Monday, 23 April 2007

حرية أه.....الا في كدة

موضوع حرية الرأي والتعبير دة موضوع خطير جدا واللعب بيه برضة كتير جدا جدا.
بتوع الحكومة بيلعبوا بيه على حسب الرأي دة كان ايه...بمعنى انه لو كان مع النظام يبقى احنا مع دعاة حرية الرأي والتعبير..انما لو كان بيمس خطوط حمراء في السلطة من وجهة نظرهم طبعا يبقى طبعا مفيش لا حرية رأي ولا يحزنون ولتذهب حرية الرأي للجحيم
السؤال هنا:
موضوع حرية الرأي والتعبير دة موضوع مطلق؟!!يعني مع حرية الرأي على طول الخط ايا كان الرأي دة ايه؟ وبيتكلم عن ايه وبيمس ايه؟!!!
انا بطرح السؤال دة النهاردة بمناسبة حادثة الصيدلي المصري في السعودية...واللي مايعرفش قصة الحادثة دي اوضح له ببساطة:
في احد مساجد مدينة عرعر بالسعودية...فوجىء المصلين بوجود مصحف شريف في احد دورات المياه الخاصة بالمسجد ملطخ بفضلات
الموقف دة تكرر اكثر من مرة مما دعى المصلين لابلاغ الشرطة اللي راقبت الحمامات الملحقة بالمسجد ...واخيرا تم القبض على الفاعل وهو صيدلي مصري بعرعر اعترف بارتكابه تدنيس المصحف الشريف بفضلاته.
الموقف دة ادى الى اصابة احد كبار السن وهو سعودي الجنسية بسكتة قلبية
الراجل لم يحتمل الصدمة ان ممكن مسلم يعمل كدة في كتاب الله
المهم ان الصيدلي دة قعدوا يجيبوه يمين شمال انه يطلع مجنون وغير مسئول عن تصرفاته وبالتالي يفرجوا عنه ويادار مادخلك شر....الا انه صمم على اقواله وانه مسئول عن تصرفاته وافعاله
قمة الفجر بقى من الصيدلي دة انه في السجن كان بيرمي اللبن الحليب في دورات المياه...بيدلق اللبن في الحمام!!!!!!!!!
طول عمري بكره تصرفات السعوديين وافعالهم مع المصريين....الا المرة دي انا معاهم على طول الخط
بني ادم مجنون زي دة....بيعمل كدة في كتاب ربنا ومصمم انه مسئول عن افعاله يعني بيعند كمان والناس عمالين يجيبوا فيه يمين وشمال بلا فايدة...واخيرا سيتم الحكم عليه بالاعدام
طبعا لازم يتعدم ومش مرة واحدة لا 100 مرة....يااخي دة انت دتى لو كافر خليك كافر بأدب من غير ما تقل ادبك وتعمل العمايل القذرة دي
المصيبة بقى واللي خلاني اكتب هو ان منظمات حقوق الانسان بتطالب بانقاذ الراجل دة وبتطالب بالتدخل لانقاذه من حكم الاعدام بدعوى حرية الرأي والفكر والتعبير
ياسلاااااااااااااااااااااااااااااااااااااااااااااااااااااااااااااااااااااااااااام
الحقيقة لو اتكلمت هغلط وهبقى قليل الأدب.....يا سادة حرية التعبير والرأي على راسنا من فوق ولابد منها ولكن دة لما بنكون بنتكلم على سياسة فن ادب كل حاجة...انما حاجة بتخص ربنا واهانة الدين الاسلامي والمقدسات الاسلامية اهانة بشعة زي دي..وتقوللي حرية رأي وتعبير؟!!!!
لاحول ولا قوة الا بالله

13 comments:

  1. للاسف صعب علي الغرب يستوعب الفرق بين المقدسات وحريه التعبير
    لسبب بسيط , ان عندهم اهانه المقدسات اصبح شيء متكرر من فئات معينه
    واصبح كل شيء متاح من باب حريه التعبير ..بغض النظر عن الوسيله

    وللاسف مع ازدياد الهجوم علي الاسلام ,اصبحت الحجه الوحيده للدفاع هي حريه التعبير

    لماذا لا تظهر حريه التعبير عند الحديث عن شيء يخص الصهيونيه ؟؟؟؟؟
    او الهولوكوست؟ اليست هذه هي الاخري حريه تعبير؟
    لن تجد اجابه..فقط حاول الا تستعمل المنطق في تفكيرك , تجاهلهم الي ان تملك القوه السياسيه الكافيه للاقناع ,لان القياس اصبح بمدي ثقلك الدولي ..وليس مدي سلامه موقفك

    ReplyDelete
  2. حريه الرأى صار شعار تهان به الحريه

    ReplyDelete
  3. طيب سيألوا الاول هو بيعمل كدا ليه
    انا مش عارفه هى اهانه الاديان دى بفت لعبه فى ايد الناس ولا ايه
    عموما انا بتفق معاك ان حريه التعبير والارأى المفروض انها لاتتحظى الحريات والعقائد الدينيه
    وخليهم يعدموا اللى يحرقه
    شكرا ليك

    ReplyDelete
  4. كلامك جميل بس لازم نتعلم الفرق بين حريه الرى وحريه التعبيير وحريه الاديان
    هو مسلم بطاقه ومش فاهم اى هيه حريه الدين ولا يعرف اى حاجه وانا موءيد موقفق وموقف الاخوه وكمان اطالب بتنفيذ حد الاسلام فيه هذا السفيه
    فليست الحريه هى ضرب الاصول والعادات والتقاليد
    الحريه احترام هذا ما لا يفهمو الكثير
    حسبيا الله ونعم الوكيل

    ReplyDelete
  5. اخى العزيز
    ده بقى اللى بيقولوا عليه خراب التعبير مش حرية التعبير
    واللى ملاحظها بقى ان الناس كلهم دلوقتى بيقولوا حرية التعبير وانا حر يعنى ازاى مش عارفه
    هل الحرية بدون ضوابط لا افهم ما معنى الحرية عندهم
    واكثر ما يضايقنى وبيوجع قلبى بجد فى ناس بتفكر ماشى براحتك بس تجى تلعب وتغلط فى دينى معلش انا بقى ساعتها سوف اكون ارهابية لانك استخدمت حريتك فى ارهابى
    موضـوع ممـــتاز
    تحياتى لك

    ReplyDelete
  6. انا فعلا اول مره اقرأ الموضوع ده عندك .. بس هل ده فعلا شخص طبيعى ؟؟؟
    طيب اما هو واخد موقف من الدين الاسلامى ايه اللى بيدخله المسجد واصراره انه يعمل كده
    انا متفقه معاك انه لازم يعدم بس بعد مايستتاب
    لكن الناس اللى حققت معاه يعنى مالقهوش ايه السبب اللى بيخليه يعمل كده
    اصل فعلا مندهشه جدا من كم العنف اللى جواه تجاه الدين

    ReplyDelete
  7. بص يا احمد
    الموضوع كبير
    موضوع الناس الى بيعتبروا قله الادب و الحماقة بقت حرية
    حرية فكر و حرية تعبير
    المفروض موضوع الحرية دة يبقى تحت ضوابط معينه و الضوابط هنا معانها ادب و اخلاق و قيم و مبادىء بتصرف تبعها و على اساها

    ReplyDelete
  8. انا متفق مع رأي عالمي الازرق

    اعدامه مش هيحل المشكلة لان السبب اللي خلاه يعمل كدة ممكن يكون لسة موجود وممكن حد غيره يعمل نفس اللي عمله دة

    ReplyDelete
  9. بجد يستاهل الاعدام ...المشكلة ان دلوقتى بقوا فى ناس بيعتبروا الكفر منظرة وبيتباهوا بيه و بيستعرضوا انهم كفرة و الامثلة كتير امثال عبد الكريم المدون المصرى...بس بجد الراجل ده مجنوووووووون و حيوااااااان ...لو حد عمل كده فى الانجيل ولا التوراه كانت الدنيا هتقوم ومش هتقعد..فعلا السلطات السعودية عندهم حق فى القرار اللى هما اخدوه
    تحياتى ليك

    ReplyDelete
  10. اعوذ بالله
    اللهم احفظنا

    انا بقيت احس بجد انى عايشة فى عالم لوحدى
    مش متخيلة ان فى بنى ادمين بالشكل دا

    من كام يوم كدا..دخل واحد البلوج بتاعى وكتب كلام بشع وكتب انه ملحد وتطاول على ربنا

    انا بجد من ساعتها مصدومة

    لكن انى اشوف دا من واحد مسلم ويعمل التخلف دا..يستاهل الحرق

    ReplyDelete
  11. كلامك تمام في حريه الرائ عندنا في مصر وفي اي دوله عربيه عمتا يعني حتي اجنبيه ماتتخليش ان في الدول الاروبيه في حريه زي ماانتم متخيلين في حريه الرائ السياسي لا زي عندنا بس هما ماتلقيش فيهم سياسين كتير يعني
    لان عندهم حاجات تانيه عارفين ازاي يخليهم يفكروا في اشياء تانيه مالناش فيها ندخل علي موضوع الصيدلي ده بما انه مش مجنون ومسئول عن تصرفاته زي مابيقول يبقي يستاهل الحرق والاعدام واللع بجاز اسود يعني بس
    ومش عاوزه اطول في موضوع الراجل ده لانه خساره اننا نجيب سيرته لانه اذا مااتعقبش في الدنيا عنده عقاب تاني منتظره عند ربنا يعني
    بس حريه الرائ ياابوسمره مهمه جدا مش لازام تكون علي المفتوح وكل الناس تعرفها بس تكون بينا عارف لو بداءت بينا اكيد هتلقينا اتقدمنا كتير لو نتقبل الحريه في التعبير عن بعض وعند اشياء احنا صدقنا اكيد هيحصل تغير كبير اوي في حياتنا
    واسفه علي الاطاله

    ReplyDelete
  12. لو كافر خليك كافر بأدب

    جمله هايلة، انت جبت من الاخر

    تخياتى

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails