Sunday, 20 May 2007

ناقل الكُفر ليس بكافر

خلينا نتفق الاول على مبدأ انا مقتنع بيه تماما
من حق اي حد انه يؤمن بالدين اللي هو عايزه وحاسس انه دة الصح
ولكن من غير قلة ادب وتجريح في الديانات الاخرى واهانة اصحابها
طبعا الواحد نفسه ان العالم كله يتحول للاسلام وبيبقى سعيد جدا وفخور لما حد ربنا بيهديه ويدخل دين الاسلام
بس برضة مابعتبرش ان اي حد يرتد عن الاسلام انها صفعة في وجه الاسلام والمسلمين
ابدا....اسلامك لا هيرفع الاسلام لانه اصلا عالي.......وردتك عن الاسلام مش هتنزل من الاسلام لانه هيفضل برضة طول عمره عالي
ونخش في الموضوع
ناقل الكُفر ليس بكافر
الكلام دة صحيح؟
فعلا...ممكن نعتبر ناقل الكُفر ليس بكافر؟
الجملة دي سيطرت على تفكيري فجأة وانا على موقع "يوتيوب"المشهور
YOUTUBE
كنت بتفرج على الكليبات المختلفة وكتبت كلمة بحث علشان اشوف الكليبات اللي مُضافة على الموقع من ناس مصريين
وانا بقلب في الموقع وبتفرج لفت نظري كليب غريب جدا.....كلمة عربي بتدل على الدين الاسلامي وصورة الكليب لفتاة بترقص...استغربت جدا وقررت اتفرج ع الكليب دة
وقد كان
شخص ما حاطط فيلم لبنت بترقص بشكل مثير ومن الواضح ان البنت عربية او على حسب ماهو عايز يوصل لنا مصمم الكليب دة انها مسلمة
والصوت اللي طالع من الكليب صوت واحد بيقرأ القرأن اكريم على صوت العود...بيغني القرأن الكريم بعود
والاية انا طبعا مش عارفها اي اية بالضبط بس هي اية قرانية بتتكلم عن المؤمنات
طبعا الرسالة من واضع ومصمم الكليب وصلت
السخرية من الدين الاسلامي
وبيقولنا
اهم بنات المسلمين اهم
الشخص اللي صمم الكليب دة واخد شعار حاطه في الكليب لأحدى الحجرات المسيحية المتطرفة على البالتوك واللي متخصصة في الهجوم على الدين الاسلامي واسمها
IF GOD WITH US WHO CAN BE AGAINST US
اظن كدة وضحت الصورة
مسيحي متطرف بيهين الدين الاسلامي والقرأن الكريم والمسلمات
انما السؤال اللي خبط في النافوخ مرة واحدة هو:
لو انا نشرت الكليب دة في المدونة عندي...هل اكون مشترك مع الشخص دة في الكُفر
لو انا نشرته علشان الناس تشوف ان المتطرفين مش بس مسلمين وان في مسيحيين كمان اخطر واشد تطرفا على الاقل مفيش مسلم بيشتم ويسب سيدنا عيسى عليه السلام
في الاخر ماقدرتش احط الكلام دة عندي في المدونة
مقدرتش
حسيت بالغثيان لدرجة اني والله مااقدرتش اكمل الكليب القذر دة للاخر
بس فضل في دماغي اسئلة كتير قلقاني:
ليه البني ادم دة بيعمل كدة؟ايه اللي هو استفاده....هل هو كدة ريح عقله المريض؟
قبل كدة وفي موضوع سابق قلت ان ممكن تكون كافر...بس خليك كافر مؤدب...خليك كافر من غير ماتقل ادبك على دين انت مش بتؤمن بيه
ثانيا:
هل المفروض ننشر كليب زي دة علشان نقول للدنيا كلها...اهم المتطرفين اهم....التطرف مش مرادف لكلمة اسلام على الاطلاق
ولا الاحسن اننا ماننشرش القذارة دي على الملأ
ويبقى السؤال:
ناقل الكفر فعلا....ليس بكافر؟

38 comments:

  1. يااحمد الناس اللي بتهاجم الاسلام على اسا انه متطرف هما اكتر ناس عارفين ان الاسلام بعيد كل البعد عن التطرف وان هما المتطرفين بقصد المصلحة والمنافع اللي هياخدوها من المسلمين لو قدروا فعلا يقنعوا العالم كله ان الاسلام مرادف للعنف والتطرف وللاسف ده اللي حاصل دلوقتي وللاسف اولياء الامر في بلاد المسلمين بيشجعوا على كده وعشان كده ظهر امثال هذا الحيوان المنساق اللي ان دلت فعلته على شيء فانما تدل على تخلفة وهمجيته وتربية اخلاقية تكاد تكون منعدمة ومش عايز اقول اكتر من كده...
    تحياتي ليك

    ReplyDelete
  2. شوف يا سيدي

    ناقل الكفر ليس بكافر

    لكن ينقل الكفر ليه ؟؟

    لو كان في مصلحة كبيرة تعود علينا .. يبقى تسأل فيها أحد العلماء الثقات وتمشي على فتواه ..

    أما لو كان فيديو كليب لا يحمل الا البغض للاسلام ..فلا اظن ان من وراءه فائدة على الاطلاق .. واظن تريح دماغك

    هذا والله اعلم
    :)
    السلام عليكم

    ReplyDelete
  3. لا تفعل ذلك جزاك الله خيرا
    فليتحملوا أوزارهم ...و الاسلام ليس في وضع اتهام حتى ندافع عنه و نقول ان هناك من المتطرفين من هم غير المسلمين لان العالم كله يعرف الحقيقة و يعرف أن المتطرفين الحقيقيين ليسوا مسلمين و أن الإسلام الحقيقى ينبذ التطرف و يدعو للتعايش...
    و لا تشغل بالك بهؤلاء المرضي لأنهم مثل فقاعات الهواء لا يقدرون على شئ فلا تعطيهم أكثر من أحجامهم الضئيلة أو المنعدمة....
    و جزاك الله خيرا على غيرتك و على انك لم تنشره..

    ReplyDelete
  4. ده ابن .......لانه فعلا كلامك صح
    مش مؤمن بدينى خليك مؤدب
    اللى عمرهم ما اهانو اللى بيعبدو البقر اللى فعلا يستحقو التريقة
    !!!!!!!!
    لما ماكدونالدز فتح فى الهند راعى جدا نوع العبادة هناك
    واحنا اللى بتقول ان دينا سماوى يعملو فينا كده؟؟
    بس تصدق يااحمد؟؟
    احنا نستاهل اكتر
    لاننا بجد اسوأ صورة ممكن تتقدم عن الاسلام
    مش عارفة ربنا حيعمل فينا ايه؟
    ده احنا اكرم لنا نقول عبدة نار احسن مانلوث صورة الاسلام بأفعالنا

    اسفة على انى كنت متنرفزة بس مقدرتش امسك نفسى
    عارف المصيبة ؟
    انى اساسا مش متدينة خالص اصلا
    امال المتدينين احساسهم ياعينى

    !!!!!!!!

    تحياتى ياقمر

    ReplyDelete
  5. حسبى الله ونعم الوكيل ..

    ReplyDelete
  6. الســـلام عليكم
    اننى احزن اشد الحزن على دينى وقررت ساكون ارهابية لانهم هم اللى علمونى الارهاب
    ديننا الاســلامى دين الحق وهو الدين الاقوى الدين الاسلامى لانه يدخل القلوب بأذن الله
    والحمدلله انك لم تنقله لان الاســتاذ الفاضل شــيخ المدونين تكلم عن حديث الفضائح وحرمة نشرها
    عصفور المدينة

    ReplyDelete
  7. والله على حسب
    هو بنقل الكفر ده بأنهي طريقة
    ول أي سبب؟؟

    ReplyDelete
  8. موضوع الكليب ده حصل عندنا هنا في هولندا بس بقي فيلم قذر عملوا مخرج هولندي ولبس واحده الخمار من فوق ومن تحت مش لبسه حاجه واتقتل واحد مغربي قتله مش عارفه انا لما سمعت الموضوع اعقدت ادعي عليه وكلنا يعني وجينا شويه علي الولد المغربي ده وكنا معها في بعض الاحيان انا مش عارفه ليه قوتلك القصه دي بس علشان حسيت باللي انت فيه ومش عارفه ارد اقولك ايه انا الحل الوحيد اللي بعمله بغض النظر عن اي حاجه من دي
    وربنا يسترها علينا

    ReplyDelete
  9. أنا بشوف ان نشر حاجات مسيئة زى دى بتزود عدد الناس اللى بيشوفوها و الجدل و الخناق...الخ.....فى حين أن عدم عرضها و تجاهلها أفضل و يبين عدم أهميتها.....و عدم تأثيرها...و بالتالى صاحبها ميوصلش لأقصى أمله المتمثل فى اثارة الجدل....!!!!ا

    يعنى لو فكرنا حنلاقى أن نشرها ضرره أكبر من منافعها....لو ليها أصلا منافع...!!!ا

    تحياتى

    ReplyDelete
  10. انا اؤيد نشر الكليب لانه هيعرف الاطراف كلها بحقيقة التطرف علي كل الاتجاهات و الاديان
    حتي لا نظل نتهم بالتطرف وحدنا
    مع التنبيه ان هذا الشخص حاله فرديه كما عندنا نحن المسلمين
    تحياتي

    ReplyDelete
  11. mohamed samir:
    انا مش فاهم البني ادم دة ايه اللي استفاده من اهانة الدين الاسلامي
    هل هو كدة ارتاح؟
    حاجة غريبة جدا والله...يعني هل هيكون مبسوط لو حد متطرف طلع كليب يهين المسيحية والمسيحيين
    دماغه مش مفهومة
    تحياتي ليك

    ReplyDelete
  12. الديب:
    الغرض من السؤال يا سيدي
    هل نقله وعرض الكليب دة علشان نعرف الناس ان في كمان مسيحيين متطرفين وان اللي بيشكوا من الاضطهاد....هم نفسهم اللي بيهينوا ديانة سماوية
    دة كان الغرض من السؤال
    نورت المدونة
    تحياتي

    ReplyDelete
  13. الحلم العربي:
    فعلا مقدرتش احط البذاءة دي ع المدونة عندي
    اذا كنت ماستحملتش اكملها...كنت هحطها ازاي؟
    تحياتي ليك

    ReplyDelete
  14. البتاع:
    انا مقدر طبعا نرفزتك لاني كنت بغلي وانا بتابع الكليب القذر دة
    مش مهم ان الانسان يكون متدين عشان يغضب من افعال قذرة زي كدة...لان اي انسان سوي هيغضب لما يلاقي اللي بيهين الاديان السماوية
    المتدين واللي مش متدين مسلمين في الاساس ولازم يغضبوا لدينهم
    تحياتي واحتراماتي

    ReplyDelete
  15. bocycat:
    فعلا
    حسبي الله ونعم الوكيل
    اماني:
    من غير ماتكوني ارهابية ولا حاجة
    هم اللي بيأججوا التطرف وييجوا يشتكوا من الاضطهاد
    وعجبي
    تحياتي واحتراماتي

    ReplyDelete
  16. شادي فايد:
    السؤال على المطلق يا شادي:
    لو انا قلت لك فلان بيسب الدين وبيهين الاسلام وبيقول كذا وكذا
    يبقى انا كافر ولا انا بنقل اللي بيحصل وبس على اساس ان ناقل الكفر ليس بكافر؟
    هو دة السؤال
    تحياتي واحتراماتي

    ReplyDelete
  17. meroooo:
    فعلا يا ميرو قصة المخرج الهولندي دي قصة معروفة
    انما المصيبة السودة بقى ان دة مصري مسيحي...يعني ياريته هولندي ولا يهودي
    انما دة واحد بيشاركك في الوطن وعايش معاكي تحت نفس الشمس وبيتنفس نفس الهوا
    وبيهين دينك
    مصيبة والله
    تحياتي ليكي وترجعي بالف سلامة

    ReplyDelete
  18. UMAS:
    هي كان ليها منفعة وهي اننا نقول ان الاسلام مش دين تطرف وان في ناس تانية كتير قوي اكثر تطرفا وبلا اي سبب
    انما زي مانت قلت لقيت ان مضارها اكتر من ممنفعة نشرها
    تحياتي ليك
    نورت المدونة
    ذو النون المصري:
    الكليب كان من البشاعة لدرجة انك ماتقدرش تكملهمابالك بقى انك تنشره
    تحياتي ليك
    نورتني

    ReplyDelete
  19. هي المسألة بالنسبة لي ارجح عدم العرض
    ليه ؟

    لاني مقتنع بحاجتين

    الأولي اني احب اني اوضح ان عقيدتي و ديني سليم علشان هو سليم مش علشان غيره وحش

    يعني احبب الناس في العقيدة مش اكرههم في غيرها

    لانه لو اتحط في ابتلاء و زين ليه ان اللي بقوله علي غلط طلع في صورة جميلة ممكن يكره عقيدتي و يتهمني بالنصب

    زي ما الناس كانت عايزة تثبت ان السنة احسن من الشيعة بقوا بيلصقوا كل نقيصة في الشيعة فلو حصل و طلع من الشيعو موقف كويس ممكن ينقلب الحال 180 درجة و اطلع انا النصاب

    احب اسلامي و اقتنع انه الصح لانه يستحق الحب و الاقتناع

    الحاجة الثانية هي اني بشوف كتير مننا -إلا من رحم ربي- ادمن الدفاع
    بقينا كل حاجة بندافع عنها
    مبقناش بنهاجم
    مع ان احنا عندنا رصيد من القيم و الاساليب يخلي هجومنا يحمل صفة النزاهة و الشجاعة
    احنا نقدر نهاجم و عايزين ندعم كده
    عايزين نقلل الدفاع

    ReplyDelete
  20. السلام عليكم
    والله الموضوع حلو فعلا انا معاك فى الى انت قولته وكمان برافو عليك انك منشرتش الكليب عشان متخدش ذنب ضعاف النفوس
    والمرضى كتير من الطرفين ان كان مسلم او مسيحى
    وحلوة خليك كافر بس كن مؤدب
    او زيارة ليك ومش هتكون الاخيرة تحياتى

    ReplyDelete
  21. السلام عليكم ورحمة الله وبركاته

    انا بدخل البالتوك من زمان

    وعارف غرف المراحيض دى يمكن اكتر مما تتخيل

    وصدقنى مفيش اى شئ هاتنقلة

    لية تنشرهم اصلا؟؟

    الب اتقفل من مصر من سنة تقريبا

    الا الاسماء الملونة او القدية للغاية

    فلية اساسا نعرف ونقوم عدوات بين المسلمين والمسحيين انا مش هقدر اجيب دول

    لكن هقدر اضرب جارى لانة مسيحى؟؟؟

    مش صح

    صحيح ناقل الكفر ليس بكافر

    لكن زى ما الديب قالك تنقلة لية اصلا


    وفى النهاية ارجوك بالله الا تنشرة

    فلا فائدة من ان ترى اهانة رسولك وانت مكتف اليدين

    من مجموعة لا ينتمو لا للاسلام ولا للمسيحية
    ولا لاى دين
    اساسا

    وصدقنى فهم يحاروبو جيدا للغاية

    فلا تقلق

    ث انك تحكم على نفسك بالا اجلس معك ولا ارى مدونتك التى ازروها للمرة الاولى

    تطبيقا للقاعدة الشرعية

    بسم الله الرحمن الرحيم

    وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللّهِ يُكَفَرُ بِهَا وَيُسْتَهْزَأُ بِهَا فَلاَ تَقْعُدُواْ مَعَهُمْ حَتَّى يَخُوضُواْ فِي حَدِيثٍ غَيْرِهِ إِنَّكُمْ إِذاً مِّثْلُهُمْ إِنَّ اللّهَ جَامِعُ الْمُنَافِقِينَ وَالْكَافِرِينَ فِي جَهَنَّمَ جَمِيعاً [النساء : 140]

    مش كدة؟؟

    يعنى ببساطة العالم كلة عارف ان فى مسحيين متطرفون وجداا

    بس ملهوش اى لازمة

    طبعا ولك حرية التصرف

    ReplyDelete
  22. It places fhoto of Madeleine in your bloggue


    Missing Madeleine!
    Madeleine, MeCann was abduted from Praia da Luz, Portugal on 03/03/07.

    If you have any information about her whereabouts, please contact Crimestoppers on 0800555111 Please Help

    ReplyDelete
  23. kimexlilo:
    فعلا انا لقيت ان عدم العرض هو الحل
    تحياتي ليك ونورت المدونة

    ReplyDelete
  24. ضد الظلم
    تشرف وتنور طبعا في اي وقت
    اعتبر المدونة مدونتك وتأكد اني بمون سعيد لما تشارك في الموضوعات المختلفة
    تحياتي واحتراماتي

    ReplyDelete
  25. elgazaly:
    نورت مدونتي المتواضعة يا باشا
    وان شاء الله ماتكونش المرة الاخيرة
    طبعا انا فعلا فضلت عدم نشر الكليب الحقير دة حقنا لدماء الطائفية والعنصرية
    ربنا يهدي الجميع
    تحياتي واحتراماتي

    ReplyDelete
  26. ياااه للدرجه دي وصلنا
    خليك كافر .. بس كافر محترم ؟؟

    انا مش قادر اتخيل مجتمع وصل للدرجة دي من الأفكار يبقي وضعه عامل ازاي بين الأمم
    العيب مش عليك ولا عليا ولا على اللي حط الكليب
    العيب على أمه بحالها بدأت تفقد كل شيء حتى دينها بتفقده

    وبعدين ما يحط كليب واللا يتنيل .. انا متهيألي ان انت أساسا ببوستك ده مديله حجم مهم جدا .. انت عارف انا لو مكان الواد ده وعرفت انك عامل بوست عني .. انا كنت هابقي فرحان جدا .. لأني لقيت اكتر من مية واحد يتكلموا عني .. يبقى الموضوع وصل ..يبقى فيه ناس ممكن تفكر ... يبقى انا حققت هدفي أو على الأقل جزء من هدفي

    فهمت الفكر بتاع الناس دي عامل إزاي؟؟
    وعرفت هو بيستفاد إزاي ؟؟

    وعرفت بقى انك مش بس هاتكون غلطت لو حطيت الكليب هنا . ده انت غلطت من الأساس انك عملت بوست عن واحد تافه لا يرتقي انك تتكلم عنه حتى لو هاتشتمه

    وبعدين مين اللي قال ناقل الكفر ليس بكافر ؟؟؟
    يعني ايه الكلمة دي ؟؟
    أنا أول مره أسمع الكلمة دي فعلا

    انا بقالي اربع سنين بدرس شريعة في كلية حقوق
    وعمر ما الكلمة دي عدت عليا . في اعتباري لأنها مش محتاجه تفكير

    يعني يا أستاذ لو واحد بيبيع أصنام هايبقي إيه ؟؟؟

    واحد بيبيع صليب هايكون إيه ؟؟

    بزمتك مسلم ؟؟

    انا مبسط المسأله عشان توصل بس .. لكن انا فاهم انك مش قصدك كده
    بس دايما انا كده عشان افهم موضوع واحلله بحاول ابسطه اكتر واكتر

    وياريت تفهمني انت تقصد ايه بالجمله دي ولو انا غلط قول لي

    ReplyDelete
  27. This comment has been removed by the author.

    ReplyDelete
  28. والله انا من رأيى يا سمير
    وده اجتهاد شخصى معرفش صح ولا غلط
    ان ناقل الكفر مش كافر لكنه بيساعد على انتشار الكفر ده
    لان محدش يقدر يكفر اى شخص لانه كله عند علم الله
    أمأ بقى موضوع الاساءه فده مبقاش جديد بصراحه
    كتير أساءوا للإسلام من بعيد او قريب بص برده مقدروش يهزوه
    واللى اتفرج على الكليب ده انت او غيرك او اى واحد فأكيد عارف طبعا ان الكليب ده مقصود بيه الإساءه
    بمعنى ان الوعى بقى منتشر سواء بين المسلمين أو غيرهم
    بعدين يا سمير هقولك حاجه اذا كانت الإساء مؤخرا خرجت من المسلمين نفسهم وهما اللى أساءوا لدينهم فليه نعتب على غير المسلمين
    علشان تفهم قصدى ممكن تقرى آخر بوست عندى
    هتعرف ان المسلمين بدؤا يسيئو لدينهم بنفسهم يبقى قبل ما نعتب على الغير
    نقوم انفسنا الاول ولا ايه
    البوست كالعاده مميز طبعا
    وواحده افحت علشان التميز
    تحياتى

    ReplyDelete
  29. شوف يا سيدي

    الغرفة دي معروفة و معروف مين اللى وراها

    زكريا بقلظ و اتباعه
    ناهد متعري و احمد المرتد

    هما اللى عملوا قناة الحياة بسماعدة منظمة اقباط المهجر في الولايات المتحدة اللي بيديرها عدلي ابادير و مايكل منير

    عصابة كبيرة هدفها السب و الشتم في الاسلام و خلاص

    و تحت كل حاجة في مقولة
    اذا كان ايلوهيم معنا فمن علينا

    و هتلاقي في يوتيوب ناس كتير ممثلين انهم مرتدين من الاسلام الى المسيحية و بيقولوا نفس الكلام المتسمع

    عموما ميضرش الاسلام شئ ارتداد حد منه

    لو رحنا للاحصائيات الرسمية هنلاقي ان الاسلام و الحمد لله اكثر الاديان في نسبة الاعتناق حول العالم .. ده كلام الامم المتحدة

    نرجع لموضوعنا

    لو نقلت الكليب دون رد عليه بإحترام يبقى انت معملتش حاجة و متنقلوش احسن

    انت كده يبقى نقلت الاهانة

    اما اذا نقلته مع كلام محترم ان ده مش الاسلام و اللى عامله اكيد مش مسلم و توضيح لاخلاق الاسلام يبقى انت صح و صح جدا كمان لانك بينت التدليس

    زي ما كثير من الاخوة و الاخوات بيبينوا التدليس الي بيعملوا زكريا بقلظ و اعوانه

    و السلام عليكم

    ReplyDelete
  30. darsh:
    اولا الف شكر ليك على تشريفك للمدونة
    ثانيا:
    الهدف من وضع الكليب دة اني اقول ان اللي بيقولوا على نفسهم انهم مضطهدين ومفيش حرية عقيدة وان في اهانة بيتعرضوا ليها هم نفسهم او نقول بعض منهم او حتى قلة منهم اللي بيمارسوا التطرف وبيهينوا الاسلام وبالتالي ماينفعش يعيشوا في دور الاضطهاد ومحراب التعبد اكتر من كدة
    ثانيا:
    بالنسبة لمقولة ان ناقل الكفر ليس بكافر دي مقوله مش انا اللي مخترعها دي زي ما تقول كدة قول مأثور يا سيدي الفاضل لو انت قريت البوست بتمعن هتعرف اني كنت بتساءل عنها مش من مؤيديها
    بس اعتقد ان الغرض منها مش زي مانت مصور من بيع اصنام او كدة انما يعني لو فلان قال كلمة ضد الاسلام وبتحمل معاني الكفر وانا جيت حكيت او نقلت عنه الكلام دة انه بقول كدة
    هل اكون مشترك معاه في الكفر ولالا؟
    هو دة السؤال؟
    وهو دة المقصود من الجملة دي
    تحياتي ليك
    نورت المدونة واثريتها بتعليقك القيم

    ReplyDelete
  31. reemoo:
    ازيك يا ريمو؟ نورتيني والله....انتي فين من زمان؟
    كلمة ناقل الكفر ليس بكافر دي يا ريمو تعبير مجازي بحت
    مش معنى الكفر يعني الشرك بالله وانما المقصود هنا لو نقلت عن حد حاجة مسيئة وحكيت عنها هل اكون مشترك معاه فيها؟
    ومن ضمنها طبعا الكفر بمعنى الشرك بالله كما في حالة البوست دة
    طبعا احنا كمسلمين اذنبنا في حق نفسنا وغلطنا كتير
    تحياتي ليكي ونورتي

    ReplyDelete
  32. sharm:
    دة انت طلعت زميل عزيز ياعم
    انا كمان صيدلي بس اكبر منك شوية دفعة 2001
    نورت المدونة والله
    بمناسبة قناة الحياة بتاعتهم دي انا مش فاهمهم بصراحة
    بدل مايعملوا قناة لتعاليم المسيحية يقوموا يعملوا قناة لمهاجمة الاسلام
    شيؤن لا يوسديقوه عكل
    تحياتي ليك واحترامتي

    ReplyDelete
  33. ايه يا عم انت؟
    مش تبقى تحط جرس اما تعمل بوست
    دة انا فاتنى كتير قوى
    بوستك هايل
    و بيفكرنى بيا
    اما بدا الموضوع يزيد على قنوات الدش فى برامج سب للرسول
    و دخلت على مواقع و شوفت العجب
    و اما عملت لينك و قلت شوفوا بيحصل ايه للرسول افضل الصلاة و السلام عليه
    اتهاجمت و قالولى انى بنشرالفساد
    و سابو الموضوع الاساسى و مسكوا فيا انا
    عالم لاسعة يا راجل
    ما علينا
    الاسلام له اعداء كتير قوى يا احمد
    اعداء بيغيروا من سماحة دينا
    من كتر الغل و الحقد و الكره
    بيعملوا اى حاجة و السلام
    اى حاجة تشفى غليلهم
    على الاقل السخرية و اكثرها السب و الرسومات الى متتسماش
    اللهم اعز الاسلام و المسلمين
    تحياتى لك
    اسفى للاطاله

    ReplyDelete
  34. مش هتقولى بقى ؟
    ايه النظارت الشيك دى
    :)))

    ReplyDelete
  35. rania:
    ازيك عاملة ايه؟ عاش من شاف كمونتاتك
    انتي اللي فين بتغيبي كتير كتير بس في الاخر بتجيبي مواضيع هايلة
    بالنسبة للاخ بتاع الكليب دة انا مش عارف ايه يعني اللي هيستفيده من اهانة الاسلام
    هل عقله المريض كدة ارتاح؟
    اشك
    وبالنسبة بقى للنظارة
    هقوللك وبكل تواضع ان دي اقل حاجة عندي!!!!!!!!!!!
    منتهى التواضع مش كدة؟!!!
    تحياتي لكى

    ReplyDelete
  36. العفو يا جميل ..

    مدونتك أكثر من رائعه ..

    لكن :

    يا سيدي الفاضل .. لو نقلت الكليب هاتكون وقعت في حاجه اسمها شبهه .. اتقوا الشبهااااااااات

    ده على اقل افتراض

    ثانيا : هاتكون انت كده من غير ما تاخد بالك هاتتحول من مهاجم عليه إلى محطه أنباء بتذيع أخباره أول بأول وهاتشهر الموضوع أكتر وتديله أكتر من حجمه بغض النظر عن النية

    ثالثا : كان في زمان حكمه معناها بيقول : لو عاوز تتشهر .. يا إما تقتل كلب الوزير يا تقتل الوزير نفسه
    يعني مش مهم انت اتشهرت انك قاتل المهم انك اتشهرت وخلاص .. وكونك تشهر الشخص ده هايكون في حد ذاته نقظه في صالحه هو مش لينا خالص لان الموضوع ده لا يعنينا في شيييييييييييييء على الإطلاق


    أما عن موضوع ناقل الكفر : يا أستاذي في فرق بين (ناقل الكفر) و(ناقل خبر الكفر (

    متهيألي مش محتاج أوضح أكتر من كده عشان هايكون إسفاف

    ReplyDelete
  37. 情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

    a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

    情趣用品,情趣用品,情趣,情趣

    情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
    情趣用品,情趣用品,情趣用品,情趣用品.情趣,情趣,情趣,情趣
    視訊聊天室

    情色,AV女優,UT聊天室,聊天室,A片,視訊聊天室


    UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
    聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

    ReplyDelete
  38. 情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

    情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails