Wednesday, 23 May 2007

هي دي الحياة

لوأن عُمر الإنسان انقسم لثلاث مراحل متساوية

و

لو افترضنا ان السعادة في الحياة لها 3 مقومات

المال

الصحة

الوقت

المرحلة الأولى من الحياة

(مرحلة الطفولة والشباب المبكر)

الإنسان يمتلك الوقت والصحة ولا يمتلك المال***************************************************************
المرحلة الثانية

(مرحلة الرجولة)

الإنسان يمتلك المال والصحة ولا يمتلك الوقت للإستمتاع بما كسبه

**************************************************************

في المرحلة الأخيرة من الحياة

(مرحلة الكهولة والشيخوخة)

الإنسان يمتلك المال والوقت ولا يمتلك الصحة لكي يستمتع بما اكتسبه من عمله طوال حياته
*********************************************************
محدش بياخد كل حاجة

و

سبحان الله

22 comments:

  1. وحياتك ياسمورة ال3 مراحل مافيهمش فلوس ولا صحة دلوقتى
    الحكومة مش عاوزة تفتنا
    سابتلنا الوقت بس
    وخدو فلوسنا فى الضرايب واللقمة
    وخدو صحتنا فى الاكل المسرطن والدقيق المتنيل
    والفاكهة المتسخمة
    والخضار اللى ابصر ايه
    ال3 مراحل بقو شبه بعض
    حتى بص على معهد السرطان شوف الصحة بتاعت العيال فى العهد المبارك بقت عاملة ازاى
    يالا بخـــــــــــاطرهم


    تحياتى يامعلمى

    ReplyDelete
  2. يا فلسفاتك يا سمير
    بس بصراحه أنا بأيد البتاع فى كلامه
    فى ناس مفيش اى حاجه من التلاته دول خالص
    لا صحه ولا فلوس ولا وقت يستمتعو بحاجه
    وفى ناس عندها التلاته دول بالهبل
    صحه بومب
    وفلوس بالهبل
    ووقت مفيش اكتر منه
    سبحان مقسم الارزاق
    بس عجبتنى فلسفتك جدا
    التفكير الكتير بيخرج أكتر من كده كمان على فكره :)
    ----
    بالمناسبه
    أنا فين ايه ؟
    أنا هنا على طول
    بس الظاهر انت اللى مش واخد بالك :D
    regards:)

    ReplyDelete
  3. لا راحة في الدنيا
    مهما كانت امكانياتك كل انسان عنده شئ بينقص من سعادته لأن السعادة المطلقة في الآخرة إن شاء الله ...
    و لذلك أوصانا الرسول صلى الله عليه و سلم باغتنام الصحة قبل المرض و الشباب قبل الهرم و الغني قبل الفقر و الحياة قبل الموت حتى نحقق السعادة المطلقة في الآخرة إن شاء الله...
    تحياتى على التعمق في معنى الحياة

    ReplyDelete
  4. تم أفتتاح العدد الأول من مجلة نفسنا
    نتمنى منكم زيارتنا

    ReplyDelete
  5. الرضــــــــــــــــــا

    ReplyDelete
  6. هي الدنيا كده .. ماينفعش تاخد كل حاجه ..بس برضه ما ينفعش يضيع منك كل حاجه

    ReplyDelete
  7. تصدق هي ماشيه كده
    ولو إني مع البتاع إن دلوقتي في مرحلة الشباب مقيش فلوس ولا صحه

    محدش بياخد كل حاجه أهم حاجه القناعه والرضا فعلا دول مفتاح السعاده

    سلامااااااااااااااات

    ReplyDelete
  8. مش عارف انت عاوز ايه
    لا بجد انت عاوز مننا ايه
    عاوزنا نموت بحسرتنا ولا ايه
    بس بجد عندك حق
    والحل فى الموضوع ده عند شادى فايد
    بس ربنا يرزقنا الرضا
    وخف علينا شوية بلاش الكويميديا السوداء ده
    أنا جبت كيبورد جديدولا حاوجة ياعم ابقى شوفه

    ReplyDelete
  9. سبحان الله فيك انت يا اخى
    بوست كل ساعة
    و بتجيب مواضيع غريبة
    طبعا و لا عد فى صحة و لا فلوس و لا وقت
    و ربنا يتولانا برحمته بقى
    و بعديها تانى
    الفقر مش عيب يا اخواا
    تحياتى

    ReplyDelete
  10. البتاع:
    يابنتي ماتحمليش الموضوع اكتر مما يستحق
    الموضوع دة فلسفي بحت
    مالوش علاقة بالسياسة من قريب او من بعيد
    بس الظاهر فعلا ان الحكومة مش راضية تسيبنا في حالنا
    تحياتي ليكي

    ReplyDelete
  11. reemoo:
    انا بتكلم طبعا ياريم عن شخص عادي ماليش دعوة بظروف سياسية او اقتصادية انما بتكلم بشكل عاام
    الانسان بطبيعته كائن مفكر
    على فكرة:
    البتاع....بنت مش ولد وبالتالي فكلامها مش كلامه
    على فكرة مدونتها اكتر من روعة ودمها خفيف بدعوكي لزيارتها
    انا عارف انك هنا وواخد بالي طبعا بس انا اقصد فين البوستات بتاعتك في المدونة عندك
    هو دة المقصود
    تحياتي واحتراماتي

    ReplyDelete
  12. الحلم العربي
    الف شكر ليك على تعليقك القيم
    طبعا محدش بياخد كل حاجة وسبحان مقسم الارزاق
    تحياتي واحتراماتي
    نفسنا:
    اكيد ان شاء الله هزور مدونتكم
    تحياتي وبالتوفيق

    ReplyDelete
  13. اه طالما الموضوع فلفسة بعت زى مابتقول يبقى ايـــــشطة
    طبعا عندك حق
    وهو ده اعجاز ربنا
    بس حقيقى ممكن تلاقى ناس عندها ال3
    وناس معندهاش ال3
    مهواش ناموس كونى
    بس ممكن تقول عليه الاستثناء اللى بيأكد القاعدة
    وبنحب نأكد ان ده فى اى حتة غير مصر :-)

    آه صحيح
    الهى يخليك ليا يامصيطنى
    والنبى
    انا انشكحت اوى من البقين الحلوين اللى قلتهم عليا للاخت ريمو
    عقبال مااتعبلك يوم فرحك يااخويا :-)

    وبجملة الغلاسة عندى بكرة امتحان من 3 ل 6
    عاوزة اسمع صوت دعاك من اللجنة

    ويجعله عامر
    تحياتى

    ReplyDelete
  14. سبحان مقسم الاززاق

    ReplyDelete
  15. شادي فايد:
    اهو انت جبت المفيد يا عم شادي
    هو كدة فعلا
    الرضا
    تحياتي ليك
    darsh:
    كلنا لازم نسعى انما الرزق بقى بأيد ربنا سبحانه وتعالى
    عليك ان تسعى وليس عليك ادراك النجاح
    تحياتي واحتراماتي

    ReplyDelete
  16. reri:
    طبعا لو اخرجنا دور حكوماتنا المصرية المتتالية من موضوع الافقار والامراض دة
    هنلاقي ان الحياة ماشية كدة
    انما في طبعا عوامل خارجية
    تحياتي ليكي

    ReplyDelete
  17. hapasa:
    ايه ياعم انت فينك؟ اه المتحانات بقى وكدة ربنا يوفقك يا سيدي
    مبروك الكيبووورد وعايزينه بقى يطلع لنا افكار ماحصلتش
    بس احمد ربنا ان المشكلة عندك كانت في الكيبوورد لانها لو كانت في الكومبيوتر نفسه كانت هتبقى مكلفة حبتين ولو كانت في الناااافوووخ كان هتبقى مستعصية
    انما ربنا ستر
    تحياتي ليك

    ReplyDelete
  18. rania:
    يا ناس ياشر كفاية قر
    ماتبصليش بعين ردية بص للي اندفع فيا
    ايه يا حاجة رانيا القر اللي ع الصبح دة؟
    طوفان افكار بقى بيضرب في النافووخ من جوة هنعمل ايه؟
    وبعدين انتي بقى اللي جبتيه لنفسك....بقيتي بتكتبي بوست كل 3 سنين ولا ايه؟
    ايه الحكاية؟
    وبعدين بقى الفقر مش عيب والكلام دة...دي حجة البليد
    هههههههههه
    تحياتي واحتراماتي

    ReplyDelete
  19. البتاع:
    ياساتر امتحانات بقى ولجان وحاجات
    معقول لسه في كدة في الحياة
    وبعدين لا شكر على واجب يا ابلتي انا بقدم السبت علشان الاقي الحد والاتنين والتلات وكل الايام
    وبعدين بقى من 3 ل 6 دي ماتمشيش امتحان خالص دي تمشي حفلة سيما
    تحياتي ليكي

    ReplyDelete
  20. mohamed samir:
    سبحان الله فعلا

    ReplyDelete
  21. بجدعندك مليون الف حق
    والله المراحل دى تعترحكم للناس
    ولو انى اختلف معاك فى ان مفيش مال
    لا فى الاولى
    ولا فى التالته
    ويمكن التانيه
    دلوأت لا يوم اموال خالص
    بس بجد انت شرحت مراحل الحياه فى بساطه وعمق كبير
    الوقت والصحه والمال
    هما دول مغزى الحياة
    بس احنا كمان مبقاش عندنا الوقت
    علشان نتعمق حتى فى حياتنا ونشوفها

    بجد فلسفتك رائعه
    تحياتى

    ReplyDelete
  22. ماكامل غير الله عزوجل
    وهي دي سنه الحياه
    يوم ماتاخد ده تلقي اللي كان عندك يااما راح يامابقاش فيه الا القليل جدااااااا
    بس رغم كل ده ممكن مع شويه ذكاء تقدر في وقت من الاوقات تمتع بالتلاته اكيد ربنا سبحانه وتعال اقوي من اي حاجه اي ترتبيات انت عملها
    وسوري ان جيت متأخره لاني ماكنتش عارفه ادخل البلوج معليش سامحني:$

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails