Saturday, 24 March 2007

رياضة وأشياء أخرى

كل ما بشوف شوبير في الكورة مع دريم...........افتكر التعديلات الدستورية
ربنا ينتقم منك يا بعيد ويجازيك على اللي عملته في بلدك و ناسك...........ياأناني
طبعا اذا كان رب البيت بالدف ضارب......فشيمة اهل البيت الرقض
لما تلاقي صورة القائد الزعيم متصدرة واجهة جميع الأستادات والملاعب الرياضية في مصر بدون اي سبب (عمري ما شفت كدة في اي بلد محترم او غير محترم.....حتى افريقيا والله العظيم مفيش فيها الكلام دة)
يبقى مش غريب ابدا ان احنا نلاقي رئيس الاسماعيلي حاطط صورته في قلب استاد الاسماعيلية (والله حصلت) ولا نلاقي الاخ شوبير حاطط يافطة ليه ورا الجون في ماتش الأهلي وطنطا (حصلت برضه)
ممكن برضة نلاقي رئيس النادي المصري استقل بالأستاد واعلن انه اشتراه او نلاقي رئيس نادي الترسانة كتب النادي لأبنه بيع وشرا (محصلتش.....بس ممكن تحصل)
اتحاد الكورة المصري دة غريب جدا.....تحس انه مكتوب بأسم اتنين وعاملينه شركة مابينهم سمير زاهر و الدهشوري حرب
واحد يمشي....التاني ييجي....واحد ينحل.....التاني يتعين
يعني هي جت على اتحاد الكورة.....ما البلد كلها ماشية كدة
مرتضى منصور دة بني أدم عجيب......اللي متابعه ومتابع تصريحاته تلاقيه بيلطش في الكل مابيهمهوش بس بيوصل لنقطة معينة ويتحول ل....قطة
أخره في النقد والشتايم هو أحمد نظيف...فوق كدة ماتلاقيش خلاص بيتحول الموضوع لمناشدات وانه واثق من حكمة الرئيس وان الرئيس ما يرضيهوش الكلام دة والحاجات دي
بيفكرني بأثنين من الصحفيين الكبار مصطفى بكري وعادل حمودة.....الاتنين دول سقفهم برضة رئيس الوزراء و فوق كدة ماتلافيش يا معلم
بيضربوا برضة مناشدات ومطالبات وثقة في حكمة القائد والكلام الجامد دة.
سمعت ان رئيس الجمهورية رغم مسئولياته الجسيمة اتصل برئيس اتحاد الكرة سمير بك زاهر وابدى له قلقه على احوال نادي الزمالك.
فيه الخير

1 comment:

  1. اللذيذ في موضوع سمير زاهر ده انه ماحكلناش مبارك قاله ايه عن الزمالك بس اداها وصلة مدح ومسح جوخ وواحد يطبل والتاني يرد عليه والضايع ابن الضايع يقول الاستفتاء 28 مارس وبحبك اوي يا كابتن شوبير ورقصني يا جدع
    بلا قرف
    تحياتي
    من حق مردتش عليا ليه في البوستات اللي فاتت؟

    ReplyDelete

نرحب بالرأي و الرأي الأخر

fb comments

wibiya widget

LinkWithin

Related Posts with Thumbnails