفارة المصرية هناك ستعمل – كالعادة – ودنا من طين والاخرى من عجين ، وسوف سيذكر التاريخ ان المرأة المصرية العظيمة التى قادت كفاح النساء فى الشرق وعلمت نساءه القراءة والكتابة سوف تذهب للعمل خادمة لدى السعوديات الفاتنات ، لان حكومة الحزب الوطنى تحولت الى مكتب تخديم ، ولاننا فى عهد احمد نظيييييف تحولنا الى خادمين وخادمات ، وسوف تقوم وزيرة العمل بالاتفاق وديا مع نسوان السعودية على الطريقة المثلى لتعذيب الشغالات القادمات من مصر ، ودفع فواتير حرق اجسادهن بالنار طبقا لقيمة الجنية المصرى امام الريال السعودى ، كما ستنظم حكومة الحزب ايضا شروط الاعتداء الجنسى على الخادمات المصريات من قبل شباب العائلات المسلمة ها ، خللى بالك " المسلمة " فى المملكة السعودية حامية حمى الاسلام والمسلمين ، ونظرا للعلاقات المتميزة التى تجمع بين البلدين باعتبارهما شقيقين توأمين حبيبين كتكوتين عربيين ، سيجرى اقناع السعوديين بقبول تسفير مائة وعشرين ألف زبال مصرى لتنظيف السعودية من الوساخه ، كما سيحاول الحزب الوطنى جاهدا ارسال مائة وعشرين الف مرضعة لارضاع الموظفين السعوديين من لبن الام ، ومن المنتظر ايضا فى مطلع العام القادم ارسال مائة وعشرين الف ماسح احذية لتلميع الجزم فى السعودية ، رغم ان السعوديين يرتدون الشباشب على اللحم

    ReplyDelete
  54. حمادة زيدان:
    ولسة ياما هنشوف
    تحياتي واحتراماتي
    anonyomousمحمد السعودي:
    من الواضح ان اللي بين الشعبين المصري والسعودي كتير قوي
    بجد مش عارف مين السبب هل انتم ولا احنا
    بس الاكيد ان اللي في القلب في القلب حتى لو تظاهر المسئولين عن البلدين بالعكس
    تحياتي

    ReplyDelete
  55. truth guard:
    الحمد لله
    ياريت تكون الصورة وصلت ليكي صح
    تحياتي واحتراماتي
    anonymous:
    الف شكر لك على تشريفك لمدونتي ومشاركتك للحوار
    بس كنت هبقى سعيد جدا لو ذكرت ان دة جزء من مقالة الكاتب محمد حلمي هلال في عموده عالم قذر بجريدة الدستور
    تحياتي واحتراماتي

    ReplyDelete
  56. انا مش متفق معاك في نظرتك للموضوع بتاع الخادمات دول

    انا حكتب الرد عندي لو تسمحلي عشان في موضوع تاني برده برد عليه زي بتاعك .. ياريت تشرفني بالزياره

    ReplyDelete
  57. لا حول ولا قوة الا بالله ناقص لنا ايه تاني كرام مفيش نخوه مفيش في ايه طيب!!؟
    تحياتي

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails